مرحباً أنا بحس أنو أبشع شي تكون عندك فكرة حلوة عن شخص ما و بعدين تكتشف أنو عكس ماأنت بتظن.
أنتو شو بتقولي ؟وكيف ممكن تكون ردة فعلكن؟
| آرتين لتعليم اللغات https://forum.art-en.com/ |
|
| الانطباع الأول....شو بتقولوا؟ https://forum.art-en.com/viewtopic.php?t=15960 |
صفحة 1 من 1 |
| الكاتب: | سيرين [ الثلاثاء مارس 31, 2009 5:56 pm ] |
| عنوان المشاركة: | الانطباع الأول....شو بتقولوا؟ |
مرحباً أنا بحس أنو أبشع شي تكون عندك فكرة حلوة عن شخص ما و بعدين تكتشف أنو عكس ماأنت بتظن. أنتو شو بتقولي ؟وكيف ممكن تكون ردة فعلكن؟
|
|
| الكاتب: | باسل العمروش [ الثلاثاء مارس 31, 2009 6:54 pm ] |
| عنوان المشاركة: | الانطباع الأول....شو بتقولوا؟ |
اقتباس:
أبشع شي تكون عندك فكرة حلوة عن شخص ما و بعدين تكتشف أنو عكس ماأنت بتظن.
صح!احيانا بكون باالعكس, انو تكون عندك فكرة بشعة عن شخص و بعدين يطلع بالعكس و لحتى كون صريح, صفوة كان من بين هالناس, يلي كنت حسبو شايف حالو و دايقني كم مرة, بس لما قابلتو شفت العكس, انسان مثقف فهمان و واعي, و ما عندو تكبر متل ما كنت محسب اقتباس:
؟وكيف ممكن تكون ردة فعلكن؟
كرثة! و خصوصي اذا الواحد ابدا اعجابو للشخص التاني, و بعدين انصدم فيو!!! انا من هالنوع, يمكن قيّم انسان من دون من اعرف كتييير شغلات.. و هادا غلط!! |
|
| الكاتب: | عصام [ الثلاثاء مارس 31, 2009 9:37 pm ] |
| عنوان المشاركة: | الانطباع الأول....شو بتقولوا؟ |
سيرين, من اصعب الامور انو تتغير نظرتك بشخص ما اكيد بس لازم قبل ما ننفر منو وتتغير تصرفاتنا معو او حتى لو ماحسسناه انو تغيرت احاسيسنا وكملنا تصرف بشكل عادي معو انو نواجهو بالشي اللي خلانا نغير راينا فيه ونسمع وجهة نظرو وبعدها لكل حادث حديث لانو كتير اوقات بيصير سوء فهم لبعض المواقف وبتتفسر الامور بعكس ماهي وهيك بنظلم هالشخص وعفكرة وانا عم بكتبك هالرد رجعت لبالي لقصة صارت بيني وبين رفيق غالي علي ولانو وقتها كنت مدايق منو مشان سوء فهم صار وما انحل بوقتها وبعدو رجعت الامور طبيعية ليكي هلا رح حكيه ونحكي بهالقصة حتى ما يظل شي بالنفوس واكيد لما بتنحط النقط عالحروف بتصير العلاقة احسن من اول
|
|
| الكاتب: | lili. [ الثلاثاء مارس 31, 2009 11:31 pm ] |
| عنوان المشاركة: | الانطباع الأول....شو بتقولوا؟ |
اقتباس:
أبشع شي تكون عندك فكرة حلوة عن شخص ما و بعدين تكتشف أنو عكس ماأنت بتظن
بتصيركتير لأنو غالبا باللقائات الأولى اي حدا بيحاول يعطي احسن شي عندووكتير ناس بيعطو حالن اهمية زيادة عن اللزوم ومع الوئت منكتشف انو هي الشخصية اللي عجبتنا بالأول طلعت حكي فاضي 
|
|
| الكاتب: | ملاك [ الأربعاء إبريل 01, 2009 5:38 pm ] |
| عنوان المشاركة: | الانطباع الأول....شو بتقولوا؟ |
شي طبيعي انو ما نقدر نكشف شخصية الواحد من أول لقاء وانما بلقاءات متعددة وبمواقف معينة بتبينلك أفكاره وآراءه مشان هيك ما بصير من البداية نتعلق بالشخص بمجرد اعجابنا بشخصتو من اول لقاء
|
|
| الكاتب: | Hiba [ الأربعاء إبريل 01, 2009 10:18 pm ] |
| عنوان المشاركة: | الانطباع الأول....شو بتقولوا؟ |
ااذ الشخص بهمك وطلعت الفكرة عكس ما كنت متصورتها او رسمتها عنه يمكن الشغلة تكون صعبة شوي بس مع الوقت بتقدري تنسي اكيد بعد ما تكوني انصدمت بهل الشخص وبعد ما يكون هوي او هي يمكن ترك اثر بحياتك  بالنهاية هل الشغلة كلنا بنوقع فيها so< افضل طريقة لنتجب هيك اشياء مانرسم صورة عن اي شخص ==== لانو ولا صورة رح تظبط هل الايام القناع يلي عم نلبسه الصبح عم نغيرو المسا وكذلك بنرد بنحط غيرو تاني يوم الصبح لذلك ولا صورة رح تظبط لانو صرنا بنمتلك البوم من الصور وبنقدر نغير فيها متل ما بنغير بالتشيرتات والجينزات كل يووووم تقبلي مروري يا عزيزتي |
|
| الكاتب: | mohammeddali [ الأربعاء إبريل 01, 2009 11:56 pm ] |
| عنوان المشاركة: | الانطباع الأول....شو بتقولوا؟ |
اقتباس:
أبشع شي تكون عندك فكرة حلوة عن شخص ما و بعدين تكتشف أنو عكس ماأنت بتظن
بالتأكيد امر صعب خاصة اذا كان من الاصدقاء المقربين وترك اثر فيناولكن الايام بتنسي الواحد اقتباس:
وكيف ممكن تكون ردة فعلكن؟
طبعا اذا كنا معجبين فيه وتفاجئنا فيه رح تكون صدمة كبيرةمشكورة سيرين ...
