آرتين لتعليم اللغات :: (طــــــيبة القلب)

بثينة و خالد

بعرف انو مو من حقي اتدخل بموضوع خاص بس يبدو انو صار الوقت المناسب لهلشي و خصوصا انو نحن بساحة حوار

بالنسبة لطيبة القلب هي موجودة عند كل انسان متل قساوة القلب و المهم انو نستعمل هالطيبة بالزمان و المكان المناسب ...

فهل من المعقول انو يا خالد ما تلاقي زمان و مكان مناسب تستعمل فيه طيبة قلبك مع انسان يطلب منك الرحمة بكل الوسائل

بصراحة الانسان أمرو غريب .... لوين رح يوصل قساوة قلب الانسان و انت بالأمس كنت طفلا بريئا رقيقا لا تعرف معنى الكره و الحقد .....

الكاتب:	بثينة [ الثلاثاء يناير 27, 2009 7:15 pm ]
عنوان المشاركة:	(طــــــيبة القلب)
دائما بيخطرلي هالسؤال "ياترى طيبة القلب عند البشر هي فطرية جعلها الخالق في قلوبنا أم أنها مكتسبة نتيجة هموم دروبنا بمعنى : إنو ياترى الانسان الطيب هيك بيخلق طيب و هي بتكون صفة من صفاتو أم هيي نتيجة تجارب مر فيها كالظلم بالصغر أو الكبت أو ظروف صعبة بالحياة مثلاً ...

الكاتب:	خالد الهبل [ الأربعاء يناير 28, 2009 12:33 am ]
عنوان المشاركة:	(طــــــيبة القلب)
عن تجربة قاسية.... برأيي طيبة القلب غباااااااء خاصة مع أشخاص ما بيخافو الله

الكاتب:	القلب الصادق [ الأربعاء يناير 28, 2009 1:00 am ]
عنوان المشاركة:	(طــــــيبة القلب)
بثينة و خالد بعرف انو مو من حقي اتدخل بموضوع خاص بس يبدو انو صار الوقت المناسب لهلشي و خصوصا انو نحن بساحة حوار بالنسبة لطيبة القلب هي موجودة عند كل انسان متل قساوة القلب و المهم انو نستعمل هالطيبة بالزمان و المكان المناسب ... فهل من المعقول انو يا خالد ما تلاقي زمان و مكان مناسب تستعمل فيه طيبة قلبك مع انسان يطلب منك الرحمة بكل الوسائل بصراحة الانسان أمرو غريب .... لوين رح يوصل قساوة قلب الانسان و انت بالأمس كنت طفلا بريئا رقيقا لا تعرف معنى الكره و الحقد .....

الكاتب:	سحر [ الأربعاء يناير 28, 2009 1:58 am ]
عنوان المشاركة:	(طــــــيبة القلب)
هلاء انا بعاني من نفس المشكلة لكن الطيبة نعمة من رب العالمين ما بقدرها الناس منشان هيك بحب اني ابقى هيك طيبة بس ما عني اني خلي الي ما بخاف الله ياأذيني طبعا وقتها بكون قده بس الطيبة بخليها يلي بيستاهلها أكيد في ناس طيبين متلنا

الكاتب:	A..R..W..A [ الأربعاء يناير 28, 2009 2:03 am ]
عنوان المشاركة:	(طــــــيبة القلب)
طيبة القلب ممكن يكون لها أسباب و هي قلة معرفة بالأجناس البشرية و الأصناف الموجودة أو ربما صورة ناصعة عن الذات و صدق و شفافية حقيقين يعني الانسان الصادق يرى جميع من حوله صادقين و من هنا يتعامل معهم كما هو يرى نفسه و ياحسرة على هذا الانسان لأنه سيقع يوما بأيد لن ترحم طيبته و لن تقدر طيبته بل ستنعته بالغبي أو الدرويش أو الأهبل علنا أو داخليا و من هنا ردي على خالد و الواضح من كلامك أن لديك كما من الطيبة سبب لك مشاكل كثيرة مثل ما حصل معي بالذات . الغباء يا خالد يكون عندما تكرر هذه الطيبة مع أي شخص و هذا لا يعني أن نرفضها لأن الله خلقها فينا و لكن أن نوجهها و قس على ذلك كل شي في الحياة و خصوصافي مسائل التعامل مع الناس . يعني كما فضل القلب الصادق أن نستخدمها مع الشخص المناسب و في الزمان و الوقت المناسبين

