زمان قالو أنو النصيحة كانت بجمل,بس على وقتنا صارت النصيحة فضيحة.
ما هو تعليقكم على ما سبق ذكره؟ واذا كنتم ممن تسمعون النصيحة,فهل قبولكم لها مقرون بالشخص الذي يقدمها أم بالنصيحة بحد ذاتها؟
لماذا نصم أذننا عن النصيحة و نأبى الا أن نكون ممن يخوضون ما يسمى "معترك الحياة" لكي نتبين القيمة الحقيقية لهذه النصيحة؟
أسئلة تنقصها الأجوبة .؟؟؟

انا شايف انو النصحية بهل الايام متل بتقولي .. لكن هاد بيرجع للشخص اللي عم ينصح وقوة تأثيره ع الشخص وحسب معرفته فيه
وانا من الاشخاص اللي بياخدو بنصحية غيري ورأيو لان الحياة تجارب (من علمني حرفا كنت له عبدا) سيرين,

انا من الأشخاص اللي بيسمعوا للنصيحة بس ما بطبقوها
يعني بسمعها وبحطها ببالي بزاوية من زوايا عقلي وباخد منها الحذر اللي بيلزمني , لأني بعتقد إنه الإنسان من حقه إن يخوض التجربة هو بنفسه ويتعلّم منها.

[quote]
لكي نتبين القيمة الحقيقية لهذه النصيحة؟
[/quote]
مو كل نصيحة من شخص ما هي نصيحة حقيقية [/font]

سيرين,

مسا الخير

هلا إذا واحد عم ينصحني أو عم ينصح أي حدا تاني بشغلة معينة
لازم نفترض فورا إنو التاني محتار بين أمرين أو أكثر مثلا صح؟
لأنو إذا ما كان محتار أو ربما ما عم يعرف شو بيسوي معناتو هوي مو بحاجة هالنصيحة أساسا وبكل تأكيد إذا مو بحاجتها وهوي على بينة (أو حاسس حالو على بينة من الشي اللي عم يعملو أو اللي بدو يعملو ولسا ما عملو ) إي ما رح يرد على هالنصيحة بغض النظر عن الشخص اللي عم يقدمها هاي أول حالة

الحالة التانية لما بيكون الشخص اللي عم يتلقى النصيحة محتار مثلا وعندو قابلية للانتصاح يعني بيئة خصبة ومناسبة لتقديم النصائح
وبما إنو هالشخص محتار فهو بكل تأكيد يجهل ما هو مقدم عليه
طيب إذا أنا أو أي حدا منكون أصدقائي كان يجهل ما هو مقدم عليه وإجا أكره شخص بالحارة (يعني مثلا شخص بزماناتك لما كنتو زغار عملك قتلة وبعدين صار صاحبك قبل ما تلحق تردلو ياها) وقدملو نصيحة
أنا متأكد متل ماني شايفكن إنو ما رح يرد عليه ورح يطنشو ولا رح يتقبل لا نصيحة ولا غيرا
لأنو هوي أساسا ما بيعرف شو الصح فأكيد هالشخص الكريه ما عم ينصحني بالصح

أما لما بيكون الشخص اللي عم يقدم النصيحة شخص بتعزو كتير وبدك ياه يعزك كمان (يعني مثلا أخو أحلى بنت بالحارة) إي رح تسمع منو فورا فورا وبدون ما تناقش ولا تفكر

أنا هيك بتصرف وهيك طريقتي بقبول النصائح أو رفضا

سلام