آرتين لتعليم اللغات :: عااااجل ...تقنعوني او اقنعكم ؟؟؟؟؟ ونصائح منكم

و نظام الاتمتة بكون عبارة عن اسئلة تفصيلية و صغيرة يعني حتى في اسئلة تعتمد على اذا انت حافظ السبلينغ لاسم مكان معين ( مع e او بلا e مع u أو ومع y )

فيا ريت توضحولي هل انا مخطئة او اني ما عم اعرف كيف بتندرس الاتمتة بالروايات تحديدا

وهل اسئلة الاتمتة بتجي من المقاطع المحددة ام من اي زاوية بهالروايات ؟
يعني هل رح تكون شو لون عيون فلانة و شو اسم المكان ؟
ام انها فقط عن السبيكر و الاوغيجن و ............الخ

لاتواخذوني يا جماعة بس فعلا اندوخت واحترت و شوي تانية بيئس

Don't be pessimistic
Put this sentence in your mind .. " Why should I accept less when I can have more? "

ومانا عرفانين شو الأهداف من وجودها بس المهم أنو ليش بالشام في أتمتة نحنا كمان لازم يكون عنا أتمتة

سبيلينغ مستيكس
أو غراماتيكال مستيكس

الكاتب:	العز بالإسلام [ الأربعاء مايو 20, 2009 9:42 pm ]
عنوان المشاركة:	عااااجل ...تقنعوني او اقنعكم ؟؟؟؟؟ ونصائح منكم
[align=center]السلام عليكم ورحمة الله كيف الحال جميع طمنونا عنكم وعن التحضير و القطع كيف؟؟؟؟ اما انا فانقطع بصيص الامل بالنثر 1900 بعد ما سمعت انها ماتمتة ( 60 علامة ) طبعا بعرف انكم رح تستغربوا لهالشي جيت اناقشكم لعل وعسى افهم او اعرف ليش الناس بتفرح باتمتة المواد الادبية اللي بتكون متل صبّة الباطون...جامدة رح اشرحلكن وجهة نظري انا بلاقي ان المواد مثل النثر و المسرح و القصة اذا كانت مأتمتة فانها تزيد صعوبة دراستها ليش ؟ لان الروايات جدا ضخمة ( النثر روايتين === 700 صفحة ) و نظام الاتمتة بكون عبارة عن اسئلة تفصيلية و صغيرة يعني حتى في اسئلة تعتمد على اذا انت حافظ السبلينغ لاسم مكان معين ( مع e او بلا e مع u أو ومع y ) بينما النظام العادي بكون مواضيع ( محددة ) و تعليقات على مقاطع ( كمان محددة ) فالسؤال انو هل معقول يتوقف تحصيل العلامات على حفظ اسم بلدان او عيون فلانة كما في الاتمتة ؟ لك حتى اذا ما بصمنا المواضيع والتعليقات في مجال اننا نذكر النقاط الاساسية مع اجتهاد شخصي و ذكاء بصنع مواضيع جديدة تحوي نفس النقاط الاساسية اما الاتمتة فما عم تدخل لعقلي شو ايجابيتها بهالمواد فقط؟؟؟ اذا باصم الرواية بتاخد علامة اذا ما باصم او نسيت تفصيل راحت عليك ولو كنت عبقري زمانك بالتحليل او كتابة المواضيع او حفظ الاحداث فيا ريت توضحولي هل انا مخطئة او اني ما عم اعرف كيف بتندرس الاتمتة بالروايات تحديدا لانها بغير مواد متل علم اللغة كتير مقبولة و منطقيةةةةةةةةةةةةةةةة وهل اسئلة الاتمتة بتجي من المقاطع المحددة ام من اي زاوية بهالروايات ؟ يعني هل رح تكون شو لون عيون فلانة و شو اسم المكان ؟ ام انها فقط عن السبيكر و الاوغيجن و ............الخ لاتواخذوني يا جماعة بس فعلا اندوخت واحترت و شوي تانية بيئس لا سمح الله _ وكمان سؤال عن تاريخ الادب البعض بقول ان النوتة فقط ياتي منها تواريخ وبان صفحات التواريخ الموجودة بالكتاب غير مطلوبين طبعا انا حابة تخبروني عنهم لاتأكد 100% و لافيد غيري كمان _ ضل عنا مواضيع الانشاء 5 اذا حدا بيتوقع او بيعرف شو بتطلب الدكتورة يا ريت لا يبخل علينا وبالنهاية شكر كبيررررررررررررررررررررررررررررررررررررررررر الكن و دعواتي بالنجاح للكل والتوفيق دوما طبعا انا نزلت موضوع منفصل لاني اعتبرته نقاش و نصائح منكن اكتر من كونه ملاحظات وبالتوفيق ادعولنا[/align][/color]

