آرتين لتعليم اللغات :: كرسي الجنيـيـنـة . . .

طل الليل وغفيو البشر ..
وصفي هالكرسي وحدو سهران تحت القمر ..
قال الكرسي: عندي حكايا سواها القدر ..
سمع الشجر .. ونزل المطر .. وحلي السهر . . .

* كان في تنين بحبو بعض .. كانوا يتواعدو عندي بالعطل .. ويجي الشب ينطر عندي الصبية ..
وبس تجي يغازلها أحلى الغزل ...يحكيها عن حالو ... يخبرها أخبارو .. يغمرها بأشواقو ...
كان يقلها :: من دونك ما في كفي ... عيونك أنا بفدي ...
و كانت تقلو : أنا لحالك ما بخليك ... بعيوني أنا بفديك ... من غير ما تحكي أنا بحس فيك ..
كانو تنين متل عصافير المحبة ... وعلي حفروا قلوبن وكتبو حروفن ... بس كان أقوى من هالحكي ظروفن ...
دخل بالليل عليها المرض ... وسرقا الموت من حبيبها يلي من غيرها ما صبر ..
بعد ما كان صباح الجمعة عيدي متل ما هو عيدن صرت كل جمعة صليلن يا رب بالجنة يلتقوا . . .

* أما الجمعة بالليل كان شي تاني ... كان في بنوتة صغيرة ما بتنساني ... عسولة حلوة بتجي بالمسا ...
وبقلبي بقعدا ... بنوتة كلها طفولة ... كلها براءة ... ولسا قدامها المستقبل حلو ... وبعيونها الأمل ...
علسانها سؤال حاير ... ويقلبها عرس صاير ... وردة صغيرة منها عطر الدلع طاير ...
متل القمر يلي لسه ما اكتمل هلالا وعلي طل ... هيك وجها الناعم إلي دل ... وحبها بقلبي غل . . .

* كل يوم المغرب في تنبن عدا عليهن من العمر كتير ... هيدا المكان يلي فيه الحب بينن ابتدا ...
ولسا الحب يلي بينن ما اختفا ... بالعكس كبر معن وزاد حتى ما عاد يوسع حبن كل هالفضا ...
وبعدو في بنظراتن بريق ما انطفا ... وبقلبن في شوق شبين صغار متل أول مرة بيلمحا ...
30 سنة مرأوا متل مبارح إلي ما بنتسى .. .

* كل نهار سبت في تلت صبايا قمار ونازلة من السما ... عندي بيلتقو ... أحلى العمر مع بعض قضو ...
في بقلوبن حب قد العالم كلو ...ياما تزاعلو من بعض بس بسرعة كانو يرضو ...
كانت ضحكاتن مع بعض أحلى من صوت عصافير عم يغردو ... وكانت لما تبكي وحدة دمعاتن ما بيقدرو يخبو ...
كانو من بعض ولبعض ولما كنت شوفن فكرن إخوة بس بعدين شفت إنو حبن لبعض بعمرو ما في هيك إخوة لبعض حبو ... وهلأ عم تمرأ أكتر سنة عليهن صعبة ... ما بدن الثواني تمشي لحتى ما يفترقوا ... يمكن تكون هي آخر سنة بشوف هالتلت صبايا سوا ... ويا رب على طول يتمو سوا ... ولو كان بيناتن في بلاد العالم أكملا ...
ما بفرق هالقلوب إلا وحدو الله يلي جمعا ...
[ يا رب لا تفرق بعد ما جمعت ... وهالقلوب وفقت ... يا رب لو بالدنيا فرقت ... تحت ظل عرشك لا تبخل عليهن بهداك الوقت ... وخلي موعدكن الجنة عليك وعد ]

* باقي أيام الأسبوع كل يوم الصبح في شب بالجامعة عايش عندي وعايش معو ... بيدرس عندي وبدرس معو ... بيحمل ورق وبيبدأ يحل ... وكل مرة بينسى عندي ورق ... وبتيجي دايما بعدو صبية ... بتجمع الورق ... وبتشمن ... وبتضمن ... وبتاخدن معها ... بعمرن هالتنين ما التقو ... بس إذا مرة صدفت وتجمعو ... بعتقد إنو لبعض بيلبقو ...

هي .. هي كانت شويت صور من ناس تركوا عندي أثر ...
من قصص أنا الشاهد عليها يلي كان من حجر ...
وهلأ شق شق الضو ويوم جديد ابتدا ...
وأكيد متل كل مرة برجع وبقول هاد هو اليوم يلي في احسبو يوم من العمر . . .

