برشلونة و عصابة النرويجيين و الاتحاد الاوروبي و بلاتيني....

Zaher · **مرسل:** الخميس مايو 07, 2009 4:58 pm

[align=center][align=center]بالامس شهد العالم مهزلة تحكيمية لا يمكن ان تعتبر طبيعية و غير متعمدة

اربع ركلات جزاء يتجاهلها الحكم من دون شك لا يقبلها العقل

ركلة واحدة اثنتين لا باس لكن اربعة بدون ادنى شك انها مدبرة

فحتى فريق من الدرجة الرابعة في انكلترا او فريق اسيوي او أي فريق ضعيف لو يلعب مع تشلسي

او مانشستر او ارسنال او بايرن ميونخ او يوفنتوس او انتر ميلان و الحكم يتجاهل اربع ركلات جزاء فسيكون بامكان هذا

الفريق الهزيل ان يحقق التعادل

و الان اريد ان اكشف حقيقة لم ينتبها لها الكثيرين و هي

برشلونة و الحكام (العصابة) النرويجيين !!!!

برشلونة في السنوات الاخيرة تمكن من اخراج ثلاث فرق انكليزية و هي تشلسي و الارسنال في 2006

و تشلسي في مباراة اليوم

برشلونة - تشلسي – دور ال 16 عام 2006 – مباراة الذهاب في ستامفورد بريدج

الكادر التحكيمي نرويجي

الحكم – تيري هيوج \ نرويجي

Terje Hauge (NOR)

الحكمان المساعدان – اولي هرمان بورجن و شتاينر هولفيج \ نرويجيان

Ole Hermann Borgan (NOR) Steinar Holvik (NOR)

الحكم الرابع – تومي سكيرفن \ نرويجي

Tommy Skjerven (NOR

تلك المباراة شهدت اغرب حالة طرد عندما طرد اسير ديل هورنو في الدقيقة 34 مما جعل برشلونة يفوز

و ديل هورنو لم يكن يملك بطاقة صفراء حتى و لم يكن هناك اعاقة قوية لميسي بالاضافة الى عدم وجود فرصة

خطيرة لبرشلونة لا بل أي فرصة فالحالة كانت عند علم الزاوية و شاهد الصورة المتحركة و المباراة انتهت

بفوز برشلونة 2-1

للتاكيد من كون الحكام نرويجيين – مصدر من اليويفا

http://www.uefa.com/competitions/ucl/hi ... rt=lu.html" onclick="window.open(this.href);return false;

برشلونة – ارسنال – نهائي البطولة 2006

الكادر التحكيمي نرويجي ايضا !!!!!!!

قبل المباراة النهائية للبطولة عين الاتحاد الاوروبي الحكم النرويجي اولي هيرمان بورجن لقيادة المباراة

و هو الحكم الذي كان ( حكم مساعد ) في مباراة تشلسي و برشلونة في دور الستة عشر و هو تسبب بطرد

ديلهورنو

و هذا الحكم شاهدوه يرتدي ملابس فريق برشلونة و التقطت له صور و تم فضحه و نشرت في الصحف

و عندها اضطر الاتحاد الاوروبي لتغيره بحكم نرويجي اخر لان اللعبة انكشفت فتم استبداله بالحكم النرويجي

الاخر و هو تيري هيوج لقيادة المباراة النهائية و هو نفس الحكم الذي قام بتحكيم مباراة برشلونة و تشلسي

و اضافة حكم مساعد جديد نرويجي ايضا و هو اريلد سانديت كحكم مساعد

صورة للحكم النرويجي اولي هيرمان بورجن و هو يرتدي فانيلة برشلونة

مصدر من الموقع الرسمي لليويفا يذكر فيه تبديل هيرمان بورجن بتيري هيوج بعد ان شاهدوه يرتدي ملابس برشلونة

http://www.uefa.com/competitions/ucl/ne ... 22361.html" onclick="window.open(this.href);return false;

المباراة النهائية لدوري الابطال

الحكم – تيري هيوج \ نرويجي

Terje Hauge (NOR)

