آرتين لتعليم اللغات
https://forum.art-en.com/

صديقي/صديقتي أو مصلحتي؟؟؟
https://forum.art-en.com/viewtopic.php?t=16115		 صفحة 1 من 1
الكاتب:  سيرين [ الخميس إبريل 09, 2009 6:43 pm ]
عنوان المشاركة:  صديقي/صديقتي أو مصلحتي؟؟؟
عندما تجد نفسك مجبرا على اختيار واحد من اثنين: الصداقة و المصلحة
لمن تكون الأولوية في اختيارك ؟ وعلى أي أساس تبني هذا الاختيار؟
الكاتب:  Obada Arwany [ الخميس إبريل 09, 2009 7:49 pm ]
عنوان المشاركة:  صديقي/صديقتي أو مصلحتي؟؟؟
سيرين,
لكون صريح كتير معك و مع نفسي
انا محدد مين هنن الأصدقاء اللي بيستاهلوا التضحية و يمكن انوا بديهم عحالي
و هاد الشي بالنسبة الي كويس
هلق منجي للاصدقاء اللي ماني ضايفهم على قائمتي
فاذا بقدر اخدمهم بدون ما انضر فليش لا
و اذا بدي اخدمهم عحساب مصلحتي فلنفرض(دراستي) فلا و ما بظن يزعلوا مني لانن رح يكونوا متلي ...
الكاتب:  Odysseus [ الخميس إبريل 09, 2009 8:45 pm ]
عنوان المشاركة:  صديقي/صديقتي أو مصلحتي؟؟؟
سيرين,

طرحتي موضوع مهم جدا برأي . .

أنا أحتقر كلمة "مصلحة" لدرجة الموت . . ببساطة لأنها حرمتني من كتير أشخاص "كنت" بعتبرون أصدقاء . .

أنا شخص اجتماعي "نوعا ما" . .و من خلال تجربتي الخاصة بالحياة . . طلعت بنظرية "خاصة فيني" و هي انو الأصدقاء الحقيقيين صاروا "تحف فنية مدفونة بباطن الأرض" . . والي بتهموا الصداقة لازم يتحول لمنقب آثار ليحاول يبحث لعل و عسى خلال حياتو كلها يعثر على شي تحفة . .

و أنا بستغرب هدول الي بقولوا انو عندون 4 او 5 او ما بعرف شو عدد الأصدقاء . . أنا بعد للمليار قبل ما قول عن شخص معين انو صديق . . ما بعرف شو مفهوم الصداقة عن البشر حتى عم يعتبرو أي شخص بيعرفوه و بيتعاملو معو انو يكون صديق ؟؟

شكرا كتير على الموضوع سيرين *1

بس و مع ذلك حابب أعرف رأك أنتي بهالموضوع !
الكاتب:  العقل زينة [ الجمعة إبريل 10, 2009 12:07 am ]
عنوان المشاركة:  صديقي/صديقتي أو مصلحتي؟؟؟
سعيدة
موضوع حلو كتيير أنا برأيي انو المصلحة موجودة بالجنس البشري يعني بتوقع ما في علاقة
وحتى علاقة الأهل بأولادون مافيها مصلحة
بس مصلحة عن مصلحة بتفرق
يعني بس تكون المصلحة شي ثانوي بالرفقة مو سبب رأيسي انا برأيي لامانع
طبعا" لازم نفرق في مصلحة وفي انتهازية برأيي هاد تعبير أدق
شكرا" للموضوع الجميل
الكاتب:  Hiba.Sh [ الجمعة إبريل 10, 2009 4:15 am ]
عنوان المشاركة:  صديقي/صديقتي أو مصلحتي؟؟؟
سيرين,
حلوه فكرتك في طرح السؤال إنو مين بتختار...
*good *good

الصداقه أو المصلحه
..
الصداقه شي فطري بالانسان.. يعني الواحد ما في يعيش لحالو لانو دائما بيحتاج رفيق..

المصلحه شي فرضت علينا لانو انا بعتبرها شي مش خير .. والانسان خير بطبيعته..
يعني مثلا انا انفخ في فلان و احكي عنو وكبر من قيمتو واقبل من رشاوي عشان مصلحه بدي اياها منو ..؟؟ :?: :!: :!:

زمان كانت الصداقه اقوى .. بعدين تعادلت الصداقه مع المصلحه و هلأ للاسف صارت المصلحه أقوى..
في كتير عالم بتقلك انا بدي مصلحتي من فلان بضلني وراه لما آخد مصلحتي و بعد هيك الله معو..