آرتين لتعليم اللغات https://forum.art-en.com/

(طــــــيبة القلب) https://forum.art-en.com/viewtopic.php?t=14909	صفحة 1 من 2

الكاتب:	حلواني [ الأربعاء يناير 28, 2009 3:38 pm ]
عنوان المشاركة:	(طــــــيبة القلب)
بصراحة طيبة القلب موجودة ومغروسة خلينا نقول عند كل بني أدم .. بس بدها مين يحرضها او يدفعها لتطلع.. وفي ناس ما بيعرفو شو هي طيبة القلب بنوووب.. وفي ناس بتنولد والطيبة مزروعة فيها.. يعني نقدر نقول هي عملة إكتساب و وراثة في أن واحد.. وفي غنية بتقول.. " وين يعيش الطيب وين وصبر القلب يجيب من وين.. ليش الطيب ما يرتاح .." يعني في الحقيقة طيبةا لقلب هالأيام نادرة

الكاتب:	عبيدة [ الأربعاء يناير 28, 2009 11:27 pm ]
عنوان المشاركة:	(طــــــيبة القلب)
اقتباس: إنو ياترى الانسان الطيب هيك بيخلق طيب و هي بتكون صفة من صفاتو أم هيي نتيجة تجارب مر فيها كالظلم بالصغر أو الكبت أو ظروف صعبة بالحياة مثلاً ... يا خيتو بتوقع هيك بيخلق ومحسوبك ما بعرف شو هي طيبة القلب طبعاً الواحد لازم يكون قلبو طيب >>> متل حالاتي الطيبة بتشغل 0,5 % من قلبي لأنو هالأيام مليانة ذئاااااب وقلييييييييل ما تلائي حدة يستاهل هالطيبة عني أنا لئيت واحد يستاهلا تقبلي مرووووري خيتوووووو

الكاتب:	تاج [ الخميس يناير 29, 2009 1:53 am ]
عنوان المشاركة:	(طــــــيبة القلب)
والله انا من رأي انو الانسان (كإنسان)يعني ملىء بالمشاعر والعواطف لهيك صفة طيبة القلب موجودة بس يا بتتعزز وبتنمى بالبيئة الصح ..يا أما بيضطر ليتحول لوحش (اذا صح التعبير)خال من مشاعر ومن هالصفة الي من رأي نعمة لبني ادم.. الي بدي وصلو انو لازم الانسان ما يتخلا عن هالنعمة ببساطة ويحاول يشوف المكان الصح الي يمارس فيها صفاتو الحلوة وبدون أي تخلي عن شي اسمو (ذكاء)..ولو كان موجود بمجتمع وحوش لانو لايصح الا الصحيح في النهاية علما انو هيك مابيصير في خوف من طيبة القلب لانها مترافقة مع الذكاء .. اما الي بتلاقيه ألبو طيب وين ماانوجد لافرق اذا انوجد بمجتمع منيح أو مجتمع ردىء فهادا انا بسميه ((ضعف))وقة تصرف مو أكتر وبهيك بيبعد عن تسمية ((نعمة)) مشكورة عطرحك الموضوع

الكاتب:	بانة [ الخميس يناير 29, 2009 2:06 am ]
عنوان المشاركة:	(طــــــيبة القلب)
[quote] ياترى طيبة القلب عند البشر هي فطرية جعلها الخالق في قلوبنا أم أنها مكتسبة نتيجة هموم دروبنا [/quote] أخد سؤالك وقت وأنا عم فكّر فيه .. مو بس لأكتب رأي بالموضوع وناقش فيه , لاء . بس جد سؤال بعمره ما خطرلي .. هلق اللي طلع معي من كل هالتفكير , إنه الإنسان بيولد وعنده طيبة قلب بس يمكن بقدر ضئيل , يعني فطرية بس مانها موروثة ... لأني اعتبرت إنه البيئة اللي تحيط بالإنسان بكل ما فيها , هي العامل والمؤثر الأكبر بطيبة القلب , والتربية كمان , يعني يا بنموّها يا بيخمدوها , ومو ضروري يكون متل ما كتبتي سبب طيبة القلب هو الهموم ما بحسها شرط أساسي , أو الكبت أو الظروف الصعبة .. الخطأ الفادح اللي صاير وعم بصير هو وقت بيرتبط بعقول البعض : إنه هذا الشخص قلبه طيب يعني هو بسيط وساذج ويمكن ناخد حقنا منه و يمكن حقه منّه لدرجة إنهم بصيروا يفكروا إنهم يستغلوا هالطيبة ممكن الإنسان يكون طيب القلب وذكي جدا بإدارة علاقاته الإجتماعية والعاطفية والمهنية كمان , يعني هالشيئين مو متناقضين أبداً [/color][/font]

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/