| آرتين لتعليم اللغات https://forum.art-en.com/ |
|
| مرحبا اداب ممكن حدا يرد عليي https://forum.art-en.com/viewtopic.php?t=13025 |
صفحة 1 من 2 |
| الكاتب: | Naroshka [ السبت نوفمبر 01, 2008 5:55 pm ] |
| عنوان المشاركة: | مرحبا اداب ممكن حدا يرد عليي |
مرحبا كيفكن انا طالة سنة رابعة ومغتربة بنزل بس بوقت الامتحان حابة اعرف مين الدكاترة المقررين ع السنة الرابعة وياريت تفهموني هل صار في مادة جديدة اسمها الاتجاهات النقدية الجديدة بالفصل التاني ياريت تردوا عليي والله كتير فرحت على هلموقع لانه خاص فينا يعني نفش قلبنا وحدا حاسس فينا واكن كل الشكر 
|
|
| الكاتب: | Naroshka [ السبت نوفمبر 01, 2008 6:52 pm ] |
| عنوان المشاركة: | مرحبا اداب ممكن حدا يرد عليي |
الف شكر الك كندا وعذريني على عذابك معي بس والله تشتت عقلي لانو كل واحد بيحكي شي وانا متل ما ذكرت برا البلد وضايعة وهي الجدول نسخته متلما هوي من قسم مواداللغةالانكليزية الفصل الأول الفصل الثاني علم اللغة التطبيقي علم اللغة التطبيقي والمعلوماتية الأدب الكلاسيكي القديم المسرح في العصر الحديث النثر في العصر الحديث الأدب العالمي الشعر في العصر الحديث الأدب الأمريكي (النثر) النقد الأدبي (2) الأدب المقارن (1) الترجمة (6) الأدب المقارن(2) الاتجاهات النقدية الحديثة وانا بعرف مقارن1 بالفصل الاول بيكون؟؟؟ وسمعت كمان انه استلم النقد دكتور جديد اسمه مؤيد يمكن من بيت حجو وشكرا لتعاونكم معنا معليش تحملوني شوي انا جديدة هون والله يجزيه الخيرو كل الخير يلي عمل هالموقع |
|
| الكاتب: | MBDFA [ السبت نوفمبر 01, 2008 7:41 pm ] |
| عنوان المشاركة: | مرحبا اداب ممكن حدا يرد عليي |
اهلا وسهلا فيكي اولا كل المواد اللي حكيتيها صحيحة وموزعة كالتالي: فصل اول: علم لغة1 مقارن1 نقد2 كلاسيكي النثر الشعر فصل تاني: امريكي طرائق التدريس[علم لغة] مسرح مقارن 2 ترجمة و عالمي اما اتجاهات نقدية حديثة فمانا موجودة منين جايبتيها؟ و بجوز قاصدين فيها العالمي نفسو على كل راح استفسرلك بالجامعة وردلك خبر باقرب وقت اما النقد ف للدكتور محمد العلي اللي كامش كل النقد اما د.مؤيد عم يدرس الشعر بدل من د.مروة سابقا هاي كل الاخبار الحالية وبفيدك بكل جديد اول باول ان شاء الله
|
|
| الكاتب: | Naroshka [ السبت نوفمبر 01, 2008 7:54 pm ] |
| عنوان المشاركة: | مرحبا اداب ممكن حدا يرد عليي |
كل الشكر الك اخي الكريم ريحتني الله يريح بالك بس كمان طلب لو سمحت انا جديدة كتير هون اليوم عملت تسجيل يعني تازا كيف بقدر احصل على المحاضرات هون باي قسم؟؟يعني بدي اعرف المحاضرات يلي نزلت لحد هلاء ولك جزيل الشكر |
|
| الكاتب: | عصام [ السبت نوفمبر 01, 2008 10:08 pm ] |
| عنوان المشاركة: | مرحبا اداب ممكن حدا يرد عليي |
Naroshka, انك تاخدي المحاضرات من هون فهي صعبة  في مكتبات مختصة بيبعتو للطلاب عالايميل المحاضرات وبيكونو متفقين عليها اما هون بنقدر نساعدك انو مثلا كل مادة شو صرنا اخدين فيها شو قال الدكتور نركز عليه شو هن الوحدات المطلوبة وقت بيحددهن الدكتور وهيك شغلات موفقة يارب ووقت بتعتازي اي شي بنساعدك انشالله |
|
| الكاتب: | Naroshka [ الأحد نوفمبر 02, 2008 8:33 am ] |
| عنوان المشاركة: | مرحبا اداب ممكن حدا يرد عليي |
شكرا الك اخ عصام ولكل يلي عم يرد عليي ويساعدني لانو مافي اصعب من الواحد يكون غايب كذاشهر وينزل فجاة يلاقي كم هائل من المحاضرات عم تستناه يعني مو قصدي المحاضرات متل ماهيي يعني متلما قلت يلي قال عنه الدكتور والمقررات لكل مادة بس مشان رتب اموري وحاول اقرا شوي لو رؤوس اقلام عن كل مادة وياريت اعرفها ووين بلاقي هالشي وشكراكتيييييييررررررررر
|
|
