آرتين لتعليم اللغات :: بــــــــ ـرنامج الإمتحـــ ــان , ولا أروع !

آرتين لتعليم اللغات https://forum.art-en.com/

بــــــــ ـرنامج الإمتحـــ ــان , ولا أروع ! https://forum.art-en.com/viewtopic.php?t=14737	صفحة 1 من 1

الكاتب:	Brian [ الثلاثاء يناير 20, 2009 9:07 pm ]
عنوان المشاركة:	بــــــــ ـرنامج الإمتحـــ ــان , ولا أروع !
انا حابب اعرف بس كيف ممكن ينـوضع برنامج فحص للرابعة بهيك طريقة لا يمكن وصفا غير بالعمياء ؟ يعني والله حابب اتعرف من قلبي عــ هالعقل الذكي و المدبــر يلي حاطط هيك برنامج . طبعا الصفات الجيدة بكافة لغات العالم غيــر كافية لوصف عمق الفهم و قــوة التدبير و الذكاء لـــ هالشخص او الاشخاص لكن معقول المقــــــارن قبلها يوميـــــــن 140 صفحــــة لاء وعلـــم اللغــــــــة قبلها 3 ايـــــام 180 صفحــــــة ؟؟؟؟ والكلاسيكي يلي بتخلص بيوميــــن حاطين قبلا اسبـــــوع كـــــــامل ( يلي ما بيعرف شو يعني اسبوع فـ هو 7 أيام متواصلة بــ لياليها ) و الشعر ( يـــا عمـــــ ري عــ الشعـــــ ر) بتخلص بيـــــووووووووم واحـــــد حاطينها اول مـادة ! اذا ممكن حدا يشرحلي عـ أي اساس تم خلـق هالبرنامج الذهبي ؟؟؟؟؟ و ماهي الطرق الناجعة لمنـــــ ع تدخل الواسطات و الايادي الخفية في كل شئ ؟ يا محلا المشروع عاد, كانت المقارن اول مادة و الشعر قبلا يومين ( كان أشوى )

الكاتب:	عصام [ الثلاثاء يناير 20, 2009 11:05 pm ]
عنوان المشاركة:	بــــــــ ـرنامج الإمتحـــ ــان , ولا أروع !
Brian, يعني جاي وعم تتشكى وتحكي عن ضيق الوقت وانو معك يومين قبل هالمادة وكيف حاصرينها هيك شلون ملاقي وقت انك تفوت لهون وتكتب هالموضوع بالاصل ارضاء الناس او الطلاب غاية لاتدرك وهالمتل ما انقال عن عبث لانو اللي بيرضيك رح يكون بعكس رغبات غيرك وكل واحد حامل مادة شكل وبدو البرنامج ينزل حفر وتنزيل عحسب رغباتو او بيبلش مسبات وتنظير عاللي حاطو اول مادة كانت عند السنة التالتة هي تاريخ الادب ب4\1 وب6 الشهر في نقد للحملة اللي نسبة الرسوب فيها 78 % من دفعتنا ونحن كطلاب بال4 في كتيرين حاملين تاريخ الادب ومو معقول يروحو يقدمو الطلاب 3 مواد خلال 3 ايام ويكونو تقال كلن ومن هالمبدأ حطيت اول مادة شعر وهي سهلة كتير وخدها بالناحية الايجابية انو الدفعة كلها رح تاخد علامات شبه كاملة بهالمادة وهالشي بيشكل دفع معنوي وانحطت الكلاسيكي وقبلها فترة منيحة كان فينك تدرس فيها غير مادة وتريح حالك لقدام بدل ماتقطع فيها وقت وتجي وقت المادة التانية وتحط الحق عالبرنامج وعاللي حطوه لانو بالاصل شغلنا بيكون بنقل بعض المواد المحددة العالم بالعادة بيقولو ليكو هاللي بالهيئة زبطوه عحسب صاحباتن بس ليكني وضعي اضرب بمية مرة من وضعك وهالفصل عندي تقديم 10 مواد وبكرا رح قدم مادتين سوا وب20 الشهر عندي ترجمة 5 وب21 عندي علم لغة يعني مااتدخلت وسايط وايدي خفية وابقا الفصل الجاي احضر المناقشة وارجيني مهاراتك الحسابية بوضع برنامج يزبط مع العالم كلها وبالاصل ماكنت مجبور اني اشرحلك اي شي بس مشان مايروح تعبك عالفاضي وحساباتك هيك