الحكمان المساعدان – اريلد ساندنت و شتاينر هولفيج \ نرويجيان

Arild Sundet (NOR) Steinar Holvik (NOR)

الحكم الرابع – توم هينينج \ نرويجي

Tom Henning Øvrebø (NOR)

المباراة النهائية لدوري الابطال لم تسلم من الاخطاء التحكيمية ضد الارسنال فطرد ليمان و هدف ايتو تسلل

بالاضافة الى الكثير من الاخطاء و الاقرارات التحكيمية الظالمة للارسنال

مصدر من اليويفا للتاكيد من ان الحكام نرويجيين

http://www.uefa.com/competitions/ucl/hi ... rt=lu.html" onclick="window.open(this.href);return false;

برشلونة – تشلسي – نصف نهائي 2009 – الاياب في ستامفورد بريدج

شاهدنا المباراة و شاهدنا تجاهل الحكم النرويجي لخمس ركلات جزاء مستحقة لبرشلونة

و الحكم هو توم هينينج الذي كان الحكم الرابع في نهائي 2006 و كادر التحكيم نرويجي ايضا و لن اذكر اسمائهم

هذا المصدر

http://www.uefa.com/competitions/ucl/fi ... rt=lu.html" onclick="window.open(this.href);return false;

_______________________________

و الان لناتي و نفكر بالعقل و المنطق

3 انتصارات لبرشلونة على الانكليز و في كل مرة هناك اخطاء تحكيمية غير طبيعية و الكادر التحكيمي نرويجي

لماذا دائما الحكام نرويجيين ؟ هل هي مجرد مصادفة ؟ و ما هو تفسير الصور التي اظهرت الحكم النرويجي بملابس برشلونة ؟

و من يحدد و يعين الحكام للمباريات اليست اليويفا أي الاتحاد الاوروبي الذي يراسه بلاتيني ؟

فهناك علاقة بين برشلونة و الحكام النرويجيين و اليويفا التي تعين النرويجيين لمباريات برشلونة

فكلما كان هناك نرويجيين يفوز برشلونة على الانكليز بجملة من الاخطاء التحكيمية المتعمدة

وعلى فكرة من بداية التشامبيوز ليغ صرح بلاتيني بأنه لن يسمح بتكرار ماحدث في السنة الماضية بتأهل ناديين انجليزيين للنهائي هذا العام
يعني بالله عليكم شو بدكن اكتر من هيك إثبات على مؤامرة واضحة ضد الانجليز

وبالصدفة كان البرشا هو الذي يواجه النادي الانجليزي الوحيد الذي يلعب ضد نادي غير انجليزي حيث اللي بالطرف الاخر كان (مانشستر والارسنال )
فكان يجب على بلاتيني ان يوقف هذه القوة الانجليزيةفي التشامبيوز وذلك بوضع اسوأ حكم عرفته النرويج وحدوث مهزلة كروية بحتة (يعني عيني عينك )
وبالنسبة لطرد ابيدال كان يجب على الحكم ان يفعل شيئا ضد البارشا لكي لا يفضح امره
مع العلم انو مفضوح خلقة
وبتمنى يعترف شي برشلوني بأنه لايستحق الفوز بتلك المبارة أو على الاقل ليعترف انو الحكم كان مرتشي ,,,,,يعني والله لومتأهل البارشا بدون هيك مهزلة كروية كنت ما زعلت بس يعني والله شي مضحك,,,,
وبحب فرجي للي ماشاهد المبارةوللي شاهدها وعم يقول انو ماعندكم الا ضربة جزاء واحدة روح و شوف ركلات الجزاء الاربعة الواضحة وضوح الشمس بالهارابط هاد يعني لو جابو حكم اعمى كان شافها

http://www.youtube.com/watch?v=gkY51nEUYiQ" onclick="window.open(this.href);return false;

بس لو كنت مكانو لبالاك والله مابخليه يطلع من الملعب الا وشبعان قتل هالحكم
وللمعلومية انو صدرت قرارات جديدة للاتحاد الاوروبي لكرة القدم وتنص كما يلي:

