| آرتين لتعليم اللغات https://forum.art-en.com/ |
|
| لونو كوفية الثورة !!! فماذا بعد ؟؟؟ https://forum.art-en.com/viewtopic.php?t=13747 |
صفحة 1 من 6 |
| الكاتب: | عامر الرشواني [ السبت ديسمبر 06, 2008 2:07 am ] |
| عنوان المشاركة: | لونو كوفية الثورة !!! فماذا بعد ؟؟؟ |
من قبل أيام الثورة الفلسطينية كانت الكوفية " البيضاء و السوداء " رمزاً من رموز الرجولة لدى العرب ..
و أتت الثورة الفلسطينية بقيادة الزعيم الراحل " ياسر عرفات " لتكرس هذه الكوفية كرمز للثورة الفلسطينية و للتطلع نحو التحرر في العالم العربي .. حيث أن الثوار في ذاك الوقت استخدمو هذه الكوفية لإخفاء وجوههم أثناء القيام بالعمليات الجهادية ضد المحتل .. و لكن هذا الكوفية تطورت لتزدان بكافة ألوان قوس قزح , وتزين أكتاف الشباب و أرداف البنات المتابعين للموضة في شوارعنا .. الأمر الذي أثار استياء جيل تربى على قدسية هذا الرمز .. بالأحمر و الزهري و الأصفر و الأخضر و البنفسجي لونوها !!! فماذا بعد ؟؟؟ و ما رأيك ؟؟؟ |
|
| الكاتب: | kma [ السبت ديسمبر 06, 2008 5:15 am ] |
| عنوان المشاركة: | لونو كوفية الثورة !!! فماذا بعد ؟؟؟ |
والله يا أخي الواحد ما عاد يستغرب شي بهالدنيا ...وما تستغرب اذا ما نحط ردود كتير....لأنو..... عمبدأ أنو والله حيرتونا هي كمان فيها إنّ..... بس يلي مآلمني أنو من جهة بتسمع أمتعاض الفلسطينين والعرب ومن نهارين كنت عم شوف بالجزيره أنو في عالم بفلسطين ممشين هالموضه وعم يلبسوها العرب مع الإسرائيليين!!!! عامر الرشواني, 
|
|
| الكاتب: | سنا [ السبت ديسمبر 06, 2008 10:14 am ] |
| عنوان المشاركة: | لونو كوفية الثورة !!! فماذا بعد ؟؟؟ |
عامر الرشواني, يوم الامسية كان هاد موضوع نقاشي مع رندة ... فينا نظر للموضوع من وجهتين .. يعني سألت أصدقائي هل وضع الكوفية نابع من مبدأ؟ شعور قومي؟؟ أم نابع من سعي وراء الموضة ؟؟ منهم من قال : نحنا البنات ماكان فينا نحط الكوفية بسب المجتمع المحيط بس هلأ بعد ما لونوها صار فينا نحطها عأساس نوع من الزينة بس بصراحة حاطينها تيمننا باتلقضية الفلسطينية.. ومنهم من قال : ظريفة وهلأ ضاربة صرعة قوية وأنا بحب كلشي جديد وصرعة مشان هيك عم البسها .. بحب ضيف من عندي انو ياريت لو هالكم الهائل اللي عم يلبس الكوفية يكون عنجد مدرك لقضيتنا .. شكرا عامر.. 
|
|
| الكاتب: | TAKOOooOO [ السبت ديسمبر 06, 2008 2:18 pm ] |
| عنوان المشاركة: | لونو كوفية الثورة !!! فماذا بعد ؟؟؟ |
والله صرت أخجل أحطها من بعد ما تفاجئت السنة انو كل الناس حاطينها للموضة بس هلا بسطتني سنا شوي بعد ما قرات انو في بعض الناس لئوها فرصة للتعبير عن الانتماء للقضية .والله شيء بحط العئل بلكف ويلي خلاني أحزن أكتر واكتر انو بعض الشباب والصبايا كانو قاعدين عم يتمصخرو علقضية وهنن حاطين الكوفية على أساس خفة دم بئا شو بدنا نساوي مشان الله بجد شكر كبير الك عامر على هل اللفتة الحلوة بس ياريت كل الناس يقراوها بلكي يضلو يحطوها ما مشكلة بس انتماء ما موضة 
|
|
| الكاتب: | Waleed [ السبت ديسمبر 06, 2008 6:32 pm ] |
| عنوان المشاركة: | لونو كوفية الثورة !!! فماذا بعد ؟؟؟ |
حياكم الله اخوتي,,,والشكر لمقدم الموضوع
بداية,, لا شك بأن الكوفية ( باللون الاسوج والابيض) هي الاصل والاساس, والتي ارتداها رمز فلسطين وقائدها الرئيس الراحل "ياسر عرفات", ومما لا شك فيه بأن هذه الكوفية ارتداها الثوار الفلسطينيين في جميع معارك منظمة التحرير الفلسطينية والتي تمثل الثائر الفلسطيني في وجه اليهود. أما وبعد قرائتي للموضوع اعلاه, فقد فوجئت حقا, بأن هنالك شبابا يلبسون هذا الرمز الكبير ك " موضة" والله اكبر عيب لانه مش هيك نعامل شي يعتبر جزء من تراثنا ونحن في فلسطين وتحديدا في قطاع غزة ( منبع الثورة) نتشرف بلبس الكوفية الفلسطينية, ونحن كأبناء وكوادر "حركة فـتــح" حركة الياسر ابو عمار لانها تعبر عن ماضينا وحاضرنا ومستقبلنا.. فالكوفية لدى ابناء حركة فتح هي رمز الوطنية والشهامة والكفاح,,, فلا يكاد يمر يوم علينا الا والكوفية تعانق صور الرئيس