آرتين لتعليم اللغات
https://forum.art-en.com/

شورأيك بقيادة المرأة للسيارة
https://forum.art-en.com/viewtopic.php?t=14107		 صفحة 1 من 3
الكاتب:  محمد الدالي [ الاثنين ديسمبر 22, 2008 9:14 pm ]
عنوان المشاركة:  شورأيك بقيادة المرأة للسيارة
اقتباس:
شورأيك بالمرأة يلي بتقود سيارة
قيادة السيارة مانا حكر عالرجل فقط فعادي جدا انك تشوفي مرة عم تقود سيارة
وين المشكلة يعني ؟
اقتباس:
هل غلط قيادة المرأة لسيارة لما هلشي بنقص من قدرها ك أنثى
لا ابدا ما بينقص من قدرها
اقتباس:
سؤال كتير بيخطر عبالي ليش البنت وقت بتكون عم تقود سيارة وبتجي بدها تتجاوز شب مابيعطيها الطريق شوالسبب
هل قيادة السيارة خلقت فقط للذكر
لا ابدا هالكلام مو صحيح
بالعكس الشب عنا من بيشوف بنت سايقة سيارة بيعطيها طريق مباشرة
وحتى لما بتوقف عالاشارة بيصف حدا وبلا شعور (سبحان الله )بيفتح البلور وبعلي المسجلة
اقتباس:
انت او انتي كيف بتكون نظرتك للمرأة وقت بتشوفها عم تقود سيارة
عادية ما بو فرق بين الشب والبنت بها الامر بالنسبة الي



مشكورة عالموضوع *1 *1 *1 *1
الكاتب:  القلب الصادق [ الاثنين ديسمبر 22, 2008 10:13 pm ]
عنوان المشاركة:  شورأيك بقيادة المرأة للسيارة
كندا ,
شكرا على موضوعك و بالفعل كلامك صحيح ببعض المجتمعات المتخلفة
اقتباس:
شورأيك بالمرأة يلي بتقود سيارة
صراحة أمر عادي انو المرأة تقود سيارة و خاصة انو المرأة نصف المجتمع
اقتباس:
هل غلط قيادة المرأة لسيارة لما هلشي بنقص من قدرها ك أنثى
بالعكس تماما لأنو قيادة السيارة مو حكر عالرجال
اقتباس:

اقتباس:
سؤال كتير بيخطر عبالي ليش البنت وقت بتكون عم تقود سيارة وبتجي بدها تتجاوز شب مابيعطيها الطريق :shock: شوالسبب
هههههههههه يمكن بالعكس
اقتباس:
انت او انتي كيف بتكون نظرتك للمرأة وقت بتشوفها عم تقود سيارة
أنا برأي متل ما المرأة لها الحق بالدراسة و العمل فقيادة السيارة أمر بسيط وبصراحة لما بسمع أو بشوف بنت عم تقود سيارة بشوف هالأمر كتير جيد لأنو بيدل على عدالة المجتمع ووعيه .
و شكرا مرة تانية على موضوعكصورة
الكاتب:  أحمد الدالي [ الثلاثاء ديسمبر 23, 2008 3:41 am ]
عنوان المشاركة:  شورأيك بقيادة المرأة للسيارة
كندا,
اقتباس:
اول شي اجت هلفكرة براسي وحبيت اطرحها ياريت تعطوني ارائكن
قيادة المرأة للسيارة
في كتير بنات ونساء بهالوقت عم يقودو سيارة يعني صارت السيارة من ضروريات الحياة
هلأ في كم سؤال بتمنى تجاوبو عليهن
إي ليش لأ..حلو كتيررررر منبلش:
اقتباس:
شورأيك بالمرأة يلي بتقود سيارة
حقها الطبيعي..ما عمتعمل شي غلط... :arrow:
اقتباس:
هل غلط قيادة المرأة لسيارة لما هلشي بنقص من قدرها ك أنثى
لا أبدا ما بنقّص من أنوثتها..بالعكس بمجتمعنا اذا معها سيارة بزيد قدرها :mrgreen:
اقتباس:
سؤال كتير بيخطر عبالي ليش البنت وقت بتكون عم تقود سيارة وبتجي بدها تتجاوز شب مابيعطيها الطريق شوالسبب
مو دائما بالعكس الرجال دائما برعاو وضع المرأة وخصوصا بالقيادة..لأنو بقولوا سواقتها على قدها..وهدول يلي ما بيعطوها طريق..بكون عما يغنجوها ويلطشوها :mrgreen:
بس الصح إنو في مراعة عنّا بهيك موضوع.. :idea:
اقتباس:
هل قيادة السيارة خلقت فقط للذكر
لا أبدا..بس مجتمعنا تعود بالبدايات على هدا الأساس..بس كل مالو الأمر عما يصير أسهل..حتى إنو وصل للحد إنو عادي جدا...
اقتباس:
انت او انتي كيف بتكون نظرتك للمرأة وقت بتشوفها عم تقود سيارة
أنا بالنسبة إلي أمر طبيعي ..بس ما بخفكي بحب اي اتطلع على قدرتها بالقيادة للسيارة...وفي بنات حربوقات بالسواقة :mrgreen:
اقتباس:
طبعا قيادة السيارة لا عيب ولا حرام بس يعطيني موضوع للنقاش انشاالله يعجبكن
ليش ليكون عيب ..يعني ... ممكن في بعض المناطق النائية يكون عيب..
بس لازم يفكروا سكان هيك مناطق..إنو الرجال بزمن أول كانوا يركبو على الحمار
وكمان النسوان نفس المبدأ..فليش يعني بيتطمنوا على المرأة مع الدابة..وعندهن عيب قيادتها للسيارة...والله غريب..التطور صار معيب :arrow:

