آرتين لتعليم اللغات
https://forum.art-en.com/

رسائل الـ ............FW
https://forum.art-en.com/viewtopic.php?t=16107		 صفحة 1 من 2
الكاتب:  بانة [ الخميس إبريل 09, 2009 1:15 am ]
عنوان المشاركة:  رسائل الـ ............FW
ردد معي 3 مرات
"أفتح ياسمسم أبوابك نحن الاطفال"

أرسل هذه الرسالة الى عشرة أشخاص وسترى نعمان في منامك , واذا قرأتها اكثر سترى ميسون وسيأتيك كعكي يحمل اخباراً سعيدة :shock: )

أُرسلت إلى شخص وأهملها فانقطعت عنهم قناة سبيس تون , شخص آخر عمل بها فرزق بشريط جرندايزر :? و أرسلت الى شخص واستهزأ بها فنقلب الى زعبور :idea:

قول معي :
:idea: والله العظيم :idea:
:idea: والله العظيم :idea:
:idea: والله العظيم :idea:

إني رح إبعت هذه الرسالة إلى 10 أشخاص (يحتوي نص الرسالة على مجموعة من الأدعية والإستغفارات


أرسل الرسالة المرفقة إلى 10 أشخاص وستعرف شكل وصورة الشخص اللي إنت بتحبّه :idea:

وغيرها الكثير الكثير من الأمثلة اللي بتشبه بموضوعها ما سبق و بتجينا عن طريق ثقافة الـ(الفور ورد ), اللي زادت رصيد رسائلنا عالبريد الإلكتروني , والأغلبها بكون متشابه إذا مو نفسه تماما تم إرساله من قبل عدّة أشخاص .. :idea:

بداية حابة كتير أعرف رأيكم بالموضوع بشكل عام ,بالإضافة لبعض الأسئلة :

*ممم هل أنتم مع او ضد طريقة الإرسال الجماعي ؟ بأمثلة تشبه أو تختلف عن اللي ذكرته ؟ ولماذا ؟
*ممم هل أنتم ممن يرسل أو يستقبل هذا النوع من الرسائل , أم الاثنتين معاً ؟
*ممم بتعتبر هالطريقة هي لأشخاص دون غيرهم , مثلا للأشخاص اللي الضغوط عندهم أقل متل الدراسة , العمل ...إلخ, وفاضين وعم يتسلوا , أو برأيك هالشي ما إله علاقة ؟
*ممم سبق وطلبت من أحد معارفك يبطّل يبعتلك هذا النوع من الرسائل ؟
*ممم بتقوم بحذف هي الرسائل إذا وصلتك ؟ إذا كان جوابك نعم , فهالشي بكون قبل الإطلاع عليها أو بعد ؟

[align=center]هي مجموعة أسئلة إجت على بالي لمّا كنت عم دوّر على إيميل مهم كان من الضروري إني إرجعله بس دخت بين رسائل من نوع (إرسال للكل ) :evil: سبق وكانت واصلتني دون ما أحذفها , بعضها اطلعت عليه وبعضها الآخر لاء .. :arrow: :idea:

بتمنى تشاركوني برأيكم بخصوص هالموضوع
*1 *1 *1 *1 *1 *1 *1 *1[/align] [/color][/font]
الكاتب:  زمردة [ الخميس إبريل 09, 2009 2:18 am ]
عنوان المشاركة:  رسائل الـ ............FW
شكراً لك بانة على الموضوع .. كمايقولون لقد وضعتي يدك على الجرح فيوجد في بريدي مايفوق الـ 250 رسالة من نوع الـ FW لم أقرائها بعد :| و لكني أصنفها حسب المرسلين بمجلدات خاصة لكل منهم

و لكن قبل أن أبدأ أودّ أن أعرض عليكم ماجرى بي عندما لم أنفذ ماكُتب بالنموذج الأول من هذا النوع من الرسائل .. فقد استيقظت مرعوبة بعد هذا المشهد *خوف
صورة

:mrgreen: :mrgreen:


