قرأت لكم الخبر التالي :

" تكتسب طريقة جديدة لخفض الوزن شعبية كبيرة في بريطانيا , و تعتمد أسلوب المراهنة على النجاح في هذه المهمة ضمن فترة زمنية محددة .
و ذكرت هيئة الإذاعة البريطانية بي بي سي أن هذه الطريقة بأت في أمريكا و لكنها تلقى الآن رواجاً في المملكة المتحدة و ما على الراغب في خفض وزنه سوى الانضمام إلى موقع خاص لخفض الوزن على الانترنت و التعهد بفقدان كمية من الوزن خلال فترة محددة و في حال فشله يقتطع من حسابه الشخصي مبلغ يدفع إلى جمعية خيرية يختارها بنفسه و تكون من الجمعيات التي لا يؤيدها عادة . و بدأت هذه التجربة أولاً في أمريكا و لكن أكثر من ألف شخص في بريطانيا يتبعونها أيضاً أملاً في خفض وزنهم .
و من أجل تحفيز هؤلاء على النجاح في مهمتهم لن يفقد المراهن المال فقط بل سوف ترسل رسائل بريد الكتروني إلى أصدقائه تبلغهم فيها بإخفاقه في خفض وزنه .
و تشير تقارير إلى أن نسبة النجاح في خفض الوزن بواسطة هذه الطريقة في أمريكا تصل إلى حوالي 85% " .

سيرين, ميرسي
وااااو شو هالطريقه المبدعه لا وملاقيه نجاح كبير.. هاد الاساس
بس كيف بيعرفو ازا نقص وزنو ولا لأ؟؟

يسلمو سيرين
ذكرتيني مرة أنا ورفقاتي راهنا رفيقنا ..هو سمين شوي ..او لاء سمين مظبوط..اي راهنا انو مشان ينحف حالو..والرهان كان هيك:
لازم ينزل وزنو 20 كيلو ع مدة 3 أشهر الصيف..فينو يسجل بنادي أو يلي بدو يا ..المهم انو ينزل وزنو 20 كيلو..واذا ما نزلوا للوزن المطلوب رح يفوت ع حلاق ويحلق شعرو..حتى تفهمي ليش راهنا ع الشعر:
1_هلئ هو شعرو طويل وكتير حلو وهو بيدير بالو عليه..2-ناحية تانية الحلاق نحنا مسمينو حلاق الخواريف..هههههه..ليش حلاق الخواريف؟؟..أوك..
أوصاف الحلاق:ختيار كبير معو ضعف بالنظر وايدو بترجف ولازم اتعيطي حتى يسمعك..والمقص مصدي وما بيقص..والماكينة خربانة واحياناً بتكهرب..الكرسي تبع الحلاقة..خافت وبيجوز يوقع فيكِ اذا حدا مزح وشال الحجرة يلي سانتو من تحت..التلفزيون أبيض وأسود وما بيطالع غير محطة وحدة وصوت الخشة يلي في أقوى من صوت الماكينة الخربانة يلي هية أكبر مني بالعمر..
طولت شوي بالحكي..بس عنجد عم ينزلوا الدموع من عيوني وان عم اتذكر الموقف..ع كل حال رفيقي نزل شي 15 كيلو وما راح ع الحلاق..أصلاً نحنا ما حنوافق..الروحة لهنيك أشبه بالانتحار..
يسلمو سيرين مرة تانية
واسف ع الاطالة..

ËVË ,
هي ما بعرفها بس بظن عن طريق الشخص نفسو

شكراً لمرورك إيف و نورتي

unknown ,
بتعرف حقو رفيقكن يخاف على شعراتو لأنو و الله شروط بتخلي حالة الواحد هيك بالعكس جمال نورت بتعرف أنو ينزل وزن رفيقك 15 كغ هاد بحد ذاتو شي كتير منيح و لولاكن ما كان خسر هاد الوزن أكيد لأنو هالموقف غالي عليك

شكراً لمرورك جمال و نورت

أنس الدالي ,
أنس في شغلة كتير منلاحظها و هي أنو في أشخاص بطبيعتون نحاف و قد ما أكلو ما بصحو علماً أنن بكونو أكولين ها
المهم إذا سمعتلك شي خبر رح نزلو لحتى تستفيد منو

شكراً لمرورك و نورت أنس

والله أنا عملتا.....بس راهنت حالي وقتا
وعفكرة كسبت الرهن.....ضعفت 14 كيلو ب شهر واحد بس

سيرين,
فكرة ظريفة جدا......بس عنا ما حدا بيعملا
مع إنو أنا بتوقع إنو رح تكون فعالة جدا

سيرين , و الله هالفكرة حلوة ... شعب مابيمشي الا بالعين الحمرا

Wissamo ,
و الله هاد إنجاز يا وسام
و الأحلى أنك تحديت حالك و كسبت التحدي ما بتعرف شو ممكن يصير بالأيام الجاي

شكراً لمرورك وسام و نورت

A..R..W..A
مو بالله

شكراً لمرورك أروى و نورتي