Nawwar,

اول شي اعذرني اني عدلت العنوان , انت عم تقول انو نتناقش بطريقة موضوعية ؟

اهم اسس الموضوعية انو ما يكون في اساءة و انما نقد بس , و مجرد شلف المسبات ع المادة صارت اساءة للمادة و ما عاد في موضوعية بالموضوع

المهم ابو شريك , انت يظهر مزعوج من المادة مو من الاسئلة اللي اجت بالفحص ؟ ولا كيف ؟
ازا من المادة شي تاني , اما ازا من الاسئلة فأنا رح قلك اني لخصت المادة كلها بـ 3 ورقات فقط , يعني 6 صفحات فعلياً .... ما اجا ولا سؤال من براتهم غير سؤال رأينا بالاتمتة و السؤال الأخير لأنو اجوبتها شرح عام من عنا

هلأ المهم بالموضوع أنو واضح الدكتورة حطت هاد السؤال الأخير لحتى تشوف قدرت الطالب الكتابية و مستوى فهمو للمادة ... كلنا بيعرف هالشي

لسا انا بقلك انو هيك سؤال هو مساعدة لأنو مافيو حفظ بصم , الدكتورة سلوى كانت مراقبة علي بقاعتي , اكتر من 3 طلاب سألوها انو يشرحو على أنو النهاية تكون بالموبايل ولا متل ما هي القصة , و تقلهم ع كيفكم ... دليل عدم التزام الحرفية و التركيز على مستوى الطالب شو هو بأي شي ممكن يشرحو


بالآخر بدي قول انو شو ما اجت الاسئلة الكل رح يقول عنها صعبة لأنو بالاساس المنهاج فيو صعوبة كونو فيو نسبة حفظ بصم و كتير مصطلحات تخصصية لغوية اغلبها جديد ... و أكيد قد ما حفظ الواحد ... الكترة بتأثر

انا عندي عشر مواد ... تركت الكل و هي المادة نزلت فيها حفظ بصم و بعمري ما حفظت بصم ... وصلت ع ورقة الاجابة و كل الاسئلة قاري حلولها من قبل و حافظها الا ما ندر ... بجي لاكتب ما بيطلع معي شي و بصي بكتب بالمعنى بدون الصياغة البصم اللي كنت حافظها

بئا منيح اللي اجت الاسئلة هيك و كان فيها 40 علامة ممكن اي حدا يحصل على 80% منهم أقل شي حتى لو ما حافظ ولا شي بصم ... ولا انو تجي كل الاسئلة فراغات و اسئلة و شرح !!

بس هديلي حالك و طمني انت كيف كتبت ؟

طيب كنت نزلن عل موقع يا زلمي وخود حسنات عن العالم
طيب رأينا بالأتمتة ما اختلفنا عليه ، واللي ما بدو يدرّس شو يعمل مشان السؤال الأخير؟؟؟ اي أنا ما بطيئ فكرة التدريس كلا على بعضا ، فبيجي سؤال شلون بدي درس كم قرد بالصف السادس عن الهبلة سندريلا؟؟؟؟؟؟؟؟
اينو فهم عم تحكي عنو ، اذا انت بلسانك قلت انو المادة بدها بصم؟؟؟؟ يا أخي هيك سؤال بينجاب لعالم دبلوم تأهيل تربوي وعالم مسجلة بكليات التربية ، ما اذا درسنا شوية شغلات عن التدريس صرنا أساتذة؟!؟!؟!
الله يخليك يا أبو الفوارس ، يعني من العنوان اللي كنت أنا حاطو كان لازم تعرف كيف كتبت ، أنا زلمي ما بئدر بصم ولا شوي ، اذا بدك اسمي ما بئدر بصمو ، فشو بالك بمادة ما الها راس من أساس؟؟؟؟
على كل أنا من قلبي ما بتمنالك إلا كل خير والله والله يوفقك وتتخرج هاي السنة

Nawwar,

يعني انت بدك النقد الموضوعي متل ما قلت .. بس مع الأسف نسبة كبيرة من كلامك هو شخصي و مانو موضوعي ..

