السلام عليكم و رحمة الله و بركاته:

كثير منّا يهوى التدريس و البعض لا يحبه لأسباب عدة .. أود أن أناقش في هذا الموضوع مسألة التدريس مالها وما عليها .. لنبدأ من المعنى العام للتدريس و ننتهي بالتفصيل لنناقش طرائق تدريس اللغات (العربية و الانكليزية و الفرنسية) التي تهمنا بالدرجة الأولى كطلاب للآداب و كلّ شخص يناقش حسب اختصاصه لنغني الموضوع مااستطعنا .. بالإضافة لمناقشة الطرق التي نحبذها أو ننبذها في التدريس

التدريس ليس مجرد نقل المعلومات و تلقينها للطلاب و إنما هو فن بكل معنى الكلمة يتطلب منا أن نقوم بعدة أدوار في وقت واحد

عبير,
و عليكم السلام ورحمة الله وبركاته , وبدي اشكرك من كل قلبي على طرح هالموضوع القيم والمفيد ....طبعا راح جاوب ... بس بنفس الوقت حابة شوف آراء الطلاب ورأيك لانو موضوع جدا بيهمني ...
انا برايي التدريس لازم يتطور مع كل جيل لحتى يواكب التغيرات بالمجتمع ....يعني فينا نقول كل سنة لازم يكون في نقلات نوعية ..... وهاد الشي مستحيل يقدر الاستاذ يعملو لحالو لازم يكون موجه من السلطة الاكبر منو الا وهيي وزارة التربية والتعليم ....و اذا بدنا نحكي عن المدرس بحد ذاتو يعني لازم يكون مرتاح نفسيا و ماديا لحتى يقدر يعطي من قلبو وباخلاص ....لانو متل ما منعرف التدريس طلع من اصعب عشر مهن بالعالم . أنا بالنسبة الي بعتقد ان الطرق القديمة ما عاد تنفع بنوب ...يعني برجع لنقطة التجديد المستمر .....لانو التدريس بقدر ما هوي تعليم هوي تربية ...و مستحيل تلاقي هالجيل متل جيلنا او الجيل الي قبلنا... ما ممكن ندرسو متل ما نحنا درسونا ....يعني من قبل كانت تفوت الآنسة و معا مسطرة الكل يهاب وينتبه عالدرس .... بس هلئ مستحيييييييل
يعني لازم المدرس يشغل انتباه الطالب بكتير طرق بما يفيد الدرس لحتى يقدر يوصل المعلومة ....
و برجع بقلك هاي شغلة جيلا بعد جيل ...مستحيلة ....كل جيل الو سيكولوجية خاصة بدنا نحاول نفهما لحتى نقدر نرتقي بالتعليم ونقدر نوصل المعلومة صح في كتير طرق ....أول شي نزع شبح اللغة عن الطلاب ... يعني معظم الطلاب عندن عقدة انو اللغة أمر مستحيل و غريب عنهن....
لازم اللغة اتكون مكثفة من الصغر مشان ما يتعذبو لما يكبرو وتسهل عليهن الامور .... ولازم يكون الصف مفعم بالانشطة الي تخلي الطالب يفهم ويحفظ اللغة بطريقة محببة و يحاول يحكي ويمارس اللغة من الصغر
و از بدنا نحكي عن تعليم اللغات عند الكبار ..... فأنا ما بشوف أجمل من السيديات التعليمية والناطقة كوسيلة للتعليم ... وطبعا القراءة والكتابة ...


