آرتين لتعليم اللغات :: هل تحلــم بالسفر ؟؟

آرتين لتعليم اللغات https://forum.art-en.com/

هل تحلــم بالسفر ؟؟ https://forum.art-en.com/viewtopic.php?t=13879	صفحة 1 من 2

الكاتب:	msd [ الجمعة ديسمبر 12, 2008 4:11 pm ]
عنوان المشاركة:	هل تحلــم بالسفر ؟؟
زملائي : هناك موضوع يحيرني ... أينما أذهب والكل يتحدث عن أنه سيسافر بعد التخرج ؟؟ ... الجميع يخطط للسفر .. أليس الأجدر أن نفكر بعمل ما هنــا في بلدنا الغالي سوريا . أنا لا أريد السفر ماذا عنكم ؟... أرجو أن تصوتوا الموضوع يهمني

الكاتب:	msd [ الجمعة ديسمبر 12, 2008 5:11 pm ]
عنوان المشاركة:	هل تحلــم بالسفر ؟؟
يعني بإختصــار مجرد سؤال ليش السفر ؟؟ ما الذي تتوقع أن تراه في الخارج ولا تستطيع أن تفعله هنا ؟؟؟؟

الكاتب:	الملاك [ الأربعاء ديسمبر 17, 2008 7:50 pm ]
عنوان المشاركة:	هل تحلــم بالسفر ؟؟
msd, كيف رح تفهم بالتصويت وجهة نظر الآخرين؟ لقلك يعني أنا ما بدي سافر وحابة ابقا هو...بس أنا بأغلب حالات الشباب مع السفر فشو بدي صوت أنت حسبا لوحدك..وقت شب معو شهادة كمبيوتر مثلاً وبيتوظف بالمصفاية أو بالمشآت الزراعية وبياخد 6 آلاف بالشهر أول سنتين...وبعدا بيوصل راتبو للعشرة والـ15 ما أحسنلو يسافر ويتوظف بوظيفة متخصصة تماماً وبالضبط وبالتحديد بمجال دراستو وياخد 30 ألف من أول شهر وخلال هالسنتين يرجع يخطب ويتزوج؟ هاي أبسط فكرة وبدك تحسب كمان...ناس عندا أمل بالرفاهيات..وناس بتهرب من العسكرية يعني تتعدد الأسباب والموت واحد

الكاتب:	ابراهيم محمد [ الأربعاء ديسمبر 17, 2008 8:25 pm ]
عنوان المشاركة:	هل تحلــم بالسفر ؟؟
أول شي من ناحيتي أنا السفر هو من أولوياتي بعد التخرج حتى أنا من هلأ عمجهز حالي مشان السفر لأنو أنا مو من النوع اللي مقرر انو يدرس بعد التخرج بأي جهة كانت ومهما كان الراتب أنا طموحي انو أبدع بالمجال اللي أنا حبيتو مو المجال اللي أنا بدرسو هلأ وانشا الله خير يا رب اقتباس: أنت حسبا لوحدك..وقت شب معو شهادة كمبيوتر مثلاً وبيتوظف بالمصفاية أو بالمشآت الزراعية وبياخد 6 آلاف بالشهر أول سنتين...وبعدا بيوصل راتبو للعشرة والـ15 ما أحسنلو يسافر ويتوظف بوظيفة متخصصة تماماً وبالضبط وبالتحديد بمجال دراستو وياخد 30 ألف من أول شهر وخلال هالسنتين يرجع يخطب ويتزوج؟ تماماً يعني الملاك أعطتك الجواب الشافي اللي أغلب الشباب بدون يعملوه msd, شكراً

الكاتب:	العقل زينة [ الأربعاء ديسمبر 17, 2008 8:36 pm ]
عنوان المشاركة:	هل تحلــم بالسفر ؟؟
عزيزي msd انا برأيي السفر شغلة كتيير منيحة ولازم الواحد يفكر بالسفر وأنا كتيير بفكر بالسفر وعم اعمل خطوات تساعدني عالسغر متل اللغة وغيرا انا مارح اتطرق للفكرة المادية لأنو الفكرة المادية هيي سبب بس فيي أسباب أكتر بكتيير من وجهة نظري يعني انا بفكر بالهجرة اكتر لأنو الواحد برا مسمحلو يفكر مسمحلو يطور حالو هون السيطرة شي مرعب وحتى الأهل ممنوع تكون مستقل ممنوع تكون صاحب قرار يغاير غيرك انا مابدي قضي عمري اركد ورا شغل انا بدي عيش حياتي احضر سنما مسرح شوف العالم هون أبدا" مافي من فترة كنت عم بحكي مع سائحة سويسرية سألتني عن مدينة ديار بكر قلتلها مو زايرها استغربت كتيير قلتها انو هون مافي وقت ومافي مجالات وأسؤ شي أنو بلامردود أبدا" على كلن عذرا" للإطالة وشكرا" كتير موضوع رائع بنهي بكلمة الفقر بالوطن غربة والغنى بالغربة وطن شكرا" ألك

