سلام عليكم ورحمة الله وبركاته ..


اول شي بحب اشكر الاعضاء والمشرفين يلي ساعدوني كتير كتير لحتى قدرت خلص السنة الاولى باقل خسائر ممكنة ..

بصراحة كتير عم تتعزبوا معنا شكرا كتير الكم ولحرصكم على منتداكم وافادة غيركم .. والله يجعله بميزان حسناتكم ..

ومشان هيك ولاني صار عندي ثقة بهالمنتدى وبالاخص هالقسم .. حبيت انو اخد رايكم بموضوع اختيار المواد قبل ما سجل ..

يعني اول شي كنت بدي اخد مادة علم الترجمة بعدا قالولي رفقاتي صعبة ومابقدر نزلها مع ترجمة من والى العربية كتير دسمات وخصوصي بالصيف وقت المواسم والافراح :d
وكمان شفت انو دكتورها نهار المزعل بعدت عنها ومابقى استرجي اقرب :d

العربي بحبو حلو بس كمان دكتورين .. يعني رح يصير في تصحيحين .. (امم بفكر فيه)

بس المقال شو هو وعن شو بيحكي؟ودكتورو حباب ولا تصحيحو دقيق ؟
والصوتيات كمان ياريت حدا يفهمني شو هي(هلاء بشكل عام انا بحب ادرس الصوتيات من اسمها تقريبا عرفت شو هيي)

ومقال وقراءة وفهم ..

يعني بصراحة بدي حدا يقلي شو هيي اسهل مواد لانو متل ما قالت سحر انو بعشرين خمسة رح يتنهي التسجيل .. وكنت مشتهية اعرف قبل ما سجل شو هي المواد الماتمتة بس كني متل هداك الفصل مارح يقولوا لاخر اسبوعين

وشكرا الكم وناطرة جوابكم وردكم ..

ماحدا رد علي ؟؟

ياترى لانو حاطة الموضوع بقسم السنة التانية ؟ لازم كنت حطو بالعام .. مشان استفيد من كل الخبرات وكل السنوات كمان التالتة والرابعة بجوز يفيدوني بشي ..

تحياتي

شكرا كتير كتير الكم ..

ويعطيكم العافية ..

انا نجحت وطالعت كل مواد السنة الاولى باقيلي بس ثقافة 2

(اول فصل تلات مواد وطلعوا وتاني فصل تلات مواد وبعدا كمان تلات مواد ..

هلا السنة التانية بدي حاول اخلص منها بسرعة شوي وانزل فورا اربع مواد ..

يمكن نزل العربي يعني قراءة وتعبير .. والمقال .. والقراءة والفهم والترجمة ..

(هدول يلي كتبتهن انت من الفصل الاول ما هيك ؟ )

مع اني كنت مشتهية نزل الصوتيات .. شكرا مرة تانية ..

سلام عليكم

انا ما عم احضر ..


بس بالنسبة للمقال .. يعني عن شو بتحكي ؟ وشو هي بالظبط؟؟

لهلاء محتارة ولهلاء ما سجلت .. ورفقاتي ديما بسالوني عن المواد وبنقللهم انا الحكي يلي مكتوب هون ..

شكرا كتير مرة تانية