وعلى فكرة أنا من فترة بعترف إني انهزمت قدام بنوتة بالسيارة
:mrgreen: ..بس شو بدي إعمل اذا كانت هي راكبة bmw>>
وحبت تشفط قدامي وتعبر عن إستياءها مني.. وما عرفت ليش لهلأ :mrgreen:

كندا,
ظريف الأسئلة *1
الكاتب:  Soledad [ الثلاثاء ديسمبر 23, 2008 3:52 am ]
عنوان المشاركة:  شورأيك بقيادة المرأة للسيارة
موضوعك حلو وبوقتو كمان ...
ومافي فرق بين بنت وشب بالعكس شي كتير حضاري وجنتل بعدين في كتير بنات سواقتون بتجنن أكتر من الشباب وبوقتنا هاد السيارة معادت مستحيلة يعني صار مين ماكان بيركب سيارات وتزايد أعداد النساء اللي عندهون سيارات :lol:
وبيغلبوا الشباب بعدين شيت أنه الشباب مايعطوها طريق للبنت بالسيارة هي أسمها مراقة وقلت زوق قال بيعتبروا أنه البنت عبيطة ومابتعرف تسوق.. :mrgreen:
بالعكس حتى ولو كانت مابتعرف تسوق لازم الواحد يعطيها طريق.. :idea:
أنا بشجع البنات أنه يتعلموا السواقة ويمتلكوا رخصة قيادة..
يعني لا عيب ولا حرام..؟؟ :!:
الكاتب:  Safa alaasi [ الثلاثاء ديسمبر 23, 2008 4:31 am ]
عنوان المشاركة:  شورأيك بقيادة المرأة للسيارة
كندا, اي ها من زمان احكو عن هالموضوع *1
اقتباس:
شورأيك بالمرأة يلي بتقود سيارة
بصراحة بغار منا شوي بس بقول الله يهنيها ويطعمني متل ما طعما :mrgreen:
اقتباس:
هل غلط قيادة المرأة لسيارة لما هلشي بنقص من قدرها ك أنثى
طبعا ما بينتقص من انوثتا بالعكس بيزيد من انوثتا لانو الي بتقود بيدل هالشي انها مدللة والمرة كل اتدللت بتزيد انوثتا
أحسن ما تركب بالتكاسي وتتقرض بالسرابيس
اقتباس:
سؤال كتير بيخطر عبالي ليش البنت وقت بتكون عم تقود سيارة وبتجي بدها تتجاوز شب مابيعطيها الطريق
ما بعرف بعتقد هالشي قليلي ,بس فعلا في ناس مجرد ما يشوفو مرة عم تسوق فورا بيقولو مرة :shock:
اقتباس:
هل قيادة السيارة خلقت فقط للذكر
ما في شك لاء طبعا,المرة من عايام الصحابة كانت تمطتي الحصان بكل جرأة وقوة وعندك أكبر مثال (خولة بنت الأزور)كانت مجاهدة ,بالعكس اتخلد اسما بالتارخ من ورا جرأتا وشجاعتا
اقتباس:
انت او انتي كيف بتكون نظرتك للمرأة وقت بتشوفها عم تقود سيارة
بصراحة,بحس شخصيتا قوية (مع انه مو شرط )بس هاد الانطباع الاول عنها
بس انا هون حابة اطرح وجهة نظر جدا مهمة يمكن النساء اقل خبرة بالسواقة ويمكن بيرتكبو أخطاء أكبر وطبعا هالشي ما لانن ضعيفات او اقل ذكاء من الرجال
بس لانن بطبيعتن كونا طلعاتن من البيت بتكون اقل فبالتالي خبرتن اقل بالسواقة +انو نظرة المجتمع الن بتقلل ثقتن بنفسن اثناء السواقة
يعني اتصوري وحدة بدها تصف باركنج او بدا تلف يوتيرن ساعتا الكل بدو يشوف راح تعرف ولا لاء وهون هيي بتحس حالا صارت محط انظار وبتتلبك
الكاتب:  lili. [ الثلاثاء ديسمبر 23, 2008 12:45 pm ]
عنوان المشاركة:  شورأيك بقيادة المرأة للسيارة
اكيد مو غلط بالعكس بيعطي انطباع انها واثقة من نفسها *good
اقتباس:
سؤال كتير بيخطر عبالي ليش البنت وقت بتكون عم تقود سيارة وبتجي بدها تتجاوز شب مابيعطيها الطريق
ع فكرة بتصير وكتير كتير ليش ما بعرف *ممم غلاظة وئلة زوء
اقتباس:
وحتى لما بتوقف عالاشارة بيصف حدا وبلا شعور (سبحان الله )بيفتح البلور وبعلي المسجلة
سبحان الله :wink:
اقتباس:
طبعا ما بينتقص من انوثتا بالعكس بيزيد من انوثتا لانو الي بتقود بيدل هالشي انها مدللة والمرة كل اتدللت بتزيد انوثتا
أحسن ما تركب بالتكاسي وتتقرض بالسرابيس
اييييييي والله
بس المشكلة لما بتتعطل السيارة بنص الطريق...... يعني البنات حلو يسوقو بس شو مشان المكنيك :cry:

