شكرا إلك أول شي عصام ولكل القائمين عالقرار
بس أنا عندي استفسار بليز يعني تلغى المواد اللي كنا حاملينا مثلا من الفصل الأول أو السنة الماضية بنمتحنا بنظام الأتمتة ولا تطبق عليها النظام هاد كمان

معك حق ... متل ما صار معنا السني الماضي لما قدمنا عالدبلوم و الماجستير ..طبعا طلاب الشام الن الأولوية بجامعة البعث لانو معدلاتن بالسما و الله حرام هيك ..... شو ذنب طلاب البعث ,,, لأنو دراستن مكثفة أكتر و أصعب !!!!!!!!!!

ع فكرة .. لما عملت مقابلات هي السنة للتقديم عشغل ( طبعا بقصد برا سوريا ) انسألت كزا مرة ازا كانت موادنا مأتمتة او لاء .... و متل ما فهمت انو بفضلوا طلاب اللي مو مأتمتة موادن خاصة بالسنوات الأولى .

أخر شي بتمنى انو هالقرار يكون لصالح الطلاب و تكون ايجابياته أكتر من سلبياته .. ولو اني لهلأ ما عم لاقي ايجابيات خاصة لطلاب الرابعة

بالتوفيق للجميع ... و شكرا لكل شخص بتهمو مصلحة الطلاب

صراحة الله يعطين العافي وهنن كتير بيخافو علينا وعلى مصلحتنا وهي مني لكل من ساهم بالموضوع.....................بس سؤال منشان طرائق التدريس مؤتمتة او لا

والله حرام ظلم كبير


وما بدي احكي اكتر من هيك

والله أنا اتخرجت وخلصت واشربت من هالكاس ....وطبعا كانت صدمتي العظمى لما شفت معدلي ...والله العظيم ابكيت وضليت اسبوع مكتئبة ...يعني مو معقول
انو الطالب بجامعة البعث ازا أخد 60 بالمادة بتعتبر جيدة ....وبجامعة تانية بتكون هي اقل علامة عندو....
هلئ بالنسبة للشغل انا بعتقد انو طالب الانكليزي ما بينخاف عليه لانو اللغة مطلوبة بشكل كبير للوظائف ...والرزقةعالله طبعا ..

بداية احب ان اعزي جميع الزملاء على هذه الفاجعة التي المت بالطلاب و التي كما يقولو ن هم اي المعنيون ان الاتمته ليست لصالح الطلاب و انه سياتي يوم ويكتشف الطلاب اتهم على غلط و الطريقة التقليدية البصمية هي الاثحح لماذا انا لا اعرف و اظن لا احد do so . السؤال الذي يتررد ببالي لماذا لا نعامل مثل كل الطلاب في الجامعات الاخرى هل هم كلهم على خطاء و عندنا الصواب؟؟؟؟!!!!!!!!!.و بالطبع فان هذا سيؤثر على معدلات الطلاب حيث اننا نجد المعدل الوسطي للطالب ذو المستوى الوسط بجامعة دمشق افضل من احسن طال عندنا تقريبا .وان اغلب طلاب الاداب في دمشق سياتون و ينافسون في مفاضلة من اجل الماجستير و هذا كله لصالح الطالب الذي يتخرج من كلية الاداب في البعث لانه بالعامية ما رح يطلعله شي و الكلام الزائد ما بينفع لانه محدا رح يسمع !!!!!! . و السلام
و لا حول و لا قوة الا بالله

أول شي بشكر عصام على تغطية الخبر بالكامل وبشكر المعنيين بالموضوع وبحترم آرائن
بس حابة أعرف شغلة أنو ليش في تفاوت وتفريق وتمييز بين طلاب الآداب بحمص وحماه وبين آداب الشام ... وإذا نحنا وافقنا على الحكي أنو لمصلحة الطالب وأنو بيقوي الأسلوب أكتر معناها لازم يكون في قرار يمنع هاد التمييز وهو بإصدار مفاضلات مختلفة بالنسبة للي دارسين بالشام عن الي دارسين بحمص وحماه لأنو بكل سهولة المعدلات كتير رح تكون متفاوتة بين هون وهون هاد بالإضافة لمستوى هالطالب هاد وهاد الشي بيأدي لنجاح هدول الطلاب بالمسابقة أكتر من الطلاب الي عأساس "مصلحتن بهالطريقة" وهالشي كمان بيأدي لتدريس طلاب المدارس بطريقة تتنافى مع الطريقة الصحيحة والتي تناقض "مصلحة الطالب"
وشكراً

ما عم أعرف ليش هي السنة سنة نحس وهل الفصل بذات راح
يجلطني انو ليش هيك أمور الجامعة عم تتدهور ما عم أعرف يمكن
من شي سنتين كان الطالب مدلل أكتر عا أيام ..... الله يذكرو بالخير
بس شو بدنا نساوي
طيب اذا بشوفو انو الطلاب عم تجيب معدلات خيالية ليش ما بيصعبو الأسئلة
بالفحص ؟
كمان في حدى ممكن بيجيب علامة عالية بمادة حتى لو كانت مؤتمتة بدون دراسة
وتعب؟