أنا درست المادة بنهار ونص .. ووقدمتا اليوم وصدقا ما بعرف اذا رح انجح فيها ولا لا ... بس ليش لهاجم المادة ؟؟!! الأسئلة كانت كتير حلوة و موضوعية .. شو رأيك انت يعني .. السنة الجاي أغلبنا رح نكون مدرسين اذا الله راد فما لازم انو نعرف شو هية الطرق المتبعة بالتدريس ؟؟ حتى لو ما استخدمناها .. لك يا أخي بتم اسمنا طلاب سنة رابعة أدب انكليزي .. والله ما يجو طلاب اوربا و يتفرجو على مستوياتنا ليشبعو ضحك ..

أنا الي بتمناه انو حتى لو كنا طلاب نحكي بموضوعية .. الأسئلة ما لازم تكون على تفصيلنا .. لازم تكون وسطية من خلالا تعرف الدكتورة مستوى كل طالب .. والأسئلة اليوم هيك كانت .. وسطية .. بل أدنى من الوسطية لأنو في عندك سؤالين ب 40 علامة هي كتير ممكن يساعدوك تنجح بالمادة . . يعني أنا بعتبر هدول السؤالين مساعدة من الدكتورة النا

الدكتورة سلوى .. الي بحب وجهلها شكر مالو مثيل... دائما عودتنا على أسئلة مفاجئة .. واليوم المفاجئة كانت كتير حلوة .. تكملة قصة سندريلا بمعطيات أخرى .. عمليا أي شئ تكتبه بقواعد سليمة هو يعتبر صحيح و ستنال علامته كاملة .. أليست هذه مساعدة بربك ؟؟

اليوم بأحد الأسئلة كان الحكي عن الموضوعية .. و أسئلة الدكتورة سلوى موضوعية جدا جدا ..

ملاحظة أخيرة : ما تفكروني أنا عم دافع عن الدكتورة أو الأسئلة لأني عرفت جاوب .. متل ما قلت أنا يا بنجح يا ما بنجح .. و مو السبب صعوبة الأسئلة .. لا .. السبب هو انو كان عندي 3 مواد خلال 4 أيام و لو عندي 6 أيام للمادة هي لحالا ما كنت برضى بأقل من 90 على هالأسئلة ...

موفقين ان شاء الله ..

شكرا دكتورة سلوى

أنا بشوف انو الأسئلة اليوم مقبولة نوعاً ما لانو متل ما شفنا انو كان في اربعين علامة عطبق من ذهب بس شو الفايدة ما راحح ننسا انو المادة كانت كتير ضخمة وصعبة الدراسة والحفظ يعني متل ما بيقول المتل (جمل بليرة ومافي ليرة)
طبعاً انا كان عندي 6 ايام للمادة حاولت لخص المادة قدر الأمكان وطلعت معي كمان شغلة 5 صفحات والأسئلة اجت من هل الخمس صفحات تقريبا ولما طلعت من المادة كنت مبسوط ومكيف لحتى رجعت عالبيت وأكتشفت انو انا حاطط أجوبة لغير أسئلة وطبعا هاد الشي متوقع لأنو المادة فيها كتير تعدادات وأكيد راح تفوت المعلومات ببعضها
انا بشوف اذا بدنا ننقد شي اليوم فا أكيد مو الأسئلة لانو كانت عادية لكن لازم ننقد طريقة اعطاء المادة مئلاً المحاضرة التانية Teaching Approaches and methods ما الها داعي بنوب
وهي كانت أكبر مشكلة بالمادة لا أنو شكلها لحالو بيسد النفس عن الدراسة و مثال تاني :

