اله يعطيك العافية مستر عصام على هالموضوع . . فعلا بمحلو

أنا رح أعطي رأي المتواضع باهالموضوع . .

خلينا نبلش بالشعر . .
الأسئلة كانت كتير سهلة . . و أنا بصراحة ندمت على ال8 أيام الي درست فيها الشعر . . درست كتير منيح . . حفظت أكتر من نص القصائد على الغايب . . رجعت استمعت لمحاضرات الدكتور . . و أخيرا تعمقت بالمادة لدرجة اني سحبت مقالات من الإنترنت عن كل قصيدة و درستون . . يعني باختصار . . كنت رايح على المادة لأخد 100 (مهما كانت صعبة الأسئلة) . . بس اتفاجئت انو الأسئلة كتيييير سهلة و انا بثراحة شعرت بالإهانة . . حسيت انو الدكتور كتير مفكرنا عقلنا بسيط يعني . . يعني تخيلو . . الدكتور شرح خلال السنة انو Elaine Showalter قسم المراحل الي مرت فيها النساء بالأدب الى 3 : أول شي مرحلت ال Fiminine والي دامت من 1840 الى 1880 و فيها النساء كانت تستخدم أسماء مستعارة من أمثال جورج اليوت . . و المرحلة التانية هي مرحلت ال Fiminist والي دامت من 1880 الى 1920 . . و أخيرا مرحلت ال Female والي بدأت في 1920 و تستمر الى الآن . . الدكتور كان منزل بالنوطة انو بدو Elaine Showalter and the three stages of women in history تخيلو حتى هادا السؤال ما سئل انو شو هنن المراحل .. جاب الجملة متل ما هي و نقص كلمة women وعطانا أربع خيارات لنعرفا . . تخيلو ! !

بنجي لمادة الأدب الكلاسيكي : الدكتور الياس وفا بكلامو النا ( مو متل بعض الدكاترة) . . يعني خلال السنة كان يلخصلنا عن المواضيع الي طلبا لاحقا . . و التزم بيهن و ما غيرون بالفحص . . بس هو الواحد بقا بخاف من النتيجة لأن الكل بيعرف كيف الدكتور بيعطي علاماتو . .

النقد الأدبي سنة رابعة : كانت الأسئلة ولا أحلى من هيك . . و الطاهر الدكتور محمد حس انو دفعتنا انظلمت من قبل بعض الدكاترة و لذلك حب يساعدنا شوي و بحب وجهلو الشكر . .

الأدب المقارن . . لا تنزعجو مني . . بس بصراحة انا احترمت الدكتور فؤاد على أسئلتو . . انتو مشكلتكم مو مع الدكتور فؤاد أو اسئلتو . . أنتو مشكلتكم مع الوقت . . لأنو المناهج ضخمة و صعب الواحد يلحق على الكل اذا ما درس بشكل منيح خلال العام . . الدكتور فؤاد أول دكتور بيجيب أسئلة الها علاقة بالفهم . . يعني هو جاب أسئلة للحفظ و أسئلة للفهم . . و الكل بيعرف الأسئلة الفهمية . . مثال : جاب في إحدى الأسئلة : The French comparatists favor questions that . . . طبعا هو الكل فكروا انو ولا خيار صح . . بس هو بالواقع الجواب ال3 هو الصح . . related to influence studies and the location of sources هادا الجواب مو موجود بحرفيتو بالكتاب و لكن بيعتمد على فهم الفرق بين المدرستين الأمريكية و الفرنسية بالأدب المقارن . . و الي حضر محاضرت الدكتور الأولى للمادة كان بيعرف يجاوب عليه و أنا نزلت موضوع كامل هون بالساحة و صرنا نتناقش أنا و أرماندو انو الفرنسيين ما بقومو بمقارنة أي (عملين أدبيين ) إلا اذا كانو مأثرين ببعض . .
بس هادا ما بيمنع انو الدكتور فؤاد عندو بعض الهفوات . . أمثال مين ترجم دون كيشوت . . هو عطا أربع خيارات غلط . . الجواب هو Samuel Putnam بس الدكتور كتبو Samuel Johnson بدالو و لازم يعطي هي العلامتين لكل الطلاب ..

