سألت كتير شباب السؤال التالي:
هل تكفي المحاضرات المطبوعة
‏(بلا حضور) وبلا كتب للنجاح؟
لكن أحدا لم يعطني الجواب الشافي شي بقلك الكتب ضياعة وقت شي بقلك بدون كتب مستحيل تنجح يعني احترت . والمشكلة أنو أنا لازم ما أحمل ولا مادة لأنو بدي أنقل عالشام إذا شاء الكريم . أرجو من أصحاب التجارب المساعدة ولكم جزيل شكري وامتناني .

عبد اللطيف,
أهلا وسهلا فيك هلأ حسب ماني شايفة حضرتك سنة أولى ... بالنسبة للحضور في طلاب كتير عندن ظروف وما بيحضروا في منن بيطالع كل موادو و بيعتمد عالمحاضرات بس بس هالشي إذا كان الطالب مستواه ممتاز .... إذا كان مستواه أقل من ممتاز فينو يدبر حالو من المحاضرات ولكن الحضور أفضل بكتيييييييييييير منو بتاخد فكرة عن المادة من كلام الدكتور ومنو بتتعلم أشياء أو أخطاء بتصير أثناء إعطاء المحاضرة و ما بتكون مكتوبة بالمحاضرات يعني هاد الشي بيرجع إلك ولظروفك و لمستواك ...
بس بكل الأحوال إذا حضرت بتقطع شوط كتير كبير عليك و بتفهم أكتر
وأي سؤال تاني الكل جاهز

Good Luck

بالنسبة للكتب في مواد تحتاج كتب ومواد بيكفي المحاضرات بس
متل الترجمة ما بدها كتاب الدكتور/ة بيعطي نص و بتترجمو وهالحكي بينزل بالمحاضرات
كمان الثقافة كنا نشتري نوطة بس هية والعربي يعني فيك تدبر نوط من المكتبات
بس باقي المواد متل نثر و قواعد وصوتيات وإنشاء وشعر لازم يكونو عندك لأنو أحيانا" بتحلو تمارين من الكتاب ممكن بالمحاضرات ما تنكتب .... وبالنسبة لكتاب الشعر رح يضل معك للسنة الرابعة يعني كل سنة رح تاخدو منو بئا اذا ما جبتو هلأ رح تجيبو بعدين

مرحبا

أنا مشكلتي متلك أخي كمان لازم رفع هالمواد مشان انقا على الشام

بس أنا عم احضر بالشام لأنو في شغلات متشابهة على حد علمي

بس لو ممكن تعطونا الكتب المقررة بكون ممنونة.



أسفة عبد اللطيف على المداخلة بس أنا كمان ضايعة....

تهاني,
أهلا فيكي بالنسبة لأصول البحث : Study Skills for Students of English
الإنشاء : First Steps in Academic Writing
الشعر : The Penguin Book of English Verse
القواعد :Fundemental English Grammar
الصوتيات English Phonetics and Phonolgy
الترجمة مافي داعي لكتاب
النثر بعتقد الشيخ والبحر بس مو متأكدة

صح اخت ‏Raghad ‎
النثر The Old Man And The Sea