MOoOoNLIGHT ^^

الكاتب:	MÖØÒÕNL!GHT [ الاثنين فبراير 09, 2009 12:39 am ]
عنوان المشاركة:	كرسي الجنيـيـنـة . . .
طل الليل وغفيو البشر .. وصفي هالكرسي وحدو سهران تحت القمر .. قال الكرسي: عندي حكايا سواها القدر .. سمع الشجر .. ونزل المطر .. وحلي السهر . . . * كان في تنين بحبو بعض .. كانوا يتواعدو عندي بالعطل .. ويجي الشب ينطر عندي الصبية .. وبس تجي يغازلها أحلى الغزل ...يحكيها عن حالو ... يخبرها أخبارو .. يغمرها بأشواقو ... كان يقلها :: من دونك ما في كفي ... عيونك أنا بفدي ... و كانت تقلو : أنا لحالك ما بخليك ... بعيوني أنا بفديك ... من غير ما تحكي أنا بحس فيك .. كانو تنين متل عصافير المحبة ... وعلي حفروا قلوبن وكتبو حروفن ... بس كان أقوى من هالحكي ظروفن ... دخل بالليل عليها المرض ... وسرقا الموت من حبيبها يلي من غيرها ما صبر .. بعد ما كان صباح الجمعة عيدي متل ما هو عيدن صرت كل جمعة صليلن يا رب بالجنة يلتقوا . . . * أما الجمعة بالليل كان شي تاني ... كان في بنوتة صغيرة ما بتنساني ... عسولة حلوة بتجي بالمسا ... وبقلبي بقعدا ... بنوتة كلها طفولة ... كلها براءة ... ولسا قدامها المستقبل حلو ... وبعيونها الأمل ... علسانها سؤال حاير ... ويقلبها عرس صاير ... وردة صغيرة منها عطر الدلع طاير ... متل القمر يلي لسه ما اكتمل هلالا وعلي طل ... هيك وجها الناعم إلي دل ... وحبها بقلبي غل . . . * كل يوم المغرب في تنبن عدا عليهن من العمر كتير ... هيدا المكان يلي فيه الحب بينن ابتدا ... ولسا الحب يلي بينن ما اختفا ... بالعكس كبر معن وزاد حتى ما عاد يوسع حبن كل هالفضا ... وبعدو في بنظراتن بريق ما انطفا ... وبقلبن في شوق شبين صغار متل أول مرة بيلمحا ... 30 سنة مرأوا متل مبارح إلي ما بنتسى .. . * كل نهار سبت في تلت صبايا قمار ونازلة من السما ... عندي بيلتقو ... أحلى العمر مع بعض قضو ... في بقلوبن حب قد العالم كلو ...ياما تزاعلو من بعض بس بسرعة كانو يرضو ... كانت ضحكاتن مع بعض أحلى من صوت عصافير عم يغردو ... وكانت لما تبكي وحدة دمعاتن ما بيقدرو يخبو ... كانو من بعض ولبعض ولما كنت شوفن فكرن إخوة بس بعدين شفت إنو حبن لبعض بعمرو ما في هيك إخوة لبعض حبو ... وهلأ عم تمرأ أكتر سنة عليهن صعبة ... ما بدن الثواني تمشي لحتى ما يفترقوا ... يمكن تكون هي آخر سنة بشوف هالتلت صبايا سوا ... ويا رب على طول يتمو سوا ... ولو كان بيناتن في بلاد العالم أكملا ... ما بفرق هالقلوب إلا وحدو الله يلي جمعا ... [ يا رب لا تفرق بعد ما جمعت ... وهالقلوب وفقت ... يا رب لو بالدنيا فرقت ... تحت ظل عرشك لا تبخل عليهن بهداك الوقت ... وخلي موعدكن الجنة عليك وعد ] * باقي أيام الأسبوع كل يوم الصبح في شب بالجامعة عايش عندي وعايش معو ... بيدرس عندي وبدرس معو ... بيحمل ورق وبيبدأ يحل ... وكل مرة بينسى عندي ورق ... وبتيجي دايما بعدو صبية ... بتجمع الورق ... وبتشمن ... وبتضمن ... وبتاخدن معها ... بعمرن هالتنين ما التقو ... بس إذا مرة صدفت وتجمعو ... بعتقد إنو لبعض بيلبقو ... هي .. هي كانت شويت صور من ناس تركوا عندي أثر ... من قصص أنا الشاهد عليها يلي كان من حجر ... وهلأ شق شق الضو ويوم جديد ابتدا ... وأكيد متل كل مرة برجع وبقول هاد هو اليوم يلي في احسبو يوم من العمر . . . MOoOoNLIGHT ^^

الكاتب:	z-r-11 [ الاثنين فبراير 09, 2009 12:44 am ]
عنوان المشاركة:	كرسي الجنيـيـنـة . . .
MÖØÒÕNL!GHT, يسلموووووووووووو ايديكي عالموضوع عنجد هالكرسي حلو و دمو خفيف الله يكترلنا منن ليتزكرولنا حكايتنا و يرجعولنا ماضينا الحلو علين يعطيكي العافية و يسلمو مرة تانية

