nanno,

انتي درسي الأعمال الأدبية منيح و بتعرفي تكتبي اي موضوع بدك ياه . .

الدكتور ماجد ما بهمو مواضيع . . بدو يسأل عن شغلات محددة بالأعمال الأدبية . . و مالازم تكتبي الجواب بصيغة مقال . . الجواب لازم يكون مباشر و دون اي مقدمة او خاتمة . . يعني اذا السؤال بيتطلب تعدادات بتكتبي الجواب على شكل تعدادات . .

أما بالنسبة للمسرح الحديث . .الدكتور كان عم يعطي المادة على أساس انها أتمتة . . و ما بين معو انو مو مأتمتة لأخر محاصرة لذلك ما كان يركز على شي معين .. بس:

بس هو حكا بآخر محاضرة انو الأسئلة رح تكون واضحة جدا جدا جدا جدا . . رح يكون في تعاليق لمقاطع معروفة و رئيسة مو ثانوية . . و نفس الشي بالنسبة لسؤال المقال : رح يكون المقال عن شي رئيسي و مو ثانوي . . يعني :

ممكن يكون في سؤال على ابسن او تشيخوف او شون اوكاسي . . المطلوب انو نلخص معلومات عنن من كتاب "المسرح من ابسن لبرخت" . .

بالنسبة للمسرحيات في 3 مواضيع مهمة . . يكل مسرحية موضوع :

ب ايفانوف . . ممكن تكون المقالة عن شخصية ايفانوف

ب عدو الشعب . . الدكتور حكا بالمحاضرة انو المسرحية كلها مبنية على موضوع واحد و شرحو بالمحاضرة و نقلنا اياه . . و موجود بالمحاضرات يمكن . .

ب "The Shadow of a Gunman" في احد موضوعين :
1- Style in the play
2- The characters of Seumas, Davoren and Minnie

الدكتور ضاف بآخر المحاضرة انو ممكن كتير يكون في أسئلة مقارنة بين مسرحيتين او بين المسرحيات التلاتة . .

موفقة ان شاء الله

السؤال بمكانو
و الجواب كمان بوقتو و بمكانو
يسلمو علاء

nanno,




يا أخي الحق الحق عليك اخترلك شي اسم مبين بعدين وين الأيقونة تبعيت الشب . . ليك شو في تحت اسمي انا . . أيقونة هالقد قدا

عفوا مرة تانية . . و بتمنى تكون استفدت من الرد . .

لجين, سيرين,

هاد واجبي

no-na,

مشكورة لإضافة . . معناها الدكتور حلمي متل الدكتور الياس . . تنيناتون بقيسو بالشبر
منيح نبهتينا من شان نكتر الحكي شوي

موفقة انت كمان

Ala' Al-Ibrahim
مرحبا بالنسبة لمواضيع الروائيين رح تكون واضحة اما بالنسبة للتعاليق فكيف رح تكون واضحة اذا هو مو عاطي ولا تعليق بكل المحاضرات لانو المادة كانت ع اساس اتمتة فكيف بدنا نعرف ممكن تدلوني ممكن اعرف شو اسم الموضوع بمسرحية عدو الشعب أخي لانو عندي المحاضرات من وضاح بس وانا عم اتصفحون لئيت انو كلون افكار لمادة مؤتمتة. يلي آصدتو بكلامي انو مافي مواضيع او تعاليق واضحة او اساسية متل ما ذكرت
أخي بتعرف شي مصدر ممكن نأمن منو مواضيع المسرحيات أو حدا يدلني ع التعاليق يلي ممكن تكون مهمة يعني والله ما معئولة دكتور المادة يدرسا ع اساس مؤتمتة و يطلع القرار انو غير مؤتمتة طيب و الطلاب شو بدا تعمل بحالا .؟ والله حرام هيك

Rama_n,

أهلا فيكي أول شي . .

اذا فهمتي المواضيع منيح . . رح تجاوبي على التعاليق منيح كمان .. لأنو دائما التعاليق و المواضيع مرتبطين مع بعض . . يعني الي بدك تحكيه بالتعليق هو نفسو الموضوع و لكن بدك تحكي عن الشي الموجود ضمن المقطع الي عاطيه الدكتور فقط . .هي أولا . .
أما تانيا . . فحتى لو ماقرا الدكتور شي بالمحاضرات . . ايمتا كانو الدكاترة يجيبو شي من الي قارينو . . النثر بالفصل الأول كانت تعاليقو غامضة جدا و لو مو مكررين بأسئلة الدورات الطلاب كانو راحو فيها . . الي بدي قولو انو مافي مشكلة اذا الدكتور قرا تعاليق او لا . . هو وعد متل ما شفتي و قللنا انو التعليق الي بدي جبلكون اياه هو رح يمحكي عن حالو . . رح يقللكن " أنا من المسرحية الفلانية و فلان هو الي بقولني" هيك وعد الدكتور . . يعني مسألة معرفة "الرقم الوطني" صارت سهلة بقا

تكرمي

Personal integrity Vs. Social obligation

و هادا الموضوع الدكتور نقلنا اياه بمحاضرة نهار التلاتا 24\03\2009 بالمدرج 1 الساعة 10 و 3 أرباع تماما

ليكي . . خدي نصيحة أخ . . لا تعتمدي لا على وضاح ولا غير وضاح . . لأنو معروفين كيف جماعة المكتبات بينزلو محاضراتون . . آخر همون مصلحة الطالب . . الربح عاميلون عيونن و عم يتفننو "بمص دم الطلاب" لذلك اعتمدي على الله و على نفسك و على الكتب فقط . . مو غلط تجيبي محاضرات من أي مصدر كان . . بس ما تعتمدي عليهن بالمطلق . . استفيدي منن بقدر ما يضرك

بتتوكل على الله و بتنجح ان شاء الله

أي سؤال تاني نحنا بالخدمة ان شاء الله ...

موفقة