آرتين لتعليم اللغات :: هل الانتقام يداوي الجروح !!

هل ترى الانتقام أفضل وسيلة لعلاج جروحك ورد اعتبارك ؟؟

لا انا ما بشوفو افضل وسيلة لعلاج الجروح لانو ممكن يزيد من الجرح شو تستفيد ازا انت انتقمت يعني انت رح ترجع الماضي... يعني ممكن تفرح شوي وتقول انا ما سكتت ورديت على الي أساء الي ..بس انا بقول حلو العفو عند المقدرة وعدم رد الشي السيء بشي متلو ...

أم أن طيبتك وتسامحك تفرض عليك أسلوبا أفضل ...؟

انا بقول ما دخل الطيبة بس هاد من اخلاق الشخص صح صعب انت تستكتي لسناس لانو ممكن يفهموها تمادي بعدين بس برأي كل واحد بيعمل بأخلاقو والي تربى علي واتعلمو ..

هل ترى أن كلا الانتقام وحل سوء الفهم الحاصل هما الدواء معاً ..؟!
*
لا طبعا مو ممكن تتنتقم من الشخص بعدين تحل سوء الفهم كان من اول حليت سوء الفهم ..أنا بشوف انو الواحد يحاول يحل سوء الفهم وصلح الأمور بكون احسن من الانتقام لانو الانتقام صفة مو كتير حلوةوهاد بيعني انو الانسان ممكن يشيل بقلو ع غيرو..

مع تحياتي موضوع جميل ..

الكاتب:	ملاك [ السبت إبريل 25, 2009 2:09 pm ]
عنوان المشاركة:	هل الانتقام يداوي الجروح !!
السلام عليكم ورحمة الله وبركاته هل الانتقام يداوي الجروح !! في هذه الحــــياة المليئة بالهموم والأحزان ... وربما الجروح والآلام التي لا تبـــــرى ... من قبل أناس آخرين سواء بقصد أو بغير قصــــد ...! البعض منا يلجأ إلى التحاور والحلول الودية ... لفهم الأسباب التي دفعت لحدوث الإشكال بين الطرفين ويكتفون بذلك ...! وترى فئة أخرى أن الانتقام هو السبيل الوحيد ليشفي غليلهم وليرد اعتبارهم وأحيانا كرامتهم المهانة وكبريائهم المجروح ...؛ وآخرون ؛ ربما يجدون الاثنان وسيلة لمداواة الجروح العميقة التي تغلغلت في النفوس وجرحت في الصميم ________ السؤال الذي يطرح نفسه ... إليك عزيزي القارئ هل ترى الانتقام أفضل وسيلة لعلاج جروحك ورد اعتبارك ؟؟ أم أن طيبتك وتسامحك تفرض عليك أسلوبا أفضل ...؟ هل ترى أن كلا الانتقام وحل سوء الفهم الحاصل هما الدواء معاً ..؟! * * حوار جاد ......... فلا تبخل علينا برأيك .. تمنياتي ان الكل يشاركنا برايه مع العلم انني وجدت الموضوع في احد المنتديات للنقاش أعجبني فاقتسبته لمحتواه