الكاتب:	عااشق الغروب [ الثلاثاء يناير 13, 2009 5:37 pm ]
عنوان المشاركة:	هل تحلــم بالسفر ؟؟
احلا شي بها لحياة السفر وانشا الله باخر هي السنة رح كون سافرت وانا اكيد مع السفر لانو مافي شي بسوريا بيشدنا انو نضل فيها وما نسافر يعني بكرا بالايام منتخرج ومنتوظف ومناخد راتب بيطير من اول يوم بالشهر اي مشان شو بدنا نضل بهالبلد

الكاتب:	hnouda [ الثلاثاء فبراير 24, 2009 7:05 pm ]
عنوان المشاركة:	هل تحلــم بالسفر ؟؟
مرحبا انا مع السفر الى الخارج لبعض الوقت لان للسفر فوائد جمة ولكن في النهاية لابد من العودة الى الوطن الحبيب للاستقرار وقضاء الباقي من العمر وسط الناس الذين نحبهم

الكاتب:	Celina [ الخميس فبراير 26, 2009 9:39 pm ]
عنوان المشاركة:	هل تحلــم بالسفر ؟؟
عااشق الغروب, اقتباس: وانا اكيد مع السفر لانو مافي شي بسوريا بيشدنا انو نضل فيها وما نسافر اقتباس: اي مشان شو بدنا نضل بهالبلد أنا مو ضد السفر بس ضد هالحكي هي البلد بلدنا يللي خلقنا فيها وتعلمنا منها وفيها أهلنا وأحبابنا يعني مو معقول بالأخير نرمي حجارة بالبئر اللي شربنا منو وعفكرة الغربة مو سهلة بنوب(بتمنى توضحلي وجهة نظرك أكتر)

الكاتب:	Nastia [ الجمعة مارس 13, 2009 10:39 pm ]
عنوان المشاركة:	هل تحلــم بالسفر ؟؟
أنا مو ضد السفر، بالعكس بتمنى سافر وشوف الدنيا... وإذا لاقيت شغل محترم بشي دولة ليش لأ بكون أحسن، والغربة صعبة أكيد بس ما في شي ما الو ضريبة وبالنسبة لفائدة البلد ، البلد عم يستفيد من أموال المهاجرين (ضريبة الاغتراب وغيرا) يعني مارح ينقصو شي

الكاتب:	kma [ السبت مارس 14, 2009 5:38 am ]
عنوان المشاركة:	هل تحلــم بالسفر ؟؟
والله لازم يكون السؤال لوين بدك تسافر بعد التخرج؟ وبصراحه شهادة أي بنت بهالموضوع مجروحه (الا اذا نظرة الى الموضوع كشب) يعني لو قايل الموضوع للشباب فقط كنت لقيت النسبه 90 بالمية نعم... يعني معلش بدي فش قهري متل ما بقولو أنا شب بدي أتخرج وما بدي أتكل على أهلي (في عالم الأهل بدهم يتكلو عالأبن) والله يعين الجميع كل مين بمشكلتو المهم...اذا انفتحت بواب السما بوجهي رح يوظفوني باعتبار لغو الألتزام بالنسبه للمهندسين وان وظفوني فرح يعطوني 10 آلاف فسؤال وين بدي أتبحتر فيهم هدول أجرة تكاسي روحة رجعة عالوظيفه (اذا كفو) أجرة بيت (اذا لقيت بيت منطقي ضمن هالسعر) (أرفعهم مشان أتزوج فيهم بعد 5 سنين للم بس حق المهر وأجرة ليلة العرس فقط) أخي بلا بدي أتكل عأهلي هنن رح يزوجوني ويأمنولي بيت وسياره وقالولي هي مليون نظّم أمورك فيها ...فأنا مبدئيا رح استأجر صيدلية زراعيه وسلمها لواحد وأشتغل بمحل تاني مشان لحق يمكن مدخول الصيدله ما بكفي أجرة الصيدليه وأجرة يلي قاعد فيهاوحق كهربتها (لأنها تجاريه!!) والله سفره سنتين عألمانيا وآخد ماجستير وأشتغل هونيك أحسن بألف مره... ولا تفكر أنو هي أحلام أو أوهام أنا عندي 3 أخوات مهندس ودكتور وصيدلي 2 لحقو سافرو والتالت عم يدرس لغه مشان يسافر قسما بالله يمكن عندي قرايبين بالغربه أكتر من يلي هون

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/