| آرتين لتعليم اللغات https://forum.art-en.com/ |
|
| شو مشان طرائق التنكيد و الترسيب https://forum.art-en.com/viewtopic.php?t=16960 |
صفحة 1 من 3 |
| الكاتب: | محمد الحسين [ الخميس يونيو 04, 2009 6:48 pm ] |
| عنوان المشاركة: | شو مشان طرائق التنكيد و الترسيب |
لك صارلي يومين عمحاول احفظ شي بهل المادة بس عبث  خمسين الف تعداد   وكل تعداد بييتفرع لا خمسين الف تعداد ......طيب بس بدي افهم المحاضرة التانية تبع Teaching Approaches شو الها داعي غير وجع القلب وكتر غلبة  وبظن أنو الكتاب المقرر بيغني ومافي داعي للشغلات الي بتمقت القلب وبتقصر العمر يعني الشغلة مو شغلة حشو ونفخ ومخنا مو كمبيوتر مشان نعمل نس لصق للمعلومات مشان النبي شو سوي
|
|
| الكاتب: | ابن هلال [ الخميس يونيو 04, 2009 6:54 pm ] |
| عنوان المشاركة: | شو مشان طرائق التندكيد و الترسيب |
والله معك حق بس بدي قللك أنو أكيد هي المادة مارح تكون متل المسرج اللي قدمناها وهاد الشي الوحيد اللي بيخليني مافكر فيها |
|
| الكاتب: | RAWIA.M [ الخميس يونيو 04, 2009 7:40 pm ] |
| عنوان المشاركة: | شو مشان طرائق التنكيد و الترسيب |
والله معكن حق انا اصلا مش رح ادرس غير المحاضرات بس انصدمت فيهن رغم اني كنت متابعة مع الدكتورة بس هلق مش عارفة شئ بفكر اني عم ادرس بس ما بيبقى شي بعقلي قولكن العلة مني ولا من المادة 
|
|
| الكاتب: | Odysseus [ الخميس يونيو 04, 2009 7:47 pm ] |
| عنوان المشاركة: | شو مشان طرائق التنكيد و الترسيب |
RAWIA.M, اقتباس:
قولكن العلة مني ولا من المادة
لا أكيد العلة من المادة ومن شغلة تانية كمان أما أنا .. فغير تني مو عرفان شو بدي ادرس بطرائق البطيخ هي .. ما عم اعرف كيف بدي ظبط بينها و بين النقد .. مادتين بنفس النهار لك يا جماعة وين صارت هي لا والأحلى اليوم كان عندي مادة ولهلق ما بلشت لا بطرائق التدريس ولا بالنقد و شايفلكون رح ترك هالمادتين أحسن شي  بالتوفيق للكل ان شاء الله 
|
|
| الكاتب: | LILAC [ الخميس يونيو 04, 2009 8:15 pm ] |
| عنوان المشاركة: | شو مشان طرائق التنكيد و الترسيب |
تسمحولي فش خلقي شوي من دون ماحدا يزعل لانو في شي بدي احكي عن الدكتورة سلوى يا اما بموت يعني كلنا صرنا نعرف انو من هوايات الدكتورة سلوى (تحفيظنا بصم)  وهدفها اكيد الفائدة بس الشي لي ماعم تقدر تستوعبو ان طريقة التحفيظ هي ما الها فائدة  ولي بنحفظو اليوم مننساه بكرا القصة قصة اهتمام واجتهاد شخصي  يعني يا دكتورتنا الله يخليكي حاجي حفظ نحنا مو ولاد الصغار  وكل انسان بيعرف صالحو منيح ولما بدنا نقوي حالنا بمجال مارح نخلي وسيلة تعتب علينا والانترنت اكبر مساعد يعني كتير رح نحبك لما بتجيبي اسئلة بتدل علفهم  او بتخففي شوي من كثافة موادك على فكرة انا حذفت طرائق التدريس لاجل غير مسمى وعمري ما اتخرج 
|
|
| الكاتب: | Odysseus [ الخميس يونيو 04, 2009 9:50 pm ] |
| عنوان المشاركة: | شو مشان طرائق التنكيد و الترسيب |
LILAC,  اسمعي مني و قدمي هالمادة .. ما بتعرفي يمكن تكون الأسئلة كتير سهلة و تندمي بعدين .. أنا شفت بمنامي انو الأسئلة سهلة كتير  لذلك جد فكري قبل ما تحذفيها .. ليكي أنا رح قدما علما انو عندي بنفس اليوم نقد سنة تالتة .. بقا مين وضعو أصعب أنا ولا انتي؟ موفقة ان شاء الله 
|
|
| الكاتب: | Brian [ الخميس يونيو 04, 2009 9:59 pm ] |
| عنوان المشاركة: | شو مشان طرائق التنكيد و الترسيب |
