بتعرفو انو للمزح..
ملاحظة: غير مسؤول عن أي نكتة بايخة او مكررة..
في مدرس سأل طالب حمصي *
بكرى انت لما تكبر شو بدك تصير
قلو ختيار
مرة واحد حمصي اتصل بالاستعلامات *
قلها عطيني رقم الاطفاء
قالتلو 999
قلها يعني تلات تسعات
قالتوو اي
قلها اي انا ما عندي غير تسعة وحدة
قالتلوو بالله مانك حمصي
قلها مركبي كاشف يا ملعوني
حمصي قال لصديقه : بتشرب قهوة *
قال صديقه : اذا شربت قهوة ما بقدر نام
قال الأول : أنا بعكسك تمام بس نام ما فيني اشرب قهوة
حمصي يفتح البراد على مهله ليه ؟؟؟ *
عشان يعرف مين بيشعل الضو
حمصي سال رفيقو : ليش نشره الاخبار طويلة *
قال : يمكن اليوم اخر حلقة
راح شامي لعند بياع فلافل حمصي
قاللوا عاطيني 3 ساندوتشات فلافل بدون مخلل
قاللوا البياع : ما عندي مخلل ، ساويلك ياهن بدون بندورة
: في ضابط بالجيش عم يقول للمجند الحمصي
لك هي ثالث مرة هالشهر عم تطلب مني إجازة
و كل مرة بتقول أنو جدك رح يموت
قام قال له المجند الحمصي : أيه و الله يا سيدي
و أنا كمان بلشت شك أنو جدي عم يكذب
في واحد حمصي سأل أبوه *
قلوو ابي ابي : أيمت بدنا نوصل على أميركا
قلوو بابا خراس وسباح
: حمصي بسأل رفيقو *
عمرو دياب أخو محمد فؤاد
رد عليه : لا يا أهبل تشابه أسماء
حمصي وقع عالدرج *
عطاه الدكتور مرهم وقللو بتدهن محل ما وقعت
راح الحمصي دهن الدرج
واحد حمصي اتفق هو ومرته الحامل *
إذا إجالون ولد يسموه مبروك
قام وقت ولدت المره
طلعت الممرضة عبتقولو ألف ألف مبروك
قال : أوف وين بدي أروح فيون هادول كلون
في واحد ماشي بالشارع *
شاف واحد قاله : وين الرصيف الثاني
قالو : هنيك مقابلينك
قالو : سألت هنيك قالولي هون
في واحد حمصي اشترى سيارة *
حديثة BMW
لما فتح الراديو سمع : هنا لندن
قال : يفضح عرضها ما اسرعا
ليش الحمصي الصغير أذكى من الحمصي الكبير ؟؟ *
لأنو ما صرلو زمان حمصي
في طالبين وصلو المدرسة متأخرين *
سأل الأستاذ واحد منهم وهو غضبان : وينك لهلا
قاله وهو عم يبكي : في ليرة ضاعتلي وكنت عم دور عليها
وما معي غيرها مصروف
وسأل التاني : وأنت وينك لهلا ليش متأخر؟؟
: قال له
كنت داعس عالليرة
في حمصي معه موز قاعد بالباص *
بيقشر الموزة وبيغطها بالسكر وبيرميها من الشباك
كرر العملية أربع خمس مرات
سألوه الناس ليش هيك عم تعمل ؟؟
جاوب ببساطة أنا ما بحب الموز بسكر
تسعة حماصنة سموا أنفسهم الابطال الثلاثة *
واحد حمصي لحق حرامي فسبقه *
مرّة كان في واحد حمصي مسافر بالقطار وقعد جنبه واحد *
: فقال اللي جنب الحمصي
انا بردان من الشباك
فقاللو الحمصي : تشرفنا وانا حمدان من حمص
كان في واحد حمصي وضع يده في برميل من حمض الكبريت *
فعندما سحبها لم يجدها
فأدخل رأسه حتى يدوّرعليها
اثنين حماصنة كانوا عم يلعبوا شطرنج *
من قد ما طولت المباراة معهم مات الملك بجلطة
حمصي راح لعند رفيقه يشكيله همه *
قالو : إني ما عم اعرف غازل خطيبتي
قالو : اليوم روح معي وسماع أنا شو بقول لخطيبتي وتعلم
وتاني يوم راح هو وخطيبته عالبحر بالليل
قلها : شايفه القمر
قالت له : أيه
قالها خطيبة رفيقي أحلى منه
في أربعة حماصنة كانوا عم يلعبو على الأوتستراد *
فاتفقو الي بيندعس أربع مرات بيطلع برة اللعبة
في واحد حمصي اتصل بالإطفاء *
وقال شو إذا ما في حريق ما منشوفكن؟؟
حمصي قال للشامي : واجعيني عيوني *
وعم شوف طول النهار نقط سودة بعيوني
قله الشامي : شفت شي دكتور عيون؟؟
قله الحمصي : لأ شفت بس نقط سودة
حمصي راح يشيع بجنازة *
سأل واحد : شو بيشتغل الميت
قال : يحفر قبور
: قال الحمصي
سبحان الله من حفر حفرة لاخيه وقع فيها
شو بيكون مكتوب داخل أحذية الحماصنة ؟؟ *
الأصابع أولاً
بالنهاية تحية لكلللللللل الحمااااااااصني
