آرتين لتعليم اللغات :: مـــا الذي ينقص ؟ .......................الحلقــة الأولـــى

آرتين لتعليم اللغات https://forum.art-en.com/

مـــا الذي ينقص ؟ .......................الحلقــة الأولـــى https://forum.art-en.com/viewtopic.php?t=14105	صفحة 1 من 1

الكاتب:	msd [ الاثنين ديسمبر 22, 2008 7:19 pm ]
عنوان المشاركة:	مـــا الذي ينقص ؟ .......................الحلقــة الأولـــى
زملائي ... 1/ مــا الذي ينقـــــص جــــامعتنـا كي تتطور ؟؟ مــا الذي تحتـــاج إليــه ؟؟ متـــى يصبـــح خريجي جامعتنـــا فهمانين بإختصــاصاتهم مثــل باقي البشر ؟؟؟ أم أن جــامعة البعــث لا تحـــتاج لشيء ؟ هل خريجي جامعة البعث أكفــاء ؟؟ شـــــــــاركوا بالحــــلم

الكاتب:	العقل زينة [ الثلاثاء ديسمبر 23, 2008 10:28 pm ]
عنوان المشاركة:	مـــا الذي ينقص ؟ .......................الحلقــة الأولـــى
والله المشكلة انو كلشي بدو تطوير الامر ما بيبلش من الجامعة الأمر ببلش من الروضة او حتى قبل الاهل مهمين كتيير بس الجامعة المنهاج كلو بدو كب يعني شو هالمنهاج التالف وهالدكاترة وشو هالخريجين الي عم يطلعو معلش لايواخذونا هاد رأيي شكرا" ألك الموضوع أكثر من مهم واكثر من رائع

الكاتب:	أوركيدا [ الأربعاء ديسمبر 24, 2008 12:02 am ]
عنوان المشاركة:	مـــا الذي ينقص ؟ .......................الحلقــة الأولـــى
اقتباس: / مــا الذي ينقـــــص جــــامعتنـا كي تتطور ؟؟ بينقصا انو كل دكتور يحط حالو محل الطالب ويشوف إعطاؤو.. بينقصا مناهج تراعي انتقال الطالب من مرحلة الثانوية إلى المرحلة الجامعية .. لك بينقصا مناهج ... بالمعنى العام للكلمة .. اقتباس: متـــى يصبـــح خريجي جامعتنـــا فهمانين بإختصــاصاتهم مثــل باقي البشر ؟؟؟ عندما يتخلص إعطاء المحاضرة والنوطات والكتابة على اللوح من براثن @ هات ايدك ولحقني@ منوصل للامتحانات ولسا مانا عرفانين شو بدنا ندرس اقتباس: هل خريجي جامعة البعث أكفــاء ؟؟ ما فينا نعمم بس في ناس بتتخرج وما بتستاهل .. الحق عليها .. الحق على غيرها .. ما بعرف .. بس هالحكي من شوفة أساتذتي بالثانوي

الكاتب:	بانة [ الأربعاء ديسمبر 24, 2008 1:26 am ]
عنوان المشاركة:	مـــا الذي ينقص ؟ .......................الحلقــة الأولـــى
ما تقول شو ناقصنا قول شو اللي ما ناقصنا يمكن أسهل وبياخد حكي أقل يا سيدي العزيز اللي ناقصنا كتير كتب متطورة فيها كل ماهو جديد يمكن الإستفادة منه ومن معلوماته بالوقت الحالي , مو كتاب عم بدرسه هلق ودرسه البابا نفسه من شي تلاتين سنة بدون ما تتغير كلمة وحدة , لا تحذف ولا تعدّل ولاشي .. . واللي ناقصنا كمان بهالكتب التدقيق والتنقيح والاهتمام شوي فيها , وإذا بدهم ياخدوا مقاطع من كتب أجنبية يترجموها منيح عالأقل منشان نفهم الفكرة صح .. واللي ناقصنا كمان أشخاص تعرف تشرح ما وجد بالكتب , مو بس قراءة , يعني إذا الموضوع عالقراءة بس فنحن والحمد لله معنا شهادة إبتدائي ومنعرف نقرأ . واللي ناقصنا كمان التطبيق العملي , يعني والله حاجتنا نظري نظري نظري , مابدي ألقي كل اللوم على المحيطين فينا لأنه كمان اللي ناقصنا بكتير أوقات بكون بسببنا .. [quote] متـــى يصبـــح خريجي جامعتنـــا فهمانين بإختصــاصاتهم مثــل باقي البشر ؟؟؟ [/quote] بعد التخرج بكم سنة إن شاء الله msd, هيك بتفتقلنا جروحاتنا , روح الله يسامحك [/font]

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/