السلام عليكم
الى الاستاذ فارس والمشرفة سحر
انا انهيت دراستي بالترجمة السنة الماضية وقررت كمل مجاستير بالجامعات اللبنانية
المهم من شروط التسجيل الحصول على رسالتين تزكية من دكاترة جامعة البعث لارفاقهم بالاوراق المطلوبة وحاولت ورحت على الهيئة الادراية مارضيو وقابلت العميد ونائبه
فطلبوا مني كتاب رسمي من لبنان والمشكلة الجامعة البنانية رفضت توجيه هيك كتاب
والله ماني عرفان شو اعمل يعني الواحد اذا مالو واسطة ماحدي بيرد علي والتسجيل يخلص بعد 20يوم وماني عرفان شو اعمل اذا في حدي يعرف طريقة يساعدني بكون الو من الشاكرين واسف لاني وجعتلكن راسكن بس من قهري وغيظي عما احكي
ملاحظة الورقة مانا ورقة رسمية بس مطلوبة-----ولا حول ولاقوة الا بالله انتظر ردكم وانا لكم من الشاكرين

شوف شي حدا من الدكاترة الي درسوك والي بتعرفن منيح واحكي معن هنن فيون بركي بتظبط هي وجهة نظري
وانشالله موفق

khaled82,
صحيح هالشي , حتى إزا حدا بدو يروح ع ماجستير ببريطانيا , بطلبو منو رسائل تزكية من دكاترتو السابقين , متل ما قالتلك ميرا ازا بتعرف حدا من الدكاترة اللي درسوك , مر عليه و قلو قصتك إنك رايح ع ماجستير و فرجي كشف علاماتك إزا موجود معك , و أكيد دكاترتنا ما بقصرو .
إزا صعبت عليك القصة و ما لقيت حدا , راسلني من هون
http://www.art-en.com/index.php?page=pages&id=11" onclick="window.open(this.href);return false;
لساعدك بالموضوع

بالتوفيق

khaled82, طيب ليه رفضت الجامعة اعطائك الكتاب؟
في سبب

لانو الجامعة اللبنانية ماستكملت اوراق تسجيلي لحد الان بسبب ورقتين التزكية
الي عملونا قصة المشكلة انا لما كنت ادرس ماكنت احضر محاضرات ولا اجي على الجامعة غير وقت الفحص بسبب انشغالي بالعمل بشكل دائم بتصدقوا ما اعرف حدي لا دكتور ولا زميل لانو الوقت ضيق احيانا علي و ظروف العمل احيانا تكون قاهرة للانسان وشكرا لتعاونكم يازملاء

طيب جرب شوف رئيس القسم الدكتور حلمي الاحمد دكتور كتيرمتفهم ومتعاون احكيلو قصتك ووضعك تمام
مكتبو بكلية الأداب الطابق الرابع
والله يوفقك

السلام عليكم ياشباب ارجوكم المساعدة الله لا يوقع حدي بموقفي لانو التسجيل راح يخلص و انا اذا ماسجلت راح اضضطر استنى سنة وتاجيل الجيش يخلص الشهر الرابع و انا عرسي في الشهر السابع يعني حياتي كلها متخرطبة من دون ماكمل دراستي انا حاولت ابعت ايميل للاستاذ فارس والظاهر ماوصل ارجو الرد بسرعة ياشباب تصدقوا ما خليت باب الا دقيتو والابواب مغلقة امامي ارجو المساعدة منكم لانكم قد توقعوا بنفس الموقف في المستقبل وشكرا لكم

khaled82,
هلا أخي , شوف صندوق الرسائل عندك هلأ , بعتلك عليه رقم جوالي , بتقدر تحكيني لنتفق ع موعد بالجامعة و حاول اخدمك

بالتوفيق