1-لمس الكرة باليد داخل منطقة الجزاءليست خطأ خاصة اذا كانت للفرق ذات اللون الاحمر

2-في حال حدث خطأمن داخل منطقة الجزاء فلا مانع من احتسابة من الخارج

3- اذا كان الفريق الذي تود وصولة الى النهائي متأخرا بهدف فلا تحتسب عليه ضربات جزاء

4- الحكم له الحقفي عدم مشاهدة ما هو واضح امام عينية .. في حال رغب ذلك

5-تنطبق هذة الاحكام و القوانيينفي النصف نهائي و النهائي ايضا

6-لا يحق لاي لاعب الاعتراض و في انتظار العقوبات التي ستحل على الفريق المظلوم قريبا و قرارات اخرى قادمة

توقيع ::بلاتيني

وهلق اترك لكم المجال للتعليق وخاصة للبرشاوية (ارجو ان تحكمو ضميركم وتضعو الرد)[/align][/align]

Obada Arwany · **مرسل:** الجمعة مايو 08, 2009 1:24 am

Zaher,
هلق أخ زاهر ما بعرف بغض النظر عن اذا في مؤامرة و لا لا
انا الشي الي بتفق معك فيه
انوا و بحسب قسم التعليق ب قناة الأرتي انوا طرد اللاعب كان صحيح
السبب : المدافع مسك ايد اللاعب اللي كان منفرد و نسبة تحقيق الهدف 90 بالمية

الجزاء لدروغبا يعني الصراحة واضحة يعني غير عن انوا مسكو بعد ما طلع منو ضل ماسك ايدو و نزل مقص ام المهاجم وقع و بصراحة صح هي مو مبينة بس ما لازم تغيب على حكام دوليين و اذا غابت عن حكم الساحة فشو شغلة حكام التماس؟

انفرادة أنيلكا مدري ابيدال و الله نسيت كمان فيها شك هي بس مو واضحة متل اللي قبلها

عندك أهم شي لمسة اليد تبع بيكو يمكن يعني هي فيها حمرة و جزاء لانو اعترض الطابة بإيدوا بمنطقة الجزاء لما المهاجم سددها على الكول
و الضحكة انوا اللاعب نفسو استغرب ليش ما عاقبوا

و في تبع ايتو يعني معو حق يعترض الطابة بضهروا بس ليش رفع إيدو بظن انوا فيها جزاء و هيك بيتوافق رأيي مع لجنة تحكيم الأرتي بالأستوديو من عيدا واحد متحيز كان

هلق بالنسبة للمباراة لاحظنا انوا برشلونة ما قدر يخترق صفوف الدفاع تبع تشيلسي و اعتمد على الحلول الفردية و ساعدن الحكم طبعا برأيي
هجوم برشلونة ضغط كتير بالشوط الاول و مع ذلك أكل كول غلط بسبب الفراغ اللي كان بالدفاع ما بعرف اذا حدا شاف تعليق الأستوديو عليها لما رسمو خطوط

بالنسبة لدروغبا و بالاك طبيعي انوا يعصبوا و توقعت يطلع منن أكتر من هيك

النقاط اللي بتنحسب لبرشلونة أداء لاعب الوسط شافي و ميسي و واحد تاني نسيت اسمو

برشلونة عجبني بإنوا كان قناص و بصراحة قدر يحط كول متل ما حطو عليه و بأخر الدقايق يعني لعب كبار

و أحلى شي طبعا بالمباراة كان المشهد الرياضي للمدربين و هنن واقفين جنب بعض عم يضحكوا تحية مني الن

ألف مبروك للبرشلونيين الـتأهل و موفقين بمباراة مانشستر
و هارد لك للبلوز و خيرها بغيرها يا شباب

يعني انا حاسس انو في بحكيي تحيز للبلوز بس صدقوني هاد الي صار
و انتوا بتعرفوا ضربة جزاء بتغير كتير

