ساعدوني الله ينجحكون (تاريخ الأدب)

ameer · **مرسل:** الخميس إبريل 30, 2009 7:22 am

السلام عليكم ورحمة الله هلأ بالنسبة لمادة تاريخ الادب شو بدي اعمل يعني بكفي اذا درست المحاضرات تبعون وضّاح ولا شو ؟ والله ما بدي غير خمسين وبالنسبة لنوطة مي غرير شو بدي اعمل فيا معقول بدي ادرسا!!!!!!!!!؟؟؟؟؟؟ ساعدوني بلللللللييييزززز وان شالله اللي بيرد على موضوعي الله رح يكتبلو ياها في ميزان حسناته

lili. · **مرسل:** الخميس إبريل 30, 2009 5:28 pm

ameer,
اهلا وسهلا فيك اخي

انا بلاقي مادة تاريخ الأدب مادة سهلة كتير ودراستا ممتعة كتير
فيك تدرس من محاضرات وضاح بس الأفضل انك تدرس من الكتاب
وصدقني المادة سهلة كتير
وبراي اسهل طريقة لدراستا انك تحفظ الأحداث التاريخية اول
وبعدين بكل حقبة زمنية تحفظ مين فيها كتّاب وشعراء وشو اعمالن
بالنسبة لنوطة المعيدة مي انت اقرا اللي هي معلمتلنا عليهن بس قراءة
وحفاظ الأعوام اللي بالأخير
وانشالله موفق بهالمادة وكل المواد التانين

تاج · **مرسل:** الخميس إبريل 30, 2009 7:30 pm

أخي اول شي موفق انشالله والله يطالعك منها عخير
تاريخ الأدب عم تكون دراستها سهلة بس للأسف بالامتحان عم يكون معظم الأسئلة من عند الدكتور واذا بتشوف الدورات بتلاحظ هالشي ..
لهيك عليك تحفظ الكتاب بصم ومتل اسمك +قراءة النوط مع الفهم
لانها معظمها تكرار للكتاب مو أكتر بس أهم شي لما بيمرق معك شي تاريخ أو حدث غير موجود بالكتاب بس موجود بالنوطة لازم تضيفو عمعلوماتك
انا عم قلك هيك (يعني انك تحفظ منيح)مشان تحاول نجوب عجميع الأسئلة اللي الها علاقة بالشي الي قاريه والباقي اللي رح يكون غراب عنك (لانهن أكيد من عقل الدكتور)بتبقى بتجرب حظك فيهم ..
يعني محصلة كلامي انك لازم تحاول تحفظ منيح مع انها الشغة موسهلة بنوب بس الله بعينك
ملاحظة هامة جدا: لازم وضروري تحفظ اسئلة الدورات وتحاول تلاقي اجاباتهن اذا مومنعند حدا فمن النت لانو عم تتكرر كتير وخاصة الاسئلة الي بنتكون من خارج الكتاب
موفق

Obada Arwany · **مرسل:** الخميس إبريل 30, 2009 8:03 pm

ameer,
أهلين أخي
الصراحة لازم يكون حكي تشجيعي أكتر مانوا هيك بس عم اعتذر من هلق

هي المادة بدك تبصمها كيف
تدرس كل حقبة تدريجيا و تتابع كل كاتب ايمت ولد و ايمت مات و شو مؤلفاتوا اذا مو موجودين بالكتاب بتشوفن بالفهرس لانوا عندك الكاتب Sheridan
اجانا سؤال عنو و ما كان مذكور بقلب الكتاب ايمت مات و سالت رفقاتي و لا قالولي انوا هالشي مذكور بالفهرس
فالفهرس حاول انك تطلع عليه
و النوطة اقراها و احفظ التواريخ اللي طلبتن المعيدة بكذا صيغة
يعني ايمت حدث و بهذا العام شو حدث و هيك
كل هالشي لتاخد 60

يعني خلي طموحك كبير لحتى تلحق ال 50 صراحة انا عم صارحك لانوا بدي اياك تنجح فيها
موفق يا رب من كل قلبي

العز بالإسلام · **مرسل:** الجمعة مايو 01, 2009 3:54 am

السلام عليكم

طبعا الأخوة جاوبوا ووفوا الله يعطيهم العافية

وان شاء الله بترفع هالمادة و كل شخص حاملها

بس عندي طلب ممكن تستغربوا

صحيح اني عم ادرس هالمادة هلأ

بس لهلأ لسه ما تأكدت بالنسبة للمطلوبين بالكتاب ممكن تعطوني ياهن كأرقام صفحات مش كفقرات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وبالتوفيق للكل ياااااااااااااااااااارب

LATEST_POSTS

قوانين المنتدى

ساعدوني الله ينجحكون (تاريخ الأدب)

الموجودون الآن