آرتين لتعليم اللغات :: شو عم يصير

آرتين لتعليم اللغات https://forum.art-en.com/

شو عم يصير https://forum.art-en.com/viewtopic.php?t=15695	صفحة 1 من 1

الكاتب:	محمد الحسين [ الأربعاء مارس 11, 2009 6:46 pm ]
عنوان المشاركة:	شو عم يصير
شباب شو مشان أنو مافي تخرج هل الفصل ليش ؟ بسيطة : لأنو : علم لغة التطبيقي + طرائق التدريس +الترجمة 6 = الدكتورة سلوى الآدب الكلاسيكي + الأدب المقارن 2 = الدكتور الياس يعني أنا كتير محبط و متشائم الله يستر

الكاتب:	Kiefer [ الاثنين مارس 16, 2009 1:34 pm ]
عنوان المشاركة:	شو عم يصير
معك حق

الكاتب:	Odysseus [ الاثنين مارس 16, 2009 8:25 pm ]
عنوان المشاركة:	شو عم يصير
Alhossein, Kiefer, اقتباس: شباب شو مشان أنو مافي تخرج هل الفصل اذا بتدرس منيح أكيد في تخرج . .و مواد الدكتورة سلوى سهلة اذا بنعرف كيف ندرسا طرائق التدريس أتمتة . . يعني شو ما كانت تكون الأسئلة رح تتم من الكتاب . . دروس منيح و بضملك معدل عالي لانو مو هدف الدكتورة سلوى التعجيز علم اللغة التطبيقي . . الدكتورة نزلت سلم التصحيح بس من شان نعرف كيف بكون الحل و قالتلنا ركز على الشغلات الصغيرة . . يعني كمان مانا صعبة كتير بالدراسة . . و الترجمة . .طول عمرها الدكتورة سلوى مستلمة الترجمة6 و هو اختصاصا الأصلي . . و هي أهون من غيرا بمليون مرة بالتصليح . . الدكتور الياس أول محاضرة قال انو كل الي رسبو كانو كاتبين تقريبا نفس الموضوع . . و نفس الأفكار . . يعني من مكتبات . . وهو بدو تكتبلو أفكارك انت و بجمل انت بتألفا مو جاهزة و أنا بضمنلك النجاح عندو . . أنا بالكلاسيكي ألفت الموضوعين بالقاعة و ما كنت محضرلون من أول . . بس كتبت أفكاري الخاصة و بشرحت بطريقتي الخاصة و هيك ألفت موضوعين ما حدا كاتب متلون على الإطلاق . . و كان التصليح عادل و أخدت 70 لذلك أخي مافي شي صعب . . بس كل دكتور لازم تعرف كيف تتعامل مع أسئلتو . . بالتوفيق ان شاء الله !

الكاتب:	محمد الحسين [ الجمعة مارس 20, 2009 5:04 am ]
عنوان المشاركة:	شو عم يصير
شكراً كتير لنصيحتك أنت أول واحد بيحكي هل الحكي يمكن من حضك أنو ورقتك كانت بصفطة السبعينات مو بالعشرينات ولا تنسى أنو كتير ناس ما كتبو بافحص بصم وانا منون أنا كمان صغت موضوعين من عندي حسب ماني فهمان وما مشي الحال بالنسبة لدراسة انا ها الفصل شقفت حالي ميت شقفة وأنا أدرس وكان عندي أسبوع كامل للكلاسيكي بس للأسف وبالنسبة لعلم اللغة درست كلشي فيني أدرسو بس لما مسكت الأسئلة ندمت عالوقت الي ضيعتو علفاضي متل ماصار مع كتير طلاب أنسحبو فيا عزيزي حمود ربك ولا تقلي دراسة ما وفهم

الكاتب:	Odysseus [ الجمعة مارس 20, 2009 7:26 pm ]
عنوان المشاركة:	شو عم يصير
Alhossein, اقتباس: فيا عزيزي حمود ربك ولا تقلي دراسة ما وفهم اي الحمد لله رب العالمين . . خلص متل ما بدك . أنا نجحت بالصدفة . . و كل علاماتي بالصدفة وكانو بقسم السبعينات

الكاتب:	محمد الحسين [ السبت مارس 21, 2009 10:53 pm ]
عنوان المشاركة:	شو عم يصير
يا أخي ماهيك القصة بس أنت جبت سبعين غيرك جاب خمسين أو رسب يعني لأيمت بدى ظل هل الحالة حز فزر

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/