نحن كطلاب نعاني عقدة فظيعة
......عقدة قد أصبحت رهابا لم يكتشفه العلماء بعد 
.....وأساس معاناتنا هو دراستنا 
فقد تحولت دراستنا عند البعض إلى( بعبع ) كما يقال في اللغة العامية....حتى أننا صرنا نهدس بها وبما يحدث معنا من الأمور الرائعة المضحكة وفي النفس الوقت المهلكة في أحلامنا
.... لذلك ننصح الكثيرين من الطلاب أن لا يثقلو من عشائهم ليلا 
إن هذه الأمور المتكررة قد أوصلت البعض إلى حد من الجنون
فتراه 
هنا وهناك كما حبة البوشار في قدر يغلي فيه الزيت محاولا إيجاد حل لمشكلته 
.لن أطيل عليكم الحديث اكثر من ذلك فمأساتنا ستتلخص في المشاهد التي سأعرضها عليكم فيما يلي
( بعض المشاهد قد تكون باللغة العامية للواقعية
):المشهد الأول:
يدخل الأستاذ إلى القاعة وإذا بعدد كبير من الطلاب...فتدور الأحداث التالية:
الأستاذ: لك ليش هيك في زحمة كتير اليوم؟
الطلاب: يا أستاذ طيب ما فينا نحضر غير هيك لأنو اليوم آخر يوم من الأسبوع وبعدا بدنا نقطع
الأستاذ: لا لا لا....أنا بهيك جو ما بعطي
أصلا ما كنت رح أعطيكون شي اليوم 
ويخرج الأستاذ من القاعة
الطلاب: إي....شو بدنا نعمل هلق؟
خلص يا جماعة طالما ما بدو يعطينا االيوم قوموا نروح
وبدأ الطلاب بالخروج من القاعة....وبقي البعض فقط لمجرد البقاء والكلام....ولكن كانت المفاجأة بدخول الأستاذ إلى القاعة
بعد ربع ساعةالأستاذ: يلا افتحوا الكتب لنشوف....بدنا ناخد درس
المشهد الثاني:
الطالب: أستاذ...شو المواضيع الداخلة بحلقة البحث؟
الأستاذ: أي موضوع بالكتاب يا ابني
الطالب : حلو الحكي
وذهب الطالب المسكين إلى بيته يحضر ويحضر ويحضر
...وعندما أنهى كتابة حلقة البحث وذهب ليسلمهاالأستاذ: تفضل يا ابني....وين حلقة البحث؟
الطالب: تفضل
الأستاذ: ومين قلك إنو هادا الموضوع داخل معنا؟
الطالب:
الأستاذ: يلا خدو وروح غير الموضوع
الطالب:
وفي مقلب آخر....وعند تقديم حلقة بحث أخرى
الأستاذ: خلص ما عاد فينيي ناقش حدا
الطلاب: بس يا أستاذ...
الأستاذ: خلص قلنا....اللي ما بدو يناقش يجبلي الحلقة على مكتبي
وذهب الطلاب إلى المكتب لإعطائه حلق البحث
الطلاب: تفضل يا أستاذ هي الحلقة
الأستاذ: ولشو هي؟؟
الطلاب:
...يا أستاذ ما هلق قلت اللي ما بدو يناقش يجبلك الحلقة على المكتب؟الأستاذ: لا مين قال هالحكي؟؟؟؟....أنا ما بقبل ولا حلقة بدون مناقشة
الطلاب:
.... المشهد الثالث:
يدخل الأستاذ إلى القاعة لمناقشة حلقة البحث...
الأستاذ: كم مرة قلتلكن ما بدي شوف زحمة بهالشكل هادا؟....كل واحد يلتزم بفئتو....ما بدي بالقاعة غير 20-25 طالب
الطلاب: بس يا دكتور الفئة بتطلع أكتر من هيك
الأستاذ: أنا مابقدم لحدا هيك اليوم
الطلاب: بس يا أستاذ هي 4 مرة منجي وما بتقدملنا وإحنا عم نجي من محافظات تانية
الأستاذ: هي مشكلتكن مو مشكلتي
الطلاب:
ويخرج الأستاذ من القاعة إلى مكتبه ويلحق به الطلاب
ويبدأ الجدال عند باب المكتب والأستاذ لا يفتح 
...فذهب الطلاب للإستعانة برئيس القسم وعند فتح الأستاذ للباب:الأستاذ: يا دكتور أنا ما بيمشي الحال هيك معي
الدكتور: شو مطالبك يا أستاذ
الأستاذ : ما بدي بالقاعة غير 20 طالب
الطلاب: طيب كيف بدنا نعمل هيك والقاعة مليانة؟
الأستاذ والدكتور معا: روحو لاقو شي قاعة فاضية واجمعو حالكن فيا وبعدين تعوا خبروا
الطلاب:
وذهب الطلاب ولم يعودوا
المشهد الرابع:
دخل الطلاب الكلية هذا اليوم وكلهم تفاؤل بأنهم سينهون قصة تقديم حلقات البحث فكل التزم بفئته
دقت الساعة الثانية عشرة...وإذا بالأستاذ يمر ببهو الطابق
الطلاب: شو يا أستاذ ما بدنا نقدم
