الحرية!

ما معنى الحرية ؟
أو بالأحرى ما مفهوم الحرية في يومنا هذا !؟


في عصرنا هذا أصبح للحرية معاني كثيره ومعظمها خاطئه !

حرية في الفكر ،
حرية في اللبس ،
حرية في الإختيار ،
حرية في التعبير،
حرية في الدراسة ،
حرية في الحب .............. إلخ ؟!


كل أنواع الحرية هذه صحيحيه وليس بها عيب !
لكن العيب والخطأ الكبير في تعريف هذه المفاهيم .

فالحريه في اللبس ليست ارتداء الملابس التي تخالفها قيم وعادات المجتمعالذي نعيش فيه .........

الحريه في الإختيار ليست اختيار مالا يرضاه أولياء أمورنا ......

الحرية في التعبير ليست طرح أفكار مخالفه للقيم التي عشناها ......

والحرية في الحب هي ليست بالطبع حب أعدائنا وحب طبائعهم وتقليدنا لهم !!!


كل هذه مفاهيم خاطئه جدا لمعاني الحرية المتعدده والمتفرعه وياليتني أعرف المعنى الصحيح لها ،

لأن في يومنا هذا اختلطت كل المعايير والقيم والمفاهيم وما عدت أفهم نفسي أنا ... ؟؟!!!

العقل زينة,
موضوعك رائع جداً بس ما حبيت منك كلمة

معنى الحرية صحيح وواضح..فمن كل عشر خيارات لو استثنيت 3 خطأ واخترت اللي بدي اياه من السبعة الصح فأنا حرة
ولو أخترت احد التلاتة الخطأ...فهي مخالفة وليست حرية
مثالك سليم جداً
مجال اللبس واسع جداً ...بل ومفتوح
ووقت بختار من بين الأشيا اللي ما بتخالف عاداتي وتقاليدي ومجتمعي وديني ..ورح يكون مجال الخيار واسع...فأنا حرة
ووقت بختار ما يخالف فأنا مقيدة "ربما بأفكار الغرب...وذوق العدو و و " بس لا يمكن كون حرة
"وهون الفكرة...أنو البعض بيفهم أنو هون الحرية..بأني يكون مجال الاختيار قدامي مفتوح"

حكيك سليم بس لو كان عنا خيارين وواحد غلط وين الحرية
سؤال تاني غلط بالنسبة لمين مين بحط انو غلط فالخطأوالثواب أمر نسبة صح ؟
طبعا" عم بحكي بالعموم

لأ بس مين الي بحدد انو هاد صح وهاد غلط هاد سؤال كتيير مهم يعني دين بحرم الخمر ودين بحللو طيب مين الصح هون ولاهونيك وقيسي كل شيء على هاد يعني بالمختصر
واكيد انا ما بقصود بالحرية هي الفري حكيي عا شي أكبر
وطيب نحنا لامعتقداتنا ولا عاداتنا وحدة فا مين بدنا تبع
وشكرا" جزيلا" للمرور هبة

العقل زينة, أنا بشوف أنو الصح والغلط مبينين
يعني عم تقلي الخمر دين بحرمو ودين بحللو...ليش اللي بدو يحتار بدو يكون على دينين؟
بيتبع دينو
وإذا عقلية كل مجتمع شكل..فواجب الانسان يتبع مجتمعو

سؤالك من أساسو غلط

[quote="الملاك"]العقل زينة,
[quote]

يعني عم تقلي الخمر دين بحرمو ودين بحللو...ليش اللي بدو يحتار بدو يكون على دينين؟
بيتبع دينو
وإذا عقلية كل مجتمع شكل..فواجب الانسان يتبع مجتمعو

هي مشكلتنا كل واحد بدو يتبع غيرو ومجتمعو وهاد الي خاربنا ليش الواحد مابيتبع عقلو وأخلاقو وتحديدو الخاص للغلط والصح ما بكون أحسن وخلينا نشكل مجتمع قائم على علم الاخلاق مو ركائزو الدين مع احترامي للدين بلكي شوي من حاول نأسس مجتمع بقيم وأسس وحدة مو احسن كل واحد هوي وراصو شو رأيك طيب

الحرية إذا بدنا نحكي ثوب فضفاض كتير و كل واحد بيلبسوا متل بدو
مافيك تمارس حريتك بكامل أبعادها إلا إذا كنت عايش لحالك بالعالم كلو , في كتير شغلات بتقيدحريتك لأنو "تنتهي حريتك عندما تبدأ حرية الآخرين"
يعني الواحد يمارس حريته بما لا يتعارض مع مجتمعه
إذا الواحد بدو يشرب ما حدا بيمنعوا يشرب "مشروب روحي"
بس مافيك تسكر وتروح بالطرقات تزعج البشر
وبالمقابل ما حدا بيقدر يمنعني إذا انا ما إذيت حدا
الفكرة انو الواحد يمارس القدر الأكبر من حريته بم لا يؤذي الآخرين
ويمارس واجباتو و التزاماته على اكمل وجه
عندها بتقدر تقول عن حالك انسان حضاري عم تمارس حريتك شو ماكانت تصرفاتك
"طالما ما عم تزعج حدا" ولا شو رأيك؟
"العقل زينة"

ومتل مابيقول زياد:"كل مابتسأني كيفك؟بتذكر أني مش منيح....طيب مابلا هالسؤال ياعمي "
يعني كل واحد يضبط تصرفاته ولا يقعد يراقب الناس ويدحش حالو بامورهن الشخصية و "حريتهن" منعيش كلنا مرتاحين

أكيد أبو اليوس انو حريتك بتنتهي عندما تبدأ حرية الاخرون انا معك بهل الفكرة مية بالمية

العقل زينة, عفوا" منك أخي الكريم بس على ما أعتقد أنو الموضوع صار في توجه ديني مختلف عن الآخر هاد اللي فهمتو بقصدك انو دين بحرم ودين بحلل .. أكيد نحنا ما رح نفتح نقاش ديني بالموضوع ولكن بشكل عام الشخص بيمشي حسب الدين الصح يعني نحنا بالإسلام عنا انو الخمر محرم طبعا" والسبب واضح وهو وجود هذا الشيء في القرآن الكريم في شي عنا اسمو مبادئ وقيم والدين المتأصل يعني بغض النظر عن الدين لأي شخص ما فينو كل شخص يحدد انو الصح وأنو الغلط يعني بيجوز هالشي عندي انا لحالي صح وعند الباقي أكبر غلط يعني قصدي القصة ما بتنقاس حسب انا شو بدي ولا حسب الناس شو بدها لأنو اذا كل شخص مشي على هالأساس كانت الدنيا شبه مقلوبة