[align=center]بسم الله الرحمن الرحيم
السلام عليكم
كيف الحال
أول شي اعتذر لهتأخير و أعرف أننا مقصرين جدا بحق الاخوة اللي ما عم يداومو بهالوقت
فجلبت بعض الملاحظات اخوتي علها تفيدكن و مع العلم اني ما رح انشر غير المؤكد
ان شاء الله
بالنسبة للترجمة 5
فالدكتورة عم تنزل نوت بالكوة
النوت فيها كلمات و اصطلاحات واسماء بلدان و نصوص و كلمات تتشابه باللفظ او الكتابة
والاسئلة رح تكون ان شاء الله 1_ عن البلدان ( اسماء ..عملات ...الخ ) 2_ عن الكلمات المذكورة بالنوت 3 _ ترجمة نص . من العربي للإنكليزي وكمان بالعكس .
ومهم جدا ننتبه للأخطاء الغملائية والنحوية و الأخطاء القاتلة ....بتعرفوا أهمية هالامور طبعا
منهجية البحث
اخدنا عن الفرق بين ال ( search و ال research )
وعن طرق البحث بالمكتبات وطرق تصنيف الكتب و البحث ايضا عبر النت .
و عن ال ( tow types of reseach )
هي امثلة عن اللي بتناقشو هالمادة بس اطمنوا المادة حلوة و ممتعة وان شاء الله دراستها سهلة اما الاسئلة فلسه ما عندي فكرة كيف رح تكون بالضبط ( برجع وبكرر تابعو ردودي هون )
أيضا الدكتور عم ينزل نوت بالكوة اما بالنسبة للصفحات المطلوبة بالكتاب فرح ينزل الدكتور ورقة بالكوة ان شاء الله يذكر فيها شو مطلوب من الكتاب ( بس ينزلها بنزللكن ياها هون ان شاء الله )
اما علم اللغة
فعم ناخد بالتشابتر 5
وملاحظة الدكتور أن الاسئلة رح تعتمد على فهم الطالب و ليس فقط الحفظ
ان شاء الله
فمهم ندرس الفقرة مع بحفظ وفهم + رشة استيعاب للكل
مع التذكير ان هذه هي الماد الوحيدة المأتمتة ( يتيمة
)و النثر 1900
أيضا الدكتور عم ينزل نوت بالكوة
و الاسئلة تعليقات ومواضيع بس لهلأ مش متأكدة هل كل العلامة مواضيع وتعليقات ام جزء منها مع وجود اسئله اخرى ( بتاكد و برجع خبركن باذن الله )
أما النقد الادبي
فعم نأخذ من الكتاب متفرقات
ومتل ما خبرتكن
رح يكون في اسئلة بأجوبة قصيرة كالتعاريف
و أيضا essay ان شاء الله
مع العلم أن الدكتور ذكر ملاحظة جدا مهمة بأحد المحاضرات
وهي أنه بأحد الدورات الماضية و قبل الإمتحان بفترة
تفاجئ الدكتور بأن بعض المكتبات عم تنزل محاضرات النقد وهي مختلفة تماما عن المحاضرات اللي عم يعطيها الدكتور
ولهالسبب قرر الدكتور ان يقرأ من الكتاب بالمحاضرة
و ان شاء الله أيضا رح أجيبلكن أرقام الصفحات المطلوبة من الكتاب ( تابعوا ردودي
)ضل عنا المسرح والصراحة هي المادة ابدا ما بحضرها لاني نزلتها بالسنة التانية للسنة التانية
فسألت عنها و خبروني ان الدكتور صار بالقصة الثانية فيها
و أن طريقة التعاليق فيها غير طريقة التعاليق اللي بنعرفها حيث انه يجب ان يذكر الفصل و المشهد اللي اخذ المقطع منه
وهالشي مذكور بالنوت اللي نزلهن الدكتور بالكوة ( باول نوتة ال في ملاحظات )
المهم يا جماعة الخير
أكيد ممكن انكم ما عم تداومو
بس كتير كتير كتير ضروري أنكم تأمنوا النوت من الكوة اللي عم تنزلها الكاترة
وايضا تامنوا محاضرات كل مادة ( ما بعرف كل شخص اي مكتبة يثق فيها اكتر )
عموما اقترح عليكم التعاقد مع المكاتب ولو نزلتو على حمص مخصوص لهالشي و بتروحو كمان عالكوة مشان النوت
لأنو برجع وبذكركن أنو مهما حصلتو على ملاحظات هون ومهما كانت هالملاحظات مهمة
فما رح نقدر نخبركن شو انعطى بكل محاضرة بالتفصيل الممل
و ملاحظة أخيرة كتير مهمة
ارجو منكن تتابعوا ردودي بهالموضوع
لأني رح أنزل كل جديد وكل ملاحظة جديدة وخصوصا الفترة القادمة تعتبر فترة نهائة الدوام
ويكثر كلام الطلاب و ملاحظات الدكاترة على الإمتحان و عطي الملاحظات عنه وان شاء الله بالتوفيق لكم ولكل الطلاب ( دعواتكن )
واكرر اعتذاري نيابة عني وعن طلاب السنة 3 عن التقصير بمساعدتكن
اختكم[/align]
