كنت قد شاهدت في حلمي غابة كُتب ببابها :

أميراً إن كنت زيراً
تعيساً إن كنت فقيراً

وكتب أيضاً:

إن كنت شاباً فتلك مصيبة
إن كنت بنتاً فالمصيبة أعظم

دخلت الغابة فشاهدت ناس غاية باللطف والنبل والأخلاق
ثم التفت وشاهدت قلة من الناس أفزعتني تصرفاتهم وحركاتهم
ناس بشعين حولوا منامي إلى كابوس مريع فأقسمت أن أكتب مارأيت
عساني أجد تفسيرأً لمنامي .هي ليست محاولة شعرية لأبرز لكم مواهبي
لأني لست شاعرأ و لست من هواة الشعر وأعرف أن فيها من الركاكة ما يملأ بئر
مهجور.

كتبت (خير اللهم أجعلو خير ):


غابة أشبه أن تكون
منبع العلم يظنون
موازياً دخولها يجبرون
الفقر أبداً لاينظرون
تعب الأباء يحصدون
بنياناً لها يشيدون
فيها اناس قليلون
لأرضها هم مدنسون
بالكذب أفواههم يزينون
بالصدق قل ماينطقون
فمنهم هيئات يشغلون
لهاثاً إليها يزحفون
حروباً لأجلها يشنون
ديوك عليها يتصارعون
قوائم بينهم يجعلون
بعض ببعض يغدرون
حجراً صغيراً يتسلقون
جبل عظيم يظنون
بالخير دائماً يدعون
أصوات لنفسهم يجمعون
أهدافهم حين يبلغون
أنياب لهم يكشرون
إناثاً فقط يخدمون
لهم الأرض يفترشون
بنبل قل ما يعملون
والثمن دائماً يسألون

أما الأناس الأخرون
فهم بحرمنا يتسكعون
جحور قذرة يسكنون
فيها أعراض ينتهكون
بسحرهم كانوا يجذبون
غزلاناً قلوبها يخدعون
أحباباً معها يجلسون
غدراً عليها ينقضون
لحمها كانوا ينهشون
يرمونها حين يشبعون
ثم بشرفها يطعنون
وهم لها المفسدون
بوفرة الصيد يفتخرون
أمجاداً كأنهم يصطرون
للرذيلة كانوا يقودون
طيوراً براءة يقطرون
وحوشاً منها يصنعون
من غيرهم باتوا ينتقمون
ثم التكرار يجربون
وعد الله بتجاهلون
كلاب عليهم يسخرون
تعضهم حيث يعضون
شتم بي يبدأون
وسباً حين يقرأون
تجنب إذاً مايسبون
أو منهم أنت قد تكون

تحية طيبة
شكرا على هالموضوع (صراحة) كثييييييييييييير رائع
انت تلمست جميع المشاكل اللي عم يمرو فيها الشباب وخاصة طلاب بالجامعة
شكرا لإبداعك
وننتظر المزييييييييييييييييييييد منك

شاهدت أميراً....تعيساً بنتاً أناساً تشبيهك رائع وما بقصد بهالشي والله انك عندك فعلاً ركة هائلة..وانما التشبيه بحد ذاتو عجبني كتير بعضهم بعضاً لا يكون قصدك يسطرون ؟؟؟؟؟؟؟؟؟؟؟؟
بريئة؟
أم برّاقة؟

أم بتقصد البراءة عكس الإجرام؟ إذاً الجملة غلط



عموماً....أنا بعتذر اني عم اعطي رأيي بهالموضوع..لأنو سلبي حقيقةً
أخطائك الإملائية كتيرة
الفكرة غامضة...
مافي وضوح
النغم ممل..أو بالأحرى سقيم...قافيتك شديدة التكرار..كل كلمتين منلاقي القافية
في ملل...ولا متعة بالقراءة والنغم

أنت قلت مانك كاتب شعر...إذاً لو تنثر منامك كان ممكن افهمو...بس بصراحة تبعاً لإمكانياتي العقلية المتواضعة ما استوعبت شو صار بالمنام

الأخ قبلي عم يقول انك جسدت معاناة شباب الجامعة..كيف شلون ووين؟

بصراحة
رح اطلب منك تنثرلي كام سطر لأنو ما فهمتن بطريقتك الشبه شعرية لو سمحت...بكلام نثري...شو يعني غابةٌ موازياً دخولها يجبرون؟
يا ريت تنثر هالأسطر كاااااااااملة...وافهم منك بكلام عادي...شو م تقول؟


وإلي رد تاني انشالله بكون أحلى من هالرد وبكون أخف ظلاً

الملاك,
هون الأخ بيقصد حياة الجامعة
والشباب والبنات اللي بالجامعة
موازيا......يعني داخلين عمفاضلة الموازي غصب عنون
وعم يحكي عن الشباب اللي بيقعدو يتفاخروا مع كم بنت حكو وهيك

هلق بتوقع إذا رجعتي قريتيها بيمشي الحال انشالله

Alhossein,
أفكارك حلوة ,وتعابيرك كمان حلوة وقوية
بس
استخدام القافية عندك غير موفق لانو لتستخدم قافية موحدة لكل الجمل بدك تكون عم تكتب شعر موزون (يعني تلتزم بقواعد العروض)وطبعا نحنا متفقين انو الي عم تكتبو ماشعر هاد(خاطرة),يعني فيك تستخدم السجع والجناس والتورية وغيرو
اذا نوعت بأواخر الجمل بالقافية بتطلع أحلى وفيها تناغم وايقاع أكتر
وما تواخذني ازا تقلت عليك (بس نحنا هون بآرتين الكل بينقد الكل نقد بنّاء طبعا)
يعني انت كمان اتفضل عموضوعاتي وانقدني

يمكن السرعة هي الي خلتني أغلط هل الأخطاء الأملائية أنا أسف على كل حال
الملاك
نزلتي فيني نجر وتنوين و نثر و قافية وسلبي قصص وحكاية وكأنك عم بتقيمي شي شغلة عظيمة
بصراحة أنا بعرف أنو في أخطاء وشغلات غريبة عجيبة لأني أنا مشكلتي بالحياة هي أني ضعيف باللغة العربية ويمكن أنا خالط بين العامية و الفصحىو شو بعرفني
وأنتي كمان لأدقيقي كتير يعني كلي اللب وكبي القشر لك يضرب النثر و الشعر ..........
ماني عم ورجيكون كتابتي لأنو مابحب الكتابة بصراحة أنا عم ورجيكون شي تاني

بنسبة لكلامك أنو الموضوع سلبي وغامض أنا بشوف غير هيك أنا بعرف عن شو عم أحكي وكتير ناس غيري بيعرفوا
شو الوضع