Osama · **مرسل:** الجمعة مايو 08, 2009 5:00 am

Zaher,
مع احترامي الك و لكرهك لبرشلونة بس ممكن تقلي شو ح يفيد هالحكي هلأ
يلي ضرب ضرب و يلي هرب هرب
و يلي تأهل تأهل و يلي صف عالدور صف عالدور
يعني هي هيي قمة الذكاء... بدكن تقولوا انو مشتريين الحكام
اي اخي اشتريناهم بس العترة عليكن المالك تبعكن من اغنى اغنياء العالم و ما عم يتصرف بالمصاري شو رأيكن تعملوا دورة تدبير حكام ؟؟؟
هي موجودة فقط عند ناديين بالعالم الكرامة و برشلونة اذا بدكن تربحوا
و اذا بدكن تعلبوا و تخسروا و تحطوا الحق عالحكام فبقى هي مشكلتكن و لا تنسى انو المباراة كانت بلندن يعني جماعتكن هنن يلي لازم يزبطوا الحكام و الله لو كانت ببرشلونة كنت قلتلكن ع راسي بس انو بلندن و عم نزبط الحكام كمان؟؟؟؟ لهون وصلت

مشكورين لأنكن خليتوني حب بارشا اكتر و اكتر

Wissam · **مرسل:** الجمعة مايو 08, 2009 2:37 pm

Zaher,
أنا معك باللي حكيتو وموافق عليه 100\100......بس بدي ناقش أسامة شوي

Osama,
هلق بعرف أول شي بدك تقلي تقلي إنو اللي بدي احكيه رح احكيه لأني مشجع للريال وبكره برشلونة وبدي أي فريق يفوز عليه

يا سيدي إي أنا بكره برشلونة.
بس الحكي اللي بدي احكيه هلق وجهة نظر متابع محايد.
يعني هلق بالله إنت مقتنع باللي عملو الحكم بالمباراة؟

.....ومقتنع إنو تشيلسي ما انظلم أبدا؟؟؟؟؟؟
بعرف إنو هالحكي ما بفيد أبدا........بس عنجد هالحكم كان أسوأ حكم شفتو بحياتي كلها والتحيز لبرشلونة كان واضح 100\100.....وهادا الحكي مو من عندي يا سيدي من عند أكبر مشجع كتلوني بشوفو.....عمي

عمي إلو 30 سنة بشجع برشلونة....يعني فيك تقول برشلونة روحو....ومتعصب لدرجة ما طبيعية لهالفريق......بس مع ذلك قال الحق وقال إنو مع إنو هو كتير مبسوط بتأهل برشلونة بس الواحد يحكي الحق......تشيلسي انظلم كتييييييييير
أنا ما حابب فوت بنقاشات طويلة عريضة عالفاضي.....بس كنت حابب أعرف وجهة نظرك كمشجع منطقي بعيدا عن التعصب

وبظن الأرقام اللي حطها زاهر منطقية

وعفوا عالإطالة

Osama · **مرسل:** السبت مايو 09, 2009 11:39 pm

Wissamo,
[quote]
يا سيدي إي أنا بكره برشلونة
[/quote]
الاعتارف بالذنب فضيلة [quote]
بس الحكي اللي بدي احكيه هلق وجهة نظر متابع محايد.
[/quote]
بما انك بتكره بارشا فمستحيل انك تكتب بوجهة نظر محايدة و ما بني على باطل فهو باطل
بس مع ذلك رح اجي معك.......

