السلام عليكم
بتمنالكن جميعاً التوفيق...وشكراً سلفاً للي بدو يساعدني
سؤالي يا جماعة..........وأنا عم ادرس الأدب الكلاسيكي حبيت أعرف شو هادا السؤال الهومري
ووين مر معنا
لأنو هومر هو اللي كتب الالياذة وكأنو حسيت انو بتراجيدية سوفوكليس الناس كانو عم يحلو السؤال أو اللغز الهومري
وماني متأكدة اني سمعت انو السؤال هو ..ما هو الشيئ اللي بيمشي على أربعة وبعدين على تنين وبعدين على تلاتة
معقول؟
ترى كأني سمعت هيك من الدكتور.........ولا أنا غلطانة
وسؤالي التاني.........حدا قرا الأشياء اللي منزلن يامن بمكتبة المنتدى؟؟؟؟
يا ترى بقدر اعتمد بس علين وما اقرا غيرن..........مع انو عندي النوطة اللي قال عليا يامن.........بس حسيتا صعبة وطلاسم وطويلة كتير
والسؤال التالت........إذا حدا قرا الورقات اللي منزلن الدكتور فؤاد بالكوة.........كأنو ما فين شي مهم..وصعبين كتير
ما قدرت امشي أكتر من 5 صفحات فين
رجاءً حدا يناقشني بأسألتي

بسم الله الرحمن الرحيم

أول شيئ أختي الكريمة في عندك لغط شوي بين الأشياء
أول شي الـ (Homeric Question) يتناول شخصية هوميروس: هل هو موجود؟ هل هو حقاً من كتب الإلياذة والأوديسي؟ أين ولد وأين عاش؟ هلأ الدكتور فؤاد تناول العملين (الالياذة والملك أوديب) بطريقة لم يعتد عليها الطلاب وهي الخلفية البنائية للعمل الأدبي فمع الإلياذة قام الدكتور فؤاد بطرح عدة قضايا:
1- الطريقة التي قام هوميروس بتحويل قصة شعبية (Folktale) إلى عمل ملحمي (وهنا شدد د. فؤاد على أهمية بحث "الأدب لغير المتعلمين" في كتاب الأدب المقارن)
2- الصفات التي جعلت من الإلياذة عملا ذا خصائص عالمية (وهنا شدد د. فؤاد على أهمية فقرة تتناول الأدب العالمي في البحث الأول في كتاب الأدب المقارن)
3- مع هذا كله نجد هميروس قد ناقش قضايا تتناول الطبيعة البشرية كالـ (Code of Honour) و (Duty) و(Code of Conduct) و(Heroic Attitude) و(Role of Gods) وما تزال هناك عدة قضايا ضمن النقطة الثالثة.

أما عند مناقشة الملك أوديب طرح د. فؤاد:
1- مفهوم التراجيديا (بنائها وطريقة معالجتها) وهنا شدد د. فؤاد على بحث (نوعان من التراجيديا) في كتاب الأدب المقارن
2- خصائص الشخصية التراجيدية (وهنا بالطبع يقصد شخصية أوديب) وما تعانيه من الغرور الأعمى ونكران النبوءة وما يسببه الميل للبحث عن المعرفة الذي يقود الشخصية إلى السقوط التراجيدي...
3- الطريقة المنهجية الي من خلالها قام سوفكليس بمعالجة قصة سبقه آخرون بمناقشتها: كان من المعروف أن هناك قصة لشخص ما قتل أباه وتزوج أمه ....
هذه النقطة الأخيرة يمكن تسميتها بـ (the way of causing suspence and tension) أي طريقة خلق التوتر والتشويق عند جمهور المتفرجين الذي كان على علم مسبق بالخلفية العامة للمسرحية وذلك للوصول إلى (catharsis) عبر إثارة (Pity and Fear)
هنا ناقش د. فؤاد ما اعتمد عليه سوفوكليس كالتالي:

