آرتين لتعليم اللغات
https://forum.art-en.com/

تفائلنا بالدكتور ماجد واززز؟؟!!!!!!
https://forum.art-en.com/viewtopic.php?t=16926		 صفحة 1 من 1
الكاتب:  عصام [ الثلاثاء يونيو 02, 2009 1:13 am ]
عنوان المشاركة:  تفائلنا بالدكتور ماجد واززز؟؟!!!!!!
مع انو مو حامل مادة مسرح عودة المليكة بس بعد ماشفت رفقاتي اللي حاملينها وشفت طلاب السنة التالتة رح قلكن مارح يمر دكتور عهالكلية يعطي الطاب حقو ويلتزم باقوالو بشكل كامل :roll:
ومن هون رح نبه طلاب السنة الرابعة انو يقرو كل وشي ويدققو كتير عالشخصيات واسمائن وينتبهو عالنكشات الزغيرة قبل الكبيرة :mrgreen:
يعني الدكتور قايل للطلاب انو رح يجبلن اسئلة عن المسرحيات وعطا امثلة كمان بالاضافة للتعاليق وقايل انو شغلة اسماء الشخصيات اللي عم يحكي واللي موجهلو الحديث مانها بهالاهمية الكبيرة كونو اللي لازم نحللو هو دلالات المكان والافكار واللغة المستخدمة بس اليوم بيدور الدكتور عالطلاب بالقاعات وبيخبرن انو لازم يذكرو اسماء الشخصيات بالتعليق هاد غير الضربة الكبرى طبعا انو ماجبلهن ولا موضوع :shock:
بس مشان مااظلم الدكتور والحق يقال انو الفرق بين السؤال الاول والتاني 3 سطور كونو التعليق الاول الاجباري 17 سطر والتاني الاختياري 20 سطر :lol:
اي بقا ولووووووووووووووو على هالحالة معقولة بس تعاليق عمادة كاملة *ممم
وين المواضيع والافكار اللي ضلو الفصل بالكامل عم يشطو هالطلاب ويمطو فين :roll:
والله وقت اجا الدكتور وشفت طريقتو بالاعطاء ووقت حكانا عالامتحان وطرق التعليق تفائلت بالخير وقلت انو طريقة حلوة مع انو لازم نكون متاسسين عليها من السنة الاولى مو وقت نتخرج نجي نطبق اساليب جديدة بس ومع هيك اللي صار انو وقت الجد الكل بيرجع للطرق التلقيدية :arrow:

بقا يازملاااااااااااااااائي طلاب الرابعة خففو التركيز شوي عالمواضيع وركزو كتير انو يجيكن مقطع مو معرفو قرعة ابوه من وين وطبعا مهم كتير انو تذكرو مين المتحدث ونفس طريقة التعليق اللي عودنا عليه الدكتور ابراهيم

ويازملاااااااااااااااائي طلاب التالتة *1 الله يكون بعونكن وشدو حيلكن ومعلي لسا الطريق باولو وانشالله بتعوضو بغير مواد :wink:
الكاتب:  lili. [ الثلاثاء يونيو 02, 2009 2:01 am ]
عنوان المشاركة:  تفائلنا بالدكتور ماجد واززز؟؟!!!!!!
عصام,
كنت جاية اكتب موضوع فش قهري بس لقيتك سابقني
*1 *1 *1
انو شو مشان اللي صار اليوم :evil: نص الطلاب سلمو وراقن من اول خمس دقايق
اقتباس:
ين المواضيع والافكار اللي ضلو الفصل بالكامل عم يشطو هالطلاب ويمطو فين
ما بعرف طلعت روحنا ونحنا ندرس
اقتباس:
والله وقت اجا الدكتور وشفت طريقتو بالاعطاء ووقت حكانا عالامتحان وطرق التعليق تفائلت بالخير وقلت انو طريقة حلوة مع انو لازم نكون متاسسين عليها من السنة الاولى مو وقت نتخرج نجي نطبق اساليب جديدة
وانا هاد السبب اللي خلاني احضر المادة وادرسا متل العالم بس متل العادة ما في امل
اقتباس:
ومع هيك اللي صار انو وقت الجد الكل بيرجع للطرق التلقيدية
يعني بس ما فهمت انا....انو قلنا كل شي رح يجي من المحاضرت ورح يكون في تعليق وموضوع
ئلنا لحالنا منخبص شوي بالتعليق ومنكتب منيح بالموضوع.....وما اجى موضوع......
طيب ورضينا بالأمر الواقع واجينا للتعاليق.....
شو مشان التعليق الأول(هه الأجباري)لما طلعت من القاعة كل ما شوف حدا يئلي السبيكر شكل
بالقاعة كان في خمسة يمكن معي عم يناضلو ويحاولو يكتبو وكنا عم نحاول نحزر من وين جايب الكومنت ومين السبيكر بعدين قررنا نعمل متل باقي الزملاء وننسحب بشرف
بس الواحد بيزعل ع تعبو كل الفصل
شو بدو يحكي الواحد ليحكي........ولسا الكم المرتب جاينا بالنقد *خوف
يلا موفقين يا جماعة واللي ما بيطلعا هالفصل متلي موفق فصل الجاي *ورود *ورود *ورود
الكاتب:  alayham [ الثلاثاء يونيو 02, 2009 2:06 am ]
عنوان المشاركة:  تفائلنا بالدكتور ماجد واززز؟؟!!!!!!
أحسن -------------------- لأنو ناقصنا احنا كمان؟
الكاتب:  Obada Arwany [ الثلاثاء يونيو 02, 2009 1:05 pm ]
عنوان المشاركة:  تفائلنا بالدكتور ماجد واززز؟؟!!!!!!
يعني ما بعرف
سبقتوني و قلتو كل شي ..
يعني بس سؤال اذا الدكتور بدو يجيب أسئلة على كيفوا ليش قللنا انوا بدو يجيب موضوع
يا اخي ما بدك تجيب موضوع بلا
قللنا توقعوا كل شي بالفحص و بس لا تقول بدو يجي كذا و كذا و ترجع عن حكيك ..
انا عندي تسجيل صوتي بحكي الدكتور شو قال بالمحاضرة انوا رح يجي تعليق وموضوع ولو ما سمعت بادني و حضرت ما كنت صدقت ..