العقل زينة,
طبعا الإنتهازيه بتختلف عجبني رأيك إنو في مصالح ثانويه ..
بين الأهل في مصلحه يعني بين الأب أو الأم و أولادهم في مصلحه..؟؟؟
طبعا لأ بتكون تضحيه أكتر..
اقتباس:
وحتى علاقة الأهل بأولادون مافيها مصلحة
*good *good *good *good *good

انا من رأيي إن المصالح فرضها علينا الزمن وضغوطات الحياة ...
و كتير بنسمع مصلحجي وعطول وقت الي بنعرف إنو هالإنسان تبع مصلحتو بنقطع علاقتو فيه..

انا وقت الي كنت بالإمارات كانو البنات الإماراتيات يصاحبوني لمصلحتهم درس كيميا فيزيا رياضيات... فمن زمااااااااااااان صار عندي كره لمتل هيك عينات من الناس...

والصداقه ما كتير كمان بأمن فيها و بعترف انو لهلأ ما عندي THE BEST FRIEND..
مو معناتو إني مو اجتماعيه لأ لإنو كلو قائم عالمصلحه...

شكرا سيرين عالموضوع... *ورود *ورود *ورود
الكاتب:  العقل زينة [ الجمعة إبريل 10, 2009 3:07 pm ]
عنوان المشاركة:  صديقي/صديقتي أو مصلحتي؟؟؟
سعيدة أوقاتكم أكيد
Hiba.Sh
اقتباس:
طبعا الإنتهازيه بتختلف عجبني رأيك إنو في مصالح ثانويه ..
شكرا" ألك
اقتباس:
بين الأهل في مصلحه يعني بين الأب أو الأم و أولادهم في مصلحه..؟؟؟
طبعا لأ بتكون تضحيه أكتر..
صراحة انا طرحت المصلحة من ناحية الفائدة طيب خلينا نشوف الدورة العائلية
بيخلق الولد الأهل سعيدين بيكبر بين عمر سنة و13 سنة الأهل مقدسين ألو وما ببعد عنون خطوة ليش لأنو في مصلحة انو يعتنو فيه
يعدين بيكبر شوي بفترة المراهقة بصير الأهل الأعداء الأوائل وهم الولد يعمل عكس أهلو لأنو بصير يحس حالو ما في مصلحة معون أو حاجة بمعنى لطيف
بيخلص فترة المراهقة بيجي على فترة النضوج بتخف الحدية بس من ناحية تانية بنشوف استقلالية كاملة وبيصير الأهل نوع من نوع العلاقة الرسمية كتيير حتى يشعر انو عبئ عليه باخر فترة حياتون

الأهل بشوفو الولد ذرية واستمرارية وحدا يعتني فيون بكبرهون وشي يتباهو فيه
ليش الأبن الفاشل بكون مغضوب عليه من الأهل
تاني شي ماحدا فيه ينكر السلطة حلوة والأهل بحبو يمارسو هالسلطة وبنشوف الولد الخارج عن سلطة أبويه ولو كان معو حق بكون مكروه من الأهل

على كلن انا عم بحكي بالعموم ومن ناحية سيكولوجية علمية تمام
وانا عم احكي بالعموم مو ضروري اذا واحد ما شعر فيها انها ماتكون موجودة
وانا حكيتها بتجرد أكيد الحب موجود وأكيد العائلة شي رائع بس هيك الدني
على كلن انا عندي شكرين أول واحد لصاحبة الموضوع سيرين مرة ثانية موضوع جميل *1
تاني واحد لHiba.Sh شكرا" ألك أرائك تحمسني على الحوار لإنها مبنية على اسس حوارية واضحة شكرا" لك *1
الكاتب:  بانة [ الجمعة إبريل 10, 2009 7:45 pm ]
عنوان المشاركة:  صديقي/صديقتي أو مصلحتي؟؟؟
بداية مشكورة كتير سيرين لطرحك للمواضيع الحلوة واللي هذا واحد منهم .. *1