الكاتب:	لجين [ الاثنين فبراير 09, 2009 1:31 am ]
عنوان المشاركة:	كرسي الجنيـيـنـة . . .
اقتباس: كل نهار سبت في تلت صبايا قمار ونازلة من السما ... عندي بيلتقو ... أحلى العمر مع بعض قضو ... في بقلوبن حب قد العالم كلو ...ياما تزاعلو من بعض بس بسرعة كانو يرضو ... كانت ضحكاتن مع بعض أحلى من صوت عصافير عم يغردو ... وكانت لما تبكي وحدة دمعاتن ما بيقدرو يخبو ... اي شو هاد؟؟ فكرة هالموضوع كتير ظريفة مون لايت يعطيكي العافية وشكرا لنقلك الموضوع

الكاتب:	بانة [ الاثنين فبراير 09, 2009 1:36 am ]
عنوان المشاركة:	كرسي الجنيـيـنـة . . .
[quote] * أما الجمعة بالليل كان شي تاني ... كان في بنوتة صغيرة ما بتنساني ... عسولة حلوة بتجي بالمسا ... وبقلبي بقعدا ... بنوتة كلها طفولة ... كلها براءة ... ولسا قدامها المستقبل حلو ... وبعيونها الأمل ... علسانها سؤال حاير ... ويقلبها عرس صاير ... وردة صغيرة منها عطر الدلع طاير ... متل القمر يلي لسه ما اكتمل هلالا وعلي طل ... هيك وجها الناعم إلي دل ... وحبها بقلبي غل . . . [/quote] كتييييييييييير حلو الموضوع , مشكورة .. ذكرتيني والله في حديقة قدام كليتنا , فيكي تقولي كل هدول اللي ذكرتيهم تماما مروا على كراسيها ............. [/color][/font]

الكاتب:	Soledad [ الاثنين فبراير 09, 2009 1:53 am ]
عنوان المشاركة:	كرسي الجنيـيـنـة . . .
شايفة على هالكرسي شو بيمروق على راسو على مدار الاسبوع .. حلوووووووووووووو كعادتك مون لايت مواضيعك روعة الله يعطيكي العافية..

آرتين لتعليم اللغات https://forum.art-en.com/

كرسي الجنيـيـنـة . . . https://forum.art-en.com/viewtopic.php?t=15170	صفحة 1 من 2

الكاتب:	3a$õØöLê [ الاثنين فبراير 09, 2009 3:30 am ]
عنوان المشاركة:	كرسي الجنيـيـنـة . . .
MÖØÒÕNL!GHT, يالله شو بجنننن وخاصة البنات التلاتة عم يزكروني بوضعي هلئ... اييييه..الله لايفرئ حدا عن اللي بحبو

الكاتب:	أنس الدالي [ الاثنين فبراير 09, 2009 6:26 am ]
عنوان المشاركة:	كرسي الجنيـيـنـة . . .
MÖØÒÕNL!GHT, * كل يوم المغرب في تنبن عدا عليهن من العمر كتير ... هيدا المكان يلي فيه الحب بينن ابتدا ... ولسا الحب يلي بينن ما اختفا ... بالعكس كبر معن وزاد حتى ما عاد يوسع حبن كل هالفضا ... وبعدو في بنظراتن بريق ما انطفا ... وبقلبن في شوق شبين صغار متل أول مرة بيلمحا ... 30 سنة مرأوا متل مبارح إلي ما بنتسى .. . رائع جدا فكرة جديدة وحلوة كتير شكرآ لالك

الكاتب:	سنا [ الاثنين فبراير 09, 2009 10:04 am ]
عنوان المشاركة:	كرسي الجنيـيـنـة . . .
حلو ... مؤثر... اقتباس: ما بدن الثواني تمشي لحتى ما يفترقوا ... يمكن تكون هي آخر سنة بشوف هالتلت صبايا سوا ... ويا رب على طول يتمو سوا ... ولو كان بيناتن في بلاد العالم أكملا ... ما بفرق هالقلوب إلا وحدو الله يلي جمعا ...

الكاتب:	عصام [ الاثنين فبراير 09, 2009 3:01 pm ]
عنوان المشاركة:	كرسي الجنيـيـنـة . . .
MÖØÒÕNL!GHT, فنانة باختيارك ومتل هالكرسي فيني قلك انو آرتين شاف قصص كتير ومنها الحلو ومنها العادي ومنها الغير موفق اقتباس: يا رب لا تفرق بعد ما جمعت ... وهالقلوب وفقت ... يا رب لو بالدنيا فرقت ... تحت ظل عرشك لا تبخل عليهن بهداك الوقت ... وخلي موعدن الجنة عليك وعد اللهم امين

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/