آرتين لتعليم اللغات :: مشكلة حيرت حياتي... الرجاء إقتراحات !!

basel,
طول بالك .. موضوع عادي .. كلنا عم نعيش هالشي ..طلابي أغلبون لما استلمتون كانوا هيك .. بدك تبدا شوي شوي ..
بالنسبة الي لقلك كيف ببدا ..
بكتبلون الأحرف .. وكل أول درس دايما عندي املاء أو مذاكرة ... يعني كل درس بسمعلون شي 8 أحرف ..
بس الطريقة الأفضل والأروع انك تخليون يكتبو بايدون وهيك بيحفظوا الأحرف بدون تعب وبلا ما يحسوا .. يعني ما تكتب شي بايدك .. نقلون الكلمات حرف حرف .. بس بدو يكون بالك طويل وتتحمل ...
ومعون معون بصير بحبوا يكتبوا دايما ..
يعني صدقني مابكتب حرف لطلابي غير القاعدة والباقي كلو بايدون التمارين والحل لأن أنا ماني عم حسن خطي لضل اكتبلون .. هنن بيكتبوا بايدون وهيك المعلومات بتركز أكتر ..

الكاتب:	basel [ الأحد نوفمبر 16, 2008 10:26 am ]
عنوان المشاركة:	مشكلة حيرت حياتي... الرجاء إقتراحات !!
السلام عليكم انا صراحة عم درس طالب و طالبة إنكليزي واحد صف سادس و البنت صف تامن المشكلة إنو مالهم علاقة بش إسمو إنكليزي و الحمدلله المنهاج بيشل و الأساتذة يلي عم يعطوهم خالصين مالهم علاقة بالياقة المهم مشكلتي إني عم حاول قوي لغتم بس ما عم يطلع بإيدي فياريت تحطو شوية إقتراحات عشان تساعدني بتدريس الطلاب انا يلي بدي ياه إنو يصيرو يفهمو يلي عم يقرو و لأخذ العلم مستواهم مو زيرو 99999- كلمة father Or Mother ما بيعرفوها خالصين بالمرة فساعدوني لأنو والله طئ مخي

الكاتب:	راعي الغزال [ الأحد نوفمبر 16, 2008 11:11 am ]
عنوان المشاركة:	مشكلة حيرت حياتي... الرجاء إقتراحات !!
الله يعينك نفس الوضع صار معي لما كنت مدرس كان في كذا واحد اول شهرين بالمدرسة حاولت كتير شي بالفهم شي بالضرب بس عبث آخر شي سلمت امري لله بس لاتنصدم هاذا واقع اغلب مدارسنا لسوء الحظ وشكرا

الكاتب:	سنا [ الأحد نوفمبر 16, 2008 11:54 am ]
عنوان المشاركة:	مشكلة حيرت حياتي... الرجاء إقتراحات !!
basel, طول بالك .. موضوع عادي .. كلنا عم نعيش هالشي ..طلابي أغلبون لما استلمتون كانوا هيك .. بدك تبدا شوي شوي .. بالنسبة الي لقلك كيف ببدا .. بكتبلون الأحرف .. وكل أول درس دايما عندي املاء أو مذاكرة ... يعني كل درس بسمعلون شي 8 أحرف .. بس الطريقة الأفضل والأروع انك تخليون يكتبو بايدون وهيك بيحفظوا الأحرف بدون تعب وبلا ما يحسوا .. يعني ما تكتب شي بايدك .. نقلون الكلمات حرف حرف .. بس بدو يكون بالك طويل وتتحمل ... ومعون معون بصير بحبوا يكتبوا دايما .. يعني صدقني مابكتب حرف لطلابي غير القاعدة والباقي كلو بايدون التمارين والحل لأن أنا ماني عم حسن خطي لضل اكتبلون .. هنن بيكتبوا بايدون وهيك المعلومات بتركز أكتر ..

الكاتب:	basel [ الأحد نوفمبر 16, 2008 3:15 pm ]
عنوان المشاركة:	مشكلة حيرت حياتي... الرجاء إقتراحات !!
اقتباس: basel, طول بالك .. موضوع عادي .. كلنا عم نعيش هالشي ..طلابي أغلبون لما استلمتون كانوا هيك .. بدك تبدا شوي شوي .. بالنسبة الي لقلك كيف ببدا .. بكتبلون الأحرف .. وكل أول درس دايما عندي املاء أو مذاكرة ... يعني كل درس بسمعلون شي 8 أحرف .. بس الطريقة الأفضل والأروع انك تخليون يكتبو بايدون وهيك بيحفظوا الأحرف بدون تعب وبلا ما يحسوا .. يعني ما تكتب شي بايدك .. نقلون الكلمات حرف حرف .. بس بدو يكون بالك طويل وتتحمل ... ومعون معون بصير بحبوا يكتبوا دايما .. يعني صدقني مابكتب حرف لطلابي غير القاعدة والباقي كلو بايدون التمارين والحل لأن أنا ماني عم حسن خطي لضل اكتبلون .. هنن بيكتبوا بايدون وهيك المعلومات بتركز أكتر .. والله كلامك ممتاز و لح طبئو حرف حرف يعني مالي غير جرب هيك لأنو والله حرام المنهاج كلمالو عم يصعب و هنن مالهم علاقة بالبطاطا لازم يتعلمو شي أحسن ما يضلو هيك ضايعين مشكورين على الإقتراحات