ع فكرة انا مبارح عملت فحص السواقة دعولي كون ناجحة :roll:
الكاتب:  kma [ الثلاثاء ديسمبر 23, 2008 2:13 pm ]
عنوان المشاركة:  شورأيك بقيادة المرأة للسيارة
اقتباس:
شورأيك بالمرأة يلي بتقود سيارة
ما بحسن أحكي شي...لأنو أمي بتسوق :roll:
أمرأه عصريه بمجارات التطور وليس الموضه :arrow:
اقتباس:
هل غلط قيادة المرأة لسيارة لما هلشي بنقص من قدرها ك أنثى
طبعا لأ....ومتل ما سبقوني وقالو ...بالعكس بزيدها....
بس أتذكرت كان في إمرأه بتسوق ميكرو باص بالشام...لأنو أتوفى زوجها وترك الميكرو وما عاد تعرف منين بدها تاكل
اقتباس:
سؤال كتير بيخطر عبالي ليش البنت وقت بتكون عم تقود سيارة وبتجي بدها تتجاوز شب مابيعطيها الطريق
شو بدك تقول سبقتني !!!! يا باطل...
أنا بخليها تسبقني بعدين بسبقها ...يعني نوع من عرض العضلات :mrgreen:
اقتباس:
هل قيادة السيارة خلقت فقط للذكر
كمان لأ ...هادا السؤال بدك تسألي لسعوديين مو ألنا...
اقتباس:
انت او انتي كيف بتكون نظرتك للمرأة وقت بتشوفها عم تقود سيارة
طبعا ماني معارض ....لأنو ما بذكر حالي غير أنا وصغير وأمي جنبي عم تسوق السياره..وأنا ماطط راسي من الشباك :mrgreen:
الكاتب:  Hiba.Sh [ الثلاثاء ديسمبر 23, 2008 3:30 pm ]
عنوان المشاركة:  شورأيك بقيادة المرأة للسيارة
كندا,
Nice topic..