الكاتب:	demo [ السبت إبريل 25, 2009 8:15 pm ]
عنوان المشاركة:	هل الانتقام يداوي الجروح !!
بداية موضوع جميل جدا وشكراا ااما بانسبة لرايي برأيي وحسب الظروف اللي مريت فيها أنو التسامح أفضل من الانتقام يعني أنا برأيي أنو حسب الإنسان اللي جرحني يعني إذا كان إنسان بحبو كتييييييررررررر فطبعا بسامحو ويمكن ما أشوف كل الخطا أو أنو اتغاضى عنو وأعتبرو شي بسيط وكذلك الأمر بالنسبة للإنسان اللي متصل معي اتصال مباشر سواء في نفس السكن أو زميل العمل فيمكن أنو أتغاضى عن الخطا والجرح اللي سببلي ياه لحتى تنتهي اتصالي المباشر معو وبعدين بتجنبوا بس المهم أنو ما بنتقم....... وبعدين انا أول شي بفكر فيو هو الحلال والحرام يعني بخاف إذا هل إنسان دمع دمعة بسببي أنو يكون شي حرام لذلك أفضل الشي الأية القرانية اللي بتقول (والكاظمين الغيظ والعافين عن الناس والله يحب المحسنين) وأهم الشي أنو العفو من شيم الكرام وأنو الانتقام هو أول مراحل ومظاهر الضعف والاستسلام مو هيك تعلمنا.......!!!!!! بس بصراحة الجرح اللي بيجي من الإنسان اللي منحبو أصعب وأقسى بكتيررر من الجرح الي بسببوالإنسان اللي ما بيهمنا أمرو (أنا لا أخاف من غدر الأعداء إنما أخاف من غدر الأحباب) وإذا قررت يوما أن تترك حبيباً فلا تترك له جرحاً فمن اعطانا قلباً لايستحق ابداً منا ان نغرس فيه سهماً او نترك له لحظه الم تشقيه..

الكاتب:	يوسين 9889 [ السبت إبريل 25, 2009 10:31 pm ]
عنوان المشاركة:	هل الانتقام يداوي الجروح !!
موضوع فعلاااا كتير حلوووو...وشكراااا ملاااك ع طرحك لهل الموضوع... طبعااا بتنمى أول شي ما تبكي من الصورة يلي حاطتهااا و خلص وعد رح غيرهااا كرمالك أنتي بس ولا يهمك ...وبالنسبة للموضوع...أنا من زمان كنت شوف الانتقااام بيشفي الغليل عنجد...واتدايق لأني ما من النوع يلي خرجو ينتقم ولا حتى يدافع عن حااالو..ودايما ببلعهااا و بسكت..بس صدقيني بتصير غصة كبيرة..لحتى أجى يوم ما بعرف حسيت حالي انو ما في شي بالدني بيدايقني حتى جرح أعز الناس و غدرن...يمكن تمسحت..و وكلت أمري ل الله...ما بعرف غير سامح و بعمري ما ذكرتن إلا بالخير حتى لو كانو أسوأ الناس..وما عاد يهمني شو عملوووااا... ربنا شايف و بيعرف.. لهيك رح ضل أنا متل ما أناااا..لا بناقش ولا بعاتب و لا بنتقم..وبيفكر الشخص التاني انو انا غبية و انخدعت..أو بيفكر انو انتصر عليي و هزمني وانا من ضعفي ما عملت شي...!! بس الانسان لازم يفكر كتير بانسانية و الانسانية قبل كل شيء...والروح يلي وهبنااا هية الله هيدي روح طاهرة ما لازم ندنسهااا بشي و لازم تضل saint ... القداسة والطهااارة بتكمن بالتسامح والعفو..وكلنا بشر والكل بيغلط والحياة ما بتستمر بوجود الفراشات و الزهووور..!!..لازم يكون فيها شوك وصخر و تعالب و أفاعي.. هيك الحياة وهيك بتكتمل...ونحنا بنختااار وين بدنا نكون ومع مين..مع الطهارة والنقاوة أو مع الانتقام وأذية الناس..وماحدا يفكر الانتقاام شغلة صغيرة..بالعكس لأنو بيئذينا نحنا قبل ما يئذي غيرنااا لأنو عم نخسر طهارة روحناااا .... ....

