آرتين لتعليم اللغات :: القرار الصادر بخصوص اتمتة المواد في كلية الاداب

بعد طول انتظار الطلاب بخصوص المواد المؤتمتة
صدر القرار الرئاسي بجمهورية الاداب المستقلة
(وطبعا عم قول بجمهورية الاداب المستقلة كونو هالقرار بس بكلية الاداب بحمص بينما بكلية بالشام فالمواد كلها مؤتمتة وبحلب كذلك الامر المواد اغلبها مؤتمت)
انو يكون بكل سنة مادة وحيدة مؤتمتة وهي اللغة
اما بقية المواد وحتى اللي كانت مؤتمتة من قبل فرح تنلغى اتمتها ويتم تقديمها بالطريقة العادية

هالقرار اجا خوفاً على مصلحة الطلاب ومن دافع الحرص على مصالحن لانو الاتمتة
هي عدوة الكلية وعمادتها او عفوا للخطأ المطبعي
الاتمتة هي ضد مصلحة الطالب
هيك كان الرد على هالقرار الظاااااااااااااااالم كتير برأي وبراي كتيرين من رفقاتي
لانو مو معقول انا لما اتخرج يكون معدلي بالاراضي وروح قدم على مسابقة
انا وطالب متخرج من الشام وياخد الافضلية عني كونو معدلو اعلى مني بكتييير
ومع العلم انو لو انحطينا مع هالطلاب من برا حمص باي اختبار فرح نتفوق عليهن بسهولة
بس لانو عنا بحمص بيخافو علينا قالو رح نلغي الاتمتة وبهالشي طبعا لغو فرصتنا بالتقديم للمسابقات للتدريس او حتى الوظايف عادية بالدولة لانو المعدل بيلعب دور فيها

حاليا بالنسبة للنقد السنة التالتة واللي كتيرين كانو متوقعين انو تكون مؤتمتة وبالنسبة لمسرح شكسبير السنة التانية وحتى طلاب الرابعة اللي كانو متوقعين مادة المسرح تكون مؤتمتةبقلن عوضنا على الله
ولشوف الدورة التكميلية قديش بدها تسع طلاب لتسع
وطلاب الرابعة كونو ماعنا مادة لغة او قواعد فان شاء الله يكونو تركو الطرائق كبديل الها والا بتروح علينا
وابقا ان شاء الله بجيب القرار بالتفصيل بخصوص المواد

وبتمنى انو اللي بدو يرد يكونو ردو بناء ويعكس وعيو للي عم بيصير وما يكون رد بغير فايدة
وطبعا معد في فايدة بالاصل من كل كلامنا لانو هالقرار هو اللي رح يصدر
بس ولانو دكاترتنا عم بيتابعو موقعنا وحتى نعكس صورة الطالب المثالي بكل معاييرها ياريت انو ماتحوي الردود اي اساءة

وهي انا اول اللي رح يردو وبدي واهدي هال لكل مين ساهم باصدار هالقرار المتميز لانو جد متعوب عليه

الكاتب:	عصام [ الأربعاء إبريل 15, 2009 9:05 pm ]
عنوان المشاركة:	القرار الصادر بخصوص اتمتة المواد في كلية الاداب
بعد طول انتظار الطلاب بخصوص المواد المؤتمتة صدر القرار الرئاسي بجمهورية الاداب المستقلة (وطبعا عم قول بجمهورية الاداب المستقلة كونو هالقرار بس بكلية الاداب بحمص بينما بكلية بالشام فالمواد كلها مؤتمتة وبحلب كذلك الامر المواد اغلبها مؤتمت) انو يكون بكل سنة مادة وحيدة مؤتمتة وهي اللغة اما بقية المواد وحتى اللي كانت مؤتمتة من قبل فرح تنلغى اتمتها ويتم تقديمها بالطريقة العادية هالقرار اجا خوفاً على مصلحة الطلاب ومن دافع الحرص على مصالحن لانو الاتمتة هي عدوة الكلية وعمادتها او عفوا للخطأ المطبعي الاتمتة هي ضد مصلحة الطالب هيك كان الرد على هالقرار الظاااااااااااااااالم كتير برأي وبراي كتيرين من رفقاتي لانو مو معقول انا لما اتخرج يكون معدلي بالاراضي وروح قدم على مسابقة انا وطالب متخرج من الشام وياخد الافضلية عني كونو معدلو اعلى مني بكتييير ومع العلم انو لو انحطينا مع هالطلاب من برا حمص باي اختبار فرح نتفوق عليهن بسهولة بس لانو عنا بحمص بيخافو علينا قالو رح نلغي الاتمتة وبهالشي طبعا لغو فرصتنا بالتقديم للمسابقات للتدريس او حتى الوظايف عادية بالدولة لانو المعدل بيلعب دور فيها حاليا بالنسبة للنقد السنة التالتة واللي كتيرين كانو متوقعين انو تكون مؤتمتة وبالنسبة لمسرح شكسبير السنة التانية وحتى طلاب الرابعة اللي كانو متوقعين مادة المسرح تكون مؤتمتةبقلن عوضنا على الله ولشوف الدورة التكميلية قديش بدها تسع طلاب لتسع وطلاب الرابعة كونو ماعنا مادة لغة او قواعد فان شاء الله يكونو تركو الطرائق كبديل الها والا بتروح علينا وابقا ان شاء الله بجيب القرار بالتفصيل بخصوص المواد وبتمنى انو اللي بدو يرد يكونو ردو بناء ويعكس وعيو للي عم بيصير وما يكون رد بغير فايدة وطبعا معد في فايدة بالاصل من كل كلامنا لانو هالقرار هو اللي رح يصدر بس ولانو دكاترتنا عم بيتابعو موقعنا وحتى نعكس صورة الطالب المثالي بكل معاييرها ياريت انو ماتحوي الردود اي اساءة وهي انا اول اللي رح يردو وبدي واهدي هال لكل مين ساهم باصدار هالقرار المتميز لانو جد متعوب عليه