لي عودة مع بقية الأسئلة

عبير,
أول شي بدي هنيكي على المواضيع الرائع وكعادتك لساتا مواضيعك رائعة ومفيدة
على فكرة عبير الموضوع يلي طارحتيه بينعمل عليه رسالة دكتوراه لأنو هو نفسو اختصاصي طرائق تدريس
هي بالبداية شغلة نسبية (واحلى شي بالمدرس \إنو ما يقلد حدا يعني يخلي لحالو شخصية مستقلة بذاتا ومتميزة عن غيرها )طبعاً في نقاط ممكن تشوفيها عند غيرك من المدرسين وتحبيها كتير ممكن تتعملي منها وتخليها جزء من أسلوبك
هادا السؤال جوابو يلي فوق
طيب راح إحكي عن حالي وما بئدر احكم إنو أنا ناجحة ولالا
المهم أهم شي إنو ماكون مثالية مع الطالب بالتعامل وما ائعد اعرضلو كل شي على إنو مثل وقيم وأخلاق (طبعا من ناحية المعاملة ) وكون قريبة منو وخصوصي بمجالي انا التدريس بالكليات الأغلبية قريبين مني بالعمر بتبع معن اسلوب متعة التعلم والعفوية وخصوصي إنو في طلاب لغتن الأساسية إنكليزي وماعم يتئبلو الفرنسي كلغة ثانية متل الطب والعلوم الصحية
بصراحة كانت العلوم الصحية من التجارب الحلوة يلي عشتا انك تتحكمي ب300طالب وتدرسيهن وتخليهن يشتغلو لحالن يعني قضيت معهن أوقات رائعة هني والهندسة المدنية وحسيت حالي مشتائة لارجع متلن طالبة
وبنفس الوقت فرجيتن الجانب القاسي مني سواء صراخ او زور يعني حلو انو تكوني قاسية ولطيفة معن بنفس الوقت لأنو بحالة العالوم الصحية مثلا مافي هدف لتعليم اللغة الفرنسية بئا انا يلي لازم اخلق هالهدف يا أما خليهن يحبوا المادة وهادا غالبا يلي عم اتبعه عن طريق متعة التعلم يعني اخلق أنا عندن الدافع حتى يتعلموا هاللغة أما يلي بيدرسو اللغة لأهداف تخصصية هدول شغلتك كتير سهلة لأنو الهدف واضح وهو انو يئدرو يستخدموا شوية مراجع باللغة الفرنسية وبهالحالة الهدف واضح بئا صارت الطريقة واضحة
ببساطة تحددي الهدف يلي عم يتم من أجلو تعليم اللغة (يعني ليش انا بحاجة لأتعلم هاللغة )وعلى أساسو بحط االبرنامج وبرسم الاستراتيجية لأنو وقت ما بيكون في هدف ماراح يكون في نجاح (طبعا الهدف غير النجاح بالامتحان )وأفضل الأساليب برأيي لأنو نعلم اللغة للتواصل مو بس مثلا ً إجي أحفظ فعل الكون وما اعرف ليش بدي استخدمو وكيف بدي استخدو
لا ما كتير للأسف لسا ما وصلنا للمستوى المطلوب أبدا بس بصراحة الأمور عم تتحسن كتير كتير وخصوصي بعد العناية الكبيرة باللغة هادا بالنسبة للجامعة أما بالنسبة للمدارس المدرسين لسا ماعم يعرفو كيفية تدريس المناهج الموضوعة بين إيديهن يعني في أغلاط كبيرة عم ترتكب أولها اللجوء الكامل للترجمة وهادا الشي يلي عم يحاولو يمنعوه حاليا
العلاقة كتير كبيرة وقت لأنو وقت بتكون طريقتي بالاساس غلط وما موضحة تماما شوبدي الطالب راح يكون ضايع وهو بالتالي ماراح يعرف شو بدو وماراح يكون عندو دافع حتى يتعلم هاللغة بالتالي راح يفشل
من ناحية المبدأ هو واحد أكيد أما الطرق بتوقع كمان الطرق وحدة وخصوصي الفرنسية والإنكليزية
يعني بالمختصر المفيد حاليا وزارة التربية عم تدعم بشكل كبير تدريس اللغات وعم تسعى لإعداد مدرسين يكونوا أد هالمهمة السامية ونفس الشي وزارة التعليم العالي يلي هو اختصاصنا
وراح يتم تغيير المناهج المدرسية بشكل كاتمل وجعل اللغة في خدة التواصل مو للحفظ البصم
شكرا كتير عبير على فكرة الموضوع كتير كتير كتير واسع حاولت جاوبك بالمختصر المفيد

عدت .... احم احم أنا ما شايفة في طرق اساسا يعني معظم المدرسين بيتبع اسلوبو الخاص ...و خبراتو الخاصة وتصوراتو الخاصة . ..طبعا انا ما بنكر انو في مدرسين رائدين بس بيكونو هنن الي مطورين حالن ...بس ما في منهجيات وأساليب و أسس بيتبعوها الجميع ....و و حتى لو فيه ما حدا بيتقيد فيها ....
و اذا بدنا نحكي عن التطوير و التحسين ...أنا برايي لازم نبلش بالتغيير اولا ...مناهج مطورة ...اساليب جديدة ...متل تدعيم دور الطالب لحتى يكون مشارك بالدرس أكتر من انو يكون متلقي ...ادخال الوسائل التعليمية بشكل اوسع ..متل الاشرطة و السيديات واللوحات و المجسمات..... طبعا انا عم احكي بشكل عام سواء تدريس اللغات او غيرا ....
لا شك انها علاقة كبير ....بس بكل الاحوال حتى لو كانت الطرق المتبعة للتدريس ممتازة .....نتائج الطلاب أكيد راح تتفاوت ...يعني دايما في الممتاز وفي الجيد و في الضعيف ...لانو النتائج بتتعلق كمان بمستويات الذكاء المتفاوتة حلو كتير انك اتطرقتي لحالة الطالب النفسية ....لانو يا حرام قليل حدا يراعيها .... و طريقة التدريس ما بس بتأثر على حالتو النفسية والتحصيلية ....يمكن كمان تأثر على مستقبلو يعني ازا طالب مجتهد و ذكي كتير اتعرض للضرب او ما حدا استوعبو واكتشف ذكاؤو ومواهبو ممكن هاد الشي يدفعو لانو يبطل من المدرسة ... وصايرة كتييير و اعطيكي مثال تاني عن حالي انا كنت شاطرة كتير بالمواد العلمية وخصوصا بالرياضيات ...بالصف العاشر اجتنا آنسة ما كنت طيقا وما بتفهم ومن يوما كرهت الرياضيات ..وعلى أثرا دخلت أدبي ... اي برايي في تقارب كتير بطريقة التدريس ....يعني كل اللغات فيها قواعد ونصوص وشعر ونثر و قراءة .....و في خصوصية طبعا لكل لغة ...و خصوصا الفرق بين انو الواحد يدرس لغتو الأم او لغة غريبة عنو ...وبين دراسة اللغة ودراسة الأدب ...


