سيرين,
نورتي القسم بمشاركة الرائعه..
اقتباس:
يعني فينا نقول أنو الشدة و اللين موضوع فارض نفسو في جميع الأماكن و في جميع الأوقات,
الأستاذ بمدرستو و مع طلابو, الأب ببيتو و مع أفراد أسرتو,و المدير بمؤسستو مع الموظفين
هدول إلي ذكرتيهم هم إلي بيستخدمو مصطلح اللين والشده حسب الموقف إلي بيحتم عليهم هيك أمر..الأستاذ بمدرستو و مع طلابو, الأب ببيتو و مع أفراد أسرتو,و المدير بمؤسستو مع الموظفين
اقتباس:
والجميع مطالبين بمعرفة الطريقة المثلى للتعامل يلي من خلالها بحققوا النتائج المرجوة و بالطريقة التي تتناسب مع أسلوب الشخص و طريقة نظرتو للأمور الحياتية.
لازم كل واحد فينا و كل واحد بحس حالو إنو مسؤول من شي معين يكون عندو درايه و حكمة باستخدام هالطريقيتين..يعني حتى في القرآن الكريم ذكر الثواب والعقاب و هالشي قريب من اللين و الشده في التعامل و خصوصا في مجال العمل و التربية و كل مجالات الحياة..
اقتباس:
في فئة من الناس بتشوف أنو الشدة و القسوة هي الطريقة المفضلة للتربية المنزلية,و لزيادة الانتاج,و لتحقيق الانضباط في المدرسة . و بهي الطريقة ,برأين,بيفرضو شخصيتن على الأشخاص المحيطين فينو هاد الشي بكون بمثابة نصر لألن لأنو بيرضي غرورن أو ربما حب السيطرة عندن
بتعرفي يا سيرين, أنا و جهة نظري بهيك أمر إنو الوسطية هي الخيار الصح و إلي من خلالو بنقدر نربي و ننتج و نضبط..إحنا الرسول قال عنا أمة وسطى يعني لازم ما نركز لا على اللين كتييييييير ولا على الشده كتير يعني لازم نكون هيك و هيك في تعاملاتنا الحياتيه..
و انا بوجهة نظري إلي بدو يضل يركض ورا إرضاء غرورو راح يتعب بآخر المطاف و ما راح يجني شي بالعكس راح يخسر كل شي..
و حب السيطره و التملك بالأول والآخر مرض نفسي
في عالم بتحب تتملك و تسيطر و هدول صعب التعامل معهم أو بدنا نكون حذرين بالتعامل معهم يعني هلأ أنا بلاحظ إنو الشخص المسيطر بوجهة نظري منفر 
وما كتير العالم بتحبو...!! اقتباس:
وفي فئة من الناس بتميل للين في تعاملها مع الناس الآخرين و غالبا هاد الشي بكون بسبب ضعف في الشخصية أو خلينا نقول ردة فعل على الشدة و القسوة في التعامل.و بتكون النتائج في أغلب الأحيان غير مرضية على الاطلاق لا على صعيد الأشخاص أنفسهم و لا على صعيد المحيط و بالتالي الندم و عدم الرضا و هاد الشي كتير منلاحظو من خلال الدلال الزائد للأهل.
متل ما قلتي ضعف في الشخصية 
و أنا كتير برجح ضعف الشخصية بيكون سببها سوء في التربيه لإنهم كتيير ركزو على اللين في مواطن و أهملو الشده في مواطن ضروري تكون فيها شدة بالأمور..
و كتر الدلال أكبر خرااااااااااب للأجيال و لهيك في كتير أجيال الدلال سبب عندهم الامبالاة و عدم الإكتراث و عدم التأثر والشعور بالآخر و أمور كتيره...
اقتباس:
وفي فئة أخيرة بتمشي على مبدأ خير الأمور أوسطها ,وهون لازم نعرف كتير منيح وين المفروض نتسم بالين و وين لازم تكون الشدة غالبي على سلوكنا و تصرفاتنا
انا بعتقد إنو هيك الأسلم...سيرين,
بعتذر على الإطاله
و بتشكرك من كل قلبي على هالموضوع الرائع ..
تقبلي مروري..