الكاتب:	Hiba [ الأربعاء إبريل 15, 2009 9:23 pm ]
عنوان المشاركة:	القرار الصادر بخصوص اتمتة المواد في كلية الاداب
[quote] وهي انا اول اللي رح يردو وبدي واهدي هال لكل مين ساهم باصدار هالقرار المتميز لانو جد متعوب عليه [/quote] اي والله وهي وحدة من عندي هلى الاتمتة صارت ضد الطالب ولا نحجنا هل الفصل لاحول ولاقوة الا بالله يعني جامعة الشام من شي عشر سنين كل موادها اتمتة الا نحني طب شو السبب وليش ضد الطالب ولا لانو الطالب عم يجيب معدلات ومعت يناسبهم هيك بكلية الاداب ليش نحني بنضل هيك ليش بالاصل مواد الاتمتة يعني فيها صعوبة وبيعتمد ع ذكاء الطالب وفهمه للمادة بالاولوية بدنا نرد نرجع لاسلوب ابصم تنجح اسلوب الفشل كم موضوع حافظ وكم تعليق وورح اكتب وهات يعجب الدكتور اسلوبك او مايعجبوه ونيين بيكتبوه نفس المواضيع (واحد بياخد 50 والتاني بياخد 80) اي شو هااااد بس للاسف ما بنتطور بس مارح قول غير شكرااااا وخليكم هيك لا تتغيروا

الكاتب:	ملاك [ الأربعاء إبريل 15, 2009 11:51 pm ]
عنوان المشاركة:	القرار الصادر بخصوص اتمتة المواد في كلية الاداب
شكرا إلك أول شي عصام ولكل القائمين عالقرار بس أنا عندي استفسار بليز يعني تلغى المواد اللي كنا حاملينا مثلا من الفصل الأول أو السنة الماضية بنمتحنا بنظام الأتمتة ولا تطبق عليها النظام هاد كمان

الكاتب:	Hidding Rose [ الأربعاء إبريل 15, 2009 11:51 pm ]
عنوان المشاركة:	القرار الصادر بخصوص اتمتة المواد في كلية الاداب
اقتباس: لانو مو معقول انا لما اتخرج يكون معدلي بالاراضي وروح قدم على مسابقة انا وطالب متخرج من الشام وياخد الافضلية عني كونو معدلو اعلى مني بكتييير ومع العلم انو لو انحطينا مع هالطلاب من برا حمص باي اختبار فرح نتفوق عليهن بسهولة بس لانو عنا بحمص بيخافو علينا قالو رح نلغي الاتمتة وبهالشي طبعا لغو فرصتنا بالتقديم للمسابقات للتدريس او حتى الوظايف عادية بالدولة لانو المعدل بيلعب دور فيها معك حق ... متل ما صار معنا السني الماضي لما قدمنا عالدبلوم و الماجستير ..طبعا طلاب الشام الن الأولوية بجامعة البعث لانو معدلاتن بالسما و الله حرام هيك ..... شو ذنب طلاب البعث ,,, لأنو دراستن مكثفة أكتر و أصعب !!!!!!!!!! ع فكرة .. لما عملت مقابلات هي السنة للتقديم عشغل ( طبعا بقصد برا سوريا ) انسألت كزا مرة ازا كانت موادنا مأتمتة او لاء .... و متل ما فهمت انو بفضلوا طلاب اللي مو مأتمتة موادن خاصة بالسنوات الأولى . أخر شي بتمنى انو هالقرار يكون لصالح الطلاب و تكون ايجابياته أكتر من سلبياته .. ولو اني لهلأ ما عم لاقي ايجابيات خاصة لطلاب الرابعة بالتوفيق للجميع ... و شكرا لكل شخص بتهمو مصلحة الطلاب

الكاتب:	abeerth [ الخميس إبريل 16, 2009 12:05 am ]
عنوان المشاركة:	القرار الصادر بخصوص اتمتة المواد في كلية الاداب
صراحة الله يعطين العافي وهنن كتير بيخافو علينا وعلى مصلحتنا وهي مني لكل من ساهم بالموضوع.....................بس سؤال منشان طرائق التدريس مؤتمتة او لا

