| آرتين لتعليم اللغات https://forum.art-en.com/ |
|
| ارجواا المساعدة العاجلة بلييييز (ديزي ميلر) https://forum.art-en.com/viewtopic.php?t=16916 |
صفحة 1 من 1 |
| الكاتب: | العطاء [ الاثنين يونيو 01, 2009 8:03 pm ] |
| عنوان المشاركة: | ارجواا المساعدة العاجلة بلييييز (ديزي ميلر) |
انا طالب اداب لغة انجليزية بالسعودية وعندنا هذي السنة رواية ديزي ميلر وبحثت عنها مترجمة عندنا بالسعودية مالقيتها وقالولي انها موجوده مترجمة بسوريا من عنده استعداد للمساعده ارجوا التنسيق بيننا للحصول على الرواية علما انه باقي اسبوعين عن الامتحان (يمنع نشر الإيميل على العام) ارجو المساعده واكون من الشاكرين |
|
| الكاتب: | العطاء [ الاثنين يونيو 01, 2009 8:28 pm ] |
| عنوان المشاركة: | ارجواا المساعدة العاجلة بلييييز |
مازلت انتظر الرد يا اخوان مافية رد |
|
| الكاتب: | alayham [ الثلاثاء يونيو 02, 2009 2:01 am ] |
| عنوان المشاركة: | ارجواا المساعدة العاجلة بلييييز |
اهلا فيك خبريني شلون فيني ساعدك وانا جاهز |
|
| الكاتب: | alayham [ الثلاثاء يونيو 02, 2009 3:29 am ] |
| عنوان المشاركة: | ارجواا المساعدة العاجلة بلييييز |
هذي ترجمه مختصره ترجمة القصه كاملة صعب ... بس اقدر اعطيج ملخص القصة بالعربي ،،، القصه بشكل عام تتكلم عن المجتمع الامريكي المتفتح و صدامه مع المجتمع الاوروبي اللي تسوده مبادئ الاستقراطية و الاتيكيت مثل ما يقولون ... فيه شخصيتين مهمات في القصه : 1. Daisy ... فتاة امريكية تتميز بجرائتها و ثقتها بنفسها 2. Winterbourne .. و هو طالب أوروبي من عائلة غنية هالشخصيتين يتلاقون في منطقة في سويسرا اسمها Vevey .. و اللي يجمعهم هو أخو Daisy .. اللي اسمه Randolph و هو شخص من طبعه العبث لا يمكن التحكم به ... و يشوف انه مدينته نيويورك في أمريكا افضل بكثير من كل أوروبا ... و خصوصا في نوعية الحلويات المتوفرة على عكس اخته ... اللي تشوف انه اوروبا افضل بكثير .. و متحمسة تدخل في المجتمع الاوروبي الرفيع في مستواه ... Daisy تاخذ حرية كاملة في فعل ما تريد .. اي وقت تبا .. مع اي كان لطبيعتها المتحرره .. و هذا شي غريب على المجتمع الاوروبي ... و خصوصا في مواعدة اي كان .... في البداية Winterbourne و اللي ينجذب لـ Daisy يستغرب من تصرفاتها ... و مع الوقت يشفع لها هالتصرفات بحكم طبيعتها .. في المقابل ... عمة Winterbourne و صديقتها .. من طبقة عالية في المجتمع الاوروبي .. ويرفضون علاقة Winterbourne بـ Daisy .. و خصوصا بعد ما تقبل الاخيره .. برحلة سياحيه مع Winterbourne في ارجاء المنطقة ... و هذا تعتبره العمة شي كبير يمس بأخلاق Daisy ... ( يعني كيف تطلع وياه جي بدون لا احم ولا دستور ههههههه ) ... المهم ... بعد ما تنتهي الرحله السياحية ... Winterbourne يخبر Daisy بأنه لازم يرجع لـ Geneva مدينته اللي عايش فيها .... و اتفقوا الاثنين انهم يتلاقون في مدينة روما في ايطاليا ... تمر الايام ... و تتعرف Daisy على Mr. Giovanelli .. و هو شاب ايطالي يعمل كمغني لا يتبع طبقة عالية في اوروبا .. ( شخص على قد حاله يعني ) ... يتلاقى Winterbourne مع Daisy في روما ... و ينصدم بعد ما يشوفها ماسكة ايد الايطالي .... و يشوفونها الناس معاه في أماكن " البنت " عادة لازم ما تروح لها و خصوصا في الليل ... في هالوقت سمعة Daisy تروح في الحضيض نتيجة لهالتصرفات .. لكنها ما تهتم ... و يحاول فيها Winterbourne يعقّلها و ينصحها ... بس ما في فايدة ... و سمعته هو بعد تبتدي تتأثر .... ! في يوم من الايام ... Winterbourne .. يشوف الحبيبن ليلا ... و اهني يروح لهم .. و يقول لـ Daisy أنها بنت عاديه و انها ما تستاهل حبه ( و يطيح فيها طيحه ) .. المهم ان Daisy تنجرح من هالكلام ...و تبتدي تهمل في نفسها و صحتها ... و خصوصا ان Winterbourne حذرها من مرض الملاريا اللي كان منتشر هاييج الايام .... و من الممكن انه ينتقل لها من التعرض ليلا للهواء الغير صحي ... بعد كم يوم تمرض Daisy و تموت بسبب الملاريا .... و بعدها Winterbourne يكتشف انها كانت تحبه بالرغم من كل تصرفاتها الطائشه .... في النهايه يرجع Winterbourne لمدينته Geneva لاستكمال دراسته .. الـ Theme اللي يحاول الكاتب انه يطرحه و يناقشه هو كيف المجتمع الاوروبي يشوف المجتمع الامريكي و بالعكس ... و خصوصا التفرقة العنصريه اللي نشوفها في كل مجتمع .. و التضارب بين الثقافات و طريقة التفكير ... و لا ننسى اسامي الشخصيات لها دلالات معينه .. مثلا Daisy .. يرمز لوردة في كامل تفتحها في فصل الربيع ... و يفسر طبيعة البنت Daisy .. Winterbourne ... اسمه يرمز للشتا ... و الورود تموت في الشتا ... مما يرمز الى العلاقة اللي صارت بين Daisy و Winterbourne و ما نجحت .. و ما ننسى المرض ... لأنها ماتت في وقت الشتاء بعد اصابتها بالملاريا ..... بالتوفيق |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|