السلام عليكم ورحمة الله وبركاته

لا أدري إن كانت فكرتي سديدة ام لا ؟

لكنني وعن تجربة شخصية وجدت ان الغرب لا يعلمون شيئا عن القضية الفلسطينية وان علموا فهم يعلمون معلومات خاطئة مزيفة

وليؤدي كل دوره تجاه الأقصى وغزة ووالعرب والإسلام ككل

فما رأيكم يا من تتقون لغة ان يقوم كل بدوره وحسب اللغة التي يتقنها بترجمة الأخبار عن مجزرة غزة ونقوم بنشرها على من نعرف من الاصدقاء الاجانب او المنتديات او التشات لنشر الحقيقة ؟؟؟

انا بانتظاركم

هلأ من ناحية إنون بيعرفوا الحقيقة أو ما بيعرفوها

فأنا متأكد إنو أكتر من 90% بيعرفوا

وبشوف ع التلفزيون كتير عالم بكونوا معارضين الحكومة

بس مثلا شو فينون يعملو

أما من ناحية الفكرة هية حلوة

بس والله ماني زيادة بالأنكلش

Omama,

هلا لمن حاصرتوا وقلتلو انا الحقيقة لشخص استرالي قلي بصراحة حتى لوكان الي عم تقوليه صح انو استراليا زغيرة وكلو بايد امريكا
بس نحنا اخي علينا دور وانا كمان بالنسبة للغتي انكلش مو كتير لانو ماعم مارس بس الرسول عليه الصلاة والسلام قال من تعلم لغة قوم أمن مكرهم )
وحض على تعلم اللغات لاستعمالها في مثل هذه الأوقات
وحتى يباهي بنا الحبيب المصطفى بين الأمم يوم القيامة ومنها منكون عملنا شي

نورت اخي عبيدة
بانتظار المتقنين للغات

الموضوع يستحق أن نبذل قصارى جهودنا بما نستطيع
كفى بكاء البكاء لن ينفع اطفال غزة

Omama,
شكراً لك اختي الكريمة .. هذا واجبنا و أقل ما يمكن أن نفعله كطلاب لغة انكليزية و حتى فرنسية ..
الكثير من شعوب الغرب متعطشون لمعرفة الحقيقة كاملة .. و معظم وسائل الإعلام تنقل لهم الصورة مشوهة و ناقصة .. و هنا يأتي دورنا لنروي ظمأهم و نقول لهم الحقيقة كاملة و نعبّر لهم بأي وسيلة
{من رأى منكم منكرا، فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان} رواه مسلم.

Omama,
اول شي يلي بعرفو إنو أغلب الأجانب الثقافة السياسية كتير ضعيفة عندن يعني الواحد منن كان لما يشتري جريدة متل حكايتنا ليقرأ الأبراج بس او الرياضة برأي إنو مافي داعي لغة لأنو الصورة لحالا عم تحكي يعني أي شخص سواء كان عربي او أجنبي راح يشوف طفل ميت مقتول وام عم تبكي وبيوت مفجرة راح يفهم دليل الطفل لما بيوقف إدام الشاشة وما فهمان شو عم يحكو شو يعني انفجار وشو يعني قتيل بيتطلع على الشساشة وبيقول يا حرام أما بالنسبة للغة طبعاً يلي حابب يقوي لغتو بيئدر يدخل غرف الشات ويعرؤف عن دينو وعن المجازر بس لتصير غرف الشات فعلاً خرج الواحد يدخلا لأنو بصراحة الواحد بتوقع لازم يعد للمية قبل ما يتجرا ويدخل على هالغرف لأنو بصراحة أنا مرة دخلت وقال على اساس بدي قوي لغتي حلفت يمين وما عاد عيدا
مشكورة على الموضوع والله ينصر اهلنا بفلسطين

Omama,
مشكورة عزيزتي على طرحك لهالموضوع
بصراحة هاد أقل شي ممكن نعملو تجاه إخواننا في غزة وفلسطين وفي كل مكان لأنو متل ما قالت الزميلة عبير الشي اللي عم يصير بكل بساطة مو معقول يكتبو بشكل كامل بوسائل الإعلام يعني رح يكتبوا على كيفن ولكن لما منقدر نحنا نترجم الواقع بحرفيتو ونحط المصادر اللي ترجمنا منن رح يعرفو ولو بشكل بسيط شو عم يصير على كل أنا جاهزة لأي شي

شكراً لكي على طرحك متل هذا الموضوع ...
لا أظن أن الغرب لا يعلم بما يحصل في غزة
فعلى الأقل هناك قنوات بث أخبار في بلدهم
" لا نعلم إذا هذه المحطات لا تنقل لهم "

شكراً لك