راح أعطيك رأيي بس بدي علق على آراء الأعضاء..

MHD,
عجبني ردك كتير لاني رد عن شخصيه سويه .. *ورود *ورود *ورود

القلب الصادق,

وانا بوفقك الراي تماما..
اقتباس:
أنا برأي متل ما المرأة لها الحق بالدراسة و العمل فقيادة السيارة أمر بسيط وبصراحة لما بسمع أو بشوف بنت عم تقود سيارة بشوف هالأمر كتير جيد لأنو بيدل على عدالة المجتمع ووعيه
*good *good *good *good

*ورود *ورود *ورود



أحمد الدالي,
:wink: :wink:
اقتباس:
لا أبدا ما بنقّص من أنوثتها..بالعكس بمجتمعنا اذا معها سيارة بزيد قدرها
هههههههههههه صحيح لنكون صادقين بزيد من قدرها و مكانتها :mrgreen: :mrgreen: :mrgreen: وهالشي من سلوكيات المجتمع إلي بنحس فيها..
اقتباس:
سواقتها على قدها..
سبحان الله ... تصدق يا أحمد لو المرأه تفوز بسباق سيارات ليضل إحساسو إ،ها لسه بدها كمان شوية قوه.. وهالشي مو غلط لإنو طبيعة المرأه هيك وربنا خلقها هيك وراح إتضل عطول بنفس التركيبه إلي خلقها بنا عليها لو شو ما عملت بضلها مخلوق صغير وضعيف وأد ما تكون قويه بتبقى بوجهة نظري ضعيفه :mrgreen:
اقتباس:
بس لازم يفكروا سكان هيك مناطق..إنو الرجال بزمن أول كانوا يركبو على الحمار
وكمان النسوان نفس المبدأ..فليش يعني بيتطمنوا على المرأة مع الدابة..وعندهن عيب قيادتها للسيارة...والله غريب..التطور صار معيب
كلامك رائع وصحيح..
بحييك عليه..
*Hi *Hi *Hi

*ورود


Soledad,

*ورود *ورود
كلام جميل لا عيب ولا حرام أبدا..
وبتعرف يمكن لا سمح الله البنت توقع بشي مشكله و محتاجه سياره تنقل مريض أو أي شي تاني فبلزمها سياره تتقدم مساعده..


Safa alaasi,
اقتباس:
بصراحة,بحس شخصيتا قوية (مع انه مو شرط )بس هاد الانطباع الاول عنها
صحيح وبتعرفي ليه بيجيك هالإنطباع لإنو إلي بدها تسوق لازم تكون قويه فعلا و هالشي مو غلط..
اقتباس:
بصراحة,بحس شخصيتا قوية (مع انه مو شرط )بس هاد الانطباع الاول عنها
بس انا هون حابة اطرح وجهة نظر جدا مهمة يمكن النساء اقل خبرة بالسواقة ويمكن بيرتكبو أخطاء أكبر وطبعا هالشي ما لانن ضعيفات او اقل ذكاء من الرجال
بس لانن بطبيعتن كونا طلعاتن من البيت بتكون اقل فبالتالي خبرتن اقل بالسواقة +انو نظرة المجتمع الن بتقلل ثقتن بنفسن اثناء السواقة
يعني اتصوري وحدة بدها تصف باركنج او بدا تلف يوتيرن ساعتا الكل بدو يشوف راح تعرف ولا لاء وهون هيي بتحس حالا صارت محط انظار وبتتلبك
*good *good *good *good *good *good *good *good *good *good
*1

lili.,
اقتباس:
بس المشكلة لما بتتعطل السيارة بنص الطريق...... يعني البنات حلو يسوقو بس شو مشان المكنيك
المفروض وقت ما يتعلمو يسوقو كمان يتعلمو كيف يصلحو سياراتهم وقت ما يعلقو بمكان..
اقتباس:
ع فكرة انا مبارح عملت فحص السواقة دعولي كون ناجحة
الله يوفقك يا رب و إن شالله بالسلامه ..
*ورود *ورود *ورود *ورود *ورود

