| آرتين لتعليم اللغات https://forum.art-en.com/ |
|
| هل مساعدة الرجل للمرأة في المطبخ ينقص من رجولته!!! https://forum.art-en.com/viewtopic.php?t=16990 |
صفحة 1 من 3 |
| الكاتب: | فــلـك [ الأحد يونيو 07, 2009 7:06 pm ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
نسمع انه فلانة زوجها يساعدها في شغل البيت و فلانة يكوي لها الغسيل و بالطرف الثاني عندما يعرض الموضوع بين الرجال بتلاقيهم كل واحد يفتخر انه اذا شرب القهوة يترك الفنجان قدامه لغاية ما تيجي مرته تشيله و غيره وغيره اليوم قريت موضوع يتكلم عن هالمسألة فتذكرت نكتة قديمة من زمان سمعتها تقول في اليوم العالمي للمراة كان في مؤتمر حول كيف المرأة تقنع زوجها انه يساعدها في البيت و كيف يتم تجربة كل النظريات اللي تطرق لها المؤتمر اختاروا ثلاث سيدات من ثلاث جنسيات مختلفة وحدة امريكية ووحدة اوروبية ووحدة عربية و تم تحديد مدة اربعة ايام حتى يحصلوا على النتائج بعد الاربعة أيام رجعت الامريكية تتكلم عن تجربتها : أنا يوم رديت البيت من المؤتمر كلمت زوجي في الموضوع و قلت له لازم تساعدني في غسيل الاواني. أول يوووم ما شفت شي ثاني يوم لقيته جالس في المطبخ ثالت يوم طلب مني انه يمسح لي الاواني رابع يوم هو عرض انه يغسل الاواني و اتفقنا انه هيك تصير حياتنا مرة هو ومرة انا تكلمت الاوروبية وقالت انا تكلمت مع زوجي في الموضوع و قلت له انت لازم تساعدني في الطبخ أول يوم ما شفت شي ثاني يوم كان في المطبخ و يسالني كيف اسوي بعض الطبخات ثالت يوم قام بمساعدتي في تقشير الخضار رابع يوم هو قام بعمل طبخة و عرض علي انه يصير يطبخ لنا اللي بيعرفو و يتعلم اللي ما بيعرفوا و اجا دور العربية فقالت أنا يوم دخلت البيت لقيت زوجي و قلت له انت لازم تساعدني في شغل البيت كله من اليوم و طالع... اول يوم ما شفت شي ثاني يوم ما شفت شي ثالت يوم ما شفت شي و رابع يوم صرت بشوف بعيني اليمنى شوية الوان مغبشة وبخصوص هالموضوع عندي كم سؤال بتمنى تجاوبوني عليهم (شباب) وبنات وبظن انو كل البنات عندها فضول لتعرف جيل هالشباب شو رأيه بهالموضوع اولا:هل مساعدة الرجل للمرأة تنقص من رجولته؟؟ام هي رجولة بحد ذاتها؟؟ ثانيا:هل ستقوم بمساعدة زوجتك في المستقبل في المطبخ؟؟سؤالي للشباب ثالثا:هل ستطلبي من زوجك ان يقوم بمساعدتك في المطبخ؟؟واذا لم يوافق ماذا ستفعلي؟؟سؤالي للبنات |
|
| الكاتب: | فــلـك [ الأحد يونيو 07, 2009 7:18 pm ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
اولا:هل مساعدة الرجل للمرأة تنقص من رجولته؟؟ام هي رجولة بحد ذاتها؟؟ لا مابظن انو بتنقص من روجولته لان نحنا عم نقول مساعدة فقط مو يعني كل شغل المطبخ عكتافو يعني مافيها شي اذا عمل سلطة وحط الصحون ورتب الطاولة او سخن الاكل ثالثا:هل ستطلبي من زوجك ان يقوم بمساعدتك في المطبخ؟؟واذا لم يوافق ماذا ستفعلي؟؟سؤالي للبنات بحاول معو وبظن اني بقدر اقنعو واذاااا ماوافق بدي ابقى عم نق لانو النق بجيب بتيجة عند (أغلب الرجال) 
|
|
| الكاتب: | عصام [ الاثنين يونيو 08, 2009 12:35 am ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
اقتباس:
و بالطرف الثاني عندما يعرض الموضوع بين الرجال بتلاقيهم كل واحد يفتخر انه اذا شرب القهوة يترك الفنجان قدامه لغاية ما تيجي مرته تشيله و غيره وغيره
