من الأخبار الهامة ويلي آخدة حيّز كبير بالشارع السوي
هي مباراة الإتحاد والكرامة يلي بيعتبروا أهم نوادي الكرة السورية..
تم تحديد موعد المبارة ب 5 حزيران بعد أن كان 12 حزيران.. وهالتحديد قابل للتغيير
على حسب قول الكتيرين من المشجعين..والسبب بهالشي هو اتحاد الكرة
يلي عميتلقى هجمات كتيرة من المشجعين وهالهجمات غريبة من نوعها
البعض بيعتبروا اتحاد فاشل ... والبعض بيعتبروا اتحاد فاسد بهالبلد أو مصدر للفساد
....وخصوصا إنو نادي الاتحاد(الأهلي) حاقد على اتحاد الكرة بعد مباراة الأهلي والمجد بدمشق
ويلي كانت نتيجتو كارثية 4_3 لصالح المجد... مما أدى لمباراة مصيرية بين الكرامة والأهلي..
الإتحاد من وجهة نظرو إنو من المفترض اللقب لازم يكون الو لأنو عندو أهداف أكتر من الكرامة..
والكرامة بقول ما دخل كل شي لحال هيك القانون الجديد لأتحاد الكرة..
هلق المشكلة بظن انها بالمكان يلي رح يلعبو فيه
البعض بقول بحماه مما يؤدي انو الدم رح يصر للركب
والبعض بقول بالشام لأنها العاصمة وهون أخف شوي النتيجة
والبعض بقول بالاذقية وكل واحد بيحكي على كيفو... وآخرتها اتحاد الكرة رح يعملها بعفرين
......يلي لفت انتباهي بالشارع أو بالمواقع الالكترونية هو الغضب والسخط وكأنو داخلين حرب مصيرية,,,
بعض الأمثلة :
والله اللي عم يصيررررررررررررررر قمة المسخرة والاستهتار من قبل هالاتحاد الفااااااااااااااااااشل
لك 5 حزيران ولا 10 ولا ايمت ما كانت نحنا وراء فريقنا للموت
تفي بقرعة ابون (لاتحاد الكرة طبعاً)
النتيجة 2 - 0 ان شاء الله
خمسة حزيران ؟؟؟؟؟؟؟؟؟؟؟؟؟ العمى يوم النكسة .................. إن شاء الله تكون نكسة عل الكرامة ومشجعيه
وعقبال ال 17 نيسان يوم جلاء اتحاد الكرة عن سمانا
ما بعرف أحسن شي
هو أنا ماني بالطابة كلها..بس الموضوع آخد ضجة كبيرة كتير ... وكنت حابب اعمل تقرير كامل ومقابلات وهيك شي بس ما معي وقت 
مع إنو ضربة صحفية فريدة من نوعهااااااااااااااااا
والسلام عليكم ورحمة الله وبركاته
(أكروبات سابقاً)
بس اللي بيدفع بيقلك انو كل العالم بيدفعو متلي 