|
|
| الكاتب: | سيرين [ الخميس إبريل 02, 2009 10:06 pm ] |
| عنوان المشاركة: | الانطباع الأول....شو بتقولوا؟ |
أنا بشكر الجميع على مرورن.أراء و وجهات نظر كتير حلوة و بتستحق أنو الشخص يوقف على معانيها. بتمنى للجميع حياة بعيدة عن الانطباعات التي تكون فيما بعد مصدر قلق و ازعاج لأصحابها. |
|
| الكاتب: | Odysseus [ الجمعة إبريل 03, 2009 1:42 am ] |
| عنوان المشاركة: | الانطباع الأول....شو بتقولوا؟ |
سيرين, طرح جميل جدا . . أنا بالواقع قريت كل الردود الماضية و عجبوني ردين كتير كتير . . الأول هو رد lili. اقتباس:
بتصيركتير لأنو غالبا باللقائات الأولى اي حدا بيحاول يعطي احسن شي عندو
توصيف دقيق جدا للواقع . . مرة عم حكي شب لشوف كيف بفكر . . فسألتو انت انت اذا تعرفت على بنت معك بالكلية . . بأول لقاء كيف بتحاول تكون . . فقلي يومتا أنو بحاول يكون ملاك أول لقاء . . و بعدين ما بهم . . لأن حسب رأيو انو أول لقاء بصير التقيم فقط و بعدين بتصير علاقة روتينية ! هادا رأي لا تستغربو فيه . . من طالب تربية سنة رابعة . . ! الرد التاني هو رد Hiba , اقتباس:
القناع يلي عم نلبسه الصبح عم نغيرو المسا وكذلك بنرد بنحط غيرو تاني يوم الصبح لذلك ولا صورة رح تظبط لانو صرنا بنمتلك البوم من الصور وبنقدر نغير فيها متل ما بنغير بالتشيرتات والجينزات كل يووووم
الأخت هبة فهمانة الحياة صح . . و نادرين الي قادرين يفهمو الحياة بشكل سليم . . شكرا لرأيك اخت هبة هادا هو واقعنا . . أنا بحياتي بتعامل مع صور . . بتعامل مع كائنات حية ترتدي أقنعة بشرية . . و بحاول جرد هالأشخاص من أقنعتون لشوفون على هيئتهن الحقيقية . . أنا بوجهة نظري كل الناس مخادعين حتى يثبت العكس, و ليس العكس . . أنا كيف بدي أعرف حدا اذا مخادع او لا من دون تجربة ؟؟ لازم تتوفر التجربة . . و على هالأساس . . اذا اكتشفت - ما رح قول انصدمت لان بتحمل معنى تاني - اذا اكتشفت انو حدا طلع بصرة مغايرة للصورة الي قدما للناس . . بكل بساطة بعتبرو تجربة من التجارب و فشلت . . و مانا نهاية البشرية ! على كل هادا موضوع ضخم جدا و ممكن ينحكا فيه كتير . . القضية انو المفاهيم عند البشر نسبية . . و بتعرفو أكيد المقولة الي بتقول . . "من الممكن ان تكون لا شي لشخص معين . . الا أنك قد تكون العالم بأسره لشخص آخر" و على سبيل شخصي . . أنا بعرف كتير ناس . . و كتير منن اختلفو بوجهات نظرون فيني بعد "التجربة" . . ناس قالو انو انت أحسن واحد بهالدنيا . . و ناس قالو انو انصدمو كتير فيني . . "وكانو آخدين فكرة تانية عني" بس اكتشفو العكس ! هي هي الحياة . . قائمة على الإزدواجيات .. و الشخص الذكي هو الي بيحسن يفهم الحياة صح . . و يقبل برأي الآخر "مهما كان" شكرا على طرح الموضوع أخت سيرين !
|
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|