طيب انا كطالب ببالكلية اذا الدكتور ما وثقت فيه و احترم كلمتوا مين بدو يحترم كلمتو ..؟؟
متل ما قلت انت يا دكتور الك كل الحق تجيب اسئلة على كيفك على راسي هالحكي
بس ليش بتحكي شي و بتجيب شي ؟؟؟؟؟
و الله هاد مو من شرف المهنة لا و الله ...
شكيتك الى الله بس
الكاتب:  سنا [ الثلاثاء يونيو 02, 2009 1:30 pm ]
عنوان المشاركة:  تفائلنا بالدكتور ماجد واززز؟؟!!!!!!
lili., Obada Arwany,
الله لا يضيعلكون تعب .. ان شاء الله بتطلع المادة .. وما تستغربوا انها تطلع بمعدل .. مع دكتور ما بينحزر على أسئلتو وبقول نمط وبجيب نمط توقعوا التصحيح كمان تكون كاتب وما تاخد وتمون ما كاتب وتاخد .. بالآداب مافي شي مستحيل .. كلشي ممكن .. والله يخلي الدكاترة ويقويون يا رب .. ةتكون أسئلتون مدروسة لو حتى شوي ..
الكاتب:  ali-yassin [ الثلاثاء يونيو 02, 2009 4:21 pm ]
عنوان المشاركة:  تفائلنا بالدكتور ماجد واززز؟؟!!!!!!
الله يسامحو بهدلنا اسئلة غير مألوفة بدها واهد غير مالوف حتى يجاوبها
وشكرا
ارجو ان لا اكون قد تطاولت على احد
الكاتب:  alayham [ الثلاثاء يونيو 02, 2009 5:04 pm ]
عنوان المشاركة:  تفائلنا بالدكتور ماجد واززز؟؟!!!!!!
اقتباس:
الله يسامحو بهدلنا اسئلة غير مألوفة بدها واهد غير مالوف حتى يجاوبها
وشكرا
ارجو ان لا اكون قد تطاولت على احدل
ولا يهمك --------- ويلكم
الكاتب:  عامر الرشواني [ الثلاثاء يونيو 02, 2009 5:57 pm ]
عنوان المشاركة:  تفائلنا بالدكتور ماجد واززز؟؟!!!!!!
أنا كان عندي المادة و انصدمت - الصدمة العجيبة - متلي متل كل الطلاب اللي قدموها ....

ما رح إسأل و احكي ليش الدكتور قال شي و جاب شي تاني .... لأنو حر و ما حدا بيلزمو بشي ...

و لا رح إسأل اللي كتب منيح - الله يوفقه - كيف عرف يجاوب .... لأنو أكيد درس و تعب و بيستاهل النجاح ...

رح إسأل الدكتور نفسه ...

شو ذنب الطالب اللي درس اللي طلبته بالمحاضرات و جبت عكسه ؟؟

وين العبرة من هالحركة ؟؟؟

بشو استفدت حضرتك كدكتور ؟؟؟ و بشو فدتنا كطلاب ؟؟؟

على كل الأحوال ... بنرجع منقدمها ما ورانا شي ... (يمكن الدكتور مفكر إنو بكرا عطلة )
:shock:
الكاتب:  Kiefer [ الأربعاء يونيو 03, 2009 7:56 am ]
عنوان المشاركة:  تفائلنا بالدكتور ماجد واززز؟؟!!!!!!
 
NO COMMENT!!!!! :evil: :evil: :evil: :evil: :evil: :evil: :evil: :evil: :x
الكاتب:  em elsoooos [ الأربعاء يوليو 29, 2009 11:38 pm ]
عنوان المشاركة:  تفائلنا بالدكتور ماجد واززز؟؟!!!!!!
هلأ أنا تاني مرة بقدم المادة لأنو ماقدمتا الفصل الماضي..مابعرف شفت الأسئلة سهلة وأفشت الكومينتات ب 10 دقايق وكتبت كتير منيح بتفاجأ انو بتطلعلي 50...هوي نشكر الله انو طلعت بس كنت متوقعة شي 75يعني من حكيكون شكرت الله 100 مرة...وبخصوص الدكتور أنا لهيك ما بحضر محاضرات يعني ازا الحكي شي والإعطاء شي وبيجي شي مناكل في كم بقى لشو.. كل واحد يدرس من كيفو احسنلو ...ب 4سنين الجامعة انا حضرانة 7 محاضرات وعم طلع موادي وكل سنة بسنتا بشوية دراسة بقى ماحدا يدور عحكي الدكاترة وكل واحد يعمل اللي بيريحو ويدرس ع طريقتو ...وتصبحو على خير :mrgreen:
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/