| الكاتب: | MBDFA [ الأحد نوفمبر 02, 2008 8:40 pm ] |
| عنوان المشاركة: | مرحبا اداب ممكن حدا يرد عليي |
على كل انا راح اعطيكي موقع مكتبة وضاح اللي عم ينزل المحاضرات اللي عم تنعطى بالكلية وانتي اساليهم يمكن يساعدوكي بشغلة المحاضرات اكتر مني اما بالنسبة لاي شي اخر فانا جاهز للمساعدة باذن الله الموقع/waddahbs.com |
|
| الكاتب: | Naroshka [ الاثنين نوفمبر 03, 2008 1:22 am ] |
| عنوان المشاركة: | مرحبا اداب ممكن حدا يرد عليي |
شكرا كتير الك اخي الكريم ..؟بس ماعرفت الفظ اسمك او بالاحرى احرف اسمك  يعني اي شي غير المحاضرات الكاملة لاني بس انزل رح جيبهم بس اعرف لو رؤوس اقلام ولكم جزيل الشكر
|
|
| الكاتب: | اللؤلؤة [ الاثنين نوفمبر 03, 2008 1:07 pm ] |
| عنوان المشاركة: | مرحبا اداب ممكن حدا يرد عليي |
MBDFA, اقتباس:
اما اتجاهات نقدية حديثة فمانا موجودة منين جايبتيها؟
بتقصد أسماء المدارس النقدية اللي رح يدرسها الدكتور محمد العلي بمادة النقد الأدبي واللي منها المدرسة الشكلية ..Naroshka, عندك مادة الأدب الكلاسيكي فيها حاليا عملين الاليادة و الملك أوديب الاليادة عمل جداااااااااااااااا ضخم حتى انه طلاب الماجستير عم يعملوا رسالتن على هالعمل ... أفكاره واضحة وقليلة بس الشي الوحيد الصعب هوي انه أسماء الشخصيات كتيييرة فيه وبالأخص أسماء الألهة (أستغفر الله العظيم) أما الملك أوديب هوي عمل صغير من حيث الشكل بس بالوقت نفسه كبير من حيث المضمون أفكاره جداا هامة وما فيه أفكار ثانوية أبدا وهادا الشي اللي بيميزه عن باقي الأعمال الأدبية .. وبالنسبة إلي شخصيا هوي أكتر عمل أدبي حبيته من كلشي قريته بحياتي ... وبكاني كتيير . علم اللغة التطبيقي اسم الكتاب linguistics for students of literature ولحد هلق صارت عاطية من صفحة 4 حتى 68 وكلها معلومات قديمة وسهلة كتير ما في أي شيء جديد فيها . أما بالنسبة للنثر عندك روايتين قلب الظلام ونساء في الحب .. قلب الظلام في إلها فيلم كتيير حلو وبيسهل عليكي بعض فهم الرواية لأنها متشابكة جدااا بس هادا ما بيعني إنها صعبة بالعكس سهلة بس فيها كتييير مواضيع وبدها وقت طويل ... بس في شغلة بالنسبة للفيلم انه النهاية فقط مختلفة بجزء زغير منها عن النهاية الحقيقية للرواية . بس بشكل عام جيدة وانا شفتها .. أما بالنسبة لنساء في الحب هيي كمان رواية ضخمة والأفضل تقرأيها بالعربي لحتى تفهمي الأحداث كتييير منيح لأنه أحداثها كتيرة . أما بالنسبة للنقد هالمادة على قد ما انها سهلة صارت صعبة  أكيد ما فهمتي ... بقصد المادة سهلة من حيث المدرسة النقدية و مؤسسيها و أنصارها ومبادئها واتجاهاتها ... بس بنفس الوقت تحتاج لدقة للتميز بين الأشياء اللي بتأيدها مدرسة معينة وبين الأشياء اللي بتعارضها ... لأنه المادة مئتمتة والاختيارات بالامتحان جداا دقيقة . اما بالنسبة للمقارن اسم الكتاب comparative literature ما عندي معلومات كتييرة عنها لأني طالعت المادة من أول دورة ونسيانتها هلق ببقى بخبرك عنها مرة تانية .. أما الشعر كمان ما بقدر فيدك بشيء لأنه كمان طالعت المادة من زمان وكمان لأنه كانت تعطينا اياها الدكتورة مروى الله يذكرها بالخير ويعافيها . بتمنى صديقتي العزيزة كون فدتك ولو بشي بسيط .. نصيحة مني إلك لوجه الله تعالى ... أوعى تقري شي من المحاضرات الجاهزة صدقيني المواد سهلة والكتاب اللي بين ايديك (المقرر) بيكفي وبيزيد والمحاضرات الجاهزة ما بتفيدك بالعكس بتضرك بتضيعك . لأنه اتأكدت بنفسي انه الكلام اللي بالمحاضرات كلا قطع بت 60% منها مذكور فيها الأشياء الغير مهمة اللي قالها الدكتور بالمحاضرة و الأشياء المهمة غير مذكورة ... مشان هيك اعتمدي على الكتاب ولا شيء غير الكتاب . والنصيحة كانت بجمل .
