آرتين لتعليم اللغات
https://forum.art-en.com/

شو رأيكن بمادة اليوم (علم اللغة التطبيقي)
https://forum.art-en.com/viewtopic.php?t=14877		 صفحة 1 من 3
الكاتب:  أبو الصافي الوزير [ الأحد يناير 25, 2009 4:06 pm ]
عنوان المشاركة:  شو رأيكن بمادة اليوم (علم اللغة التطبيقي)
مرحبا يا شباب , الصراحة اليوم تفاجأت كتير بالأسئلة بعدة نقاط خلتني عن جد خاف منها *خوف *خوف . نحنا منعرف أنو *1 *1 الدكتورة سلوى أعطاءها للمادة كان أكتر من رائع و طريقة شرحها قريبة من القلب *1 *1 و بالإضافة حسينا أنها عن جد مادة تطبيقية و ليست مادة حفظية *ممم *ممم . بس أنا لما مسكت ورقة الأسئلة كنت متفاجئ فيها و ماعرفت حلها مع انو درستها كتير و خصوصا السؤال التاني لما شفته فكرت حالي عم قدم نقد :?: و قعدت دور على سؤال الصوتيات يلي هو بشكل نص المادة :shock: والمفاجأة الأكبر أنو لما جمعت العلامات كانت من 90 علامة وليست من 100 ............. فشو رأي الشباب و الشابات ..؟؟
يا ترى بتطلع معكن المادة اليوم ولا ....................؟؟؟
الله يوفقنا جميعا *1 *1 *1 *ورود *ورود
الكاتب:  أب سمرة [ الأحد يناير 25, 2009 5:05 pm ]
عنوان المشاركة:  شو رأيكن بمادة اليوم (علم اللغة التطبيقي)
لك اخخخخخ شو بدو يحكي الواح تيحكي

والله ما بعرف شو بدي قلك بس بعمري ما احترت وضعت بمادة قد هالمادة من قبل
يعني والله العظيم شي بيأس صرلي عم ناطح بالمادة من زمان وما خلي شي يعتب علي وبالاخير يطلع الفحص هيك؟؟؟

صارت معي حالة انو في كتير اسألة اجت بالفحص وانا عرفان حالي دارسن وحافظن بس نسيانن!! تخيل الشعور يعني

يعني بدي أعرف وين ال stress ووين ال meter ووين الحروف الصوتية وحروف العلة اللي ضليت ناطح فيين ساعات؟؟ يعني ما حرام ضيع 3 ساعات على دراسة قصيدة نوفمبر اللي قال مهمة كتير؟؟؟ لشو هالضخامة كلها بالمقرر اذا كان الفحص جاي بهالطريقة؟؟؟ طيب ويييييين التشجير اللي ضليت مبارح ساعيتن عم مزمز فيه وقول يا رب سؤال التشجير ان شاء الله مضمون؟؟؟

لك حراااااام حرااااااام
الكاتب:  وردة [ الأحد يناير 25, 2009 8:53 pm ]
عنوان المشاركة:  شو رأيكن بمادة اليوم (علم اللغة التطبيقي)
بسم الله الرحمن الرحيم
يعني بالحقيقة انا من زمان ما شاركت بالمنتدى بس اليوم كنت كتير متفاجئة زيعني معقول كل هالحجم للمادة والدراسة المكثفة للمادة نفسهاوالكل حاسبلها انو حتكون مادة معدلبس كل التعب طلع ع الفاضيزلك مافي شي متوقع من الاسئلة ز لا وبعدين نحنا طلاب انكليزي ولا عربي حتى يجينا قصيدة بالعربي ونشرحها بالانكليزي ونطالع منها مورفولوجي ومدري شو كمان .بس الواحد شوبدو يحكي ليحكي .
يلا لنشوف اسئلة الحملهبالفصل الجاي .سؤالاذا طلعت نسبة النجاح منخفضة رح يطلب العميد رفع النسبة ولاشو :wink:
الكاتب:  zainova [ الأحد يناير 25, 2009 10:33 pm ]
عنوان المشاركة:  شو رأيكن بمادة اليوم (علم اللغة التطبيقي)
والله كتير الأمور سيئة يا جماعة معي, ما بعرف اذا أنا الوحيد هيك و لا الكل الحال من بعضه. بس للتاريخ : أنا نمت مبارح و ببالي أني رايح مشوار لآخد صفر و أرجع لاني "سلامتكن".. و لا كلمة , بس يعني كتبت بشي علامتين مشان حفظ ماء الوجه. ولما دخلت الدكتورة للتطمن علينا, احترت اذا بحتج و لا بحط ملح عالجرح.
و على قول فيروز " سلملي عليه".
الكاتب:  Brian [ الأحد يناير 25, 2009 10:49 pm ]
عنوان المشاركة:  شو رأيكن بمادة اليوم (علم اللغة التطبيقي)
اقتباس:
سؤالاذا طلعت نسبة النجاح منخفضة رح يطلب العميد رفع النسبة ولاشو
مين عميد كليتا بدو يطلب رفع النسبة ؟؟؟؟؟؟ اي قسما بالله العميد يلي عنا بيتمنى كل الطلاب ترسب و كل الدكاترة تنزل نسبة الرسوب للـ 2% او اذا اقل بيكون احسن :mrgreen:
اما بالنسبة للمادة فاكيد راسبة و للدورة الجاي لنشوف اكيد
الكاتب:  شذى [ الأحد يناير 25, 2009 11:04 pm ]
عنوان المشاركة:  شو رأيكن بمادة اليوم (علم اللغة التطبيقي)
قولكن ال10 علامات الضايعين مالورقة هدول بدا توزعن عالاوراق لترفع نسبة النجاح عن الارض شوي ولا في سؤال نسيانة تنزلو بالورقة :mrgreen:
عنجد بحمد ربي اني طلعت ماني دارسة المادة منوب وطلعت الاسئلة صعبة هي مشان ما ازعل لأن حتى الدارسين مخبصين
يلا حظا اوفر بالدورات الجاية :wink: كلنا بالهوا سوا
هي بسسسسسسسسس تلتزم بنموذج الاسئلة نفسو للدورة الجاية وبسيطة ... حلو يطلع متل الترجمة كل دورة نموذج شكل وقتا اكيد مارح اتخرج هالسنة