الكاتب:	باسل العمروش [ الأحد نوفمبر 16, 2008 8:18 pm ]
عنوان المشاركة:	مشكلة حيرت حياتي... الرجاء إقتراحات !!
متل ما قالتلك سنا.. و بعدها بتبلش معن بأهم الاساسيات متل الضمائر و بعدها الجمل البسيطة.. ادوات الإشارة.. و في عندك مواقع انترنت كتيرة فيها ملفات للأساتذة متلي و متلك و انا شخصيا استفدت منها موفق

آرتين لتعليم اللغات https://forum.art-en.com/

مشكلة حيرت حياتي... الرجاء إقتراحات !! https://forum.art-en.com/viewtopic.php?t=13323	صفحة 1 من 1

الكاتب:	الملاك [ الجمعة نوفمبر 21, 2008 5:22 am ]
عنوان المشاركة:	مشكلة حيرت حياتي... الرجاء إقتراحات !!
basel, والله أنا ما بنصح بأي ملفات أو شي من النت لأنو مضيعة للوقت حتى كتابن تبع المنهاج مالو وقت دوبك تأسسن البنت لسا مانا شهادة...أساسا هالسنة..والسنة الجاية بتتعرف حضرتا على شي اسمو منهاج خليك هلأ بالأحرف...حاول أربع خمس دروس تعطين الأحرف وخلين يا سيدي يميزو النص أهم شي تحببن ببعض الأحرف...مثلاً هلأ رح أعطيكن أهم حرف بالوجود..,أكتر حرف أنا بحبو ألا وهو حرف b هني هون بينصدمو أنو ليش يعني...بقا بتقلن لأنو أول حرف من اسمي وأنت شو أول حرف من اسمك...وهيك ولاحظ أنو كلن بكونو بيعرفو I Love You والذكا هون كل ما مر معك حرف V بتقلن هادا يلي بكلمة love وهكذا وبنفساستراتيجية تعلم الأحرف علمن الكلمات ...بس أنت ما رح تعلمن كلمات رح تعطيت ضمائر ولحتى يفهموا الضمائر ضلك ضروب نفس الأمثلو فبيحفظو كلمات الأمثلة اشرحلن القواعد بالعربي...وبالنسبة للبنت فيك تدمجلا هني مع الفرنسي (رح قلك كيف بمثال:) أنت مثلاً قلن نحنا العرب منقول : أسامة أستاذ بس الانجليز والفرنسيين...بقولو :اسامة يكون أستاذ وهو بتشرحلن فعل الكون بعدين بتقلن نحنا عنا 3 أزمنة...حاضر وماضي ومستقبل...وهني مقسمين كل زمن لأربع أقسام بسيط وتام ومستمر...وتام مستمر هلأ بالانجليزي ما بكفي قول ( أنا أشرب) للحاضر أنا أشرب...وللحاضر البسيط أنا عم أشرب...وإذا في (عم) معناها في ing يعني باسل رح تضطر تشرح بالعربي لبين ما تفوت المعلومات على راسن ولا تطبق لا كلام وزارة ولا تعليم ولا منهج ولا أسلوب ولا بطيخ قال الشرح بالانجليزي قال الولد عم ينفر ويحس حالو هو الغلط وهو اللي ما بيفهم...وبفكر العطل من عقلو وبالتالي الانجليزي ما بينطاق وكل ما شرحتلن معلومة وسألتن سؤال زغنوط...حتى لو جوبو على ربعو أنت انصعق وانصدم واتفاجئ بمستوى ذكائن واستيعابن..وقلن نت أذكى طالب بمر عليي ماشاء شو استيعابك سريع هيك بتنمي جواتن حب ورغبة....وبتحفزن أكتر ولا تعصب

الكاتب:	عبدالله [ الجمعة نوفمبر 21, 2008 8:22 am ]
عنوان المشاركة:	مشكلة حيرت حياتي... الرجاء إقتراحات !!
basel, ههههههههه فعلاً مشكلة الله يعينك يلا بدك تطول بالك . تقبل مروري

الكاتب:	Safa alaasi [ الجمعة نوفمبر 21, 2008 11:34 am ]
عنوان المشاركة:	مشكلة حيرت حياتي... الرجاء إقتراحات !!
الملاك, والله شهيتيني آخد درس عندك عنجد اسلوبك معناتا كتير حلو بالتدريس و ياريت تزودينا بخبرتك دايما عنجد لانو متلا لما عطيتي متال انا عم اشرب وعم معناتا INGهاي اول مرة بعرف هاد الاسلوب بتعليم فعل الحاضر المستمر basel, انا بعتقد انو من اهم الاشياء بالتدريس هويي المتابعة الدائمة يعني انو لازم دايما تعطيهن املا عالكلمات والاحرف وبدي انصحك نصيحة انو ما كتير تحمل همن يعني انتا عليك تعطي درسك بضمير وازا ما تحسنو هاي مشكلتن مو مشكلتك بعدين دور الاهل كتير مهم يعني لازم اهلن يقعدو معن شي 5 ساعات عالاقل وخصوصا بهاي المرحلة التأسيسية بس للأسف هلئ بتلاقي كتير من الاهالي بيجيبو مدرسين خصوصيين وبيزتو الحمل عليهن ايه شو بدي احكيلك التدريس قد ما حلو قد ما صعب وبالتوفيق انشاالله

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/