الكاتب:	أنس الدالي [ الأحد إبريل 26, 2009 3:24 am ]
عنوان المشاركة:	هل الانتقام يداوي الجروح !!
ملاك, الموضوع كتير ظريف سلمت يداكي أما بالنسبة لرأي فهو بطبيعة الانسان انو ما بيقدر ينتقم من الي غالين علي قد ما كان الجرح كبير بس بنفس الوقت ما بظن في حدا بيرضى انو ينهان وهو واقف دون حراك فرح يلجأ للدفاع عن نفسه ان كان الجرح بشكل مباشر أما ان كان بطريقة غير مباشرة فحيلجأ للانتقام بكل ما أوتي من قوة نحنا بزمن صار في التسامح والعفو يخلي العالم كلها تحاول انو تستغلو ما عاد في الاحترام والشفقة هايدا الشي قل كتير بهالأيام لكنه لم ينعدم الحمد لله لو رآى الظالم على جنب المظلوم سيفآ لما أقدم على الظلم تقبلي مروري وتقبلي مني

الكاتب:	حلواني [ الأحد إبريل 26, 2009 8:42 am ]
عنوان المشاركة:	هل الانتقام يداوي الجروح !!
حقيقة الموضوع جميل بشكل عام ... وبالنسبة للطرح الذي أوردته حول الإنتقال فبداية كلمة إنتقام لها من الوهلة الأولى مفهومها السلبي بين الأوساط الشعبية والمجتمع بشكل خاص إذ أن كلمة إنتقام تؤدي بصاحبها إلى الهلال أي السجن أو تجر بعدها نتقامات اخرى .. والإنتقام لا يشفي النفس أبداً حيث أن المرأ لذي يقدم على الانتقام يكون عدائي وهذه دعونا نطلق عليها كلمة " فطرية" أي من ذاته تنشأ غريزة الإنتقام. أما التسامح والعفو فأحياناً لا نجد شخصاً يتحلى بهذه الخصال إطلاقاً لانه يكون في حالة أشبه بما تسمى الهيستيرية إذ يفقد التحكم والسيطرة على ذاته إذاً الأنتقام في النهاية لا يشفي النفس كما ذكرت أنفاً,, والحلول السلمية طبعاً هي الخيار الأفضل بجميع الأحول

آرتين لتعليم اللغات https://forum.art-en.com/

هل الانتقام يداوي الجروح !! https://forum.art-en.com/viewtopic.php?t=16337	صفحة 1 من 2

الكاتب:	ملاك [ الأحد إبريل 26, 2009 7:07 pm ]
عنوان المشاركة:	هل الانتقام يداوي الجروح !!
demo, اهلا وسهلا صحيح الأشخاص اللي بنحبن ممكن ما ننتبه لأخطاؤن ولو شفناها بنتغاضى عنها بس بصراحة الجرح اللي بيجي من الإنسان اللي منحبو أصعب وأقسى بكتيررر من الجرح الي بسببوالإنسان اللي ما بيهمنا أمرو (كلامك صحيييييييييييح ) وإذا قررت يوما أن تترك حبيباً فلا تترك له جرحاً فمن اعطانا قلباً لايستحق ابداً منا ان نغرس فيه سهماً او نترك له لحظه الم تشقيه.. دررررر يسلمو عرأيك يوسين 9889, هههههههههههههه يا عمريييييييييي لا لا لا ما لح ابكي خلص يسلمو عالصورة الحلوة هي وماحدا يفكر الانتقاام شغلة صغيرة..بالعكس لأنو بيئذينا نحنا قبل ما يئذي غيرنااا لأنو عم نخسر طهارة روحناااا .... (نعممممممم ويقال ان أردت الانتقام فاصنع قبرين أحدهما لك فإنك تشقى بانتقامك ) شكرا إلك يوسين نورتي همسات الحب, ويسلم مرورك أخي ذكرتني بهالمقالة فحبيت اقتبسها إن الذين مرت على ألسنتهم أمثال هذه الكلمات إنما يعيشون فى عصر غير هذا العصر , وبين ناس غير هذا الناس , ولو أنهم عاشوا بيننا لكان لهم فى العالم وأهليه رأى غير هذا الرأى , ولما اجترأوا على المجازفة بتدوين هذه الأفكار فى كتبهم لأن العفو لايكون انتقاماً إلا من أصحاب الضمائر الطيبة الطاهرة التي تصدر عنها سيئاتها زلات وهفوات , أما الضمائر القاسية المتحجرة التي لاتعبأ بشىء , ولاتخجل من شىء , فلايزيدها العفو والصفح إلا تمردا وطغيانا . الانتقام — كتاب النظرات . حسيت الكلام الموجود مقنع إذا الانسان انهانت كرامتو وانطعن بأخلاقو فلابد له من الانتقام . شكرا لمرورك حلواني, أما التسامح والعفو فأحياناً لا نجد شخصاً يتحلى بهذه الخصال إطلاقاً لانه يكون في حالة أشبه بما تسمى الهيستيرية إذ يفقد التحكم والسيطرة على ذاته بتصدق مريت فيها هالحالة الله يجيرنا وشكرا إلك حلواني عرأيك