أ- شخصية أوديب: هل أوديب فعلا مسؤول عن ما حدث؟ أم أنه بالفعل برئ وجاهل بمسببات مأساته؟ هنا يثار التناقض بعينه: فهناك من يدعي أن أوديب فعلا كان جاهلا بالنبوءة أو الأحداث التي تلت سماعها من قبل أبويه الحقيقين وما حدث عندما قتل أباه الحقيقي.... أما التناقض فهو بحل أوديب للغز (Sphinx) وهو المخلوق الذي كان يقتل كل من لا يستطيع حل ذلك اللغز. أما اللغز فهو:
ما يمشي على أربع في الصباح، وعلى إثنتين عند الظهيرة، وعلى ثلاث عند المساء. فذكاء أوديب يظهر جليا في قدرته على الإجابة وهي (الإنسان) وهذا ما يجعله في نظر البعض مذنبا بكل ما حدث

ب- شخصية النبي الأعمى تيريزياس: يعد دخول وخروج تيريزياس المسبب الأكبر للتوتر والتشويق حيث تقود حواراته مع أوديب إلى إظهار السخرية بين قدرة الأعمى على إدراك الحقيقة وفشل من يملك النظر على فهم ما يجري (Contrast between Signt and Blindness)

ج- شخصية يوكاستا: تقود يوكاستا أوديب إلى الـ(relief) وذلك عندما تناقش معه حقيقة أن النبوءات لا تجدي نفعا لمن يؤمن بها وأنها (أي النبوءات) لا تؤثصر في حياة البشر قيد أنملة. وتؤكد يوكاستا هذا الإيمان بادعاءها أنه كان ثمة نبوءة أن ابنها سيقتل أباه ويتزوجها هي وأن هذه النبوءة لم تتحقق إذ قتل لاوس على أيدي قطاع طرق...
الغرض من إثارة موضوع الإيمان بالنبوءة هي ميل الناس في زمن سوفكليس (وخاصة الحكام) إلى الإلحاد ونكران وجود الآلهة وقد شكلت المسرحية نقداً لاذعاً للمشككين في وجود الآلهة.

د- (The Irony of the Messenger) والرسول هنا هو من يقوم بالافصاح عن كامل الحقيقة - بالتعاون مع شخصية الراعي.

4- أما النقطة الرابعة التي أثارها د. فؤاد فهي الكورس. ودور الكورس معروف وقد هو لا يشكل في هذه المسرحية فرقا.


ملاحظة: أشار د. فؤاد أيضا إلى أهمية فن الترجمة في نقل الأعمال الأدبية وإثراء الخلفية الثقافية عبر الاطلاع على آداب الشعوب الأخرى (البحث الرابع "فن الترجمة" من كتاب الأدب المقارن)

وليس هذا كل شيء فقد تناول الدكتور فؤاد الشيء اكثير ولكن أغلبه لاثراء معرفة الطالب

أما بخصوص الشيء اللي نزل هون فما عندي اطلاع

إن شاء الله كون أفدت

والله خير الموفقين

hana,
شكرا ع السؤال
Prison Break,
شكرا ع الجواب

يا أخي شو أفدت
الموضوع أكبر من هيك...........أنا عنجد كتير كتير شاكرة إلك وممنونة
وشعوري الحقيقي هو الانبهار..خليني قول....بذكاءك..وما شاء الله شدة تركيزك
يمكن...وبصراحة أنا ما عندي فكرة عن العمق الموجود بالمحاضرات والطريقة اللي ركز فيا د.فؤاد عالمادة
وماشاء الله حضرتك أستفضت بالشرح والتوضيح والتفصيل بطريقة مرتبة جداً وواضحة أنا بأمس الحاجة إلا
وبتمنى منك ..إذا ما بعطلك...تضيف أي شي بتقدر عليه..لتساعدناوهون بشكرك كتير أنا ورفيقتي الملاك جنبي وهي اللي خربطتني وفهمتني السؤال الهوميري غلط