نعود للموضوع الآن .. و سأجيب على الأسئلة:
اقتباس:
بداية حابة كتير أعرف رأيكم بالموضوع بشكل عام
بالنسبة للرسائل التي تردنا و تنتهي بنماذج مشابهة من التي ذكرتِها فأنا لا أحبّذ هذه الطريقة على الإطلاق :? .. أحيانا يكون المحتوى جميل ولكن تذهب قيمتها بالعبارات المذكورة آنفاً و تعطي انطباعا سلبياً .. و بالمقابل أحيانا تردنا رسائل و يكون في نهايتها مثلا "إن أرسلتها فلن تأثم أو أرسلها تكسب الأجر " الدال على الخير كفاعله" نعم هذه عبارات محببة و مشجعة و ليس تلك
اقتباس:
هل أنتم مع او ضد طريقة الإرسال الجماعي ؟ بأمثلة تشبه أو تختلف عن اللي ذكرته ؟ ولماذا ؟
نعم أنا مع طريقة الإرسال الجماعي و لكن ليس بتلك الطريقة .. فأنا أنتقي ماأودّ أن أرسله بحيث يكون مميز و لم يسبق أن أُرسل سابقا أي لا أرسل عشوائياً و إنما ألقي بالاً لما أرسله لقائمة المتصلين لدي
اقتباس:
هل أنتم ممن يرسل أو يستقبل هذا النوع من الرسائل , أم الاثنتين معاً ؟
أستقبل بنسبة 81.254% و أُرسل بنسبة 18.746% :mrgreen: .. أقصد أنّ نسبة الاستقبال أكبر من نسبة الإرسال و ليس بالضرورة أن تنتهي بالعبارات التي ذكرتها ممكن أن يصلني فكاهات أو صور غريبة أو تحذير أن الـ hotmail سيتوقف إن لم أرسل الرسالة لجميع قائمة المتصلين و إلى الآن لم أرسل ولا واحدة و مازال حسابي فعّال :P
اقتباس:
بتعتبر هالطريقة هي لأشخاص دون غيرهم , مثلا للأشخاص اللي الضغوط عندهم أقل متل الدراسة , العمل ...إلخ, وفاضين وعم يتسلوا , أو برأيك هالشي ما إله علاقة ؟
هذا أمر نسبي .. أما عني فأحيانا تمرّ فترات طويلة جداً لا أُرسل فيها أي رسالة للقائمة .. و أحياناً أرسل رسالة أو اثنتين باليوم و ذلك عندما أجدها مثيرة للاهتمام أو بها فائدة أو نصيحة أو فكاهة لطيفة
اقتباس:
سبق وطلبت من أحد معارفك يبطّل يبعتلك هذا النوع من الرسائل ؟
لا لم يسبق لي .. و لكن لا أعلم إن سأفعلها بالمستقبل القريب :roll:
اقتباس:
بتقوم بحذف هي الرسائل إذا وصلتك ؟ إذا كان جوابك نعم , فهالشي بكون قبل الإطلاع عليها أو بعد ؟
نعم أحذف أي رسالة وصلتني سابقا بنفس العنوان و سُبقت بـ FW ..
اقتباس:
هي مجموعة أسئلة إجت على بالي لمّا كنت عم دوّر على إيميل مهم كان من الضروري إني إرجعله بس دخت بين رسائل من نوع (إرسال للكل ) سبق وكانت واصلتني دون ما أحذفها , بعضها اطلعت عليه وبعضها الآخر لاء ..
أنصحك أن تخصصي لكل فرد من قائمة المتصلين مجلد خاص به و بهذه الطريقة يمكنك تصنيف الرسائل و العودة إليها بسهولة دون التعرض لهذه المشكلة .. ببساطة انقلي الرسائل الهامة لأي فرد إلى المجلد الخاص به :wink:

*1
الكاتب:  أنس الدالي [ الخميس إبريل 09, 2009 2:45 am ]
عنوان المشاركة:  رسائل الـ ............FW
بــانــة, *1
اقتباس:
ردد معي 3 مرات
"أفتح ياسمسم أبوابك نحن الاطفال"
بصراحة أنا أول ما بديت بلقراءة قلت شو صايبها بانة اليوم بعدين اتذكرت انو اليوم الأربعاء :mrgreen:
طبعآ عم أمزح
الموضوع حلو كتير ومميز وفعلآ قابل للنقاش ولنبدا
اقتباس:
هل أنتم مع او ضد طريقة الإرسال الجماعي ؟ بأمثلة تشبه أو تختلف عن اللي ذكرته ؟ ولماذا ؟
بصراحة فيكي تقولي مع و ضد بنفس الوقت
يعني وقت بتكون الرسالة فيها ذكر لله وتخلي الواحد يستغفر الله ويحمده ويشكره
فأنا مع هيك رسالة بس ما تكون رسالة جماعية للي بيعرفو واللي ما بيعرفو
أما اذا كانت متل افتح يا سمسم فأكيد أنا ضد هيك رسايل
اقتباس:
هل أنتم ممن يرسل أو يستقبل هذا النوع من الرسائل , أم الاثنتين معاً ؟
ممن يستقبل فقط
اقتباس:
بتعتبر هالطريقة هي لأشخاص دون غيرهم , مثلا للأشخاص اللي الضغوط عندهم أقل متل الدراسة , العمل ...إلخ, وفاضين وعم يتسلوا , أو برأيك هالشي ما إله علاقة ؟
بالطبع للأشخاص المتفضين وما عندهن أي شغل
اقتباس:
سبق وطلبت من أحد معارفك يبطّل يبعتلك هذا النوع من الرسائل ؟
لااااا أبدآ
اقتباس:
بتقوم بحذف هي الرسائل إذا وصلتك ؟ إذا كان جوابك نعم , فهالشي بكون قبل الإطلاع عليها أو بعد ؟
ما بحذفها بس بقول الي مذكور فيها دون أن أقرأ القسم بأن أرسلها

استمتعت بالأسئلة ميرسي لالك وتقبلي مني
*ورود *ورود *ورود
الكاتب:  Osama [ الخميس إبريل 09, 2009 4:44 am ]
عنوان المشاركة:  رسائل الـ ............FW
اقتباس:
هل أنتم مع او ضد طريقة الإرسال الجماعي ؟
مع
اقتباس:
بأمثلة تشبه أو تختلف عن اللي ذكرته ؟ ولماذا ؟
ضد الأمثلة بشكل فطعي و خصوصي الرسائل الدينية (لأنو معظمها مغلوط) و من الجهل المتفشي صارت العالم تقرا هالنماذج و تعتقد انو هالكلام صحيح
اقتباس:
هل أنتم ممن يرسل أو يستقبل هذا النوع من الرسائل , أم الاثنتين معاً ؟
بستقبل و بحذف فورا
اقتباس:
بتعتبر هالطريقة هي لأشخاص دون غيرهم , مثلا للأشخاص اللي الضغوط عندهم أقل متل الدراسة , العمل ...إلخ, وفاضين وعم يتسلوا , أو برأيك هالشي ما إله علاقة ؟
برأي هدول اشخاص جاهلين لأنو بسببن راح الصالح بالطالح و خصوصي هدول يلي بيكتبوا بآخر الرسالة احلف انك رح ترسلها او اذا لم ترسلها مدري شو رح يصيرلك...بخلوا الواحد يحس حالو مرتكب خيانة عظمى
اقتباس:
سبق وطلبت من أحد معارفك يبطّل يبعتلك هذا النوع من الرسائل
لأ و ليش حتى اطلب منو... عال junk او delete فورا
اقتباس:
بتقوم بحذف هي الرسائل إذا وصلتك ؟ إذا كان جوابك نعم , فهالشي بكون قبل الإطلاع عليها أو بعد ؟
قراءة سريعة جدا جدا و اذا عرفتا من العنوان فورا للحذف

بس عندي مداخلة للأشخاص يلي بيبعتوا رسائل دينية و حابب قلن انو بسببكن ضاع الشيء القيم بالشيء الغلط و بتمنى من اي شخص بدو يبعت اي رسالة دينية بتأكد من محتواها قبل ما يبعتها لأنو في يوم آخرة رح نتحاسب ع كل شي بنساويه
يلي رح يقلي انو لكل مجتهد نصيب و اذا اصاب فله اجرين و من اخطأ له أجر بقلوا هاد الكلام للمفيتن ما لحضرتك
و يلي بدو يقول انو ليش ما بتتأكد منن بنفسك بقلو كل يوم بيوصلني شي عشر ايميلات دينية (شو رأيك اترك شغلي و اقعد عالنت و الكتب مشان اتأكد منن و بعدين ارجع ابعتن؟؟؟؟) :? :? :? :?
مشان الله حاجتنا عايشين بالجهل من 7 قرون بسببكن :evil:
بــانــة,
اما بخصوص الايميلات المهمة فأنا عامل مجلد الن حتى ارجعلهن وقت الحاجة
مشكوووووووورة كتير يا هيك المواضيع يا اما بلا *good
الكاتب:  عبيدة [ الخميس إبريل 09, 2009 11:37 am ]
عنوان المشاركة:  رسائل الـ ............FW
بــانــة, أول شي يسلمو عالموضوع *1