بنجي لعلم البطيخ علم اللغة . . يعني أنا لحد هلق ماني عم افهم شغلة . . انو أنا بالبكلوريا نجحت شحط بالعربي و دخلت إنكليزي ما شان اهرب من العربي بجي بشوف انو الدكاترة بجيبونا شي بالعربي و بدنا نطبق عليه دراستنا بالإنكليزي . . ما بصير هادا الحكي . . نحنا عم ندرس أدب انكليزي مو عربي و انكليزي مع بعض . . لا و الأحلى أحيانا الدكتورة سلوى بتجبنا مقاطع عربي بدنا نترجما للإنكليزي . . بس النقطة انو لازم نترجنا أول عربي عربي و بعدين نترجما للإنكليزي . .
بنرجع لعلم اللغة . . أنا بشوف المشكلة الكبيرة كمان مو بالأسئلة بقدر ما هي بكثافة المنهاج . . يعني هي أول سنة بينعطا بهالمادة هالكمية هي . . و الله يعين . .

و أخيرا النثر . . الي بيعطيها الدكتور مزعل بالله شو خطرلكم لما قريتو اسم الدكتور مزعل . . بالنسبة الي أنا ارتبط اسم الدكتور مزعل مع الرقم 50 كونو لما بتطلع نتائج موادو بطلع على لوائح النتائج و نادا ما شوف حدا مو آخد عندو 50 . . على العموم انا اسمعت انو هي السنة الدكتور ناويلنا على خير . . و هو صرح انو مابقا في خمسينات بقا . . الي ما بيستحق النجاح ما رح ينجحو . . و أنا اسمعتو مرة بداني و ما حدا حكالي قال بالحرف الواحد . . " أنا بصراحة حابب كتير طلاب هي الدفعة" طبعا الي سمعو وقتا عرف انو قصدو العكس و انا حكا هي الجملة للسخرية . . على العموم أسئلتو كانت عادية لولا مشكلتين : الأولى متل ما تفضل عصام .. . نحنا جامعتنا اسما جامعة البعث مو جامعة الفرات . . بس هي مشكلة معليش بنتجاوز عنا . . المشكلة الأكبر انو الدكتور جاب من شي حذفو .. يعني التعليق الأول جابو من الفصل الخامس و هادا الفصل الدكتور حاذفو . . بقا شلون صارت هي . . - الله و الدكتور مزعل بس بيعرفو - على العموم أنا كتبت كتير منيح بس ماني متوقع أكتر من 50 اذا مو رسوب بالمادة و الأسباب معروفة مسبقا . . بقا مهيئ حالي نفسيا من هلق . .

مشكور عصااام و بالتوفيق ان شاء الله . .

Saher,
اهلين بالمتفوين
انتي متلي وعكس علاء انو النثر اجت الاسئلة مو زيادة
موفق يارب وان شاء الله موادك كلها معدلات

فارس,
عم تنكت ولاااااااااااا مين هالدكتور هاد
يازلمي ياريتنا من اول سنة عم نقدم بالكهربا والله ااااااااااااااااااااااااااامين يارب

A. Al-Ibrahim,
ياهيك الردود يابلا يازلمي لشو كل هاد
الله وكيلك انا قريت اخر محاضرة دور واحد عالسريع ورحت
بس اكيد بكرا بتفرق بالعلامة والله لا يضوعلك تعب
no comment والله اذا بيظل هيك الدكتور الطلاب بيكيفو وبتنحل عقدتهم مع موادو
وبيستاهل الف دكتورنا عنجد ياااااااااااااااااااااااااااااااااااااي وحسابك بعدين انا مابدي ياهن ايييييييييييييه الله يزيد هالمحبة ويبارك
بس من ناحية النثر لاغبار عالاسئلة بالمرة والاغلبية كتبو وزبطو امورن هاد الصح لانو غمض عين وفتح عين بتكون العلامات بلشو
وان شالله علاماتك بالعلالي

وليش ماحد جاب سيرة النثر 1900
والله العظيم كانت اسئلة بتبكي يعني مع التمويه بيجيك 5 اجوبة والخامس صواب ماكن (none of them).
وكل كوم والترجمة 5 كوم تاني لأنو جد شي بيجلط نظاااااااااااامي


والله يجرنا من الاعظم

عصام,

Aboalnsr, يالله هي انت قمت بالواجب تمويه
اي سيدي انسى ابو النصر
والترجمة ان شاء الله بتطلع ولو عالحد

وناطرك الفصل الجاي لتصير معنا ها

لجين, قالولي رفقاتي اللي تخرجو الدكتور بيجيب من كلشي واوعك تحذف شي
بس من ناحيتي رحت قريان محاضرتين والمادة بترسب بتفوق ان شاء الله ياااااااااااااااااارب
بس الله يجيرنا الفصل الجاي لانو المواد رح تزيد كثافتها واي مادة رح نحملها رح تضربنا اكيد

Tami, اي ما بينخاف عليكي اميييييييييييييييين يارب
والله يسترنا بالنتايج لانو قربو