بالاصل هدول مو زلم لكذا سببومنن طبعن انو بالاصل مالازم تكون احاديث الزلم ولو بين بعضن انو والله انا خليت مرتي تعمل هيك وهيك عملت فيها  اقتباس:
اولا:هل مساعدة الرجل للمرأة تنقص من رجولته؟؟ام هي رجولة بحد ذاتها؟؟
يحرق اخت الرجولة اذا بدها تنقاس بهيك شغلاتواللي بدو يعمل رجولة بهالشغلات يروح عفلسطين والعراق وغيرها من البلاد العربية ويارجي رجولتو هنيك اقتباس: ثانيا:هل ستقوم بمساعدة زوجتك في المستقبل في المطبخ؟
لا تجيبي سيرة العرض 
|
|
| الكاتب: | LILAC [ الاثنين يونيو 08, 2009 8:28 am ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
اقتباس:
اولا:هل مساعدة الرجل للمرأة تنقص من رجولته؟؟ام هي رجولة بحد ذاتها؟؟
الموضوع نسبي وفي فرق كبير لما بتكون الزوجة موظفي او لاء يعني لما بتكون متفرغة لشغل البيت كل اليوم ومقضية وقتها بلزيارات وبتطلب من زو جها يساعدها بعد ما يجي من شغلو اسمحيلي هي المراة مسترجلة والله يعين زوجها اما لما بتكو ن موظفي وعم تشتغل برا البيت ومطلوب تشتغل جوا البيت اكيد اذا طلبت من زوجها مساعدي وما قبل بيكون هالرجل بلا احساس والله يعين مرتو عليه الموضوع برئيي ما الو علاقة بالرجولة والانوثة ومتل ما قال الزميل عصام يحرق اخت الرجولة اذا بدها تنقاس بهيك شغلات اقتباس:
ثالثا:هل ستطلبي من زوجك ان يقوم بمساعدتك في المطبخ؟؟واذا لم يوافق ماذا ستفعلي؟؟سؤالي للبنات
مارح اطلب منو هيك طلب الا اذا كنت تعباني كتير او ما عندي وقت كتير غير هيك ما بطلب اصلا عادة الزلم ما بيعرفو يشتغلو بالبيت وغالبا بدك ترجعي تشتغلي وراهن اذا طلبت وما نفذ مممممممممممم بحرد لاء اكيد بالنسبة الي انا مرتبطة بشخص رائع وما بيفكر تفكير العصور القديمة ومتاكدة مليون بالمية انو رح يساعدني 
|
|
| الكاتب: | سنا [ الاثنين يونيو 08, 2009 11:15 am ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
ما لهالدرجة الرجال .. يعني ما شفت رجال ما بساعد المدام .. ما ضروري انو يساعدها بالطبخ والجلي .. في اشيا تانية للرجال.. يعني في امور انثوية ولمسة الانثى هيي المطلوبة فيها متل الطبخ والكوي وامور المطبخ جميعها .. أغلب الرجال بساعدو النساء بس نحنا مننكر.. مثلا مين بركب البرادي وبشيل الاشيا الثقيلة بالمنزل ؟؟ مين بجيب غراض البيت ؟؟؟ جلب الأغراض متعب ونحنا ما منحس لأن بعمرنا ما جربنا .. ولما بتكون المرأة ما ملحقة شغل أكيد الرجل بساعد .. بعرف من بيتنا و من رفقاتي لما ما بكونوا ملحقين الغدا دايما أزواجهون مثلا بيترموا السلطة برتبوا الطاولة ومن هالأمور.. بالنهاية الرجل بساعد بس بدون ما ننتبه لأنو بيشتغل بسكوت ... أنا ما بحب بصراحة ادخل ع بيتي ولاقي زوجي هو اللي عم يجلي او يطبخ.. حتى لو كنت موظفة المفروض كون موفقة بين البيت والشغل .. بحب يساعدني بأوقات استثنائية اذا كنت مريضة مثلا او عندي ضيوف .. |
|
| الكاتب: | فطوم [ الثلاثاء يونيو 09, 2009 1:48 pm ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
اقتباس:
هل مساعدة الرجل للمرأة تنقص من رجولته؟؟ام هي رجولة بحد ذاتها؟؟
انا بلاقي المساعدة حلوة بين الزوجين و كتير بتخلي الحياة مستقرة و المراة ما عم تطلب من الرجل انو يشتغل كل شغل البيت عم تطلب مساعدة بس اقتباس:
ثالثا:هل ستطلبي من زوجك ان يقوم بمساعدتك في المطبخ؟؟واذا لم يوافق ماذا ستفعلي؟؟سؤالي للبنات