ابو عمار, والرئيس ابو مازن,, ولا يكاد تمر ذكرى عطرة وطنية الا وتكون الكوفية حاضرة وعنوان لهذه الذكرى وكل هذه الذكريات الوطنية من صنع صاحب الكوفية الياسر ابا عمار رحمه الله وهذه بعض الصور الفلسطينية والفتحاوية,, والتي تعبر عن الالتزام بالكوفية كرمز للوطنية والانتماء للامة العربية والاسلامية العريقة... صورة الرئيس الرمز ياسر عرفات مرتديا الكوفية والتي تعد جزءا اصيلا من حياته: [url="http://up1.m5zn.com"]  [/url] صورة اخرى للرمز القائد ابا عماااااار : [url="http://up1.m5zn.com"]  [/url] صورة فخامة الرئيس محمود عباس ابو مازن مرتديا الكوفية : [url="http://up1.m5zn.com"]  [/url]صورة قاده ورموز الامة,, ياسر عرفات وصدام حسين... [url="http://up1.m5zn.com"]  [/url] صورة احدى حرائر وخنساوات فلسطين والفتح في ذكرى الرئيس ابو عمار بغزة: [url="http://up1.m5zn.com"]  [/url] وصورة للمقاومين الفتحاويين, اثناء الاشتباك مع قوات الاحتلال الاسرائيلي: [url="http://up1.m5zn.com"]  [/url] واخيرا اختتم بصورة خريطة فلسطين,, على شكل الكوفية...  [url="http://up1.m5zn.com"]  [/url] وكل عام وانتم بخير بمناسبة عيد الاضحى المبارك وليد... |
|
| الكاتب: | Hiba.Sh [ السبت ديسمبر 06, 2008 7:40 pm ] |
| عنوان المشاركة: | لونو كوفية الثورة !!! فماذا بعد ؟؟؟ |
عامر الرشواني, حبيت ثبتو للموضوع عنجد يا عامر إنت حكيت يلي بقلبي من فترة.. الكوفيه وين ما شفتها بالعالم ما بيخطر على بالي غير شغله وحده إنها رمز لفلسطين ولأبو عمار الله يرحمو.. غير هيك لأ شو ما كان لونها.. الغريب وقت الي كنا نلبسها كانو كتير ينتقدونا شو هالهبل هادا.. لكن هلأ صارو المطربين والمذيعات يلبسوها بس أكيد مو تضامن مع فلسطين لأ وحاليا عالم كتير صارت تلبسها بس كرمال مطرب أو فنان أو مذيعه متل الي بنشوفهم.. بعدين الكوفيه رمز لفلسطين وإحنا هالرمز بنفتخر فيه كتير وبصراحه ما بشرفني إنو ينقلب موضه لعالم ما بتقدر معنى حقيقي لقضيتنا الفلسطينيه.. و مو حلو إنو نلبس شغله كرمال فلان وعلان و هما ما بيستحقو هالشي.. والي بيلبسها بيلبسها لإنو عندو احساس إنو حامل شي للقضية الفلسطينيه .. و هو الي بيستحق إنو يلبسها غير هيك لأ.. والله موضوعك ذكرني بقصه صارت معي كنت بالمدرسه بالامارات ولبستها وكتير كانو يعيبو عليا ويقولولي شو فو هاي شو لابسه مع إنو لبستها بوقت الإنتفاضه وكانت المدرسه عامله احتفال لهالشي.. الكوفيه وين ما راحت يا بتعبر عنا يا لأ.. مع احترامي للجميع.. شكرا كتير يا عامر وانا برأيي إلي بيلبسها موضه هدول تعون قوم تبع.. عامر الرشواني,
|
|
| الكاتب: | العقل زينة [ السبت ديسمبر 06, 2008 8:58 pm ] |
| عنوان المشاركة: | لونو كوفية الثورة !!! فماذا بعد ؟؟؟ |
والله ياعامر صايركلشي اليوم موضة لامبادئ ولا رموز موضة وبس الثورجية صارت موضة ومتل ماحكيت يعني استغربت الألوان اصفر وموف وأحمر شي بيبكي شكرا" لألك لاثارة هالموضوع المهم وانا مع تثبيت الموضوع |
|
| الكاتب: | nadeem [ السبت ديسمبر 06, 2008 9:13 pm ] |
| عنوان المشاركة: | لونو كوفية الثورة !!! فماذا بعد ؟؟؟ |
شكرا كتيير عامر على هالموضوع الحلو لانو فعلا صار الشغلة موضة لامسألة قضية ولا من يحزنون وانا برأي انو عم يحاولوا تضييع رمز القضية الأساسي بتلوينوا مرة احمر ومرة اخضر وموف والله يستر شو رح يصير بعدين
|
|
| الكاتب: | Wissam [ السبت ديسمبر 06, 2008 9:14 pm ] |
| عنوان المشاركة: | لونو كوفية الثورة !!! فماذا بعد ؟؟؟ |
عامر الرشواني, حبيب قلبي مشكور عالموضوع يعني عنجد حطيت إيدك عالجرح تمام لك شو بدي يحكي الواحد أحسن شي لا حول ولا قوة إلا بالله يعطيك العافية
|
|
| الكاتب: | عامر الرشواني [ الأحد ديسمبر 07, 2008 2:02 am ] |
| عنوان المشاركة: | لونو كوفية الثورة !!! فماذا بعد ؟؟؟ |
kma,
سنا, TAKOOooOO, Waleed, Hiba.Sh, العقل زينة, nadeem, Wissamo, أرائكم على العين و الراس ... ما هخليتو مجال للإضافة ... مشكورين |
|
| صفحة 1 من 6 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|