على قولة بعض الطلاب كسبنا مسج حلو نحطو بصندوق الحفظ :mrgreen:
الكاتب:  القلب الصادق [ الاثنين يناير 26, 2009 12:11 am ]
عنوان المشاركة:  شو رأيكن بمادة اليوم (علم اللغة التطبيقي)
أبو الوزير الصافي *1 تحياتي الك ياغالي *1

يعني فعلا الله يكون بالعون لأنو الأسئلة كانت تعجيزية وصار الواحد صعب يفكر أنو يجيب معدل بمتل هيك مواد متل ما كان أول ....... أحسن شي الواحد يقول الله يرحم هديك الأيام ......
و الله لما شفت الأسئلة تفاجئت و انزعجت وما كان أملي بالدكتورة سلوى هيك
بتمنى منك يا دكتورة سلوى لو اتطلعت على الموضوع انو تساعدي الطلاب بالتصليح لأنو
الحقيقة قلبك طيب *1 *1

بتنمى التوفيق و النجاح للجميع *ورود
الكاتب:  فارس [ الاثنين يناير 26, 2009 12:20 am ]
عنوان المشاركة:  شو رأيكن بمادة اليوم (علم اللغة التطبيقي)
والله من اول ما بلشت دراسة بالمادة لوقت قبل المادة بساعتين .... عم قول مسبحها :mrgreen:

لأنو فعلا ازا الواحد بدو يدرس من الكتاب .... مالو أمل يعيش :lol:

اي بئا مشان هيك كانت الخطة انو نروح ناخد الأسئلة اول دورة .... و بالدورة التانية منلجأ للخطة " ب " و اللي هي انو - بعد ما عرفنا شو ممكن يجي - نلخص لكل سؤال كل المعلومات اللي ممكن يجو ع نمطو ... و هلم جرّة ( هيك بتنكتب ؟ :mrgreen: )

عموما موفقين كلكن و المادة حلوة و بتندرس بس بدها رواء و قعدات طويلة :roll:
اقتباس:
على قولة بعض الطلاب كسبنا مسج حلو نحطو بصندوق الحفظ
:mrgreen:
الكاتب:  Tami [ الاثنين يناير 26, 2009 1:30 am ]
عنوان المشاركة:  شو رأيكن بمادة اليوم (علم اللغة التطبيقي)
اقتباس:
لأنو فعلا ازا الواحد بدو يدرس من الكتاب .... مالو أمل يعيش
فعلا...اسأل مجرب و لا تسأل حكيم :mrgreen:

هوي الواحد بيزعل لأنو راحت للفصل الجاي..و الفصل الجاي في مواد كثيفة :( و بدها دراسة كمان...
...بس شو بدو يعمل اذا المعلومات كثيفة جدا..و فايتة ببعضها...و الأسئلة غير متوقعة... :?

وردة,
لك أهلييييييييييييييين....يا مية السلامة...
اقتباس:
يلا لنشوف اسئلة الحملهبالفصل الجاي
الله يستر... :(
الكاتب:  ليث82 [ الاثنين يناير 26, 2009 1:54 am ]
عنوان المشاركة:  شو رأيكن بمادة اليوم (علم اللغة التطبيقي)
بصراحة الواحد ماعاد يعرف شو بدو يدرس ضيعان التعب بهالمادة .....بصراحة ياجماعة إذا بدنا نقارن أسئلتها اليوم مثلاً مع نموذج أسئلة الترجمة لازم ما نستغرب ...لأنو كمان كانت الترجمة شي مو معقول..ع العموم موفقين أنا عندي الثلاثاء مسرح ولازم أدرس بس حبيت شارككن ...دعولي. *Hi :cry:
صفحة 1 من 3 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/