آرتين لتعليم اللغات :: سؤال مشان مصدقة التخرج؟

آرتين لتعليم اللغات https://forum.art-en.com/

سؤال مشان مصدقة التخرج؟ https://forum.art-en.com/viewtopic.php?t=13880	صفحة 1 من 2

الكاتب:	رشــ عطرــة [ الجمعة ديسمبر 12, 2008 5:59 pm ]
عنوان المشاركة:	سؤال مشان مصدقة التخرج؟
بسم الله والصلاة والسلام على رسول الله .. وبعد كيفكم والله يعطيكم العافية على انكم طلعتوا بهالموضوع بس بدي اسال لو حدا بيعرف شو الاوراق لازم مشان مصدقة التخرج غير ورقة التبرع بالدم يعني مشان ما يكون مشواري وطلعتي على حومص عالفاضي وتتعطل لانو بدي اجي حومص الاحد او الاتنين مشان مشي اوراقها حدا عندو فكره؟؟؟؟ ومشكورين سلف

الكاتب:	Ruaa [ الجمعة ديسمبر 12, 2008 8:16 pm ]
عنوان المشاركة:	سؤال مشان مصدقة التخرج؟
أول شي مبروك التخرج الاوراق المطلوبة صورة عن الهوية عليها طابع مالي(10ل.س) براءة ذمة توقع من شؤون الطلاب في الادارة المركزية طلب مصدقة تخرج عليه طابع مالي (10ل.س) وطابع هلال احمر ويسجل في ديوان الكلية

الكاتب:	رشــ عطرــة [ السبت ديسمبر 13, 2008 5:16 pm ]
عنوان المشاركة:	سؤال مشان مصدقة التخرج؟
Ruaa يسلملي المذوء كللك ذوء يعني كل الاوراق من الكلية مافي شي من برا مشكوره يا عمري

الكاتب:	Ruaa [ الأحد ديسمبر 14, 2008 12:59 am ]
عنوان المشاركة:	سؤال مشان مصدقة التخرج؟
اقتباس: يسلملي المذوء كللك ذوء ولو ميييييييية هلا اقتباس: يعني كل الاوراق من الكلية مافي شي من برا ايه كلون من الكلية وانشالله ما تتعذبي فيون(طبعا بالنسبة للموظفين )

الكاتب:	غمرة دفا [ الأحد ديسمبر 14, 2008 10:07 pm ]
عنوان المشاركة:	سؤال مشان مصدقة التخرج؟
أنا اليوم عملت كل الأوراق المطلوبة و الموظفين مشكورين كانوا كتير رايقين و عن جد ساعدونا و هي القصة كلها شغلت ساعة ونص إن كتّرت و مبروك التخرج للكل و عن جد اشتقنا ل حومص

الكاتب:	عـلاء [ الأحد ديسمبر 14, 2008 10:36 pm ]
عنوان المشاركة:	سؤال مشان مصدقة التخرج؟
اقتباس: صورة عن الهوية عليها طابع مالي(10ل.س) براءة ذمة توقع من شؤون الطلاب في الادارة المركزية طلب مصدقة تخرج عليه طابع مالي (10ل.س) وطابع هلال احمر ويسجل في ديوان الكلية طبعا لا حدا ينسى وصل التبرع بالدم ،،،، أو وثيقة الاعفاء حيث يجب توقيعها من شؤون الطلاب في الإدارة المركزية الواقعة خلف شعبة الحزب لفرع الجامعة ... ولا ينسوا الشباب براءة ذمة من مكتب إدارة التدريب الجامعي الواقع في الطابق الأخير في كلية الآداب طبعا بعد ما ينتهي الطالب من هذه الأوراق والتواقيع المهمة يرجع إلى مكتب المصدقات ويسلم الأوراق ،، ويقولوا أنو بدها من أسبوع لأسبوعين حتى يرجع الطالب لأخذ وثيقة التخرج .... والتسليم لصاحب العلاقة حصرا .... ومبروك لكل المتخرجين

الكاتب:	Hidding Rose [ الاثنين ديسمبر 15, 2008 1:55 am ]
عنوان المشاركة:	سؤال مشان مصدقة التخرج؟
يسلم ايديكن ع مساعدتكن ........ بس هي المصدقة هلأ للدروة الاساسية و الا التكميلية و الا التنتين سوا ...؟ الله يعطيكن العافية

الكاتب:	عـلاء [ الاثنين ديسمبر 15, 2008 3:49 am ]
عنوان المشاركة:	سؤال مشان مصدقة التخرج؟
اقتباس: هي المصدقة هلأ للدروة الاساسية و الا التكميلية و الا التنتين سوا ...؟ للاتنين سوا .... و هذه المعاملة يقوم بها بها صاحب العلاقة ،، أو من ينوب عنه بوكالة رسمية ... الله يعافيكي

الكاتب:	رشــ عطرــة [ الاثنين ديسمبر 15, 2008 9:55 pm ]
عنوان المشاركة:	سؤال مشان مصدقة التخرج؟
اليوم انا مشيت اوراق المصدقة الحمدلله والله يوفق الجميع

الكاتب:	Hidding Rose [ الثلاثاء ديسمبر 23, 2008 11:04 pm ]
عنوان المشاركة:	سؤال مشان مصدقة التخرج؟
ســــــــــــــــــــــؤال ... لايمتى في فرصة للمصدقة .... يعني ايمتى اخر يوم ممكن الواحد يمشي فيها الأوراق ؟؟؟ ازا بقيت لاخر السنة في مشكلة ,, وفي مشكلة ازا الواحد بدو يقدم اول السنة عالماجستير ؟؟؟ لو سمحتو بدي الرد بسرعة من شان اعرف شو اعمل ؟؟ شكرا للجميع و لجهودكن

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/