Translation grammar methods بتحكي ساعة عن هل الأسلوب وتعداد الايجابيات والسلبيات وبعدين بتقول الدكتورة :
It' s time -consume method
students don't learn well
طيب ليش عم ندرسها و نوجع راسنا بهل الحكي ؟
يعني الشغلة مانها حشو معلومات ليش ما نعتمد الشي الي ممكن يفيدنا بالمستقبل كمدرسين ويمكن كان الكتاب مغني لهيك قصة
على كلاً الله يوفق كل الطلاب وانشاء الله الكل يكون استفاد من سؤال المساعدة لأنو مو منطقي طلاب السنة الرابعة ما يعرفو يجابو عليه

ما كنت حابي علق على المواد , بس وقت شفت الموضوع قلت لحتى أكتب الشي يلي صار من وجهة نظري
الأسئلة برأيي تعدت التوقعات , يعني أنا كنت متوقعة شوف أسئلة مخالفة تماما
بس ألي صار أنو الأسئلة كانت واضحة كتير و كلها تقريبا من ضمن المحاضرات
و بالنسبة ألي أنا كنت دارسي كل الأسئلة يلي جابتها الدكتورة , بس واجهت مشكلة عرفت بعدين أنو نسبة منيحة من الطلاب وقعو فيها و هي تداخل المعلومات ببعضها و نسيان قسم كبير من المعلومات
و هاد الشي بعود لكثافة المادة أكيد و لكثرة التعدادات يلي كانت السبب في ضياع الطلاب .

بس يلي صار صار و انشاء الله كلنا منطالع هالمادة
و موفقين انشاء الله يا رب

صدقا علانة السؤال الاول وهاد تبع الأتمتة وسندريلا حتى....... بظني علامتون ع طبق من دهب والباقي شو ماكان مو مشكلة

Ala' Al-Ibrahim, أكيد كلامي بعد الفحص مباشرة رح يكون شخصي وأنا طلبت الموضوعية من العالم اللي بدا تشارك بالموضوع أخي أنا ما بدي كون مدرس ، بس أنا معك انو لازم تعرف شو الطرق المتبعة بالتدريس ، ولكن متل ما قلت أنا من قبل ، هيك طرق ما بيمشي حالا عنا ، انشالله مفكرني مصدقك اذا بدك تستخدم الـCuisenaire Rods مثلا؟؟؟ لا تفكرني عم هينك ، بس كلامك هلأ هيك صار بعيد تماما عن الموضوعية وهيك طرق بتنعطى بالمدارس الأوروبية ما عنا ، بالله اينو طريقة انتي اللي درست من خلالها الانكليزي بالاعدادي والثانوي؟؟؟؟ ممكن تشرحلي؟؟؟
أنا معك انو طلاب أوروبا بيشبعو ضحك علينا شي أكيد ، بس نحنا بدنا نبرهن حالنا بس بمادة وحدة قدام طلاب أوروبا؟؟؟ يا سيد علاء بتعرف اللي بيدرسو أدب انكليزي بأوروبا أول شي بيدرسو اللاتيني؟؟؟؟ فلا تقلي انو بدنا نفرجي عظمتنا قدام طلاب أوروبة بمادة وحدة وهيي مادة علاك مصدي بالنسبة الن ، ويا سيدي أنا بشارطك انو الكتاب المستخدم حاليا نسيوه بأوروبا ومعد درسو منه.....
يا سيدي أنا بعد ما صرلي 6 سنوات لهلأ بالجامعة ، برأيي هيك اسئلة وخصوصا الاستنتاجيات منون ، (تبعوت الـ40 علامة اللي حكيت عنن) هني عبارة عن أسئلة ما رح تنعطى علامتن بشكل موضوعي وبكرا بدك تشوف بعينك تأكيدا لكلامي ، هيك أسئلة أنا بشوفا مساعدة للتلاعب بنسب النجاح متل ما بدن ، يعني بربك هدول السؤالين مين بدو يحط كيفية تصليحن بسلم التصحيح؟؟؟؟؟ ممكن تجاوبني بس على هاد السؤال؟؟؟؟
جوابي عن هادا الكلام نفسو المكتوب بالأعلى ، وبرأيي هدول الأسئلة مانا مساعدة على قد مانا مرسبة

