آرتين لتعليم اللغات
https://forum.art-en.com/

فيلم شرشف - من انتاجنا الخاص - يعالج ظاهرة اجتماعية متكررة
https://forum.art-en.com/viewtopic.php?t=16969		 صفحة 1 من 2
الكاتب:  TheTeacher [ الجمعة يونيو 05, 2009 3:13 pm ]
عنوان المشاركة:  فيلم شرشف - من انتاجنا الخاص - يعالج ظاهرة اجتماعية متكررة
ضمن فعاليات مهرجان الشهر الثقافي الذي كان مقاماً في مدينة باسل الاسد الجامعية وفي مسابقة الافلام القصيرة للمخرجين الشباب الهواة حاز فيلم "شرشف" على المرتبة الثالثة

بيحكي الفيلم عن جريمة .. منلاحظ ببدايتو في عجقة وناس وضرب .. وبعد شوي منكتشف شو سبب الجريمة
لنعرف انو الجريمة هي جريمة "شرف" ان صح التعبير

الفيلم من اخراج
ايهم سلمان

صورة

للمشاهدة والتحميل اضغط هنا

الحجم
36,968 KB
الكاتب:  بانة [ الأحد يونيو 07, 2009 12:44 am ]
عنوان المشاركة:  فيلم الشرشف - من انتاجنا الخاص - يعالج ظاهرة اجتماعية متكررة
TheTeacher,
بداية كنت حابة قللك , إنه كان عندي فضول كتير إني شوف الفيلم , بس للأسف ما قدرت كفيه ... لأني ما اقدرت إتحمّل بعض المشاهد .
وكفكرة كتير رائعة كان تمثيلها للتوضيح للرأي العام معنى جريمة الشرف قصدي (القرف :idea: )..

اللي لفتني بالفيلم إنه شباب أو رجال كبار هم من يقوموا بفعل ما يعرف " غسل العار " بلحظة الأحداث (سجن الصغار) مليئة بالأطفال واليافعين اللي قاموا بفعل هالجريمة , طبعا بتحفيز من والديهم , ومنشان اختلاف الحكم ..

مشكورين , وبتمنالكم التمييز الدائم *1
الكاتب:  LILAC [ الثلاثاء يونيو 09, 2009 4:14 pm ]
عنوان المشاركة:  فيلم الشرشف - من انتاجنا الخاص - يعالج ظاهرة اجتماعية متكررة
فكرة الفيلم حلوي كتير وعنجد يعطيهن العافية *1 *1
بس لاحظتو شغلة
البنت كانت عم تاكل ضرب من تم ساكت يمكن كانت رح تكون واقعية اكتر لو انو انسمع شوي صوتها
غير انو اذا بتنتبهو للقطة جزء من الثانية بتظهر فيه البنت وهي عم تاكل الضرب المبرح بس كانت قاعدي ناطرة
يعني الانسان عندو شي اسمو حلاوة الروح
ولا شو رئيكم
خرجي صير مخرجة مو :mrgreen:
الكاتب:  TheTeacher [ الثلاثاء يونيو 16, 2009 6:22 pm ]
عنوان المشاركة:  فيلم الشرشف - من انتاجنا الخاص - يعالج ظاهرة اجتماعية متكررة
بانة, شكراً كتير لردك
وهي الظاهرة فعلاً اسمها "قرف" وحرام الشي يلي عم يصير !!
لازم نطلع بقا من هالحالة التخلف يلي عم نعيشها

LILAC, شكراً لردك .. واكيد بيلبقلك تصيري مخرجة ولوو

وعلى فكرة اي حدا عندو فكرة مميزة بيحب انو نعملها فيلم ياريت يطرحها هون بالمنتدى او يراسلني
وشكراً مرة تانية
الكاتب:  باسل العمروش [ الثلاثاء يونيو 16, 2009 7:45 pm ]
عنوان المشاركة:  فيلم الشرشف - من انتاجنا الخاص - يعالج ظاهرة اجتماعية متكررة
شفت الفلم...
انا صراحة اول مرة بشوف فلم قصير
يعني هادا اقصر فلم شفتو بحياتي..
تعليقي:
اول شي استغربت اسم "الشرشف" يعني ليش "الشرشف" تحديداً؟
تانياً متل ما قالت LILAC كان لازم البنت تحكي شي, و لو صرخة

TheTeacher,
اقتباس:
وعلى فكرة اي حدا عندو فكرة مميزة بيحب انو نعملها فيلم ياريت يطرحها هون بالمنتدى
انا عندي :mrgreen:
يوم الامتحان, و خصوصي البكلوريا, يلي بيجي فيها الطالب قبل بشهر و يمكن اسبوع يدرس و يركد يركد و ما يلحق.. (عندي سيناريو جاهز اذا بتحب انا مساوي)
و الفكرة التانية: هي الزواج من دينين مختلفين..
و الشكر ألك استاذي *1
الكاتب:  TheTeacher [ الأربعاء يونيو 17, 2009 1:08 am ]
عنوان المشاركة:  فيلم الشرشف - من انتاجنا الخاص - يعالج ظاهرة اجتماعية متكررة
Basil, شكراً كتير لردك
اول شي الشرشف لأنو الشرشف كان بيدل على ليلة الدخلة
وبهاد الفيلم دل على ليلة غسل العار
اما بالنسبة لصوت البنت فالمخرج تقصد انو يكون في غموض بالفيلم بالبداية .. وبتصور ايد البنت كانت كافية لتكشف الغموض

وبالنسبة للفكرة انا جاهز .. واذا السيناريو جاهز بيكون ممتاز

شكراً كتير لردك
الكاتب:  باسل العمروش [ الخميس يونيو 18, 2009 1:10 am ]
عنوان المشاركة:  فيلم الشرشف - من انتاجنا الخاص - يعالج ظاهرة اجتماعية متكررة
الشكر ألك TheTeacher,
و شكراً للتوضيح.
و السيناريو بكون عندك بأقرب وقت ممكن ان شا الله
الكاتب:  TheTeacher [ الخميس يونيو 18, 2009 1:51 pm ]
عنوان المشاركة:  فيلم الشرشف - من انتاجنا الخاص - يعالج ظاهرة اجتماعية متكررة
Basil, وانا بالانتظار
شكراً كتير الك
الكاتب:  عاشقة العربية [ السبت سبتمبر 19, 2009 5:27 pm ]
عنوان المشاركة:  فيلم شرشف - من انتاجنا الخاص - يعالج ظاهرة اجتماعية متكررة
TheTeacher,
من فترة قريبة لقدرت شوف الفيلم ..
عن جد حكى عن واقع اجتماعي لهلأ عم يصير للأسف :?
ومتل ما ذكرت كان في غموض بالبداية حتى أني فكرت بالبداية انو يقتلو شب عادي وما خطرلي انها بنت .. لحد ما شفت إيدا
ما بس الغموض اللي بشدّ بالفيلم في الرمز كمان ، يعني ما حكو ولاكلمة بس الصور والوجوه والموقف كلو كان رمز لعادة أكل عليها الدهر وشرب وما زالت :roll:

يعطيكن العافية وعم نستنى جديد إنتاجكن *1
الكاتب:  حلواني [ السبت سبتمبر 19, 2009 10:17 pm ]
عنوان المشاركة:  فيلم شرشف - من انتاجنا الخاص - يعالج ظاهرة اجتماعية متكررة
الفلم تصويره وعة ويحاكي الواقع الناس الجهلة .. القتل .. غسل العار.. انا في الحقيقة ضد هالفكرة بتاتاً..
شكراً لك
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/