آرتين لتعليم اللغات
https://forum.art-en.com/

قصة حلبية جدا
https://forum.art-en.com/viewtopic.php?t=15284		 صفحة 1 من 2
الكاتب:  demo [ الاثنين فبراير 16, 2009 9:18 pm ]
عنوان المشاركة:  قصة حلبية جدا
مع الترجمة بالأسفل

أول ما جهجه الضو ، أجا يوسف ليشطف البيت ، منشان البق

سكّر باب الصئاء ، شلح الشحاطة منشان ما يجقجق ، وجرجر الكراسي و أصيص الزريعة ، تكتك شلون بدو يشطف ، بحبش شوي ، دندل الزنبيل وشقل المي من الجب ، سخنا عالنار لبقبقت و بربقت ، وكتا بالحوش الجواني بالطاسة لأنو ما عندن قسطل وصهريج وخرطوم ، ودعك الأرض منيح من الزفر لأنو دبقة ، فك الكمر ليترحرح وشلح الشلحة ، منشان ما تتشحور ، وشلفا وراه ، وفشّخ فوق المي ، ودقّر شوي ، و بعدين نط ، تفشكل بكومة دف ، وانطبش جواتا، طبشة قاتولية ، و انجرحت ايدو واوا ، حشّك ، وبعق وجعّر آخ يا يامو ، يا يابو ، إجت إمه وبإيدا الطواية والشمشاية ، وقالتلو يي يي ، ليش عبتحركش وتنكّش ، متل البوبو ،كنت إمسوك الدربزون ، إش معمصة عيونك ومفشفش ، بروك عالبرطوش ، وتلقح عالزيق ، وحاج تطرطق وتفرتّك ، دحتّه دحة ، وجابت لو شقفة شرشوطة وربطتا ، بعد ما خسلتا بالمي ، وطرطشت تنورتا ، وقالتلو قوم تغندر ، هادا كلو لقش ولعي سرياني حلبي ) ...

وطبعاً النص مفهوم تماماً لأهل حلب ، وهو يعني :


( عند طلوع الضوء وإشراق الصباح ، أراد يوسف أن يغسل بيته لوجود الناموس ، أغلق باب الدار ، وخلع حذائه لئلا يدوس فوق الماء ويلوث الأرض ، وأزاح المقاعد وأحواض الزرع ، خطط طريقة الغسل ، بحث قليلاً ، ورفع الماء من البئر ، وقام بتسخينها حتى تعالى صوت غليانها و صبها في أرض الدار بالوعاء ، لعدم وجود خزان ماء وأنابيب في منزلهم ، وحف الأرض المتسخة والدبقة ، وخلع حزامه و لباساً يرتديه و رماه خلفه ، خشية أن يتسخ بالهباب الأسود ، ليكون لباسه فضفاضاً، ثم تمهل قليلاً وبعدها قفز فوق الماء ، فتعثر بكومة أخشاب ، وسقط سقطة أليمة وجرحت يده ، شتم ونادى : يا أماه يا أبتاه ، فجاءت أمه وبيدها وعاء الطبخ وملعقة كبيرة ، وقالت : واه ، لماذا تبحث بين الأغراض مثل الأطفال الصغار ، كان يجب أن تمسك بالسور الحديدي ، وهل عيناك مغمضتان وقواك ضعيفة ، اجلس على عتبة الباب وتنحى جانباً ، وضربته ، وجلبت له قطعة قماش وربطتها بعد غسلها بالماء ، وتناثر الماء فأصاب رداءها ،
الكاتب:  عبيدة [ الاثنين فبراير 16, 2009 9:35 pm ]
عنوان المشاركة:  قصة حلبية جدا
آل داخل وواثق من حالي

إنو صحي حموي

بس بفهم حلبي كتييييييييير

في بس كلمتين ما عرفتون

demo, سلموووون خيتوووووووووووو *ورود
الكاتب:  كاردينيا [ الثلاثاء فبراير 17, 2009 2:22 am ]
عنوان المشاركة:  قصة حلبية جدا
كتير حلويييييييييييييييي (بالحومصي)
الله يسلم ايديكي
*1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1 *1
الكاتب:  A..R..W..A [ الثلاثاء فبراير 17, 2009 2:31 am ]
عنوان المشاركة:  قصة حلبية جدا
والله أنا لما أريت الفصحى ألت هادا نص تاني :lol: :lol: يعني ما فهمت حلبي أبدا

demo, حلو مشكورة
الكاتب:  Mahmoud [ الثلاثاء فبراير 17, 2009 2:50 am ]
عنوان المشاركة:  قصة حلبية جدا
هلأ القصه كتير حلوه
بس بدي الفت نظركن لأنه هي اللهجه ما عادت مستخدمه من قبل الحلبيه
أو مستخدمه بشكل الطف شوي
sorry demo
منشان مايقولو علينا مبوجقين
الكاتب:  Mahmoud [ الثلاثاء فبراير 17, 2009 2:58 am ]
عنوان المشاركة:  قصة حلبية جدا
بس !!!!
الكاتب:  باسل العمروش [ الثلاثاء فبراير 17, 2009 5:56 pm ]
عنوان المشاركة:  قصة حلبية جدا
ههههههههههههه
بطييييير العقل
mhmood,
بس لسه في كتيير ناس بيحكو فيها, يا زلمة عندي رفيق بيحكي هيك و اتقل لسه :wink: و لما بتشوفو و بتسمعو لتمووت من الضحك..
بعدين يا حبيبي .. كيف ما كانت لهجتنا... بحبها..
عاشت حلب *hay
الكاتب:  demo [ الأربعاء فبراير 18, 2009 10:53 pm ]
عنوان المشاركة:  قصة حلبية جدا
الف شكر لكل من مر على موضوعي بس فعلاmhmood,

متل ما قالbasil لسا في اقوى وخاصة بالمناطق الشعبية يالطيييييف كانو غير لغة
الكاتب:  Mohammed jaz [ الأربعاء فبراير 18, 2009 11:22 pm ]
عنوان المشاركة:  قصة حلبية جدا
:lol: :lol: :lol: :lol:
حلوة كتير بس ذكرتني باستاذي العملي بيحكي حلبي بس شو حلبي أنا ما بفهمو :mrgreen:
باسل أحكيلون كيف انت بتحكي :wink: :wink: :mrgreen: :mrgreen:
الكاتب:  Mohammed jaz [ الأربعاء فبراير 18, 2009 11:41 pm ]
عنوان المشاركة:  قصة حلبية جدا
اقتباس:
دعك الأرض منيح من الزفر لأنو دبقة
ليش شقد إلون مالون شيطفين حتى كل هالشي الأراضي نشح :wink: بالحلبي كمان :mrgreen:
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/