عبير,
موضوعك أكتر من رائع بس كنت بتمنى لو انو فصلتي بين أسئلة التدريس بالمدارس و التدريس بالجامعات و التعليم العالي لانو في فرق كبير بالطرق والأساليب ......

بسطة جدا ----- بسكليت ونظارات ودفتر تحضير ------

عبير,
اعذريني للتأخير..
أنا كثيرا ما أحبه.. طبعا
أحسنت باختيارك كلمة فن فعلا هو فن في حد ذاته و هذا الفن يحتاج لمن يتقنه لا لمن يملي أوامره على فئة ضعيفه..
كمدرسة مستقبل أرى ننفسي بين طلبة أتو من بيوتهم لأقدم لهم خلاصة علمي بأسلوب فنان و مبدع بعيد كل البعد عن التخويف و التكريه للمادة العلمية التي أقدمها..

بصراحه عندما أقوم بشرح قاعده معينه لا أحبذ أبدا استخدام الطريقة التقليدية بل أبحث عن سبل جديدة و توحي بالإبداع لخلق شعور طيب و مفيد و مرح لدى تلاميذي شعور يترك الأثر الطيب لديهم ممزوج بين الجدية و الفكاهة أسلوب يجعل الطالب ينسى أمر الوقت يجعل الطالب يبحث عن المزيد.. أسلوب يترك تساؤلات مفيده و خلاقه بعقله..
بصراحة خير تعليم تعليم سيد البشر محمد صلى الله عليه و سلم..

الطرق تختلف و تتعد باختلاف المواقف التعليمية و التعلمية..
بالنسبة لي الابتعاد عن كل طريقة تثير ضجر و خوف الطالب..
سأساعده و أعلمه بأن ليس هناك شيء لا تسطيع عمله سأنمي عنده روح التفكير و الإبداع.. و بأن الله وضع لكل شخص قدارت تختلف من فرد لآخر و هذا لا يعني بأنك الأضعف بل العكس..
تنمية حب التعاون بين التلاميذ و خلق روح جماعية أثناء العمل الصفي..
بث فيهم بين إعطاء الماده العلميه بعض من التعاليم الإسلاميه فيهم و ذلك بربطها بالدرس كذلك ربطها بالحياة الواقعيه..

نجعلهم يستفدون مما يأخذونهم في حياتهم العملية و الواقعية و استخدام ما يأخذونه..

عمل مسابقات تأثر عالكالب بشكل إيجابي و تحفز و جوده و نشاطه داخل و خارج الصف..

الإعتماد على أوراق العمل أثناء عما بعض التمارين و المسائل..

تغيير مناخ و جو الحصة الدراسيه و نقترح عليهم الذهاب إلى نادي اللغة الإنجليزية أو أي مادة علمية أخرى..
تعليم اللغات يحتاج إلى الممارسه.. استخدام اللة التي نتعلمها حتى لا ننسى ما نتعلمه..
استخدام الأدوات السمعية و المرئية في تعلم الللغة..
القراءة و هي أفضل الطرق لتعلم اللغة..

لا طبعا لإنها مبنية على التلقين ..
ابتداع طرق تعليم أكثر راحه و أكثر انجذاب بحيث تبعث روح حب المادة التعليمية في قلب الطالب..
أكيد طبعا علاقه طرديه..

كلما ضعف طرق التدريس كلما كانت النتائج سيئه .. و العكس صحيح..

لما لها دور كبير في مستوى الطلاب..
سؤال ذكي و رائع..

تؤثر سلبا..
فالطالب الذي يبذل قصارى جهده خلال العام الدراسي و يتحمل الطريقه السيئه في التدريس ستكون علاماته التحصيليه ليست بالجيده و ليست بالقدر الذي كان يتوقعه..
وهذا بدوره يؤثر على نفسية الطالب سلبا مما يجعله يشعر باإحباط و عدم الرغبة في الدراسه..
لما كثيرا من الطلبه يمزق الماده التعليميه لإنه و للأسف يشعر بالضجر منها و طريقة التدريس المتبعه تتعتبر من أهم العوامل التي تؤثر سلبا على تحصيل و نفسية الطالب..
أنا أجده متقارب لحد بعيد.. فتدريس قواعد اللغة الإنجيزية أيسر من اللغة العربيه و هذا يدفعنا للبحث عن طرق مختلفة أكثر للغة العربية..

لكل لغة خصوصية و لكل لغة جمالها المعين..

عبير,
استمتعت عزيزتي بهذا الموضوع الأكثر من رائع..
سلمت يداك..