الأستاذ: لا والله ما فاضي عندي اجتماع مهم
الطلاب:
.....إي والمعنى 
الأستاذ: تعو الساعة 2 في تقديم
الطلاب أمرنا لله منستنى
ومر الوقت عصيبا على الطلاب بانتظار الفرج....دقت الساعة الثانية وإذا بالأستاذ قد أتى
الأستاذ: ليش هيك زحمة
.....ما بدي غير طلاب هي الفئةالطلاب: بس يا دكتور نحنا صرلنا من الساعة 12 عم نستنى وإنت قلتلنا عال 2
الأستاذ: لا لا ما بصير هالحكي....بطلنا نقدم اليوم
الطلاب:
وخرج الأستاذ قاصدا مكتبه ولحق به بعض الطلاب ودار الحديث التالي:
الطلاب: يا أستاذ والله ما عاد فينا نجي أكتر من هيك....زكل يوم عم نطرق مشوار من المحافظات لهون وما عم نقدم الحلقة
الأستاذ: بتعرفو شو؟؟؟؟
وهنا لمعت فكرة لدى الأستاذ خلنا جميعا أنها ستحل المسألة
الطلاب وبلهفة: شو يا أستاذ
الأستاذ: قدمو السؤال البديل بالفحص والله أسهللكن
الطلاب:
.... بس ياأستاذ في مننا مقدمين القسم التاني وآخدين فيها علامة عاليةالأستاذ: بسيطة
.....اسحبوها وقدمو التنتين بالفحص الطلاب:
ومضى الأستاذ في سبيله
وبعد أن مل الطلاب....وفي تمام الساعة الثالثة دخل الأستاذ إلى القاعة بعد أن رحل أغلب الطلاب
....وناقش بعض الطلاب 
المشهد الخامس:
اليوم قرر الأستاذ الأستاذ أن يناقش جميع الفئات
وبدأ الأستاذ بالمناقشة....وبعد ساعة...
الأستاذ: خلص حاجة اليوم
الطلاب: يا أستاذ مشان الله خلينا نكفي بدنا نخلص ونقطع للدراسة
الأستاذ: شو بعمللكن؟....تعو الأسبوع الجاي
وخرج الأستاذ من القاعة
استوقفته طالبة على الباب...
الطالبة: يا أستاذ لإيمتا بدنا نضل نجي والله ما عاد فينا
الأستاذ: لا ما بصير....بعدين منخسر شوفتكن
الطالبة: طب يا أستاذ خدها بدون مناقشة
الأستاذ: لا ما بصير....لازم نسمع هالصوت الحلو
وببعدها ذهب سيادته إلى المكتب...ولحقه الطلاب وعند وصوله أغلق على نفسه الباب
دام حصار الطلاب له حوالي ثلاثة أرباع الساعة
.....واستمر طرق الباب دون جواب من الأستاذ.....وذهب البعض إلى عميد كليتنا وشكوا الأمر فأرسل العميد سكرتيرته ليفتح لها الباب.....وبقيت السكرتيرة حوالي 10 دقائق على الباب دون أن يفتح لها الباب ظنا منه بأنها طالبة......حتى اتصلت به على الهاتف النقال ورضي أن يفتح الباب....وبعدها بدأ يشكي للعميد من الطلاب وأنهم أتعبوه....وغادر إلى المنزل وظل بعض الطلاب بلا مناقشة حتى الأسبوع القادم
الطلاب يعانون كثيرا وبحاجة إلى حل جذري يفيدهم...
...لماذا لا يعطى الطاب حقه؟؟....ولماذا يعتبر عند البعض حقل تجارب مهيئ لجميع أنواع الاختبارات؟؟؟ فكيف لطلاب قد درسو نظام الأتمتة لمادة لثلاث دورات متتالية وتأقلموا مع هذا الوضع أن يطلب منهم وفي آخر الفصل الدراسي أن يدرسوا هذه المادة بنظام فرنسي؟؟؟
لا يعرفون حتى ما هو نظام الأسئلة فيه ( علما أنه مع إلغاء نظام الأتمتة إلا ان مجلس الكلية سمح بأتمتتة هذه المادة ومثيلاتها ولكن أستاذ المادة رفض أتمتتها وذلك من أجل سوية الطالب العلمية ....طبعا مع احترام رأي المدرس لأن لديه وجهة نظره الخاصة 
).....إن ما يحدث في كليتنا المصونة نوع من أنواع المهزلة الحقيقية ونتمنى من كل من يخصه الأمر أن يشارك بصوته ونتمنى من الجهات المعنية أن تتصرف بطريقة تصب في مصلحة الطالب لأننا وبعد كل شيء أبناؤكم ومستقبلكمفأرجوا منكم ألا تقضو على هذا المستقبل
وأخيرا....من واجبنا احترام جميع القرارات وآراء المدرسين مهما كانت ونتمنى أن يعاملوننا معاملة أبوية أخوية...ونحن لهم من الشاكرين
أعتذر عن الإطالة ونتمنى رؤية النتائج الإيجابية قريبا
إعداد : ناقد بناء - مجهول
جامعة البعث - حمص - آرتين