شكراً

هلأ بصراحة أنا ارتجلت وقت شرحت لأنو قاعد بمركز انترنت

د. فؤاد ما بحب البساطة يعني ما بيحب انك تحكي عن الـ(plot) أو أحداث العمل
يعني بدو نقد بنائي عن كينونة العمل الأدبي ومناقشة رسالته وبدك تديري بالك على هاي الناحية (بعدي عن "هاد عمل هيك وبعدين صار هيك") والتزمي بنقد العمل
باختصار د. فؤاد بيحب الـ(context) وأكيد عرفانه عن شو عم أحكي (ورجعي عالنقد)
والمقالة لازم تكون شي مرتب من حيث اللغة يعني شي رفع واستخدمي الجملة السهلة الممتنعة

الأفكار اللي قلتن موجودين بكل مكان وفينك تدوري عليهن واذا بدك اشتري محاضرات مكتبة وضاح (إذا بدك) أو من أي مكان

وأنا جاهز لأي شي

Prison Break,
ما شاء الله بالفعل إجابة واضحة و صريحة ولا تعليق عليها إلا بالشكر و الامتنان
مشكور مرة تانية
وبالنسبة لمواضيع يامن هنن بيساعدوكي بفهم الأعمال و النوطة اللي من يامن كتير مفيدة كتعاليق و لا تنسي أنو فيا شي عن ال Introduction و الدكتور حكا عن هيك
و بالنسبة لنوطة الدكتور فؤاد فبتلاقي بالصفحة اللي قبل الأخيرة ملخص عن العمل و كمان فيا شي عن ال epic و ما لقيت فيا شي من الباقي
و الله يوفقنا جميييع بالمادة يا رب

وأنا متطلبة جداً..............وعندي طلب صعب...وبدو شخص ذكي وشغيل متلك
بس لازم ما يكون بعطلك خاصةً انو باقي أربع أيام
بس اذا في مجال...أنو إذا كاتب أي موضوع...تنزللنا اياه هون
لأني حابة أعرف الطريقة اللي بدنا نكتب فيا...وهيك منستفيد من أفكار وأخطاء بعض
بعرف الكتابة ممكن تاخد وقت..مشان هيك ما بالضرورة تاخد الطلب بعين الاعتبار
Raghad, آمين...وتسلمي يارب يا رغد............موفقين جميعاً

أنا رح حاول قريباً نزل موضوع كتبتو...وياريت تصححولي اياه.......إذا لحقت

شو يا جماعة كيف حليتو اليوم ؟؟
أول شي ممكن تجاوبوني اليوم كان عنا كلاسيكي ولا مقارن
شو مشان انو الدكتور بدو موضوع الepic من كتاب المقارن ؟ يعني حدا منكم بيعرف شي انو اذا كتبنا الايبيك اللي نقلنا ياها الدكتور بيمشي الحال أو لاء ؟؟

أنا ما بعرف
ولا بقدرميز
أصلاً لهلأ..........وبعد الامتحان....وما قريت كل طلبات الدكتور
بتذكر بالمتحان كان في سطر صغير اطلعت فيه وبلشت كتابة
عالمبيضة فوراً.........لأنو معي ربع ساعة فقط للموضوع التاني
يلا ان شالله بتوفق فيا فصل الجاي

هلأ رغد أنا الشي المتأكدة منو انو الدكتور قال خلي الأفكار تروح عالجحيم وبهمو شغلتين.........القواعد والريفيلانس
مين هادا ريفيلانس ما بعرف.............بس إذا قواعدك منيحة
مبروك
ألف مبروك

الملاك, لك ما عرفتي مين هاد الريفيلانس ؟ هادا ابنا لأم ريفيلانس هلأ القواعد ما اختلفنا الحمدلله كلو تمام بس رفيقتي سألت الدكتور انو نكتب عن الايبيك بشكل عام قلا nooooooo بس عنجد سمعت انو كل الطلاب كاتبين نفس الشي يعني مو معقول انو كل الطلاب يرسبو بالمادة
لك أصلا" بتعرفي ايمت مرق لعنا الدكتور قبل توزيع الاوراق و بعدها ما عدنا شفنا على كل انا عملت اللي عليي و الايبيك اللي بالمحاضرة طجيتا طج و يا بتخيب يا بتخيب وحدة من هالتنتين
موفقيييييييييين انشالله