تاني شي لنجاوب عالأسئلة 8)
اقتباس:
هل أنتم مع او ضد طريقة الإرسال الجماعي ؟ بأمثلة تشبه أو تختلف عن اللي ذكرته ؟ ولماذا ؟
مع ,, بس بشرط إنها ماتكون بمستوى الرسائل اللي ذكرتيها من شوي
اقتباس:
هل أنتم ممن يرسل أو يستقبل هذا النوع من الرسائل , أم الاثنتين معاً ؟
بستقبل بشوف وبمسح
وقليل كتير لإرسل
اقتباس:
بتعتبر هالطريقة هي لأشخاص دون غيرهم , مثلا للأشخاص اللي الضغوط عندهم أقل متل الدراسة , العمل ...إلخ, وفاضين وعم يتسلوا , أو برأيك هالشي ما إله علاقة ؟
مبلا إلو علاقة ؛ لأنو هيك أشياء ما بيعملا غير عالم فاضية ومافي وراها شي
اقتباس:
سبق وطلبت من أحد معارفك يبطّل يبعتلك هذا النوع من الرسائل ؟
إزا كان قصدك متل الرسائل اللي ذكرتيها إنو أرسل هذه الرسالة لعشرة ولا لمية أو إنو إيميلك رح يوقف إزا ما بعتت لما بعرف كم واحد
فإي سبق وطلبت كتيير من اللي عندي
اقتباس:
بتقوم بحذف هي الرسائل إذا وصلتك ؟ إذا كان جوابك نعم , فهالشي بكون قبل الإطلاع عليها أو بعد ؟
نعم بحذفا. / بعد الاطلاع

بس بدي إسئلك,
انت قصدتي برسائل (الفور وورد) يعني كل الرسائل ولا هاد النوع من الرساائل اللي ذكرتي؟؟
وبس

شكراً عالموضوع خيتوووووو *ورود
الكاتب:  ملاك [ الخميس إبريل 09, 2009 2:38 pm ]
عنوان المشاركة:  رسائل الـ ............FW
هل أنتم مع او ضد طريقة الإرسال الجماعي ؟ بأمثلة تشبه أو تختلف عن اللي ذكرته ؟ ولماذا ؟

مع بس بقرا بداية الايميل بالأول واذا لقيت عندي متلو بحذف فورا التاني خصوصا إذا ما اقتنعت بالكلام للمكتوب كالأمثلة اللي ذكرتيها .

هل أنتم ممن يرسل أو يستقبل هذا النوع من الرسائل , أم الاثنتين معاً ؟
غالبا بستقبل أكتر مما أرسل .

بتعتبر هالطريقة هي لأشخاص دون غيرهم , مثلا للأشخاص اللي الضغوط عندهم أقل متل الدراسة , العمل ...إلخ, وفاضين وعم يتسلوا , أو برأيك هالشي ما إله علاقة ؟

لا ما الو علاقة اللي بدو يبعت بيبعت حتى لو كان عندو ألف شغلة لأنو بالو فاضي ورايق وفايق بقا ما عندو عملي غير يلا ابعااااات :?

سبق وطلبت من أحد معارفك يبطّل يبعتلك هذا النوع من الرسائل ؟
لا ما صارت بس لما بقرا الرسالة وبوصل للكلام اللي بضوع جمال الرسالة متل ابعتا لعشرة ومية ومدري شو بقا ما بكمل قراية وما بضيع وقتي

بتقوم بحذف هي الرسائل إذا وصلتك ؟ إذا كان جوابك نعم , فهالشي بكون قبل الإطلاع عليها أو بعد ؟
اي سبق وقلت اني اذا لقيت عندي متلا بقا بحذفا بكون قاريتا من قبل يعني .