آرتين لتعليم اللغات https://forum.art-en.com/

القرار الصادر بخصوص اتمتة المواد في كلية الاداب https://forum.art-en.com/viewtopic.php?t=16215	صفحة 1 من 3

الكاتب:	سحر [ الخميس إبريل 16, 2009 12:37 am ]
عنوان المشاركة:	القرار الصادر بخصوص اتمتة المواد في كلية الاداب
والله حرام ظلم كبير وما بدي احكي اكتر من هيك

الكاتب:	Safa alaasi [ الخميس إبريل 16, 2009 2:03 am ]
عنوان المشاركة:	القرار الصادر بخصوص اتمتة المواد في كلية الاداب
والله أنا اتخرجت وخلصت واشربت من هالكاس ....وطبعا كانت صدمتي العظمى لما شفت معدلي ...والله العظيم ابكيت وضليت اسبوع مكتئبة ...يعني مو معقول انو الطالب بجامعة البعث ازا أخد 60 بالمادة بتعتبر جيدة ....وبجامعة تانية بتكون هي اقل علامة عندو.... هلئ بالنسبة للشغل انا بعتقد انو طالب الانكليزي ما بينخاف عليه لانو اللغة مطلوبة بشكل كبير للوظائف ...والرزقةعالله طبعا ..

الكاتب:	ahma-em [ الخميس إبريل 16, 2009 2:22 am ]
عنوان المشاركة:	القرار الصادر بخصوص اتمتة المواد في كلية الاداب
بداية احب ان اعزي جميع الزملاء على هذه الفاجعة التي المت بالطلاب و التي كما يقولو ن هم اي المعنيون ان الاتمته ليست لصالح الطلاب و انه سياتي يوم ويكتشف الطلاب اتهم على غلط و الطريقة التقليدية البصمية هي الاثحح لماذا انا لا اعرف و اظن لا احد do so . السؤال الذي يتررد ببالي لماذا لا نعامل مثل كل الطلاب في الجامعات الاخرى هل هم كلهم على خطاء و عندنا الصواب؟؟؟؟!!!!!!!!!.و بالطبع فان هذا سيؤثر على معدلات الطلاب حيث اننا نجد المعدل الوسطي للطالب ذو المستوى الوسط بجامعة دمشق افضل من احسن طال عندنا تقريبا .وان اغلب طلاب الاداب في دمشق سياتون و ينافسون في مفاضلة من اجل الماجستير و هذا كله لصالح الطالب الذي يتخرج من كلية الاداب في البعث لانه بالعامية ما رح يطلعله شي و الكلام الزائد ما بينفع لانه محدا رح يسمع !!!!!! . و السلام و لا حول و لا قوة الا بالله

الكاتب:	Raghad [ الخميس إبريل 16, 2009 2:57 am ]
عنوان المشاركة:	القرار الصادر بخصوص اتمتة المواد في كلية الاداب
أول شي بشكر عصام على تغطية الخبر بالكامل وبشكر المعنيين بالموضوع وبحترم آرائن بس حابة أعرف شغلة أنو ليش في تفاوت وتفريق وتمييز بين طلاب الآداب بحمص وحماه وبين آداب الشام ... وإذا نحنا وافقنا على الحكي أنو لمصلحة الطالب وأنو بيقوي الأسلوب أكتر معناها لازم يكون في قرار يمنع هاد التمييز وهو بإصدار مفاضلات مختلفة بالنسبة للي دارسين بالشام عن الي دارسين بحمص وحماه لأنو بكل سهولة المعدلات كتير رح تكون متفاوتة بين هون وهون هاد بالإضافة لمستوى هالطالب هاد وهاد الشي بيأدي لنجاح هدول الطلاب بالمسابقة أكتر من الطلاب الي عأساس "مصلحتن بهالطريقة" وهالشي كمان بيأدي لتدريس طلاب المدارس بطريقة تتنافى مع الطريقة الصحيحة والتي تناقض "مصلحة الطالب" وشكراً

الكاتب:	محمد الحسين [ الخميس إبريل 16, 2009 5:12 am ]
عنوان المشاركة:	القرار الصادر بخصوص اتمتة المواد في كلية الاداب
ما عم أعرف ليش هي السنة سنة نحس وهل الفصل بذات راح يجلطني انو ليش هيك أمور الجامعة عم تتدهور ما عم أعرف يمكن من شي سنتين كان الطالب مدلل أكتر عا أيام ..... الله يذكرو بالخير بس شو بدنا نساوي طيب اذا بشوفو انو الطلاب عم تجيب معدلات خيالية ليش ما بيصعبو الأسئلة بالفحص ؟ كمان في حدى ممكن بيجيب علامة عالية بمادة حتى لو كانت مؤتمتة بدون دراسة وتعب؟

صفحة 1 من 3	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/