Alhossein, يا سيدي أنا درستا للمادة ، ما بقلك ما درستا ، بس انصدمت وئت اللي بلشت شوف الأسئلة من السؤال التاني وبعد ، وبعدا سكر مخي لإنو عنجد معد اتذكر شو جواب شو!!!!! المعلومات عندي كلا فاتت ببعضها ، وكل العالم صار فيهن متلك
ما هيي المحاضرة التانية اللي بتضيع ، يا أخي هيك شغلات بتنعطى بطرق مانا سردية متل ما انعطت فيها بقاعات ومدرجات جامعتنا ، لكل طريقة في الها أمثلة و100 شغلة تانية ولكن للأسف مين بدك تحكي؟؟؟ يعني في عنا 5 طرق تقريبا (متل ماني متذكر) وما فهمت منون غير الDirect Method ، فلا حدي يتشاطر ويقلي انو فهم كل طريقة بالتفصيل شلون عم تصير!!!!!!
لإنو متل ما قلتلك المواد عنا ما بتنعطى إلا بطرق سردية ومجمدة للعقول ، فحشي الكلام اللي مانو لازم بالمحاضرات شغلة عادية صارت ، والقصة انو لازم تدرس هيك كلام فاضي وإلا انتي مانك عم تقوم بواجبك كطالب لازم يدرس كل شي (حتى لو ماكان لازم وغير مفيد لحياتك العملية القادمة)
يا سيدي من تمك لباب السما ، بس بكرا بدك تشوف نسبة النجاح المتدنية من ورا هاد السؤال اللي كلكن مفكرينو سؤال مساعدة ، وأناما رح اقتنع بالمساعدة اللي جاي من هيك سؤال الا بعد ما شوف سلم التصحيح تبعو على أي أساس محطوط!!!!!

سيرين, الله يوفقك يا رب
وتصحيحا لكلامك ، ما نسبة منيحة (هون منيحة جاي أقل من 50% متل ما فهمت منك) لأ نسبة كبيرة من الطلاب اللي صار معون هاد الشي ، يا جماعة هيك مادة لازم تكون مساعدة 100% وأيام الدكتورة مها كانت العالم تدرسا بدون أي وجع راس وتجيب فيها تمانينات وتسعينات.......ايمت كنا نهكل هم مادة الطرائق إلا هاد الفصل وهاي السنة بشكل عام؟؟؟؟؟
أنا بعتبر كلامك هيك صار استسلامي وبعيد عن المنطق ، في أساسيات متبعة مشان نطالع المادة والشغلة مانا بالدعاء بس ، وحرام عليكي تقولي انو اللي صار صار ، لإنك هيك عم تقنعي حالك بس وما أقنعتيني بنوب

الاسئلة كانت صعبة كتير مشان هيك الدكتورة جايبة هاد السؤال الاخير
بعدين في شغلة لهلأ مافهمتا بالسؤال نفسو انو بدك تعمل تحضير للقصة بالسؤال يعني تنزلا بالشرح ولا تحكي عن طريقة شرحك متل مو معروضة النظريات بالمحاضرة التانية
والقسم التاني منو بدنا نعمل محادثة ولا نكتبلا فكرة انو كيف انتهت القصة
انا يادوب حالة اول سؤال وفي سؤال واحد غيرو صح الباقي فاضي بالورقة
برأي انو اللي رح يصير متل ماصار بعلم اللغة الفصل الماضي انو الدكتورة شافت نسبة النجاح وعأساسو عطت علامات للسؤال المساعد وانشاله تعمل هيك هلأ وتعطينا ال40 علامة كاملين
احلى شي التناقض بين سؤال الاتمتة ونوع الاسئلة اللي قبلو اللي كلن بصم
بالله متل اللي عم يضحك عحالو

لك شو صاير معكن اليوم موبايل وساندريلا وما بعرف شو شو القصة؟
لك حدا يقول للدكتورة انو نحن طلاب سوريين وعرب شو مفكرة حالها عم تدرس شكسبير الله يستر بالتطبيقي لا اروح احفظ كم رسالة جوال احسن شي