[quote]
الصداقة و المصلحة
لمن تكون الأولوية في اختيارك ؟ وعلى أي أساس تبني هذا الاختيار؟
[/quote]
بصراحة ما بتوقع حدا يجي يقلك والله انا بختار صديقي على أساس مصلحة بستفيد منه وباخد اللي بدي ياه وبتركه وبروح :idea:

بالنسبة إلي أكيد بختار الصداقة للصداقة نفسها , وأي شخص بتعاملي معه حسيت إنه عم يتعامل معي عأساس مصلحة شي بيزعجني بالفعل وكتير بكرهه, وبصير مع الوقت حاول كتير إني إتخلّص من السبب اللي خلاه يتعامل معي على أساسه , وغير هيك بتضل علاقتي فيه موجودة وهالشي صار معي بالفعل على أرض الواقع مع بعض الأشخاص ..

بس كمان ما فينا ننكر إنه بين الناس والأصدقاء في مصالح مشتركة بقدموها لبعض مو بالضرورة إنها تكون مادية ..
لذلك فيني قول إنه في فرق بالإضافة للي قاله العقل زينة مشكور عن الإنتهازية , أنا بقول كمان في الإستغلال وكمان هي بتفرق عن المصلحة :idea: ولسّة على أسوأ :idea:

سيرين
*1 [/color][/font]
الكاتب:  الملاك [ الجمعة إبريل 10, 2009 9:19 pm ]
عنوان المشاركة:  صديقي/صديقتي أو مصلحتي؟؟؟
والله مع آرائكن حاسة حالي رح اطلع متل الولد القاتلتو أمو بس قول رأيي :oops:

لأنو أنا بصراحة لاحظت أنو منحتاج لعدة أنواع من العلاقات بحياتنا...ومنبني علاقاتنا على هالأساس :roll:
يعني بمنتهى الشفافية:
أنا في أشخاص بحتاج منن بعض الأمور...يعني إلي مصلحة عندن...فبواجهن بابتسامة وشكر ومودة...ما معقول اطلب بخلقة ناشفة يعني :arrow:

وناس قلبي من جوا بحبن...فهدول بتربطني فين علاقة حب حتى لو بدي اجتمع فين بالشهرين مرة....بس ما بقطع هيك علاقة قلبي طالبا :arrow:

وناس برتاح معن وبيرتاحو معي ومنحكي ومنتقرب من مشاكل وظروف بعضنا وهدول علاقتي فين هي الصداقة

وناس خلقت عالدنيا وهني مفروضين عليي...لا رحت لعندن ولا اجو لعندي متل أهلي وقرايبيني....بحبن وبتقرب منن ما لأنن فرض...بس عقد ما بعطين وبيعطوني وبحبن وبحبوني :arrow:

وناس المجتمع فرضن عليي متل أساتذتي مثلاً....بحبن كمان بسبب العطاء

بصراحة :!: :!: :!: :!: :!: :!:
ما بظن أني ممكن حب حدا بدون ما يعطيني...ما كمصلحة...وانما العطاء أساس بناء الحب بالقلب

الأم ما بتنحب إلا لأنو بتعطي...والصديق بيعطي "ممكن يعطي الاستماع" والأستاذ بيعطي والأخ بيعطي....وأنا بنحب بمجتمعي لأني بعطي *1

هبة والعقل زينة كلامكن كتير منطقي وحواركن ممتع....بس بيتعلق بتجاربكن الشخصية ما صح؟ :wink:

أنا حكيت بشكل عام 8)

*1 *1 *1 *1
الكاتب:  Safwat [ الجمعة إبريل 10, 2009 10:02 pm ]
عنوان المشاركة:  صديقي/صديقتي أو مصلحتي؟؟؟
بشكركن للسؤال الجريئ

بقدر احكي من خلال تجربتي

عاشرت كتييير ....... و بحس بقد اعرف مين مصلحة و من صديق و انا لكون وسطي رح قول انو ممكن ساعد حدن محتاج و انا مو خسران شي حتى لو اخدوها ن مصلحة .........

اما الاصدقاء .فهن الدهب العتيق ........اللي ببدهم عحالي .يني ممكن بديهم عحالي معنويا و ما ديا .لانو انا بالنهاية عم غذي روحي و فكري و حالي ......

اهم شي عندي المصدقية و الصراحة بين المصلحجيين و الرفقة .......
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/