آرتين لتعليم اللغات https://forum.art-en.com/
بــــديـــهـــيـــات ســـــــــــــوريّة‏ https://forum.art-en.com/viewtopic.php?t=16307	صفحة 1 من 1

---

الكاتب:	nicegirl333 [ الخميس إبريل 23, 2009 4:28 am ]
عنوان المشاركة:	بــــديـــهـــيـــات ســـــــــــــوريّة‏
بــــديـــهـــيـــات ســـــــــــــوريّة‏ لابس أحلى أواعيك ومتعطّر وشايل مفاتيح السيارة وجزدانك وداحل لبراة البيت،بيجي حدا من أهلك بيسألك، شو رايحلك شي مشوار !!؟؟لا والله طالع عالأسطوح صلّح السكر ****************************************************** معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا؟؟؟ لا والله لساتنا عالطريق، في عجئة بشارع بغداد ******************************************************* مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا،بيجي واحد من أهلك بيفتح الباب ويقول :شو نايم ؟؟ لأ !! عم ارقص.. بس الوضع بيوحي إني نايم ********************************************************* حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشه علائم الإستغراب والدهشة: بدك تحكي بالتلفون؟ لأ شو إحكي !!! بس كنت عم جرب صوت طنة الأرقام ********************************************************* بتطلع بميكرو وبتحط هيك وبتطلع ( خمسة)وبتعطيها للي ئدامك، وبكل برودة بيئلك:واحد ؟ لأ 60 !!!!!!!!!!!!!!!!!؟ ورجعلي الباقي • ********************************************************** بدك تنزل من الميكرو: عاليمين زكاتك.... بتتلقى الرد: نازل ؟؟ لا والله بس عم جرب صوتي ********************************************************* بيتصل فيك رفيقك على بيتك...بترفع السمّاعة وبتقول ألو بيقللك : شو بالبيت؟؟ لا والله...أنا بالمريخ بس اممدد خط لهنيك...حاكيني على خطّي القمري أرخص ******************************************************* بتكون قاعد بامان الله عم تتفرج على فلم عم تستنا فيه من اسبوع ليطلع بفوت ابوك بقلك شو عم تتفرج على فلم ....... لا عم بتفرج على برنامج ارضنا الخضراء ....((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)) عكل اذا كبر ابوك خاويه ******************************************************* بتكون طالع من باب الحمام وعمتنأط مي ولافف المنشفة على خصرك وعمتنكش ادانك ... بيشوفك اخوك بيقلك شو كنت حمتتحمم ؟ لا والله .. بس كنت اخد غفوة جوة *************************************************** في عندك لما بتسال المذيعة ولد عمروه 4 سنين :شو (انطباعك )عن العيد يعني كان صارت وصارت تسالو عن انطباعو عن الخصخصة او السلطوية او العولمة و تاثيرها على المجتمعات الاقل نموا

---

الكاتب:	Mohammed [ السبت إبريل 25, 2009 6:16 pm ]
عنوان المشاركة:	بــــديـــهـــيـــات ســـــــــــــوريّة‏

---

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/