الكاتب:	Brian [ الثلاثاء يناير 20, 2009 11:52 pm ]
عنوان المشاركة:	بــــــــ ـرنامج الإمتحـــ ــان , ولا أروع !
عصام وممكن اعرف ليش محموق هيك ؟ يعني انا عم فش خلقي بالموضوع و انت فايت عاملي الفارس المدافع عن شؤون الطلاب المظلومين انا ماني قاصدك بكلامي و ما بعرف اساسا انو حضرتك مزبط البرنامج مشان تراعي الطلاب الحاملين مواد اقتباس: يعني جاي وعم تتشكى وتحكي عن ضيق الوقت وانو معك يومين قبل هالمادة وكيف حاصرينها هيك شلون ملاقي وقت انك تفوت لهون وتكتب هالموضوع بالاصل الموضع كلو ما اكل مني 5 دقايق و مو مستاهلة اقتباس: ومن هالمبدأ حطيت اول مادة شعر وهي سهلة كتير بس انا ما بعرف انو انت يلي حاطط البرنامج و ما كنت قاصدك بكلامي اقتباس: العالم بالعادة بيقولو ليكو هاللي بالهيئة زبطوه عحسب صاحباتن هالحكي مو جديد و الكل بيعرفوه و اساسا انا اذا بقصد حدا بهالموضوع فبقصد الهيئة الادراية لانو صار الموقف قدامي بأحد السنوات ( الله يخليلنا جهودا و يديما ذخر لهالجامعة ) اقتباس: وب20 الشهر عندي ترجمة 5 عادي وانا كمان ترفعت شحط ع الرابعة يعني معي 4 مواد من السنة 3 اقتباس: وابقا الفصل الجاي احضر المناقشة وارجيني مهاراتك الحسابية بوضع برنامج يزبط مع العالم كلها وبالاصل ماكنت مجبور اني اشرحلك اي شي بس مشان مايروح تعبك عالفاضي وحساباتك هيك مارح احضر مناقشة ولا غيرها لانو بالاخر ماحدا رح يستفاد شي لانو شفت بعيني كيف عم ينحط البرنامج وانا ماطلبت لا منك ولا من غيرك انو يفوت و يستفيض بالشرح الموضوع كلو فشة خلق وكتبتو وانا عم اتسلى مشان شوف راي هالطلاب بس الظاهر انت كتير متأزم منو بس لهلق ما فهمت حسابات شو يلي عم تحكي عنها يعني البرنامج واضح مابدو حسابات ولا غيرها والسلام ختام

الكاتب:	عصام [ الأربعاء يناير 21, 2009 2:07 am ]
عنوان المشاركة:	بــــــــ ـرنامج الإمتحـــ ــان , ولا أروع !
Brian, موفق انت وبقية الطلاب ان شاء الله بهالامتحانات

الكاتب:	Saher [ الأربعاء يناير 21, 2009 7:41 pm ]
عنوان المشاركة:	بــــــــ ـرنامج الإمتحـــ ــان , ولا أروع !

الكاتب:	Maria Sharapova [ الأربعاء يناير 21, 2009 11:22 pm ]
عنوان المشاركة:	بــــــــ ـرنامج الإمتحـــ ــان , ولا أروع !
ونحن كطلاب بال4 في كتيرين حاملين تاريخ الادب ومو معقول يروحو يقدمو الطلاب 3 مواد خلال 3 ايام لكن معقول طلاب التالتة يقدمو مسرح شكسبير اللي 90%منن حاملينو وتاني نهار يقدمو اضخم مادة بالتالتة (تاريخ الادب ) والنتيجة انو 90% من الدفعة رح يرجعو ويحملو تاريخ الادب وكلو بسبب هاللي حط البرنامج

الكاتب:	عصام [ الأربعاء يناير 21, 2009 11:48 pm ]
عنوان المشاركة:	بــــــــ ـرنامج الإمتحـــ ــان , ولا أروع !
Maria Sharapova, اقتباس: لكن معقول طلاب التالتة يقدمو مسرح شكسبير اللي 90%منن حاملينو وتاني نهار يقدمو اضخم مادة بالتالتة (تاريخ الادب ) والنتيجة انو 90% من الدفعة رح يرجعو ويحملو تاريخ الادب وكلو بسبب هاالفهمان اللي حط البرنامج يعني كان فينك ببساطة تحضري مناقشة البرنامج وبدكن تقولو انو المناقشة متل قلتها وانو كلشي محطوط من قبل والف جواب وجواب فرح قلكن هالحكي مانو صحيح

الكاتب:	عامر الرشواني [ الخميس يناير 22, 2009 11:27 pm ]
عنوان المشاركة:	بــــــــ ـرنامج الإمتحـــ ــان , ولا أروع !
Maria Sharapova, كان بامكانك بكل بساطة تحضري المناقشة و تتفهمني هنيك ع كيفك و كلمة أخيرة ... عميد كلية الآداب هو شخصياً حط برنامج التالتة و ما قبل حتى تدخل الدكتور واصف سلامي و فيكي تسألي عن الموضوع ...

الكاتب:	Brian [ الجمعة يناير 23, 2009 2:25 am ]
عنوان المشاركة:	بــــــــ ـرنامج الإمتحـــ ــان , ولا أروع !
[quote="عامر الرشواني"]و كلمة أخيرة ... عميد كلية الآداب هو شخصياً حط برنامج التالتة و ما قبل حتى تدخل الدكتور واصف سلامي و فيكي تسألي عن الموضوع ... [/quote] طيب شو الو علاقة عميد الكلية ببرنامج الانكليزي ليتدخل و يحطو لانو هو بالاساس دكتور عربي يعني شو الو علاقة ؟؟؟؟ و يا شباب اذا سمحتو مابدنا تجريح لبعض بالاخر كلنا طلاب و كلنا زملاء و انا مانزلت الموضوع مشان نتهجم على بعض .. و موفقين جميعا

الكاتب:	عصام [ الجمعة يناير 23, 2009 3:20 am ]
عنوان المشاركة:	بــــــــ ـرنامج الإمتحـــ ــان , ولا أروع !
[align=center]الموضوع خرج عن حدودو ولهيك رح يتسكر بس بالمختصر المفيد الافضل للكل انو ابقا يروح يحضر المناقشة ويبدي رايو ويقول اللي عندو ومو بعد ما توقع الفاس بالراس يصير بدو يصلح الكون او انو يبين الاخطاء بعد فوات الاوان والردود اللي تعدلت وانحذفت فهي لمخالفتها قوانين القسم مشان ماحد يعتب وكل واحد بيعرف شو كاتب [/align][/color]

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/