بصراحة ما بظن انو اذا تزوجت اطلب الا اذا كنت كتير محتاجة و بعدين المساعدة كرم اخلاق من الرجال صح و لا لأ |
|
| الكاتب: | سليمان الحسن [ الثلاثاء يونيو 09, 2009 2:10 pm ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
اقتباس:
اولا:هل مساعدة الرجل للمرأة تنقص من رجولته؟؟ام هي رجولة بحد ذاتها؟؟
ثانيا:هل ستقوم بمساعدة زوجتك في المستقبل في المطبخ؟؟سؤالي للشباب ثالثا:هل ستطلبي من زوجك ان يقوم بمساعدتك في المطبخ؟؟واذا لم يوافق ماذا ستفعلي؟؟سؤالي للبنات ج.اولا: بصراحة على العكس لاتنقص من رجولته برايي بذلك بل يجب ان يكون الرجل مساعدا لها بكل شيئ للمحافظة على كيان عش الزوجية متماسكا بالتعاون والمحبة وخاصة اذا كانت المراة في فترة حمل او ما شابه ج.ثانيا: طبعا ولا اقولها هكذا (يعني عشان تعجب فيي شي بنت لاني بدي ساعدها ) ولكن بصدق سوف تتم المساعدة وقد ذكرت الاسبابج.ثالثا: ما دخلنا هون شكرا لك عالموضوع الرائع |
|
| الكاتب: | فــلـك [ الثلاثاء يونيو 09, 2009 3:35 pm ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
شكرا كتير لكل الي شاركو بالموضوع.....  بس ياعصام انت قلت يلعن اخت الرجولة اذا بدها تتناقش بهيك شغلات ..... جواب كتير حلو بس معناها لازم تجاوب بأريحية على السؤال بس انت ماجاوبت..... وبتمنى انك تجاوب عالسؤال التاني.... بس الحمد الله مبين انو نسبة الطلاق بدها تخف
|
|
| الكاتب: | عصام [ الثلاثاء يونيو 09, 2009 4:32 pm ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
fofo star, اقتباس:
بس ياعصام انت قلت يلعن اخت الرجولة اذا بدها تتناقش بهيك شغلات ..... جواب كتير حلو
بتعرفي قلت ايه انو سؤال هاد بس معناها لازم تجاوب بأريحية على السؤال بس انت ماجاوبت..... وبتمنى انك تجاوب عالسؤال التاني.... ورجعت قريت فوق وطبعن الجواب اي  والله يهني هالام وسام علي لانو بعرف اقلي بطاطا وقطع بندورة وخيار 
|
|
| الكاتب: | بانة [ الأربعاء يونيو 10, 2009 1:26 am ] |
| عنوان المشاركة: | هل مساعدة الرجل للمرأة في المطبخ ينقص من رجولته!!! |
اقتباس:
اولا:هل مساعدة الرجل للمرأة تنقص من رجولته؟؟ام هي رجولة بحد ذاتها؟؟
أكيد ما رح تنقص شيء من رجولته إذا ساعد المرأة بالمطبخ او بأمور تانية , وخاصة إنه الرجل إله لمساته الخاصة فيه وحتى بالطبخ والمطبخ إله طبعة خاصة  والمساعدة مو بس بالجلي والشطف والمسح , في مساعدة من نوع تاني , يعني مثلا البابا بيخترعلها أدوات للماما منشان يسهّل عليها الشغل كتير , عمل متل طنجرة بطريقة ما خاصة للمحشي , وطريقة (متل آلة صغيرة) لتشريح الفاصولية أسهل بكتير من استخدام السكين , وكم شغلة كمان , بيختصروا عليها الوقت والجهد ..وهي أكيد بحد ذاتها مساعدة ..اقتباس:
هل ستطلبي من زوجك ان يقوم بمساعدتك في المطبخ؟؟واذا لم يوافق ماذا ستفعلي؟؟
أطلب طلب , لا ما أظن بس ممكن حسسه بشكل ما إني أنا بالفعل بحاجة لمساعدته..ويعني بين مزح وجد كل شي بصير ..ومو غلط إذا شي نهار طبخ هو , وخاصة إذا في أكله مميزة بيعملها , فليه لاء , وليه لاء كمان إذا بيعمللي شي نهار مفاجئة مساويله شي شغلة  بس يعني أهم أهم أهم الشي عندي يكون بحب الكوي , لاني أنا أكره شي عندي هو إني أقعد أكوي وبالنهاية يقول المثل : إبنك على ما ربيتيه , وجوزك على ما عودتيه موضوعك حلو , جدي ومرح بنفس الوقت
|
|
| صفحة 1 من 3 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|