لك اااااااااخ بس شو بدك يحكي الواح ليحكي الواح يعني قسما بالله شي بيجنن شو قصة هالدكنورة مع الطلاب ليش معتبرتهن اعدائها ؟؟ اول شي بعلم اللغة كومتنا و تاني شي بطرائق التدريس و تالت شي متل مو باين الترجمة كمان بدا تكومنا فيها طيب ليش و شو العبرة ؟؟ والله النوطة التانية بطرائق التدريس طالعتلي بلعي و ماكانت تخلص الف تعداد و نظريات و ما بعرف شو .. واذا قريتوها منيح رح تلاقو انو تلات ارباعا حكي فاضي وعلاك مالو داعي.. بس مابدها تشوطنا هيي كمان متل ما عم يشوطونا البقايا .. مو عيب كانت طرائق التدريس _ قبل ما تستلم هالدكتورة _ عبارة عن نوطة صغيرة بتنزل بالكوة و الطلاب بيعتبرها مادة معدل بس لما اجت دكتورتنا المبجلة سلوى بلشت بهالاعطاء ويا قاتل يا مقتول و كأنو ما عنا غير هالمادة  مدري ليش حاسسها صحبة هيي و غسان المرتضى _ عميد كليتنا وقاهر الجبال والطلاب _ لانو نفس الاسلوب ( اسلوب دوس ع راسو ) يا دكاترتنا الاكارم خفو علينا شوي كرمال النبي يعني والله صار حلمي اتخرج من جامعة البعث و انا لساتني محتفظ بقواي العقلية ( متل ما بتعرفو بيلزمو احيانا )وعذار ع الاطالة بس مافي الا حكيت لانو راسي عبيان ع الاخر  الله يوفقنا جميعا
|
|
| الكاتب: | شذى [ الخميس يونيو 04, 2009 9:59 pm ] |
| عنوان المشاركة: | شو مشان طرائق التنكيد و الترسيب |
هالمادة فهم لازم تكون ولازم تكون اتــــــــــــــــــــــــــمتة .... مع انو مادة لغوية مابعرف ليش ما شملوها مع المواد اللي ضلوا اتمتة يا محلا الكتاب جنب هدول النظريات اللي مدخلتن الدكتورة........ لك كلو كوم بالله وهالتعداد كوم قال no smoking and drinking شو هالمسخرة .... وشو مشان قال شي دور الاستاذ شي دور الطلاب شي نفس النظرية بتلاقوها بمكان تاني اصلا المحاضرات مو مرتبين ونهاية كل محاضرة مالا علاقة ببدايتا انا صراحة عم ركز عالنقد وماني حاطة امل عالطرائق ابدا الله يسامحك يا دكتورة سلوى يعني والله كل العالم شفقانة علينا من هالوضع معقول انتي تعملي هيك ولسى بعد يومين بتجينا علم اللغة اللي كل الطلاب حاملينا وكمان بدا عقل مرتاح ليحفظا بصم وبالنهاية مافي نموذج محدد للاسئلة وكلو ممكن يجي اما بفراغات او تعريف او اي شي يعني كل كلمة بدا تنحفظ بصم الله يعينا احسن شي اصلا النقد مانا ارحم لان كمان الدكتور بدو بصم بالحرف وبالفاصلة ومع هيك انشااااااالله ننجح فيا |
|
| الكاتب: | ابن هلال [ الخميس يونيو 04, 2009 10:34 pm ] |
| عنوان المشاركة: | شو مشان طرائق التنكيد و الترسيب |
ولك بربي انتو محملين الموضوع أكتر مما بيستاهل يعني شبكون انتو هدو شوي .....أول شي متلي متلكون تاني شي انتو روحو قدمو وبعدين بيفرجها الله وبنحكي.......وبعدين اذا ماطالعنا الطرائق بنموت يعني.....واذا ما تخرجنا شو هالشغلة الكبيرة |
|
| الكاتب: | Nastia [ الخميس يونيو 04, 2009 11:48 pm ] |
| عنوان المشاركة: | شو مشان طرائق التنكيد و الترسيب |
بالنسبة الي الحمد الله ما عندي غير هالمادة يوم الاثنين... بس في وراها علم اللغة التطبيقية، بس اخلص من هالطرائق رح بلش اشتكي أكتر  المهم.... الله يسامح الدكتورة سلوى.. يعني ليش كل هالدكاترة متحططين علينا؟  بعتقد الجواب واضح: متفقين انو ما يخلو غير السوبر طلاب يتخرجو هالسنة... بدهن أقل عدد ممكن من المتخرجين.... هالحالة بتذكرني ببقعة ضوء... كان في حلقة عن أساتذة عم يحطو خطط جهنمية مشان ما ينجحو الطلاب.. بس هديك كانت عن طلاب البكلوريا.. بس نفس الشي  يلا هي أنا كمان فشيت خلقي...
|
|
| صفحة 1 من 3 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|