kma,
اقتباس:
ما بحسن أحكي شي...لأنو أمي بتسوق
أمرأه عصريه بمجارات التطور وليس الموضه
أحييها *good *good *good *good ..
و هادا أحلى وأحسن شي..
اقتباس:
أنا بخليها تسبقني بعدين بسبقها ...يعني نوع من عرض العضلات
هههههههههههههه :mrgreen: :mrgreen: :mrgreen:
اقتباس:
كمان لأ ...هادا السؤال بدك تسألي لسعوديين مو ألنا
صح معك حق انا بستغرب فعلا لهلأ هالشي ممنوع عندهم بس بتعرف إلهم أسبابهم يعني أنا متأكده ما راح يستعملو في شي صحيح أو بتكون أهدافهم لعرض العضلات أكتر يعني شوفة حيل بزياده...
اقتباس:
وأنا ماطط راسي من الشباك
هههههههههههههه :mrgreen: :mrgreen: أكيد بيكون لفت انتباهك شي لعبه أو حدا عالطريق أو بتحب الهوا البارد يطير على وشك.. :mrgreen: :mrgreen:

*ورود *ورود *ورود

كندا,
موضوعك حلو وبصراحه آراء ولا أحلى من هيك..

طبعا عزيزتي لا عيب ولا حرام بالعكس دائما الواحد يفكر بالأمور الإيجابيه لأي موضوع وياخدها ويستفيد منها..

أنا بأيد طبعا وعنا هون مجتمعنا بأيد هالشي وبالعكس بيزيد نظرة الإحترام للمرأه كونها قادرة تكون مسؤوله عن نفسها وبيتها..
بعدين الرجل بيكون مشغول دائما فما كل ما بدنا طلب نبعتو مشوار وغير الأولاد و روحتهم عالمدرسه وأمور تانيه..

و إلي بفكر إنو السواقه بس للرجال طبعا هالتفكير غلط و بعتقد حاليا بوقتنا ما في عالم بتفكر هيك غير إلي بكون ديكتاتوري وبيكون مغلق على حالو..
وأي شي ما بعارض دينا وإسلامنا طبعا مو حرام..

كندا,
*ورود *ورود *ورود

شكرا كمان مره لإلك غاليتي.. *1 *1 *1
الكاتب:  z-r-11 [ الثلاثاء ديسمبر 23, 2008 11:04 pm ]
عنوان المشاركة:  شورأيك بقيادة المرأة للسيارة
اقتباس:
شورأيك بالمرأة يلي بتقود سيارة
هل غلط قيادة المرأة لسيارة لما هلشي بنقص من قدرها ك أنثى
طبعا مو غلط 8)
اقتباس:
سؤال كتير بيخطر عبالي ليش البنت وقت بتكون عم تقود سيارة وبتجي بدها تتجاوز شب مابيعطيها الطريق شوالسبب
هل قيادة السيارة خلقت فقط للذكر
انت او انتي كيف بتكون نظرتك للمرأة وقت بتشوفها عم تقود سيارة
عن اول نئطة ما بعرف اول مرة بسمع انو الشب ما بيعطي طريق للبنت اذا بدها تتجاوزو

و تاني نقطة طبعا مو حكر للرجال فقط يعني كتير عادي انو المراة تقود سيارة

بالنسبة لعنوان الموضوع انو شو رأيي بقيادة المرأة للسيارة
انو معظم النساء الي عم يسوئو بتكوت قيادتن ضعيفة,, طبعا مو الكل يعني بشكل عام يعني حتى الي عم يمشي و بدو يقطع الشارع بخاف وقت يشوف مراة عم تسوق :mrgreen:

بس بضل حقها للمرأة انو تمتلك سيارة و تقودها لانو بصير معا حالة انو مثلا لازم تنزل عالسوق او زيارة و ما في حدا يوصلها او بمنطقة ما فيا مواصلات,,يعني السيارة رح تلزمها بكتير احيان :arrow:

كندا,
يسلموووو عالطرح الجميل و يعطيكي العافية
الكاتب:  العقل زينة [ الثلاثاء ديسمبر 23, 2008 11:13 pm ]
عنوان المشاركة:  شورأيك بقيادة المرأة للسيارة
بالعكس شي كتيير كويس انو البنت أو المرأة تسوق وعادي كتيير المرأة صارت نص المجتمع وما في شي حكر للرجال
صفحة 1 من 3 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/