[quote]
يعني هلق بالله إنت مقتنع باللي عملو الحكم بالمباراة؟
[/quote]
أي
[quote]
ومقتنع إنو تشيلسي ما انظلم أبدا؟؟؟؟؟؟
[/quote]
لأ انظلم بس بنفس مقدار الظلم على برشلونة (طرد ابيدال) [quote]
........بس عنجد هالحكم كان أسوأ حكم شفتو بحياتي كلها والتحيز لبرشلونة كان واضح 100\100
[/quote]
كلام مردود عليك [quote]
وهادا الحكي مو من عندي يا سيدي من عند أكبر مشجع كتلوني بشوفو.....عمي
[/quote]
ع راسي.... بس يمكن اذا هوي اكبر مشجع كتلوني بتشوفو بحياتك هي هلأ رح تشوف مشجع متعصب و متحيز للبارشا اكتر من عمك و كل التحية لعمك لأنو بيشجع بارشا [quote]
عمي إلو 30 سنة بشجع برشلونة....يعني فيك تقول برشلونة روحو....ومتعصب لدرجة ما طبيعية لهالفريق......بس مع ذلك قال الحق وقال إنو مع إنو هو كتير مبسوط بتأهل برشلونة بس الواحد يحكي الحق......تشيلسي انظلم كتييييييييير
[/quote]
طيب انا هلأ عمري 24 و رح فوت بال 25.... من لما وعيت ع الطابة كنت البس كنزة بارشا مع اني ما كنت بعرف من وين هالفريقو بخصوص ظلم تشيلسي هاد رأي عمك و انا بحترم هالرأي بس بخالفو و بقلو كمان انظلم بارشا [quote]
أنا ما حابب فوت بنقاشات طويلة عريضة عالفاضي.....بس كنت حابب أعرف وجهة نظرك كمشجع منطقي بعيدا عن التعصب
[/quote]
مستحييييييييييييل اني كون مشجع منطقي بخصوص الكرامة أو برشلونة أو يوفنتوس أو ايطاليا [quote]
وبظن الأرقام اللي حطها زاهر منطقية
[/quote]
منطقية بالنسبة الكن و لدرجة كرهكن لبرشلونة
Wissamo,

بعتذر......... بس ما بقدر كون محايد

Obada Arwany · **مرسل:** الأحد مايو 10, 2009 1:03 am

Osama,
دروق أسامة
اي شو بدك البيضة و التقشيرة

خلص هي ألف مبروك التأهل
و قلنا قبل برشلونة لعب متل تشلسي و كان متفوق بصراحة بالكول اللي قنصو قنص بأخر الدقايق
و مشان طرد أبيدال فبالمقابل ضربتين جزاء
يعني مو وحدة و بتعرف انت ضربة الجزاء شو بتعمل بالمباراة
فخلص لفولنا اياها و ان شاء الله في موضوع مناقشة حول الأندية السورية بدي نزلو قريبا وفرولي جهدك عليه
سلام و موفقين قدام مانشستر

عصام · **مرسل:** الأحد مايو 10, 2009 9:32 am

كل هاد رايح علي
لك ابو السيم لا تظل تصرعنا بالبارسا
باركنالك وخلصنا
ومبروك التاهل ومتل ماانقال اللي ضرب ضرب واللي هرب هرب
بقا حاجة وجع راس واخد وعطا
بس بيني وبينكن البارسا حرام يتاهلو

Zaher · **مرسل:** الأحد مايو 10, 2009 4:56 pm

Osama,

أنا استنتج من ردودك شي واحد بس انو انت شكلك ماشفت المباراة كلها من اساسها
واكبر دليل انك عم اتقول انو الحكم ماظلم البلوز ابدا وكان عادل
وخاصة انو طرد ابيدال وحرمنا من ضربتين جزاء (وليس اربع)
يا اخي روح شوف المباراة بالاول او ازا كنت شايفها ارجاع شوفها وشوف كيف كنتو عم تلعبو كرة يد مو كرة قدم .....
وبالاخير خلص اللي ضرب ضرب ورحتو عالنهائي
بس لاتقلي انكم فزتو بالعدل ومابعرف شو ...

Osama · **مرسل:** الثلاثاء مايو 12, 2009 9:53 pm

Obada Arwany,

خلص و لا يهمك...بس لا بقا حدا يستفزني منوب

Zaher,
طيب متل ما بدك
بس بدي قلك اني متعصب كتير للبارشا

سلام

LATEST_POSTS

قوانين المنتدى

برشلونة و عصابة النرويجيين و الاتحاد الاوروبي و بلاتيني....

الموجودون الآن