|
|
| الكاتب: | اللؤلؤة [ الاثنين نوفمبر 03, 2008 1:09 pm ] |
| عنوان المشاركة: | مرحبا اداب ممكن حدا يرد عليي |
MBDFA, اقتباس:
اما اتجاهات نقدية حديثة فمانا موجودة منين جايبتيها؟
بتقصد أسماء المدارس النقدية اللي رح يدرسها الدكتور محمد العلي بمادة النقد الأدبي واللي منها المدرسة الشكلية ..Naroshka, عندك مادة الأدب الكلاسيكي فيها حاليا عملين الاليادة و الملك أوديب الاليادة عمل جداااااااااااااااا ضخم حتى انه طلاب الماجستير عم يعملوا رسالتن على هالعمل ... أفكاره واضحة وقليلة بس الشي الوحيد الصعب هوي انه أسماء الشخصيات كتيييرة فيه وبالأخص أسماء الألهة (أستغفر الله العظيم) أما الملك أوديب هوي عمل صغير من حيث الشكل بس بالوقت نفسه كبير من حيث المضمون أفكاره جداا هامة وما فيه أفكار ثانوية أبدا وهادا الشي اللي بيميزه عن باقي الأعمال الأدبية .. وبالنسبة إلي شخصيا هوي أكتر عمل أدبي حبيته من كلشي قريته بحياتي ... وبكاني كتيير . علم اللغة التطبيقي اسم الكتاب linguistics for students of literature ولحد هلق صارت عاطية من صفحة 4 حتى 68 وكلها معلومات قديمة وسهلة كتير ما في أي شيء جديد فيها . أما بالنسبة للنثر عندك روايتين قلب الظلام ونساء في الحب .. قلب الظلام في إلها فيلم كتيير حلو وبيسهل عليكي بعض فهم الرواية لأنها متشابكة جدااا بس هادا ما بيعني إنها صعبة بالعكس سهلة بس فيها كتييير مواضيع وبدها وقت طويل ... بس في شغلة بالنسبة للفيلم انه النهاية فقط مختلفة بجزء زغير منها عن النهاية الحقيقية للرواية . بس بشكل عام جيدة وانا شفتها .. أما بالنسبة لنساء في الحب هيي كمان رواية ضخمة والأفضل تقرأيها بالعربي لحتى تفهمي الأحداث كتييير منيح لأنه أحداثها كتيرة . أما بالنسبة للنقد هالمادة على قد ما انها سهلة صارت صعبة أكيد ما فهمتي ... بقصد المادة سهلة من حيث المدرسة النقدية و مؤسسيها و أنصارها ومبادئها واتجاهاتها ... بس بنفس الوقت تحتاج لدقة للتميز بين الأشياء اللي بتأيدها مدرسة معينة وبين الأشياء اللي بتعارضها ... لأنه المادة مئتمتة والاختيارات بالامتحان جداا دقيقة . اما بالنسبة للمقارن اسم الكتاب comparative literature ما عندي معلومات كتييرة عنها لأني طالعت المادة من أول دورة ونسيانتها هلق ببقى بخبرك عنها مرة تانية .. أما الشعر كمان ما بقدر فيدك بشيء لأنه كمان طالعت المادة من زمان وكمان لأنه كانت تعطينا اياها الدكتورة مروى الله يذكرها بالخير ويعافيها . بتمنى صديقتي العزيزة كون فدتك ولو بشي بسيط .. نصيحة مني إلك لوجه الله تعالى ... أوعى تقري شي من المحاضرات الجاهزة صدقيني المواد سهلة والكتاب اللي بين ايديك (المقرر) بيكفي وبيزيد والمحاضرات الجاهزة ما بتفيدك بالعكس بتضرك بتضيعك . لأنه اتأكدت بنفسي انه الكلام اللي بالمحاضرات كلا قطع بت 60% منها مذكور فيها الأشياء الغير مهمة اللي قالها الدكتور بالمحاضرة و الأشياء المهمة غير مذكورة ... مشان هيك اعتمدي على الكتاب ولا شيء غير الكتاب . والنصيحة كانت بجمل .
|
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|