السلام عليكم ورحمة الله وبركاته
اخوتي .. كلياتنا بنعرف انو هالدنيا مليانة متاعب ومليانة مشاكل وهموم ..
و يمكن اغلبنا اذا مو كلنا اذا واجهنا أي مشكلة و صار صعب كتير نطلع منا فورا نفكر بشي واسطة ...
( كلو بيمشي بالوااااااااااسطة ...كلو بيصير ... ) يمكن هالجملة سمعناها كتير ...
و تصير الناس تستقتل لحتى تتعرف ع شي مسؤول او حدا يكون الو كلمة ونفوذ ...
بس يلي بيحز بالقلب انو العالم نسيت او غفلت عن اهم و اكبر و اتقل واسطة ممكن انو يستخدموها و يلجؤو الها .. صارت الناس تدور على رضا العباد و نسيت رضا رب العباد !!!
اذا اصابهم الضر او اتتهم مصيبة نسوا ان ما منجي لهم الا الله ولا معين ولا مفرج لكربهم الا الرحمن ..
واليوم حبيت ذكر بعض الاخوة و دل بعضهم على طريقة كتير سهلة و كتير ناجعة تخلينا نقدم طلبنا لرب العالمين و نسأله مساعدته و عونه ..
هالطريقة هي .. صلاة الحاجة ..
اذا حدا منا كان عندو حاجة عند رب العالمين أو عند أحد عباده
أو حتى اذا حس نفسه مهموم و مخنوق و مو قادر ينام او حتى يشعر براحة البال
ما عليه الا ان يقوم بصلاة الحاجة ...
ويمكن هلأ كلياتنا لازم نصليها ...
تعالو كلنا نتضامن و نصلي سوى و ندعي رب العالمين يفرج كربة اخوتنا و اهلنا في غزة ...
تعالو كلنا نقرع باب الملك .. تعالو نسأله النصر .. تعالو نسأله الفرج ....
أولا نتوضأ و نصلي ركعتين ثم نقول :
لا إله إلا الله الحليم الكريم
سبحان الله رب العرش العظيم
الحمد لله رب العالمين
اللهم إني أسألك موجبات رحمتك وعزائم مغفرتك
والغنيمة من كل بر والسلامة من كل إثم
اللهم إني أسألك ألا تدع لي ذنبا إلا غفرته ولا هما إلا فرجته
ولا حاجة هي لك رضا إلا قضيتها لي يا أرحم الراحمين ..
ثم نسمي حاجتنا و نسأل الله من أمر الدنيا و الآخرة ما نشاء ..
اخوتي .. كل الأمل انو نعرف أهمية تواصلنا مع خالقنا ..
لازم نكون اكيدين انو ما حدا رح يساعدنا و يرأف بحالنا و يكون رحيم علينا
أكتر من يلي خلقنا .. هو الذي سمى نفسه الرحمـــــن الرحيم ....
أختكم تيمـــ
ـــــاء
وهالشي عم بتعملو مع الكل 