الكاتب:	خالد الهبل [ الأربعاء مايو 20, 2009 11:58 pm ]
عنوان المشاركة:	عااااجل ...تقنعوني او اقنعكم ؟؟؟؟؟ ونصائح منكم
أ هلين أختي العز بالإسلام أول شي أنا معاكي مية بالمية أنو الأتمتة بالمواد الأدبية ضارة أكتر مما هي نافعة وأنو عنا بالجامعة جديدين بمجال الأتمتة ومانا عرفانين شو الأهداف من وجودها بس المهم أنو ليش بالشام في أتمتة نحنا كمان لازم يكون عنا أتمتة هلا تأكيداً لحديثك مرة بمادة المسرح بالسنة الأولى إجانا سؤال قال شو اسم مرتو لشايلوك والاسم هوي ليحا بالمناسبة الاسم مذكور بس مرة وحدة بكل المسرحية أنا معك أنو أتمتة المواد الأدبية هي الطريق الأسهل والأقلرب لجنون الطالب ويئسو بس شو بدنا نساوي عكل حال الحمد لله خلصنا من الأتمتة ضل عنا بس هالفصل يعينا الله عليه بالنسبة لتاريخ الأدب أنا سألت المعيدة والدكتور الفصل الماضي وقالولي أنو المطلوب من النوتة هوي التواريخ اللي متصلة بالشابترات اللي عطانا إياها الدكتور من الكتاب بس أما بالنسبة لباقي مواضيع النوتة هي لمجرد الثقافة العامة فقط وعلى كل حال المعيدة محددة التواريخ المطلوبة أما بالنسبة للإنشاء مادتي المفضلة.... أختي الكريمة كتيرين مننا اللي بيخافو من الانشاء ومن أسلوب الدكتورة مي الله يخليها بالتصحيح أنا بحب أقول أنو نحنا هلا وصلنا لمرحلة كويسة بالانكليزي صار فينا ما يكون عنا سبيلينغ مستيكس أو غراماتيكال مستيكس المهم اللي بدها إياه الدكتورة مي مننا بس أنو نحنا نكتب جمل قصيرة صحيحة قواعديا وما فيها أخطاء إملائية ولا ستايلستك مستيكس بالنسبة للبراغرافات لازم تكون على الأقل أكثر من أربعة يعني براغراف للمقدمة وواحد تاني للخاتمة وتلاتة لصلب الموضوع هلا بالنسبة للانشاء عبارة عن تركيز وتركيز وتركيز وبعدين كمان تركيز وآخر شي تعبير والدكتورة مرة قالت أنا ما بيهمني أنت شو عم تفكر أو شو مبادئك بالحياة يعني الدكتورة ما بتهتم لجودة الأفكار على قد ما بتهتم للستايل الصحيح والقواعد وطرقة عرض الأحداث تمنياتي أني أكون قدرت أساعدك وأردللك ولو شوي من الجمايل اللي غرقتونا فيها بالتوفيق يا أختي إلك وللجميع