بس أنا كمان بدي نوه متل ما قال عبيدة انو رسائل FW هي اللي بتكون واصلة لشخص ورد بعتا ومو بالضرورة تكون محتوية عهالألفاظ اللي قلتيها وكمان في شغلة طبعا أنا مرة سمعت لشخص عم يسأل شيخ في حكم هالأوامر انو ابعتا وبصرلك شي فهي بدع مختلقة من المرسل نفسو أو من حدا أرسلو ياها لا صحة لها بالعكس هيك بتصير الرسالة مو مقصود فيها النية لوجه الله تعالى وهيك بروح أجرا وثوابها

:roll:
شكرا عالموضوع بانة
الكاتب:  بانة [ الجمعة إبريل 10, 2009 8:46 pm ]
عنوان المشاركة:  رسائل الـ ............FW
عبير,
[quote]
أحيانا يكون المحتوى جميل ولكن تذهب قيمتها بالعبارات المذكورة آنفاً و تعطي انطباعا سلبياً ..
[/quote]
صح كلامك , وبالأخص وقت بتكون كمان مرفقة بالحلفان , يعني بكون مكتوب شي 14 مرة قول والله العظيم إنك رح ترسل الرسالة وما رح تتركها.... بتكون إنت قرأتهم بس أكيد مو بنية أو بقصد الحلفان , يعني انا أحيانا بقول (ليكوا وين صرنا :idea: )

[quote]
و ليس بالضرورة أن تنتهي بالعبارات التي ذكرتها ممكن أن يصلني فكاهات أو صور غريبة أو تحذير
[/quote]
صح في بعض المواضيع بتكون حلوة ومميزة وغريبة بس من كتر ما بتوصلنا بتمللنا :idea: [quote]
أو تحذير أن الـ hotmail سيتوقف إن لم أرسل الرسالة لجميع قائمة المتصلين و إلى الآن لم أرسل ولا واحدة و مازال حسابي فعّال
[/quote]
وأنا كمان :mrgreen:
[quote]
ببساطة انقلي الرسائل الهامة لأي فرد إلى المجلد الخاص به :wink:
[/quote]
شكرا عالنصيحة *sla وشكرا كتير إلك عبير *1 *1[/font]

همسات الحب,
[quote]
بصراحة أنا أول ما بديت بلقراءة قلت شو صايبها بانة اليوم بعدين اتذكرت انو اليوم الأربعاء
[/quote]
:mrgreen: بس اليوم الجمعة :mrgreen:
[quote]
أما اذا كانت متل افتح يا سمسم فأكيد أنا ضد هيك رسايل
[/quote]
هلق أنا للحقيقة ما قصدي أبدا "إفتح يا سمسم " أنا حاولت أعطي إشارة لما يشابهها من رسائل بتوصلنا وبتحذرنا إذا ما قمنا بعمل شو طُلِب مننا , و بتغرينا بالنتائج إذا نفَذنا ......
وكنت بدي إطرح سؤال من بين الأسئلة , إنه هل صدّقت محتوى متل هي الرسائل , بس حسبت إنه الأغلبية العظمى رح تقللي لاء :idea:

[quote]
بحذفها بس بقول الي مذكور فيها دون أن أقرأ القسم بأن أرسلها
[/quote]
بس انا بقراها كلها مع القسم (الحلفان ) اللي فيها وما ببعتها , وبصراحة ما بحس إنه أنا لازم إدفع كفارة إذا ما بعتها , لأنه برأي إنه أساسا ما لازم حدا يبعت لحدا هيك شي ويجبره , وأنا وقت عم بقرأ ما بتكون بنيتي الحلفان :idea:

شكرا كتير إلك , سرتني مشاركتك .... *1 *1 *1 *1

Osama,
[quote]
ضد الأمثلة بشكل فطعي و خصوصي الرسائل الدينية (لأنو معظمها مغلوط) و من الجهل المتفشي صارت العالم تقرا هالنماذج و تعتقد انو هالكلام صحيح
[/quote]
بس أنا مع الكلام اللي قلته إنت سابقا , وبالأخص إنه كتير كانت توصلنا رسائل بمحتواها ديني اكتشفتوا لاحقا إنها من صنع ناس غرضهم الإستهزاء بالإسلام والمسلمين بأنها متل قصة البنت اللي قلبت لقردة أو ما شابهها .. :idea:

[quote]
بس عندي مداخلة للأشخاص يلي بيبعتوا رسائل دينية و حابب قلن انو بسببكن ضاع الشيء القيم بالشيء الغلط و بتمنى من اي شخص بدو يبعت اي رسالة دينية بتأكد من محتواها قبل ما يبعتها لأنو في يوم آخرة رح نتحاسب ع كل شي بنساويه
[/quote]
شكرا كتير لمداخلتك وكمان هالمرة أنا معك :idea:

كمان شكرا كتير عمشاركتك ورأيك , سرني وجودك *1 *1 *1[/font]


عبيدة,
قللك سر وللا بلا :idea:
لا رح قلك , بصراحة كنت متوقعة أجوبتك إذا شاركت بالموضوع تكون غير هيك تماما , مو لأي سبب كان , بس بالفعل عجبتني أجوبتك كتير *1

[quote]
انت قصدتي برسائل (الفور وورد) يعني كل الرسائل ولا هاد النوع من الرساائل اللي ذكرتي؟؟
[/quote]
أنا اللي حاطتهم هدول أمثلة , في كتير بيشبههم , وفي كتير كمان بيختلف عنهم , كنت حابة شوف آرائكم وخلي المساحة للأمثلة مفتوحة :idea:

مشكور عبيدة , نوّر الموضوع *1 :idea:[/font]


ملاك,
[quote]
لا ما الو علاقة اللي بدو يبعت بيبعت حتى لو كان عندو ألف شغلة لأنو بالو فاضي ورايق وفايق بقا ما عندو عملي غير يلا ابعااااات
[/quote]
ضحكني كلامك هون :lol: , بالفعل في عالم ما عندهم لا شغلة ولا عملة غير البعت حتى ولو في فوق راسهم ألف شعلة
[quote]
أنا مرة سمعت لشخص عم يسأل شيخ في حكم هالأوامر انو ابعتا وبصرلك شي فهي بدع مختلقة من المرسل نفسو أو من حدا أرسلو ياها لا صحة لها بالعكس هيك بتصير الرسالة مو مقصود فيها النية لوجه الله تعالى وهيك بروح أجرا وثوابها
[/quote]
شكرا كتير لطرحك ما سمعتيه , *1
نوّرتي .... *1 *1 *1[/font]
الكاتب:  بانة [ الجمعة إبريل 10, 2009 8:55 pm ]
عنوان المشاركة:  رسائل الـ ............FW
بالمناسبة :
طريقة إرسال الرسائل للكل بتكون أحيانا بتحتوي على إيميلات لأشخاص تانيين منهم منعرفهم منهم لاء , ونفس الشي كمان بجوز يكون إيميلنا الشخصي موجود بلائحة بعض الرسائل اللي بيرسلها بعض معارفنا لناس آخرين ..

وهي وسيلة ممتازة بالنسبة لأشخاص هوايتهم على ما يبدو تجميع العناوين الإلكترونية :? , بالأخص إنه بيظهر إلى جانب الإيميل أحيانا الإسم والكنية حسب ما مخزنهم المرسل , وهذا كتير شي بفيد سارق الإيميلات .
الكاتب:  الملاك [ الجمعة إبريل 10, 2009 9:32 pm ]
عنوان المشاركة:  رسائل الـ ............FW
بــانــة,
بما أنو البقية كفو ووفو....فأنا ما رح شارك بالنقاش 8)

بس يا بانة....ربي يسامحك...حرقتي قلبي
نزلتي هالموضوع وتعبتي عليه...كنتي بفرد مرة لاقيلنا طريقة نلغي فيا هالميزة....أو نحظر هالرسائل...أو أي شي يريحنا ويريح راسنا من هالمرض

لك والله أنا ملييييييييييييت..مليت...وما بفتحن وبضل بقول لاتبعتولي فور وورد..بس عبس :evil:

على فكرة...ولا مرة بعتت رسالة فور ورد :mrgreen:
*1
الكاتب:  بانة [ السبت إبريل 11, 2009 12:33 am ]
عنوان المشاركة:  رسائل الـ ............FW
الملاك,
[quote]
بس يا بانة....ربي يسامحك...حرقتي قلبي
[/quote]
سلامة قلبك *1

[quote]
نزلتي هالموضوع وتعبتي عليه...كنتي بفرد مرة لاقيلنا طريقة نلغي فيا هالميزة....أو نحظر هالرسائل...أو أي شي يريحنا ويريح راسنا من هالمرض
[/quote]
:? :? :? :? مافي حل :? :? :? :?

[quote]
على فكرة...ولا مرة بعتت رسالة فور ورد
[/quote]
ولا أنا :mrgreen:

[quote]
بما أنو البقية كفو ووفو....فأنا ما رح شارك بالنقاش
[/quote]
مرورك بكفي *1[/font]
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/