اقتراح : مشروع " حفل تخرّج "
السلام عليكم
في عندي موضوع حابة اطرحو وياريت لاقي مين يسمعني
سبق وبعتت للموقع ع راسلنا سؤال اذا كان في حفل تخرّج بالآداب أو لأ ؟ فكان الجواب لأ ! فطلبت من المدير (فارس) انو يسعى مع جماعة المنتدى ويرفع طلب للادارة بالكلية ونحنا منوقع عليه بس للاسف ما رد عليّ !!!؟
وطبعاً بما انو الموضوع كتير بيعنيني حبيت اسعى بنفسي وما استنى حدا فسألت الدكتور مزعل عن هالشي الدكتور قال انو الفكرة معقولة ورح يدرسها ويطرحها عالادارة وانشالله خير
وبصراحة انا حكيت معه مرتين وخجلت اني اساله مرة ثالثة حتى ما كون عم لح عليه
انشالله بيقرأ رسالتي ويكون مشي الحال عصام بدي هالشغلة منك وياريت تاخد الموضوع على محمل الجد
(يمكن تقولوا انو هي ضمنانة التخرّج وعندنا كل هالبلاوي)
يمكن يكون في أشياء أهم بس عن جد هالموضوع كتير كتير بيعنيني متل ما سبق وقلت (يعني من نحنا وصغار بنحلم بهاليوم وقت اللي قرّب طلع عحظنا مافي حفل تخرّج عنا بالكليّة )
هلق يمكن تقولوا انو الاعداد كبيرة عندنا بس هاد ما بيعني انو ما فيهم يعملوا لكل فرع حفلة خاصة فيه وبيوم آخر !
ع فكرة أنا عم احكي باسمي واسم رفقاتي موبس بالرابعة وبالثالثة كمان
بتمنى انو الكل يساندني بهالموضوع و تدعموه وانشالله بيتاخد كلامي بعين الاعتبار
بتمنى التوفيق للجميع والنجاح والتخرّج والله ييسرّلنا ( آمين )
عم انتظر الرد والنتائج ...... مع شكري للجميع
وقت بيشوفوا الكل بدوا فبيصير ممكن يردوا علينا