سين سؤال : هل تلجأ إلى الغش ؟

msd · **مرسل:** الجمعة يناير 09, 2009 10:54 pm

أجب بصــراحة :
هل تلجأ إلى الغــش بالإمتحــان ؟
ومــا هي الطريقة ؟

أنا شخصياً لأ .. حتى لو كان بالامكان ذلك ..

العقل زينة · **مرسل:** الجمعة يناير 09, 2009 11:07 pm

نعم
وبكل الطرق الممكنة

أبواليوس · **مرسل:** السبت يناير 10, 2009 12:48 am

أي ليش لأ؟؟!!

ماهوي الغش طريقة من طرق النجاح .........

شوماكانت الطريقة المهم استفاد...

تاج · **مرسل:** السبت يناير 10, 2009 1:09 am

هههههههههه حلو والله هالسؤال ووجيه كمان ..
انا لما كنت بالمدرسة بصراحة كنت دائما روح موملحقة لهيك كنت مضطرة انو نتشارك المعلومات انا والشلة يعني مثلا يكون عنا كل يوم فحص والمواد تبعت المدرسة كانو يطلبو نص الكتب فنقسم الوحدات بيني وبين رفقاتي وهيك يمشي الحال وكانت الي بتشعر حالها بهالمادة انها فهمانة أكتر من رفقاتها هي الي تقعد بالصف الاول لانو الأكسل لازم يقعد ورا مشان يقدر يشوف ورقة الشاطرة الي قدامو

اما بالجامعة فمن اول فحص بطلت الشغلة تماما لانو كتير بخاف من نظم الجامعة والفصل وحرم الدورات بقا مابفوت حاي بمتاهات وخاصة انو الفرع الي أنا فيه أدبي بقى حتى لو سألت حدى ماحإقدر استفيد وكمان في شغلة انو ماشاالله المراقبين من كل حدب وصوب وبقاعة صغيرة
مشكووووور عالسؤال ..ظريف

بانة · **مرسل:** السبت يناير 10, 2009 3:43 am

لا انا ما بغش . ... أساسا ما بعرف غش
لأني بصير بضحك كتير ...... مدري ليش

مرة انا ورفيقتي اتفقنا منشان نتأكد من أسئلة الصح والخطأ : إنه الصح هيك والخطأ هيك ........ وانا إطلع عليها ماشوفها غيرعم تعمل بسرعة هيك وهيك .... انا شفتها هيك وانا فرطت بأرضي من الضحك , لأني ما اعرف على اي فقرة هي عم تأشرلي .. وبعدها غيرتلي المراقبة مكاني وانامستمرة بالضحك

عامر الرشواني · **مرسل:** السبت يناير 10, 2009 3:51 am

اي ليش حتى ما غش إذا بقدر

اللي عم يغشو و ياخدوا معدلات مو احسن من حدا ... بعدين أنا إذا غشيت أكتر شغلة ممكن اعملها إني بنقل من رفيقي .. غيري عم يكلفه الغش على كل امتحان آلاف الليرات بين حق سمعة أو حق أسئلة أو رشوة موظف أو رشوة دكتور

يعني أنا إذا غشيت بكون نوعاً ما عم حاول رجع شوي من حقي اللي عم يضيع ويروح لعالم تانية

أوركيدا · **مرسل:** السبت يناير 10, 2009 9:36 am

اي نعم .... بغش..
أنا مو كتير شاطرة بالغش مع الأسف .... لإني متل بانة بتجيني الضحكة ..
وبالعالي كمان

ليش حتى ما غش؟
ليش كل المتخرجين واللي صاروا أساتذة بمدارسنا ... كلن بيستاهلو شهادتهم؟
أستغفر الله هوي ذنب ...
بس أحياناً منضطرلو...
بس من لما صرت بالجامعة ... صار الغش كتير صعب ...
لإنو بقسم الفيزيا ... كيف الواحد بدو يعرف الرمز العم يكتبو .. إزا ما مارق عليه من قبل

عااشق الغروب · **مرسل:** الأحد يناير 11, 2009 8:01 pm

اي اكيد بغش بأكتر من طريقة
لانو طلاب الجامعة كلون اذا ما غشو ما بينجحو وانا بالتحديد ما بدرس غير قبل الامتحان بيوم واحد
1- كتابة الافكار الرئيسية لشي سؤال على الايد تحت كم القميص
2- كتابة افكار لسؤال تاني على البنطرون
3-الراشيتة هي اهم شي بالامتحان واذا ما معي راشيتة ما بدخل عالامتحان بنوب
4- الشلة (مجموعة من الاصحاب والاصدقاء )

عبيدة · **مرسل:** الأحد يناير 11, 2009 8:17 pm

يلا صايرة وصايرة

بغش

وبغشش كمان

مرة غششت واحد امتحان رياضيات

طبعاً مافي أشطر مني بالغش

معي دكتورا بالشغلة

ولي هلأ بتفكروني كسلاااااااااااااااااااااااااااااااان

والله أنا شااااااااااطر

طلع الغش هواية عند الكل

وبالمناسبة

بغش إزا صحلي غش أو غشش

وإزا ما صحلي

كمان بغش وبغشش

هع هع هع هع
هــــــــــــــــــــــع

Hidding Rose · **مرسل:** الأحد يناير 11, 2009 11:48 pm

ليش في حدا بالجامعة بصحلو يغش و ما بغش .....

و الله بالمدرسة ما كنت غش بس كنت غشش .... أما بالجامعة اختلف الوضع

صرت ازا في امكانية ما قصر غش و غشش ...و دائما بترك و رقتي مفتوحة للي بحب يطلع عالاجابات او يا خد فكرة عنها

لانو متل ما بتعرفوا الصديق وقت الضيق :mrgreen.... بس ازا بدي غش متل ما قالوا اللي قبلي مو بس بضحك لاء و بتلبك كمان و بيبين علي .... و بصير اتلفت ... طبعا الا ازا كان الفحص بالمدرج و كان الامتحان اختيارات فبتكون العملية اسهل و غالبا تتم بنجاح لجميع الأطراف

و بتطلع كل الشلة هيك

عالعموم ........ مني الكن الغش حلال بالجامعة

بكل الأوجة و الاحتمالات

LATEST_POSTS

قوانين المنتدى

سين سؤال : هل تلجأ إلى الغش ؟

الموجودون الآن