آرتين لتعليم اللغات
https://forum.art-en.com/

موصفات المواطن السوري
https://forum.art-en.com/viewtopic.php?t=14712		 صفحة 1 من 1
الكاتب:  a7mad alsibai [ الاثنين يناير 19, 2009 4:05 am ]
عنوان المشاركة:  موصفات المواطن السوري
كيف يتميز المواطن السوري عن باقي شعوب العالم


1- بيفهم في الطب وبيشخص المرض ويوصف الدواء وبيفهم في الكهرباء وتصليح السيارات والطبخ والسياسة والطابة والعمار ... وكل شي بيخطر ببالك .
2- بيحط الريموت كونترول بكيس نايلون حتى ما يتغبر وتروح الأرقام.
3- بيوقف يتكلم على الباب نص ساعة بعد إنتهاء الزيارة والسلام.
4- في خزانة المطبخ عنده عشرين قطرميز فاضي منشان اذا احتاج يستخدمها ومازال مُصِر على جمع المزيد .
5- ييجي بعد الموعد بساعتين دون ان يعتذر.
6- بيحكي بصوت عالي في المكالمة الدولية منشان التاني يسمعه.
7- بيعتبر حاله أفضل واحد في الشراء والمفاصلة بعدين بيكتشف إن المحل اللي جنبه أرخص من غير مفاصلة
8- بيحتفظ بأكياس محلات اللبس والأحذية وورق الهدايا تحت ! الفرشة لسنوات من مبدأ إلـّما يلزمو .
9- بيشتري قبل الإفطار في رمضان ألف نوع حلو.
10- عنده منقل شوي للرحلات يستخدمه مرة واحدة أو 3 مرات إن كترت.
11- بيفكر إن أي حدا بيشتغل في الخليج بيغرف مصاري من غير حساب وأغنى واحد في الدنيا.
12- بيكون مشغول بقيمة البخشيش طول العشا... ياترى أعطي 25 ولا 50؟.
13- بيتخانق ساعة مشان يدفع حساب المطعم بحرارة شديدة ... وقلبو عم يقول حق بق.
14- بيفرش شرشف التخت على طقم الكنب منشان ما يتوسخ، ولما يجوا الضيوف بيترك الشرشف
15- بينتظر بفارغ الصبر بياع المحارم أبو : الـ7 بمية المحارم ليموّن لشهرين عالأقل.
16- اذا ركب تكسي... طول! الطريق عم يطلع عالعداد.
17- عندو التخبيص بلعبة الشدة مصيبة كبيرة .. وممكن يخسر رفيقه مشان برتية
الكاتب:  unknown [ الأحد فبراير 22, 2009 11:19 pm ]
عنوان المشاركة:  موصفات المواطن السوري
شكراً a7mad alsibai, *ورود

:lol:
الكاتب:  a7mad alsibai [ الاثنين فبراير 23, 2009 9:05 am ]
عنوان المشاركة:  موصفات المواطن السوري
unknown,
ميت ولكم *ورود
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/