الكاتب:	البدر [ الأحد إبريل 26, 2009 9:59 pm ]
عنوان المشاركة:	هل الانتقام يداوي الجروح !!
اقتباس: حسيت الكلام الموجود مقنع إذا الانسان انهانت كرامتو وانطعن بأخلاقو فلابد له من الانتقام . بس أهم شي تفادي الظلم لأنو الظلم بهيك حالة كتير بيقهر لأنو متل ما انذكر انو رح يكون الشخص اللي عم نفكر بطريقة حل المشكلة معو بهمنا أمرو كتير فظلمو أكيد بيجرحو ونحنا بالأساس عم نحكي عن جرح انجرحناه فاذا كان الشخص مو قاصد لأي سبب كان (ممكن يكون الفعل اللي ساواه أو الكلام اللي حكاه انفهم بطريقة أكيد ما كان بيقصدها) لازم نفهم قصدو ونصدقو لأنو مافي عزيز وغالي بيتقصد يجرح شخص عزيز عليه. هاد رأيي بتمنى ينقرئ.

الكاتب:	ملاك [ الاثنين إبريل 27, 2009 6:35 pm ]
عنوان المشاركة:	هل الانتقام يداوي الجروح !!
البدر, شكرا لرأيك وصل

الكاتب:	..nano.. [ الثلاثاء إبريل 28, 2009 7:37 pm ]
عنوان المشاركة:	هل الانتقام يداوي الجروح !!
هل ترى الانتقام أفضل وسيلة لعلاج جروحك ورد اعتبارك ؟؟ لا انا ما بشوفو افضل وسيلة لعلاج الجروح لانو ممكن يزيد من الجرح شو تستفيد ازا انت انتقمت يعني انت رح ترجع الماضي... يعني ممكن تفرح شوي وتقول انا ما سكتت ورديت على الي أساء الي ..بس انا بقول حلو العفو عند المقدرة وعدم رد الشي السيء بشي متلو ... أم أن طيبتك وتسامحك تفرض عليك أسلوبا أفضل ...؟ انا بقول ما دخل الطيبة بس هاد من اخلاق الشخص صح صعب انت تستكتي لسناس لانو ممكن يفهموها تمادي بعدين بس برأي كل واحد بيعمل بأخلاقو والي تربى علي واتعلمو .. هل ترى أن كلا الانتقام وحل سوء الفهم الحاصل هما الدواء معاً ..؟! * لا طبعا مو ممكن تتنتقم من الشخص بعدين تحل سوء الفهم كان من اول حليت سوء الفهم ..أنا بشوف انو الواحد يحاول يحل سوء الفهم وصلح الأمور بكون احسن من الانتقام لانو الانتقام صفة مو كتير حلوةوهاد بيعني انو الانسان ممكن يشيل بقلو ع غيرو.. مع تحياتي موضوع جميل ..

الكاتب:	فــلـك [ الثلاثاء إبريل 28, 2009 10:17 pm ]
عنوان المشاركة:	هل الانتقام يداوي الجروح !!
الموضوع كتير حلو بس برأي الانتقام مابداوي الجروح دائما بالعكس اذا كان الشخص منحبو رح يزيد الانتقام من جروحنا ويمكن يخلينا نندم بيوم من الايام

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/