الكاتب:	Raghad [ الخميس مايو 21, 2009 3:01 am ]
عنوان المشاركة:	عااااجل ...تقنعوني او اقنعكم ؟؟؟؟؟ ونصائح منكم
العز بالإسلام, اقتباس: اما انا فانقطع بصيص الامل لا تقوليا إذا انتي قطعتي الأمل شو خليتي لغيرك الأمر مجرد آراء وبس ... ولكن النقطة الأهم وبغض النظر عن الرأي المختلف أنو لازم ترضي بالأمر الي انفرض عليكي وتعملي جهدك وتحاولي بأقصى استطاعتك انك تنجحي بهاد الشي ومع أنو انتي ممكن تكوني ضدو اقتباس: و نظام الاتمتة بكون عبارة عن اسئلة تفصيلية و صغيرة يعني حتى في اسئلة تعتمد على اذا انت حافظ السبلينغ لاسم مكان معين ( مع e او بلا e مع u أو ومع y ) بتعرفي أحلى الشي لما بشوف كتابات انكليزي معرّبة هلأ بدي أقتبس كل هالكلمات المهم مشان ال spelling طبعا" هالشي مفروغ منو بيجي هيك شي تماما" وانتي عليكي انو تحفظي هالأماكن والأسماء كتير منيح ... بس أنا برأيي بالعكس وبالنسبة لهي النقطة بالذات الأتمتة أفضل للطالب (كعلامات فقط) لأنو اذا كان الطالب القواعد عندو كتير سيئة بيجي الدكتور بيشوف شي 5 أخطاء بيروح حاذفلو كل العلامة بالفعل في دكاترة بيعملوها وكتير بينبهو على هالشي متل د. ابراهيم ود. جانسيز .... لذلك الأفضل الك انو تخربطي بعلامتين او 3 أفضل من 20 أو 30 علامة اقتباس: فيا ريت توضحولي هل انا مخطئة او اني ما عم اعرف كيف بتندرس الاتمتة بالروايات تحديدا بالفعل بالنسبة للروايات هية أصعب بشوي من مواد اللغويات لأنو بتتطلب دقة أكتر وأنا برأيي أنك حالياً بما انك ما بتلحقي تغطي كل الرواية هية وتفاصيلها انك تركزي عالشي الي قالو الدكتور بالمحاضرات وان شاء الله بتظبط امورك اقتباس: وهل اسئلة الاتمتة بتجي من المقاطع المحددة ام من اي زاوية بهالروايات ؟ يعني هل رح تكون شو لون عيون فلانة و شو اسم المكان ؟ ام انها فقط عن السبيكر و الاوغيجن و ............الخ والله هي بتختلف بالنسبة للدكتور ... يعني د. ابراهيم اي بيجيب هيك شي وللسنة الأولى بحماه هالكن بهيك شي لحتى يا حرام صارت عيونن قوس قزح على أد ما في عيون بالرواية د. فؤاد مثلاً ما بيهمو اللون وهيك شي بس بالنسبة لل speaker - occasion - addressee - function فهيك شي أكيد بيجي اقتباس: لاتواخذوني يا جماعة بس فعلا اندوخت واحترت و شوي تانية بيئس Don't be pessimistic Put this sentence in your mind .. " Why should I accept less when I can have more? " وباقي الأسئلة للطلاب الي عم يحضرو ان شاء الله ما بيقصرو خالد الهبل, اقتباس: ومانا عرفانين شو الأهداف من وجودها بس المهم أنو ليش بالشام في أتمتة نحنا كمان لازم يكون عنا أتمتة لا طبعاً مو هاد السبب .. هي لغوا نظام الأتمتة ليش ما قالو هيك الهدف من الأتمتة أخ خالد هوي رفع المعدل يعني اذا بتلاحظ علامات الطلاب بالمواد المأتمتة أكتر من المواد العادية فهوي بس لرفع المعدل أما بتجي للناحية التانية هو بيضر الطالب لأنو هو بحاجة لحتى يتدرب منيح على نمط الكتابة والgrammar بشكل صحيح لأنو هو رح يتخرج ويربي أجيال ولازم يكون بلبل بالانكليش هي هية القصة اقتباس: سبيلينغ مستيكس أو غراماتيكال مستيكس بتمنالكم التوفيق بإذن الله في الامتحانات وبتمنى تضلوا متفائلين لأنو هاد الشي بيأثر على نفسيتكم وبالتالي ما بتدرسوا كويس

الكاتب:	Odysseus [ الخميس مايو 21, 2009 8:31 am ]
عنوان المشاركة:	عااااجل ...تقنعوني او اقنعكم ؟؟؟؟؟ ونصائح منكم
العز بالإسلام, خالد الهبل, يعني ماني حابب ضيق أي شي على الي قالتو الأخت رغد . . جوابا كان كافي و أنا معها بكل شي الا بشغلة صغيرة اقتباس: الهدف من الأتمتة أخ خالد هوي رفع المعدل الهدف من الأتمتة هو انو يرتاح الدكتور من تصحيح المادة . . بيتعذب اسبوع زمان بوضع الأسئلة . . بس كمان بيرتاح كل الصيفية من التصحيح .. هاد فهم خطو و هاد عندو أخطاء و هاد ينجحو عال50 و لا يرسبو . . لذلك الطلاب آخر همون للدكاترة . . سواء نجحوا و لا عمرون بال ... على كل . . متل ما قالتلكم الأخت رغد ... تفاؤلوا بالخير تجدوه . . و ان شاء الله موفقين بإمتحاناتكم . .

الكاتب:	لمى [ الجمعة مايو 22, 2009 2:13 pm ]
عنوان المشاركة:	عااااجل ...تقنعوني او اقنعكم ؟؟؟؟؟ ونصائح منكم
ليكي هلأ ممكن تعتبري انو الأسئلة للماتمتة فيها نوع من الصعوبة وفيها كمان سهولة بعدين الدكتور ابراهيم حباب يعني مابجيب الا من اللي قرأه ومو بس قرأه اللي ركز عليه كتيير وانا بقلكن انو هو اغلب الاسئلة رح تكون عن المتكلم وعن الocasionاكتر من التفصيل واقراوا اسئلة الدورات كتتتير بكرر ؟؟؟ وفي تقريبا 30علامة من ال english novel وكتييير سهلة موفقين ولا تخافو منها بس خافو من المسرح

آرتين لتعليم اللغات https://forum.art-en.com/

عااااجل ...تقنعوني او اقنعكم ؟؟؟؟؟ ونصائح منكم https://forum.art-en.com/viewtopic.php?t=16763	صفحة 1 من 1

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/